Zhan 11:4 - Ɛmɛẅi ankà ankrànkràn 2003

⁴ Ɛnvra léyi Zhezü yá ɛmɛẅi ankà ndɔ lɔ nɔn, nɛ dɔ̀ le: “Lazarɛ̀n lɔẅiɛ lɔ ke sɩ̀ hán nɛ̀n nɛ̀n wù; nɛ lɛ hán tán, yɔ kán Ɔwɔ kɔrɛ̀srɔn ci-zrɔ lɔ, kɩ ne le yé Ɔwɔ Ẅì ci-zrɔ lɔ.”

Zhan 11:4 Iomraidhean Croise

Zhan 10:38

Tɛ́n ke dú kɛ mɛ hán ɔkɔhɔ̀n lɔ, ɔmu tɛ̀kɩ nyɛ́n sɩ́ bú m'ankà nyɛ́n tán ankaẅì, hɩ mán hô, m'ɔkɔ̀hɔ̀n léyi mɛ̀n hán nɔn, nyɛ́n bùtan ankaẅì, ô nyɛ́n nyrí ɛnvra lɔ fɛn le, Dade dú mɛ̀n ɛmɛ̀n kɩ mɛ̀n mán mɛ̀n dú Dade ɛmɛ̀n.”

Zhan 11:40

Zhezü mrɛ́n nɛ̀n ɔmùan le: “Mɛ̀n sɩ̀ dɔ̀ mɛ́n le, ke dú kɛ e bútan ankaẅì hô, ɛ lɛ kán Ɔwɔ ci-zrɔ lɔa?”

Zhan 12:28

Dade, ɛ̀ tán v'ebɩ́ lɔ eci-zrɔ!” Zɛtɛn esùva tɔ̀n dú anhobɩ́ di nkù kɛ dɔ̀ le: “Mɛ̀n gɔ̀ hɛ́ ezì mɛ̀n zrɔ nɛ̀n eci, kɩ me le vru mɛ̀n sán zrɔ nɛ̀n eci.”

Zhan 17:1

Ɛnvra léyi nɛ̀n dɔ́ ankà ɔmu lɔ trɔ nɔn, Zhezü sɩ́ anvɛ̀ ɛwú kɩ kɛ dɔ̀ le: “Dade wacɛ̀n ncɔ́a. È yé v'Ɛnẅì ci-zrɔ lɔ, ô Ɛnẅì mán ke yé v'eci-zrɔ lɔ.

Zhan 17:10

Eci lɔ fɛn léyi mɛ́n ẅɛ̀n nɔn dú vɛ tɛ́n, kɩ eci lɔ fɛn léyi ɛ ẅɛ̀n nɔn dú mɛ tɛn; kɩ m'ecizrɔ lɔ dú y'ɛmɛ̀n srɔ.

Zhan 17:5

Zɛtɛ̀n zɛtɛ̀ lɔ, Dade, tán mɛ̀n v'ezìwú eci-zrɔ léyi mɛ̀n ẅɛn v'ɛtɛsɛ̀n ɛnvra léyi ɛnhibù kɛ vá dù nɔn.

Zhan 2:11

Nyàn ɔmu lɔ de Zhezü hán nɛ́n kpàkpà anvɛmɛ̀n-frɛ́n-ci, Kana anmàn, Galile kpɔsɔ wú; nɛ̀n yé n'ecizrɔ, kɩ n'ɛsɛnkɛn-bɔ̀ bú n'ankà lɔ tán ankaẅì.

Zhan 5:23

ô anwrɔn lɔ fɛn kɛ ẅɛn Ɛnẅì wá kɛ hán ɔmu le yɛ wá Ɛnẅì-nɛ́n-zi nɔn hɔ́. Ɔwrɔn léyi ke sɩ́ wá Ɛnẅì lɔ nɔn, nɛ́n sɩ́ wá Ɛnẅì-nɛ́n-zi léyi wá Ɛnẅì ɔkɔ̀hɔ̀n nɔn.”

