Zhan 12:16 - Ɛmɛẅi ankà ankrànkràn 2003

¹⁶ Zhezü sɛnkɛn-bɔ̀ lɔ ke sɩ́ nyrí eci léyi kɛ wɔɛ̀n nɔn hɩ mɛ̀n; tɛ́n ɛnvra léyi ye sɩ́ Zhezü ɛwú ɛci-zrɔ mɛ̀n nɔn, bru yɔ le Owrú Prɔnprɔn dɔ́ ankà ndɔ lɔ n'ɛwú, kɩ ankà léyi yɛ dɔ́ n'ɛwú nɔn sá nmù.

Zhan 12:16 Iomraidhean Croise

Markɛ̀n 16:19

Ɛnvra léyi nɛ̀n dɔ́ n'ɛsɛ̀nkɛn-bɔ̀ ankà trɔ nɔn, Ɛẅɛnwrɔn Ɔwɔ hán Zhezü tú hɔ́n anhobɩ́, kɩ Zhezü yɛ́ nɛ̀n ezì-kɔrɛ̀a.

Markɛ̀n 9:32

Tɛ́n Zhezü sɛ̀nkɛn-bɔ̀ ke sɩ́ nyri ankà ndɔ lɔ n'ɛmɛ̀n; ɛnjansù kɛ ẅɛn yɔ; kɩ yɔ sɩ́ ji yɔ yrɛ nɛ̀n ankà.

Lükɛ̀n 18:34

Tɛ́n Zhezü sɛnkɛn-bɔ̀ lɔ ke sɩ́ yá ankà léyi nɛ dɔ̀ nɔn hɩ mɛ̀n; ankà-dɔ̀ ndɔ hɔ̀n lɔ fɛn dú cá ankà-bán-ankà, kɩ yɔ sɩ́ cɔ́ nyri ankà léyi Zhezü kɛ dɔ̀ nɔn.

Lükɛ̀n 24:25

Zɛtɛn Zhezü kɛ dɔ́ yɔ le: “Ɛkruemɛ̀n-woro-bɔ̀, ny'ankaẅɩ̀-bùtan sùnàn kɛ moɛ́n Ɔwɔ-mùanwú-ankà-dɔ́-bɔ̀ tɛsɛ̀n!

Lükɛ̀n 24:45

Zɛtɛn nɛ̀n vuru yɔ ɛnkruemɛ̀n, ô yɔ yá Ɛwrú Prɔnprɔn mɛ̀n ankà,

Lükɛ̀n 9:45

Tɛ́n yɔ sɩ́ yá ankà-dɔ̀ ndɔ lɔ n'ɛmɛ̀n: ankà-dɔ̀ lɔ dú ɛbán mɛ̀n tán yɔ, ô ye bɩ́ cɔ́ n'ɛyá-yri, kɩ ɛnjansù kɛ ẅɛn yɔ, yɔ sɩ́ ji yɔ yrɛ Zhezü ankà-bán-ankà ndɔ lɔ n'ɛmɛ̀n.

Zhan 12:23

Zhezü mrɛ́n yɔ ɔmùan le: “Zɛtɛ̀ lɔ ɛnvra cɔ̀a; ɔwrɔnẅì Ẅì ke le bru n'eci-zrɔ lɔ mɛ̀n.

Zhan 14:26

Ɔwrɔn léyi kɛ lɛ wá nyɛ̀n ɛkɔrɛ̀, Ɛnhɛ́n Prɔnprɔn léyi Dade ke le yüre m'ebɩ́mɛ̀n nɔn, ke le yé nyɛ̀n eci lɔ fɛn, kɩ ke le kore nyɛ̀n ankà lɔ fɛn léyi mɛ̀n dɔ́ nyɛ̀n nɔn.”

Zhan 16:4

Tɛ́n mɛ dɔ́ nyɛ̀n ankà ndɔ lɔ, ô ɛnvra léyi ɛnbì lɔ kɛ lɛ cɔ̀, ô yɔ hán eci ɔmu lɔ nɔn, ke bru nyɛ̀n le mɛ̀n dɔ́ nyɛ̀n ankà lɔ.” “Ɛnkrubɔmɛ̀n lɔ, mɛ̀n sɩ̀ dɔ́ nyɛ̀n ankà ndɔ lɔ, ɔmuhi mɛ̀n dú nyɛ̀n ɛmɛ̀n nɔn.

