Zhan 11:41 - Ɛmɛẅi ankà ankrànkràn 2003

⁴¹ Zɛtɛn yɛ mrɛ́n obù lɔ yɛ sɔhɔ́. Zhezü sɩ́ anvɛ̀ ɛwú kɩ kɛ dɔ̀ le: “Dade mɛ tán mɛ́n ɔkùɛn, ɔmuhi è die mɛ̀n nukùɛ nɔn.

Zhan 11:41 Iomraidhean Croise

Matie 11:25

Hɩ vra lɔ, Zhezü kɛ dɔ̀ le: “Ô Dade, anhobɩ́ mán ɛnhibù Ẅɛnwrɔn, mɛ tán mɛ́n ɔkùɛn ɔmuhi eci léyi ɛ̀ bán ankà-nyri-bɔ̀ mán ɛnkruemɛ̀n-ẅɛn-bɔ̀ nɔn, e bɩ è yé ɛẅì hɔ̀n.

Matie 11:26

Hɛ̀ɛ̀, Dade, ɔmu lɔ de ndù nɔn, ɔmuhi nzrɔ tán mɛ́n le, kè dú ɔmu lɔ nɔn.

Matie 27:60

kɩ bɩ́ nɛ̀n wá nɛ́n dùku n'ezhe-nànmàn léyi nɛ̀n hán yɛ bɔ́ ɛbù rokò mɛ̀n nɔn mɛ̀n. Zɛtɛn nɛ̀n vra obù vri tɔ̀n nɛ̀n sɛ́n ezhe-nànmàn lɔ mùan kɩ nɛ́n hɔ̀n.

Markɛ̀n 15:46

Zhosɛfɛ̀n wɔ́ ɛwú-dɛ́-ci wosu, mrɛ́n Zhezü ɛgbàn-hán-tɛ̀ wú, kɩ nɛ́n bɔ̀sɔ yi nɛ̀n wá ɛwú-dɛ́-ci lɔ mɛ̀n, nɛ́n hɔ̀n nɛ̀n wá ɛnnànmàn léyi yɛ bɔ́ ɛbù granmɛ̀n nɔn mɛ̀n. Zɛtɛn nɛ̀n vla obù srɔnsrɔn tɔ̀n nɛ̀n sɛ́n ezhe-nànmàn lɔ.

Lükɛ̀n 10:21

Ɛnvra zri lɔ mɛ̀n, Ɛnhɛ́n Prɔnprɔn hán Zhezü pɔpüɛ̀ yɩ́ ɛnbɔrɛ mɛ̀n, kɩ Zhezü kɛ dɔ̀ le: “Ô Dade, ɛẅɛnwrɔn léyi hán anhobɩ́ mán ɛnhi nɔn, mɛ tán mɛ́n ɔkùɛn, ɔmuhi ɛ̀ hán tán ɛẅì hɔ̀n cɔ́ v'ankà-bán-ankà lɔ nyrì, ankà-bán-ankà léyi, è sɩ̀ tàn ankà-nyri-bɔ̀ mán owrú-kán-bɔ̀ nɔn. Hɛ̀ɛ̀, Dade, ɔmu lɔ de e ji le kè dù nɔn.

Lükɛ̀n 18:13

Anmàn-wɔɛ̀n-yrɛ-wrɔn tɛ́n nyɔn ɔhɔnán, kɩ nɛ́n sɩ́ sɩ́ anvɛ̀ ɛwú rɔ́a, tɛ́n, ne gorɛ ɛkɔrɛ̀ angbà, nɛ dɔ̀ le: ‘Ô Ɔwɔ, è nyri mɛ̀n ɛnhyɔ̀bɔ̀, mɛ̀n léyi mɛ̀n dú ɛgbàn-hán-wrɔn nɔn.’ ”

Lükɛ̀n 24:2

Yɔ cɔ́ obù léyi yɛ vrà yɛ sɛ́n ezhe-nanmàn lɔ, hɛ́n ɔhɔnán esùshe ɛnnànmàn muan;

Zhan 11:22

Tɛ́n, mɛ̀n nyri ɔmu le zɛtɛ̀ lɔ mán, Ɔwɔ kɛ lɛ tán mɛ́n eci lɔ fɛn léyi ɛ lɛ sán nɛ̀n nɔn.”

Zhan 17:1

Ɛnvra léyi nɛ̀n dɔ́ ankà ɔmu lɔ trɔ nɔn, Zhezü sɩ́ anvɛ̀ ɛwú kɩ kɛ dɔ̀ le: “Dade wacɛ̀n ncɔ́a. È yé v'Ɛnẅì ci-zrɔ lɔ, ô Ɛnẅì mán ke yé v'eci-zrɔ lɔ.

Zhan 20:1

Ɛnyanbì ɔsɔrɔ̀ futan, ɛyri kɛ vá wó, Magdala anmàn nyɔnwrɔn Mari hɔ́n ɛnnànmàn kru wú. Mari kán ɔmu le yɛ mrɛ́n obù léyi sɛ́n ɛnnanmàn lɔ ɔmùan nɔn yɛ sɔhɔ́.

Ɔkɔ̀hɔ̀n-wá-bɔ̀ kɔ̀hɔ̀n hán 7:55

Tɛ́n nɛ́n, Ɛnhɛ́n Prɔnprɔn yɩ́ nɛ̀n ɛmɛ̀n kɩ nɛ nyan anhobɩ́; nɛ̀n kán Ɔwɔ ci-zrɔ mán Zhezü léyi nyɔn Ɔwɔ zì-kɔrɛ̀a nɔn.

Filipɛ̀n anmàn-bɔ̀ 4:6

Ɛnkrɛ̀ta ke bɩ́ ku nyɛ̀n eci zriɛmɛ́n mán mɛ̀n, tɛ́n eci lɔ fɛn mɛ̀n lɔ, nyɛ́n sán Ɔwɔ ny'Ɔwɔ-sɛ̀n lɔ mɛ̀n, eci léyi kɛ ẅɛn nyɛ̀n ɛmian nɔn, ô nyɛ́n sán eci lɔ enyri-kùɛn-tán bɔrɛ mɛ̀n.