Zhan 8:54

Zhezü mrɛ́n yɔ ɔmùan le: “Ke dú kɛ mɛ zrɔ m'edomɛ̀n eci hô, m'eci-zrɔ lɔ, dú eci woro. Ɔwrɔn léyi kɛ zrɔ m'eci nɔn, dú Dade, nɛ́n léyi nyɛ dɔ̀ le: ‘Nɛ̀n dú b'Ɔwɔ’,

Zhan 9:24

Ɔwɔ-nyanmàn-sùva-wá-bɔ̀ bi ɔwrɔn léyi kɔrɛ̀ nɔn andɛ̀n-anhyrɛmɛ̀n kɩ kɛ dɔ́ nɛ̀n le: “Dɔ̀ ankà mùan zri Ɔwɔ zìwú. Bɔ nyri ɔmu le ɔwrɔn ndɔ lɔ dú ɛgbàn-hán-wrɔn.”

Zhan 9:3

Zhezü mrɛ́n yɔ ɔmùan le: “Ke sɩ̀ dù nɛ́n mán n'ɛmɛ̀n-bɔ̀ gbàn kruhú. Nɛ́n sɩ́ kán ɛyri, ô Ɔwɔ kɔrɛ̀-kɔhɔ̀n lɔ ke ci n'eyri kɛ̀ yé n'edomɛ̀n.

Rɔmɛ̀n-anmàn-bɔ̀ 11:11

Zɛtɛn me yrɛ le: ɛnvra léyi Zhüifɛ̀n-bɔ̀ bore nɔn, yɔ dú ebore lɔ mɛ̀n ɛnvra lɔ fɛn hán? Annanwɔrɛ mɛ̀n lɔ hɔ̂! Tɛ́n, y'ɛgbàn lɔ kruhú, fɛcüè ndɔ hɔ̀n cɔ́ ɛnkru-kɔrɛ̀, hán tán kɩ Zhüifɛ̀n-bɔ̀ dú ecüì-hi-kɔ́n mɛ̀n.

Filipɛ̀n anmàn-bɔ̀ 1:11

Nye le di ɛnnɛ̀ncüì ny'ɛnyrɔnnan ci-hán mɛ̀n Zhezü Krisì kɔrɛ̀levriemɛ̀n, ke le dú Ɔwɔ ci-zrɔ mán n'ɛmrɛ́n mɛ̀n.

Filipɛ̀n anmàn-bɔ̀ 1:20

Annanwɔrɛ mɛ̀n lɔ, eci léyi mɛ vrá hɩ mɛ ẅɛn esɛ́ n'ɛwú nɔn, ke sɩ̀ tán mɛ̀n anvɛvrà zriɛmɛ́n. Tɛ́n, zɛtɛ̀ lɔ mán ɛnvra lɔ fɛn, esɛ́ vri mɛ̀n, me le yé Krisì vrisɩ̀ lɔ, m'antà-duwrú mumù lɔ fɛn mɛ̀n, ke dú ɔkɔrɛ mɛ̀n mán, ke dú owúemɛ̀n mán.

1 Piɛrɛ̀n 1:21

N'ɛmɛ̀n de nye bú Ɔwɔ ankà nyɛ tán ankàẅì, nɛ́n léyi nɛ̀n bɩ́ n'ɛnẅì nɛ̀n sɔhɔ́ owú-bɔ̀ mɛ̀n kɩ nɛ̀n tán yi eci-zrɔ; ɔmu lɔ de nyɛ́n bɩ́ ny'ankaẅìbùtan mán ny'esɛ́ nyɛ́n wá Ɔwɔ mɛ̀n nɔn.

1 Piɛrɛ̀n 4:11

Ɔwrɔn léyi kɛ dɔ́ ankà anvrɛnvrɛn nɔn, ke ji le nɛ̀n dɔ́ Ɔwɔ ankà; ɔwrɔn léyi ẅɛn eci-bɩtan kɔrɛ̀-wá nɔn, kè bɩ́ nɛ̀n kɛ̀ hán eci Ɔwɔ kɔrɛ̀-wá cüìemɛ̀n: ke ji le eci lɔ fɛn mɛ̀n lɔ, Ɔwɔ kɛ̀ cɔ́ eci-zrɔ Zhezü Krisì bɩmɛ̀n, nɛ́n léyi ɛkɔrɛ̀srɔn mán eci-zrɔ dú nɛ tɛn ɛnvra lɔ fɛn! Kè dú ɔmu lɔ.

1 Piɛrɛ̀n 4:14

Ke dú kɛ yɛ wora nyɛ̀n ɔmuhi nyɛ́n dú Krisì sɛ̀nkɛn-bɔ̀ nɔn, nyɛ́n dú ɛnbɔrɛbruemɛ̀n, ɔmuhi Ɔwɔ ci-zrɔ Hɛ́n dú nyɛ̀n ɛwú nɔn.