Zhan 17:5

Zɛtɛ̀n zɛtɛ̀ lɔ, Dade, tán mɛ̀n v'ezìwú eci-zrɔ léyi mɛ̀n ẅɛn v'ɛtɛsɛ̀n ɛnvra léyi ɛnhibù kɛ vá dù nɔn.

Zhan 2:22

Ɛnvra léyi Zhezü dú owúemɛ̀n frɔ́ nɔn, bru n'ɛsɛ̀nkɛn-bɔ̀ le Zhezü dɔ́ ankà ndɔ lɔ; kɩ yɔ bú Owrú Prɔnprɔn mán Zhezü ankà tán ankaẅì.

Zhan 7:39

Zhezü kɛ dɔ́ Ɛnhɛ́n Prɔnprɔn léyi, anwrɔn hɔ̀n léyi ke bú n'ankà kɛ tán ankaẅì kɛ lɛ cɔ̀ nɔn yi ankà. Hɩ vra lɔ mɛ̀n, Ɛnhɛ́n Prɔnprɔn kɛ vá và, ɔmuhi Zhezü kɛ vá bru n'eci-zrɔ lɔ mɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:33

Ye sɩ́ nɛ̀n ɛwú, nɛ̀n yɛ́ Ɔwɔ zì-kɔrɛ̀ kɔrɛ̀a, kɩ nɛ̀n cɔ́ Ɔwɔ tamɛ̀n Ɛnhɛ́n Prɔnprɔn léyi yɛ wá ɔmùan nɔn; nɛ́n bonyi Ɛnhɛ́n Prɔnprɔn ndɔ lɔ bɔ́ ɛwú, kɩ hɩ de dú eci léyi nyɛ kàn kɩ nyɛ yá zɛtɛ̀ lɔ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:36

Ke ji le Izraɛlɛ̀n fɛcüè lɔ fɛn kè nyri annanwɔrɛ mɛ̀n le: Zhezü ndɔ léyi nyɛ́n gɔ̀n brɛ́ ɛgbàn-hán-tɛ̀ domɛ̀n nɔn, nɛ́n de Ɔwɔ srɔ nɛ̀n Ɛẅɛnwrɔn mán Ebɩ̀die-wrɔn nɔn!”

Ɔkɔ̀hɔ̀n-wá-bɔ̀ kɔ̀hɔ̀n hán 3:13

Abrahamɛ̀n, Izaakɛ̀n, Zhakɔbɛ̀n mán bɔ́ nancüì hɔ̀n Wɔ, yé n'eci-bɩtan-wrɔn Zhezü ci-zrɔ lɔ. Nyɛ́n dùku, nyɛ́n bɩ́ nɛ̀n nyɛ́n tán ɛyri-ẅɛn-bɔ̀, kɩ nyɛ́n kɔ́n nɛ̀n nyɛ́n ze Pilatɛ̀n zìwú, tɛ́n Pilatɛ̀n wá kè teze nɛ̀n.

Ebre-bɔ̀ 12:2

Bɔ̀ crɛ anvɛ̀ bɔ̀ kɛ́n Zhezü, nɛ́n léyi b'ankaẅìbùtan kɛ crɛ nyan nɛ̀n, ɛnkrubɔmɛ̀n hàn mán ɔtrɔmɛ̀n nɔn. Nɛ́n shrì nɛ̀n wú ɛgbàn-hán-tɛ̀ wú, kɩ anvɛvrà wù ndɔ lɔ, nɛ̀n sɩ̀ mrɛ̀n yi ankà zriɛmɛ́n, ɔmuhi nɛ̀n kán pɔpüɛ̀ léyi yɛ wá yɛ hɛ́n nɛ̀n hàn nɔn; kɩ zɛtɛ̀ lɔ nɛ̀n yɛ́ Ɔwɔ-gbútòbù lɔ n'ezìkɔrɛ̀ kɔrɛ̀a.

Ebre-bɔ̀ 8:1

Nyàn ankà krugbɔ́ léyi bɔ́ ẅɛ̀n bɔ lɛ dɔ̀ nɔn: Ɔwɔ cice-wrɔn cüìcüì tɔ̀n ɔmu lɔ de bɔ́ ẅɛ̀n, nɛ́n léyi nɛ̀n yɛ́ anhobɩ́ ɛkɔrɛ̀srɔn-vri-Wɔ gbú-tobù zì-kɔrɛ̀a nɔn.