Zhan 12:5 - Ɛmɛẅi ankà ankrànkràn 2003

⁵ “Cɛci kruhú kɛ ye sɩ̀ hɛ̀ ɛnshi-bán ndɔ lɔ angbɛ́n ɛkoẅi-ɛvà-ɛnrì, ô ye bɩ́ ɔkùa lɔ yɛ tán ɛmian-bɔ̀a?”

Zhan 12:5 Iomraidhean Croise

Matie 18:28

Eci-bɩtan-wrɔn lɔ srɔ ɛntrɛ, kɩ kán nɛ́n nyran tɔ̀n léyi yi mɛhi yɔ hán ɔkɔ̀hɔ̀n ɛyri zri, hɩ ẅɛn nɛ̀n ɔwɔɛ̀n ɔkùa ɛkoẅi-ɛnrì nɔn. Nɛ̀n ẅɛn yi esùvamɛ̀n nɛ borɛ ecüìemɛ̀n kɩ nɛ dɔ̀ le: ‘È di ɔwɔɛ̀n léyi ɛ̀ ẅɛn mɛ̀n nɔn!’

Matie 20:2

Yɔ mɛhi ɔmùan krɔn yɔ ɔwɔɛ̀n-diemɛ̀n, dɔlà kɔ̀prɛ̀ zri ɛnbì zri, kɩ nɛ̀n hán yɔ, yɔ hɔ́n ankɛ̀tɛmɛ̀n ɔkɔ̀hɔ̀n-hán-yri.

Lükɛ̀n 12:33

Nyɛ́n hɛ́ ny'ɛci hɔ̀n lɔ, ô nyɛ́n bɩ́ ɔkùa lɔ nyɛ́n ce ɛmian-bɔ̀. Nyɛ́n ji angbɛ́n léyi ke sɩ́ kua nɔn, ô nyɛ́n ji anhobɩ́ nɛ̀ncüì-dì léyi ke sɩ́ zrɛ́n mrìmrì: hɩ ɛci yerɛ-bɔ̀, mán anbɔ̀bɔ mɛhi, ke sɩ̀ cɔ́ y'ɛjrɛ́-yri nɔn.

Lükɛ̀n 18:22

Ɛnvra léyi Zhezü yá n'ankà lɔ nɔn, nɛ dɔ́ yi le: “Vru wɔrɔ mɛ́n eci zri. Ɛ̀ hɛ́ ɛci lɔ fɛn léyi ɛ ẅɛ̀n nɔn, ô è bɩ́ ɔkùa lɔ fɛn è ce ɛmian-bɔ̀; zɛtɛn ɛ lɛ cɔ́ anhobɩ́ nɛ́ncüì-di-ci ô zɛtɛn, ɛ̀ và, ô ɛ̀ kɛ́n mɛ̀n ɛsɛ̀n.”

Lükɛ̀n 6:41

Cɛci kruhú kɛ ɛ nyan ankɔ̀hɔ-ẅie léyi dú ɛnyran ɛvɛ̀-ẅiemɛ̀n, kɩ e sɩ́ kán ɛtɛ̀ mù léyi dú v'ɛvɛ̀ lɔ mɛ̀n nɛ́n?

Zhan 12:4

Zhezü sɛnkɛn-bɔ̀ lɔ ɔtɔ̀n, Zhüda Iskariɔtɛ̀n, nɛ́n de nɛ lɛ hɛ́ Zhezü nɔn; zɛtɛn nɛ dɔ̀ le:

Zhan 12:6

Kè sɩ̀ dù ɛmian-bɔ̀ kruhú de nɛ dɔ́ ankà ndɔ lɔ nɔn, tɛ́n ɔmuhi nɛ̀n dú ɛci-yerɛ-wrɔn nɔn; ɔkùa léyi yɛ tán nɛ̀n nɛ̀n hɛ́n nɔn, ne bɩ́ srɔ nɛ tɛn.

Zhan 13:29

Ɔmuhi Zhüda kɛ hɛ́n ɔkùa nɔn, anwrɔn bobrebe tro le Zhezü kɛ dɔ́ nɛ̀n, nɛ̀n hɔ̀n nɛ̀n wɔ́ ɔkoran-ci léyi ke ji nɔn kɩ. Ndɔ hɔ̀n tro le nɛ dɔ́ yi kɛ̀ hɔ̀n kɛ̀ tán ɛmian-bɔ̀ ɛci.

Zhan 6:7

Filipɛ̀n mrɛ́n nɛ̀n ɔmùan le: “Ke dú kɛ bɔ̀ ẅɛn kɔprɛ̀ ɛkoẅi-ɛvà mán, bɔ́ sɩ̀ wɔ́ ɛci kɛ̀ cɔ́ anwrɔn lɔ fɛn rɔ́.”