Zhan 12:2 - Ɛmɛẅi ankà ankrànkràn 2003

² Nanvrɛn lɔ yɛ tán nɛ̀n ɛci, kɩ Martɛ̀n de kɛ nyan ɛci-zî ankà lɔ nɔn. Lazarɛ̀n mán dú yɔ mɛ̀n tɛbrɛ̀ wú ɛci-zîemɛ̀n yɔ mán Zhezü mɛhi.

Zhan 12:2 Iomraidhean Croise

Matie 26:6

Zhezü dú Betani anmàn, kokove-wrɔn Simɔn nanvrɛn ɛbemɛ̀n.

Markɛ̀n 14:3

Zhezü dú Betani anmàn, Simɔn, kokove-wrɔn nanvrɛn ɛbemɛ̀n; ɛnvra léyi nɛ̀n yɛ́ nɛ vá ɛci-zî-yri nɔn, ɛnnyɔnwrɔn tɔ̀n bru anwɔn mɛ̀n; anhàn shishi shi-bán dú nɛ̀n antamɛ̀n. Kɩ nɛ̀n vɔ́n ɛnshi-bán lɔ ɔmùan nɛ̀n ku Zhezü ɛnkruemɛ̀n.

Lükɛ̀n 12:37

Ɛnbɔrɛbru dú eci-bɩ̀tan-bɔ̀ léyi, Ankà-yé-wrɔn vru vá mɛ̀n lɔ, ɛvɛ̀ ke le kprì! Mɛ dɔ́ nyɛ̀n annànwɔrɛ mɛ̀n le: Nɛ lɛ nyɔn nɛ́n pɛtɛ̀n ɛẅìe, nɛ lɛ hán yɔ, yɔ yɛ́, kɩ nɛ lɛ tán yɔ ɛci yɔ zî.

Lükɛ̀n 14:12

Zɛtɛn Zhezü kɛ dɔ́ ɔwrɔn léyi bi nɛ̀n ɛci nɔn le: “Ɛnvra léyi e bi anwrɔn ɛci, e bɩ́ bi, ɛnyrán hɔ̀n mán ɔmuan-ẅì hɔ̀n, mán v'ɛmɛ̀n bɔ̀, mán anwrɔn hɔ̀n léyi dú mɛ́n ɛtɛsɛ̀n, hɩ di ɛnnɛ̀ncüì nɔn; ɔmuhi, yɔ mán ye le bi mɛ́n ɛci, kɩ ɛci léyi è bi yɔ nɔn, ye le di mɛ́n yi wɔɛ̀n.

Lükɛ̀n 22:27

Kɛ̂, antɔn de ẅɛn vɔ̀nshɛ́, nɛ́n léyi nɛ̀n yɛ́ tɛbrɛ̀ wúɛ, kale nɛ́n léyi, nɛ̀n dú eci-bɩ̀tan-wrɔn nɛ́n? Ɔwrɔn léyi yɛ́ tɛbrɛ̀ wú nɔn kè sɩ̀ dù hiɛ. Zɛtɛn mɛ tɛn, mɛ̀n dú nyɛ̀n ɛmɛ̀n hán le eci-bɩtan-wrɔn hɔ́!

Lükɛ̀n 5:29

Zɛtɛn Levi bi Zhezü ɛci-zî vriemɛ̀n n'eyri ebemɛ̀n; anmàn-wɔɛ̀n-yrɛ-bɔ̀ bobrebe mán anwrɔn nyantɛn mɛhi, yɔ yɛ́ ɛci-zî tɛbrɛ̀ wúɛ.

Ɔwɔ-mɛ̀n-yrikàn 3:20

È die nukùɛ, mɛ̀n nyɔn angbàtà mùan kɩ mɛ gɔ́n esù ɛkɔrɛ̀; ke dú kɛ ɔwrɔn tɔ̀n kɛ yá m'esùva kɩ ke srú esù, me le bru nɛ̀n ɛbemɛ̀n kɩ nɛ́n mán mɛ̀n mɛhi bo le zî ɛci zri.