Zhan 10:5 - Ɛmɛẅi ankà ankrànkràn 2003

⁵ Kɔ̀kɔ̀sɛ̀ hɔ̀n lɔ ke sɩ́ kɛ́n ɔwrɔn léyi yɔ sɩ̀ nyrìɛn nɔn ɛsɛ̀n; tɛ́n yɔ lɛ srɛ́ teze nɛ̀n esù she, ɔmuhi yɔ sì nyrì n'esùva nɔn.”

Zhan 10:5 Iomraidhean Croise

Markɛ̀n 4:24

Zhezü vru kɛ dɔ́ yɔ le: “Nyɛ́n wá esùva, ny'ankà-yá mɛ̀n! Eci zri léyi e bɩ ɛ wɔɛ́n ɛci ɛ tán ɛnyran nɔn, eci zri lɔ de Ɔwɔ mán ke le bɩ kɛ̀ wɔɛ́n ɛci kɛ̀ tán mɛ́n nɔn, kɩ ne le vru nɛ̀n kɛ́n mɛ́n ɛwú.

Lükɛ̀n 8:18

Nyɛ́n wá esùva, ny'ankà nukù-diemɛ̀n! Ɔmuhi ɔwrɔn léyi ẅɛn eci nɔn ne le vru nɛ lɛ cɔ̀ kɛ lɛ cüɛn; tɛ́n, ɔwrɔn léyi ke sɩ̀ ẅɛ̀n hàn nɔn, ɛẅiɛ léyi ne tro le nɛ́n ẅɛ̀n nɔn, hɩ mán ye le bɩ̀ sɔhɔ́.

Zhan 10:16

Mɛ̀n vru mɛ̀n ẅɛn kɔ̀kɔ̀sɛ̀ ndɔ hɔ̀n ndù, ke sɩ̀ dù ɔkɔ̀ ndɔ lɔ mɛ̀n. Ke ji le yɔ mán mɛ̀n kùa yɔ; yɔ lɛ die mɛ̀n nukùɛ, kɩ yɔ lɛ srɔ kɔ̀kɔ̀sɛ̀-kà zri kɩ yɔ lɛ ẅɛn ɔnɔ̀n-kua-wrɔn zri.

Zhan 10:4

Ɛnvra léyi nɛ̀n sɩ́ yɔ lɔ fɛn ɛntrɛ nɔn, nɛ nán esù y'ezìwú kɩ kɔ̀kɔ̀sɛ̀ hɔ́n lɔ kɛ kɛ́n nɛ̀n ɛsɛ̀n, ɔmuhi yɔ nyrí n'esùva lɔ nɔn.

Anhyrɛmɛ̀n timote 4:3

Ɔmuhi ɛnvra kɛ lɛ và, kɩ anwrɔn ke sɩ̀ vru shrì kè die ankà-yé annanwɔrɛ ankà nukùɛ, tɛ́n yɔ lɛ kɛ́n yɔ dùku y'ankàtro ci-hán ɛsɛ̀n, kɩ yɔ le bɩ́ ankà-yé-bɔ̀ fɛcüè tɔ̀n yɔ gbrɛ̀nkɛn ɔmùan, kɩ kɛ lɛ dɔ́ yɔ ankà léyi yɔ cüɛ̀n, yɔ ji yɔ yá nɔn.

1 Zhan 2:19

Anwrɔn ndɔ hɔ̀n lɔ, annanwɔrɛ mɛ̀n, yɔ sɩ̀ dú bɔ̀ ɛmɛ̀n, kɩ hɩ le kruhú de yɔ cɔhɔ́ bɔ́ ɛmɛ̀n nɔn; annanwɔrɛ mɛ̀n lɔ, kè dú kɛ yɔ dú bɔ̀ ɛmɛ̀n hô, yɔ lɛ cɔ́ bɔ̀ mɛhi bɔ̀ yɛ́. Tɛ́n yɔ cɔhɔ́ bɔ̀ ɛmɛ̀n, ô ye nyri kpetemɛ̀n le, y'ɛmɛ̀n lɔ, ɔwrɔn zriɛmɛ́n annanwɔrɛ mɛ̀n lɔ, bàda bɔ̀ ɛmɛ̀n.

1 Zhan 2:21

Zɛtɛn, ke dú me merɛ́n nyɛ̀n owrú, kè sɩ̀ dù hɩ le nyɛ́n sɩ̀ nyrì annanwɔrɛ ankà nɔn, tɛ́n ɔmuhi nyɛ́n nyri annanwɔrɛ ankà lɔ; nyɛ́n vru nyɛ́n nyri ɔmu le ɛyɔ̀n ankà zriɛmɛ́n ke sɩ̀ dú annanwɔrɛ mɛ̀n kɛ̀ và rɔ́.

Ɔwɔ-mɛ̀n-yrikàn 2:2

Mɛ̀n nyri v'ɔkɔ̀hɔ̀n-hán-kɔ̀hɔ̀n, ɛgbànkàn léyi ɛ̀ tán v'edomɛ̀n mán v'ɛnbɔrɛ-ẅɛ̀n-hɛ́n-sɛ́. Mɛ̀n nyri ɔmu le e sɩ́ cüɛn anbɔrɛ-bɔ̀, anwrɔn hɔ̀n léyi kɛ krɛ́ y'edomɛ̀n ɔkɔ̀hɔ̀n-wá-bɔ̀ nɔn, ɛ̀ wɔɛn yɔ ɛ̀ nyan, tɛ́n yɔ sɩ̀ dù ɔkɔ̀hɔ̀n-wá-bɔ̀ kɩ ɛ cɔ̀ e nyrì le, yɔ dú anhyɔ̀n-bɔ̀.