Zhan 10:4 - Ɛmɛẅi ankà ankrànkràn 2003

⁴ Ɛnvra léyi nɛ̀n sɩ́ yɔ lɔ fɛn ɛntrɛ nɔn, nɛ nán esù y'ezìwú kɩ kɔ̀kɔ̀sɛ̀ hɔ́n lɔ kɛ kɛ́n nɛ̀n ɛsɛ̀n, ɔmuhi yɔ nyrí n'esùva lɔ nɔn.

Zhan 10:4 Iomraidhean Croise

Matie 16:24

Zɛtɛn Zhezü kɛ dɔ́ n'ɛsɛ̀nkɛn-bɔ̀ le: “Ke dú kɛ ɔwrɔn ke ji kɛ và cɔ́ mɛ̀n hô, nɛ́n bɩ́ vru tro n'edomɛ̀n ankà, nɛ̀n shri n'ɛgbànkàn nɛ̀n bɩ, ô nɛ̀n kɛ́n mɛ̀n ɛsɛ̀n.

Zhan 10:16

Mɛ̀n vru mɛ̀n ẅɛn kɔ̀kɔ̀sɛ̀ ndɔ hɔ̀n ndù, ke sɩ̀ dù ɔkɔ̀ ndɔ lɔ mɛ̀n. Ke ji le yɔ mán mɛ̀n kùa yɔ; yɔ lɛ die mɛ̀n nukùɛ, kɩ yɔ lɛ srɔ kɔ̀kɔ̀sɛ̀-kà zri kɩ yɔ lɛ ẅɛn ɔnɔ̀n-kua-wrɔn zri.

Zhan 10:27

Mɛ́n kɔ̀kɔ̀sɛ̀ hɔ̀n lɔ ke die m'esùva lɔ nukùɛ; mɛ̀n nyri yɔ kɩ yɔ kɛ́n mɛ̀n ɛsɛ̀n.

Zhan 10:3

Ɛyri-nan-wrɔn ke srú nɛ̀n esù kɩ kɔ̀kɔ̀sɛ̀ hɔ̀n kɛ yá n'esùva. Ne bi nɛ́n kɔ̀kɔ̀sɛ̀ hɔ̀n lɔ nzri zri y'ebɩ́ kɩ ne sɩ́ yɔ ɛntrɛ.

Zhan 10:5

Kɔ̀kɔ̀sɛ̀ hɔ̀n lɔ ke sɩ́ kɛ́n ɔwrɔn léyi yɔ sɩ̀ nyrìɛn nɔn ɛsɛ̀n; tɛ́n yɔ lɛ srɛ́ teze nɛ̀n esù she, ɔmuhi yɔ sì nyrì n'esùva nɔn.”

Zhan 10:8

Anwrɔn hɔ̀n léyi hɛ́ m'ezì nɔn dú ɛci-yerɛ-bɔ̀ mán eci-gbangbàn-hán-bɔ̀; tɛ́n kɔ̀kɔ̀sɛ̀ hɔ̀n lɔ kè sɩ̀ die yɔ nukùɛ.

Zhan 12:26

Ke dú kɛ ɔwrɔn tɔ̀n ke ji kɛ̀ srɔ m'eci-bɩ̀tan-wrɔn hô, ke ji le nɛ̀n kɛ́n mɛ̀n ɛsɛ̀n; ɔmu lɔ de m'eci-bɩ̀tan-wrɔn ke le dú ɛyri léyi mɛ́n dù nɔn mán. Dade kɛ lɛ cüɛ́n ɔwrɔn léyi dú m'eci-bɩ̀tan-wrɔn nɔn.”

Zhan 13:15

Mɛ̀n tán nyɛ̀n sɛnpò tɔ̀n, ô nyɛ́n mán nyɛ́n hán eci léyi mɛ̀n hán nyɛ̀n nɔn.

Zhan 18:37

Zɛtɛn Pilatɛ̀n mrɛ́n nɛ̀n ɔmùan le: “Zɛtɛn e dú ɛnnɛ̀ncüìɛ?” Zhezü mrɛ́n ɔmùan le: “Hɩ de ɛ dɔ̀ nɔn: mɛ̀n dú ɛnnɛ̀ncüì. Ye bî mɛ̀n, kɩ mɛ̀n vá ɛnhibù wú ankà annànwɔrɛ dɔ́-yri. Ɔwrɔn totɔtɔ̀n léyi dú ankà annànwɔrɛ mɛ̀n-wrɔn nɔn, ke die ankà léyi mɛ dɔ́ nɔn nukùɛ.”

