Zhan 12:8 - Ɛmɛẅi ankà ankrànkràn 2003

⁸ Nyɛ lɛ ẅɛn ɛmian-bɔ̀ ke le dú nyɛ̀n ɛmɛ̀n ɛnvra lɔ fɛn, tɛ́n mɛ tɛn, mɛ́n sɩ̀ dú nyɛ̀n ɛmɛ̀n ɛnvra lɔ fɛn.”

Zhan 12:8 Iomraidhean Croise

Matie 26:11

Ɔmuhi nyɛ lɛ cɔ́ ɛnvra lɔ fɛn ɛmian-bɔ̀; tɛ́n mɛ tɛn, nyɛ́n sɩ̀ cɔ́ mɛ̀n ɛnvra lɔ fɛn nyɛ́n mɛhi bɔ̀ dù.

Markɛ̀n 14:7

Ɔmuhi ɛnvra lɔ fɛn nyɛ lɛ cɔ́ ɛmian-bɔ̀, ô nyɛ́n hán yɔ anvrɛn ɛnvra totɔtɔ̀n léyi nye ji nɔn; mɛ tɛn, mɛ́n sɩ̀ dú nyɛ̀n ɛmɛ̀n ɛnvra lɔ fɛn.

Zhan 12:35

Zhezü kɛ dɔ́ yɔ le: “Ɛyri-kàn vru dú nyɛ̀n ɛmɛ̀n, tɛ́n ne le dú ɛnvra cá mɛ̀n. Nyɛ́n nán esù, ɛnvra ɔmu lɔ, hɩ nyɛ́n dú ɛyri-kán mɛ̀n nɔn, ô ɛyri yɔwɔ ke bɩ́ ẅɛn nyɛ̀n nmù, ɔmuhi ɔwrɔn léyi kɛ nán esù ɛyri yɔwɔ mɛ̀n nɔn, nɛ́n sɩ́ nyri ɛyrí léyi nɛ hɔ̀n nɔn.

Zhan 13:33

M'ɛẅì hɔ̀n, mɛ̀n dú nyɛ̀n ɛmɛ̀n ɛnvra cá mɛ̀n tɛ̀kɩ. Nyɛ́n le ji mɛ̀n, tɛ́n mɛ dɔ́ nyɛ̀n zɛtɛ̀ lɔ ankà léyi mɛ̀n dɔ́ Zhüifɛ̀n-bɔ̀ nɔn: nyɛ́n sɩ̀ hɔ́n ɛyri léyi mɛ hɔ̀n nɔn rɔ́.

Zhan 8:21

Zhezü vru kɛ dɔ́ yɔ le: “Mɛ lɛ hɔ̀n kɩ nye le ji mɛ̀n, tɛ́n nye le wú ny'ɛgbàn lɔ mɛ̀n. Nye sɩ̀ hɔ́n ɛyri léyi mɛ hɔ̀n nɔn rɔ́.”