Biblia Todo Logo
Bìoball air-loidhne

- Sanasan -




Zhan 11:51 - Ɛmɛẅi ankà ankrànkràn 2003

51 Ankà ndɔ lɔ Kahifɛ̀n ndɔ nɔn, kè sɩ̀ dù n'ɛnkruemɛ̀n ankà, tɛ́n ɔmuhi nɛ́n dú Ɔwɔ-cice-wrɔn cüìcüì ɛnnanwàn ndɔ lɔ mɛ̀n nɔn, nɛ dɔ́ Ɔwɔ mùanwú ankà le: Ke ji le Zhezü kè wú Zhüifɛ̀n-bɔ̀ hi-wú anmàn kruhú,

Faic an caibideil Dèan lethbhreac




Zhan 11:51
23 Iomraidhean Croise  

ɔmu lɔ de ɔwrɔnẅì Ẅì mán kè sɩ̀ và, ô kɛ̀ ẅɛ̀n eci-bɩtan-bɔ̀, tɛ́n nɛ́n và, ô nɛ̀n srɔ eci-bɩtan-wrɔn, nɛ̀n bɩ́ n'ɛwúvà nɛ̀n wá *anhɔ́ba, ô nɛ̀n srú anwrɔn bobrebe nɛ̀n ze.”


Y'ɛmɛ̀n lɔ, ɔwrɔn tɔ̀n ye bí nɛ̀n Kahifɛ̀n, nɛ̀n dú Ɔwɔ-cice-wrɔn cüìcüì ɛnnanwàn ndɔ lɔ mɛ̀n, kɩ nɛ dɔ́ yɔ le: “Nyɛ́n sɩ́ cɔ́ hɩ mɛ̀n nyɛ́n yá!


Yɔ gɔ́ sɩ́ nɛ̀n Hanɛ̀n nanvrɛn. Hanɛ̀n dú Kahifɛ̀n nɛ́n nɛ́ncrɛ̀ léyi dú Ɔwɔ-cice-wrɔn cüìcƐì ɛnnanwàn ndɔ lɔ mɛ̀n nɔn.


Mɛ lɛ dɔ́ Ɔwɔ mɛẅi ankà léyi mɛ́n cɔ̀ nɔn, mɛ lɛ ẅɛn ankà-nyrì lɔ fɛn, ô mɛ̀n yá anvɛmɛ̀n-frɛ́n-ci hɔ̀n lɔ fɛn y'ɛmɛ̀n ankà, mɛ lɛ ẅɛn ankaẅì-bùtan kɛ lɛ hán tán mɛ̀n frɛ́ ɛnkpò hɔ̀n lɔ fɛn mɛ̀n hɛ́n ɛyri nyàntɛn, ke dú kɛ mɛ̀n sɩ̀ ẅɛ̀n ɛcüɛ̀n, mɛ̀n sɩ̀ dù eci zriɛmɛ́n.


Krisì dú prɔnprɔn mɛ̀n, tɛ́n Ɔwɔ bɩ́ bɔ́ ɛgbàn hɔ̀n lɔ worɔ nɛ̀n, ô n'ɛmɛ̀n lɔ, bɔ̀ cɔ́ ɛwúvà-kɔrɛ̀ léyi Ɔwɔ tán n'ɔkɔ̀hɔ̀n lɔ mɛ̀n nɔn.


Hɩ le Krisì srɔ ɛẅìɛ̀-dá-ci bɔ́ kruhú nɔn, nɛ̀n mrɛ́n bɔ̀ ɛnyànmàn ẅìɛ̀-dá lɔ mɛ̀n nɛ̀n sɔhɔ́. Owrú Prɔnprɔn kɛ dɔ́ annanwɔrɛ mɛ̀n le: “Ɛẅìɛ̀-dà dú ɔwrɔn totɔtɔn léyi yɛ wá ɛhɛ́ ɔbɔ̀n ɛtɛ̀ domɛ̀n nɔn.”


Nɛ́n dùku n'edùwru ẅia lɔ mɛ̀n, nɛ̀n bɩ́ bɔ́ ɛgbàn hɔ̀n lɔ ɛgbàn-hán-tɛ̀ wú, ô bɔ̀ wú ɛgbàn mɛ̀n, ô bɔ̀ cɔ́ ɛnyrɔnnan wúvà. N'ecifɔn hɔ̀n lɔ mɛ̀n de nyɛ́n cɔ́ ɔkɔrɛ̀ nɔn.


Annanwɔrɛ mɛ̀n lɔ Krisì dùku mán kán ɛgbàn ɛdɛ̀n zri brɛzri anwrɔnẅì gbàn kruhú; nɛ̀n sɩ̀ hán eci zriɛmɛ́n, kɩ nɛ̀n wú ɛgbàn-hán-bɔ̀ kruhú, ô nɛ̀n bɩ́ nyɛ̀n nɛ̀n hɔ́n sɩ́ Ɔwɔ. Ye di nɛ̀n owúemɛ̀n n'edùwrú ẅia mɛ̀n, tɛ́n ye sɩ́ nɛ̀n ɛwúvà-kɔrɛ mɛ̀n Ɛnhɛ́n Prɔnprɔn cüiemɛ̀n.


Ɔmuhi Zhezü Krisì bɩ́ n'edomɛ̀n ce eci, kè dú bɔ́ ɛgbàn wɔ̀ɛndì, kɩ kè sɩ̀ dù bɔ́ ɛgbàn zri kɩ, tɛ́n anwrɔn hɔ̀n léyi dú ɛnhibù mumù lɔ fɛn wú nɔn yɔ mán y'ɛgbàn kruhú.


Lean sinn:

Sanasan


Sanasan