Zhan 11:44 - Ɛmɛẅi ankà ankrànkràn 2003

⁴⁴ Owú-wrɔn lɔ srɔ ɛntrɛ, annan mán ankɔrɛ̀ dú anhɛ́ mɛ̀n, eci vá nɛ̀n ezì. Zhezü kɛ dɔ́ yɔ le: “Nyɛ́n gbɔrɔ nɛ̀n anhɛ́, ô nyɛ́n teze nɛ̀n, nɛ̀n hɔ̀n.”

Zhan 11:44 Iomraidhean Croise

Markɛ̀n 5:43

Tɛ́n Zhezü sɩ́ tán yɔ, yɔ bɩ́ dɔ́ ɔwrɔnẅì zriɛmɛ́n ankà lɔ; zɛtɛn nɛ dɔ́ yɔ le: “Nyɛ́n tán ɛnẅì lɔ ɛci kè zî.”

Lükɛ̀n 19:20

Eci-bɩtan-wrɔn nyàntɛn tɔ̀n nvà kɩ kɛ dɔ̀ le: ‘Ankà-yé-wrɔn, nyàn v'ansɩ̀kɛ-kùa-ẅì lɔ; mɛ̀n bɩ́ nɛ̀n mɛ̀n bán, mɛ̀n kɔra nɛ̀n angsɛ̀n mùan mɛ́n hɛ́n.

Lükɛ̀n 7:15

Owú-wrɔn lɔ, tɔhú kɩ bukru kɛ dɔ́ ankà. Zhezü bɩ́ nɛ̀n tán nɛ́n muan.

Zhan 10:30

Mɛ̀n mán Dade mɛhi bɔ́ dú eci zri.”

Zhan 11:39

Zhezü kɛ dɔ́ yɔ: nyɛ́n mrɛ́n obù lɔ nyɛ́n sɔhɔ́ ɛnnànmàn mùan. Martɛ̀n, Lazarɛ̀n nɛ́n muan-ẅì kɛ dɔ́ Zhezü le: “Ɛẅɛnwrɔn, me butan le nɛ̀n bukru nɛ fɔ̀n, ɔmuhi ɛbi anzɔ̀ de nɛ̀n dú ɛnnanmàn mɛ̀n nɔn.”

Zhan 11:43

Ɛnvra léyi nɛ̀n dɔ́ ankà ndɔ hɔ̀n lɔ trɔ nɔn, nɛ̀n dí nkù esùva cüìcüemɛ̀n le: “Lazarɛ̀n dù nanvrɛn srɔ ɛntrɛ!”

Zhan 19:40

Yɔ anwrɔn anhyrɛ̀ lɔ yɔ bɩ́ Zhezü dùwru lɔ kɩ yɔ bɔsɔ nɛ̀n ɛci wɔsu mɛ̀n, yɔ ku nɛ̀n ɛnzhì banbán, hán ɔmu le dú Zhüifɛ̀n-bɔ̀ dùci ɛnvra léyi yɔ bɩ́ ɔwrɔn nɔn.

Zhan 20:5

Nɛ̀n sɩ́ ɛnkru ɛnhi kɩ nɛ̀n kán ɛcàsa wosu léyi ye bɩ yɛ kora Zhezü nɔn, dɛ́ ɛnhibɩ́ɛ, kɩ nɛ̀n sɩ̀ bru ɛnnanmàn lɔ mɛ̀n.

Zhan 20:7

mán ɛcàsa léyi yɛ kora Zhezü ɛnkru nɔn; ɛcàsa wie ndɔ lɔ mán dú ɔhɔnan, tɛ́n yɛ serɛ nɛ̀n yɛ hɛ́n ɛyri nyantɛn.

Zhan 5:21

Ɔmuhi, ɔmu zri léyi Ɛnẅì-nɛ́n-zi kɛ hán owú-bɔ̀ kɛ vá ɔkɔrɛ-bɔ̀ mɛ̀n nɔn, hɩ zri lɔ Ɛnẅì mán kɛ tán ɔkɔrɛ̀ anwrɔn hɔ̀n léyi ne ji nɛ̀n tán nɔn.

Zhan 5:25

Annanwɔrɛ mɛ̀n mɛ dɔ́ nyɛ̀n le: ɛnvra dù kɛ và, kɩ ɛnvra lɔ mán cɔa, owú-bɔ̀ kɛ lɛ yá Ɔwɔ Ẅì sùva, kɩ anwrɔn hɔ̀n léyi kɛ lɛ yá esùva lɔ nɔn, ke le dú ɔkɔrɛ mɛ̀n.

Filipɛ̀n anmàn-bɔ̀ 3:21

Nɛ lɛ crɛ bɔ́ ɛmian mán b'ɔwú-dùwrú lɔ ke le dù kɛ lɛ cá n'eci-zrɔ dùwrú lɔ, ɛkɔrɛ̀-srɔn léyi kɛ tán nɛ̀n eci lɔ fɛn ẅɛ̀n kɔrɛ̀levri nɔn mɛ̀n.

Ɔwɔ-mɛ̀n-yrikàn 1:18

Mɛ̀n dú ɔkɔrɛ-wrɔn. Mɛ́n wù, tɛ́n zɛtɛ̀ lɔ mɛ̀n dú ɔkɔrɛ-wrɔn ɛnvra lɔ fɛn. Mɛ̀n ẅɛn ɛkɔrɛ̀srɔn owù mán owú-bɔ̀ hi wú.