Zhan 12:1 - Ɛmɛẅi ankà ankrànkràn 2003

¹ Rɔ́ ɛbi-ɛwole yɛ lɛ nyanmán abutùkumɛ́n-kɔ́ koran bì lɔ, kɩ Zhezü hɔ́n Betani anmàn, ɛyri léyi Lazarɛ̀n ndù; Lazarɛ̀n dú ɔwrɔn léyi nɛ̀n frɔ́ nɔn.

Zhan 12:1 Iomraidhean Croise

Matie 21:17

Zɛtɛn nɛ̀n teze yɔ kɩ nɛ̀n srɔ ɛntrɛ, nɛ̀n hɔ́n Betani, nanvrɛn de nɛ̀n dɛ́ nɔn.

Markɛ̀n 11:11

Zhezü bru Zherüzalɛmɛ̀n kɩ hɔ́n Ɔwɔ-cice-wɔn lɔ mɛ̀n. Ɛnvra léyi nɛ̀n nyan ɛci hɔ̀n lɔ fɛn léyi gbrɛnkɛn nɛ̀n ɔmùan nɔn, nɛ́n mán n'ɛsɛ̀nkɛn-bɔ̀ ɛvà-anhyrɛ̀ hɔ̀n lɔ mɛhi yɔ hɔ́n Betani anmàn, ɔmuhi ɛnvra mán bru ɛmɛ̀n nɔn.

Lükɛ̀n 24:50

Zɛtɛn, Zhezü bɩ́ yɔ hɔ́n anmàn mɛẅi, Betani tɛsɛ̀n, kɩ nanvrɛn lɔ, nɛ̀n sɩ́ ankɔrɛ̀ ɛwú, nɛ̀n fú yɔ ɛnshi.

Lükɛ̀n 7:37

Anmàn lɔ, ebɩ́dì-gbangbàn nyɔnwrɔn tɔ̀n dú nanvrɛn. Ɛnvra léyi, ɛnnyɔnwrɔn lɔ yá le, Zhezü dú ɛci-zîemɛ̀n Simɔn nanvrɛn ɛbemɛ̀n nɔn, nɛ̀n bɩ́ anhàn shishi shibán,

Zhan 11:1

Ɔwrɔn tɔ̀n ye bi nɛ̀n Lazarɛ̀n, bore ɛnlɔẅiɛ mɛ̀n. Nɛ̀n dú Betani anmàn wrɔn, anmàn léyi Mari mán nɛ́n muan-ẅì ɛnnyɔnwrɔn Martɛ̀n mɛhi ndù nɔn.

Zhan 11:43

Ɛnvra léyi nɛ̀n dɔ́ ankà ndɔ hɔ̀n lɔ trɔ nɔn, nɛ̀n dí nkù esùva cüìcüemɛ̀n le: “Lazarɛ̀n dù nanvrɛn srɔ ɛntrɛ!”

Zhan 11:44

Owú-wrɔn lɔ srɔ ɛntrɛ, annan mán ankɔrɛ̀ dú anhɛ́ mɛ̀n, eci vá nɛ̀n ezì. Zhezü kɛ dɔ́ yɔ le: “Nyɛ́n gbɔrɔ nɛ̀n anhɛ́, ô nyɛ́n teze nɛ̀n, nɛ̀n hɔ̀n.”

Zhan 11:55

Zhüifɛ̀n-bɔ̀ koran bì léyi ye bi abutùkumɛn-kɔ́ nyanmán-bì nɔn, kɛ́n eburi, kɩ anmàn-hi wú anwrɔn bobrebe kɛ hɔ́n Zherüzalɛmɛ̀n ke fi y'edomɛ̀n yakɛ ɔkoran bì kɛ̀ cɔ̀.

Zhan 12:12

Ɛcɛ̀n cüe, fɛcüè bobrebe léyi vá abutùkumɛ́n-kɔ́ nyanmán-bì koran lɔ mɛ̀n nɔn, yá le Zhezü kɛ vá Zherüzalɛmɛ̀n anmàn.

Zhan 12:20

Grɛkɛ̀n-bɔ̀ jan dú anwrɔn hɔ̀n léyi vá Zherüzalɛmɛ̀n anmàn Ɔwɔ-sɛ́n-yri, ɔkoran bì lɔ mɛ̀n nɔn.

Zhan 12:9

Zhüifɛ̀n-bɔ̀ fɛcüè bobrebe yá le Zhezü dú Betani anmàn. Kɩ yɔ hɔ́n nanvrɛn anmàn, tɛ́n kè sɩ̀ dù Zhezü zri kruhú; Lazarɛ̀n léyi Zhezü hán dú owúemɛ̀n frɔ́ nɔn, de yɔ hɔ̀n yɔ nyan nɔn.