Zhan 3:29

Ɛnnyɔnwrɔn-nɛ́n-cüì lɔ, nɛ́n de eyri-hi lɔ dú nɛ tɛn nɔn; tɛ́n ɛnnyɔnwrɔn-nɛ́n-cüì nɛ́n nyran anvrɛn kɛ nyɔn nɛ̀n ɛtɛ̀sɛ̀n kɩ ke die nɛ̀n nukùɛ, kɩ ke dú pɔpüɛ̀-brá mɛ̀n ɛnvra léyi nɛ yá ɛnnyɔnwrɔn-nɛ́n-cüì sùva lɔ nɔn. Pɔpüɛ̀-brà ndɔ lɔ dú mɛ tɛn, kɩ zɛtɛ̀ lɔ nɛ̀n sá nmùɛn.

1 Korɛntɛ̀n anmàn-bɔ̀ 11:1

Nyɛ́n bɩ́ mɛ́n sɛnpò lɔ, hán ɔmu le me bɩ́ Krisì tɛn lɔ nɔn.

Efɛzɛ̀n anmàn-bɔ̀ 5:1

Ɔmuhi nyɛ́n dú ɛẅì hɔ̀n léyi Ɔwɔ kɛ cüɛ̀n nɔn, nyɛ́n hán kèkrèmɛ̀n nyɛ́n dù kɛ̀ hán nɛ́n hɔ́.

Ebre-bɔ̀ 12:2

Bɔ̀ crɛ anvɛ̀ bɔ̀ kɛ́n Zhezü, nɛ́n léyi b'ankaẅìbùtan kɛ crɛ nyan nɛ̀n, ɛnkrubɔmɛ̀n hàn mán ɔtrɔmɛ̀n nɔn. Nɛ́n shrì nɛ̀n wú ɛgbàn-hán-tɛ̀ wú, kɩ anvɛvrà wù ndɔ lɔ, nɛ̀n sɩ̀ mrɛ̀n yi ankà zriɛmɛ́n, ɔmuhi nɛ̀n kán pɔpüɛ̀ léyi yɛ wá yɛ hɛ́n nɛ̀n hàn nɔn; kɩ zɛtɛ̀ lɔ nɛ̀n yɛ́ Ɔwɔ-gbútòbù lɔ n'ezìkɔrɛ̀ kɔrɛ̀a.

Ebre-bɔ̀ 6:20

Nanvrɛn de Zhezü hɛ́ bɔ̀ ezì bru, kɩ nɛ̀n bru bɔ́ kruhú, ɔmuhi nɛ̀n srɔ Ɔwɔ cice-wrɔn cüìcüì ɛnvra lɔ fɛn, Mɛlkisedɛkɛ̀n dùci-hán lɔ mɛ̀n.

1 Piɛrɛ̀n 2:21

Eci ndɔ lɔ kruhú de nɛ̀n bi nyɛ̀n, ɔmuhi Krisì dùku mán kán ɛgbàn ny'ɛkruhú; nɛ̀n tán nyɛ̀n sɛnpò, ô nyɛ́n ci n'esùnàn wú.

1 Piɛrɛ̀n 4:1

Ɔmuhi Krisì kán ɛgbàn n'edùwru ẅia mɛ̀n nɔn, nyɛ́n mán nyɛ́n ẅɛn edùyì zri lɔ, kè dú nyɛ̀n ɛnhɛ́n mɛ̀n; ɔmuhi ɔwrɔn léyi kán ɛgbàn n'edùwru ẅia mɛ̀n nɔn, nɛ́n mán ɛgbàn mɛhi y'eci-hán trɔ.

1 Piɛrɛ̀n 5:3

Anwrɔn hɔ̀n léyi yɛ wá nyɛ̀n antamɛ̀n nɔn, nyɛ́n bɩ́ sɩ́ ny'edomɛ̀n ɛwú nyɛ́n tán yɔ, tɛ́n nyɛ́n dú kɔ̀kɔ̀sɛ̀-kà lɔ yɔ sɛnpò.