Zhan 11:2 - Ɛmɛẅi ankà ankrànkràn 2003

² (Mari dú ɛnnyɔnwrɔn ndɔ léyi, ku Zhezü ɛnshi-ban annan, kɩ bɩ́ n'ɛnkruẅie worɛn nɔn, nɛ́n muan-ẅì de dú Lazarɛ̀n léyi ɛnlɔẅie kɛ dà nɔn.)

Zhan 11:2 Iomraidhean Croise

Markɛ̀n 14:3

Zhezü dú Betani anmàn, Simɔn, kokove-wrɔn nanvrɛn ɛbemɛ̀n; ɛnvra léyi nɛ̀n yɛ́ nɛ vá ɛci-zî-yri nɔn, ɛnnyɔnwrɔn tɔ̀n bru anwɔn mɛ̀n; anhàn shishi shi-bán dú nɛ̀n antamɛ̀n. Kɩ nɛ̀n vɔ́n ɛnshi-bán lɔ ɔmùan nɛ̀n ku Zhezü ɛnkruemɛ̀n.

Lükɛ̀n 7:13

Ɛnvra léyi, Ɛẅɛnwrɔn kán nɛ̀n nɔn, ɛnhyɔ̀bɔ̀ cɔ́ nɛ̀n, kɩ nɛ dɔ́ ɛngrɔn-hi lɔ le: “E bɩ́ wú eyú.”

Lükɛ̀n 7:19

kɩ wá yɔ ɔkɔhɔ̀n Zhezü yri, ô ye yrɛ nɛ̀n le: “Kɛ̂ vɛ́n de è dú ebɩdie-wrɔn léyi bɔ́ nyrì le kɛ lɛ và nɛ́n? Kale bɔ̀ vrá ɔwrɔn nyantɛn hán?”

Zhan 11:21

Martɛ̀n kɛ dɔ́ Zhezü le: “Ɛẅɛnwrɔn, ke dú kɛ è dú ɛnu lɔ hô, nmàn-ẅì ke sɩ̀ wùɛ.

Zhan 11:3

Wúyɔ̀ anhyrɛ̀ lɔ wá ɔwrɔn tɔ̀n ɔkɔhɔ̀n kɛ dɔ́ Zhezü le: “Ɛẅɛnwrɔn, ɛnyran-anvrɛn ɛnlɔẅiɛ kɛ dà.”

Zhan 11:32

Ɛnvra léyi Mari cɔ́ ɛyri léyi Zhezü nyɔn kɩ nɛ̀n kán yi nɔn, nɛ̀n bore Zhezü annan tɛ̀sɛ̀n kɩ nɛ dɔ́ yi le: “Ɛẅɛnwrɔn, ke dú kɛ è dú ɛnu lɔ hô, nmàn-ẅì ke sɩ́ wúɛ.”

Zhan 12:3

Mari bɩ́ anhàn shishi shi-bán bɔdɛ̀ cá, ku Zhezü annan wú, zɛtɛn bɩ́ ɛnkruẅie wɔrɛn. Ɛnshi-ban dɔ̀, bɩ́ ɔwɔ́n mumù lɔ fɛn.

Zhan 13:13

Nye bi mɛ̀n “Ankà-yé-wrɔn” mán “Ɛẅɛnwrɔn” kɩ ny'ankà zrɔ, ɔmuhi mɛ̀n dú Ankà-yé-wrɔn mán Ɛẅɛnwrɔn nɔn.

Zhan 13:14

Ke dú kɛ mɛ̀n, Ɛẅɛnwrɔn mán Ankà-yé-wrɔn, mɛ̀n jru nyɛ̀n annan hô, ke ji le nyɛ́n mán nyɛ́n jru ny'edomɛ̀n annan. (Me bɩ́ ɛgbàn me ce nyɛ̀n, ke ji le nyɛ́n mán nyɛ́n bɩ́ ɛgbàn nyɛ́n ce ny'edomɛ̀n.)