Zhan 10:3 - Ɛmɛẅi ankà ankrànkràn 2003

³ Ɛyri-nan-wrɔn ke srú nɛ̀n esù kɩ kɔ̀kɔ̀sɛ̀ hɔ̀n kɛ yá n'esùva. Ne bi nɛ́n kɔ̀kɔ̀sɛ̀ hɔ̀n lɔ nzri zri y'ebɩ́ kɩ ne sɩ́ yɔ ɛntrɛ.

Zhan 10:3 Iomraidhean Croise

Zhan 10:14

Mɛ̀n dú annɔ̀n-kua-wrɔn ankrankran. Ɔmu zri léyi Dade nyri mɛ̀n nɔn, hɩ mɛ̀n mán mɛ̀n nyri Dade nɔn, ɔmu zri lɔ mɛ̀n nyri mɛ́n kɔ̀kɔ̀sɛ̀ hɔ̀n, kɩ mɛ́n kɔ̀kɔ̀sɛ̀ hɔ̀n mán nyri mɛ̀n. Kɩ me bɩ́ m'ɛwúvà mɛ tán mɛ́n kɔ̀kɔ̀sɛ̀ hɔ̀n lɔ.

Zhan 10:16

Mɛ̀n vru mɛ̀n ẅɛn kɔ̀kɔ̀sɛ̀ ndɔ hɔ̀n ndù, ke sɩ̀ dù ɔkɔ̀ ndɔ lɔ mɛ̀n. Ke ji le yɔ mán mɛ̀n kùa yɔ; yɔ lɛ die mɛ̀n nukùɛ, kɩ yɔ lɛ srɔ kɔ̀kɔ̀sɛ̀-kà zri kɩ yɔ lɛ ẅɛn ɔnɔ̀n-kua-wrɔn zri.

Zhan 10:4

Ɛnvra léyi nɛ̀n sɩ́ yɔ lɔ fɛn ɛntrɛ nɔn, nɛ nán esù y'ezìwú kɩ kɔ̀kɔ̀sɛ̀ hɔ́n lɔ kɛ kɛ́n nɛ̀n ɛsɛ̀n, ɔmuhi yɔ nyrí n'esùva lɔ nɔn.

Zhan 10:9

Mɛ̀n dú esù-gbàtà. Ɔwrɔn léyi ke ci m'ɛnlevri lɔ nɔn kɛ lɛ cɔ́ ebɩ̀die; ne le bru anwɔn mɛ̀n kɩ nɛ lɛ srɔ ɛntrɛ, kɩ nɛ lɛ cɔ́ n'ɛci-zî.

Zhan 6:37

Anwrɔn hɔ̀n léyi Dade kɛ tán mɛ̀n nɔn, ɔwrɔnwrɔn kɛ lɛ vá m'eyri, kɩ mɛ́n sɩ̀ wrɔ́ ɔwrɔn léyi kɛ vá m'eyri nɔn mrìmrì;

Zhan 6:45

Ɔwɔ-mùanwú-ankà-dɔ́-bɔ̀ merɛ́n ankà ndɔ lɔ: ‘Yɔ lɔ fɛn Ɔwɔ kɛ lɛ tán yɔ ɛnkruemɛ̀n-ẅɛ̀n’. Ɔwrɔn totɔtɔ̀n léyi ke die Dade nukùɛ hɩ kɛ cɔ́ n'ankà-yé lɔ nɔn, kɛ vá m'eyri.

Rɔmɛ̀n-anmàn-bɔ̀ 8:30

Anwrɔn hɔ̀n léyi y'ɛkruhú Ɔwɔ gɔ́ wá ɔmùan ndɔ lɔ nɔn, yɔ mán nɛ̀n bi yɔ; anwrɔn hɔ̀n léyi nɛ̀n bi nɔn, yɔ mán nɛ̀n srɔ yɔ ɛnyrɔnnan-bɔ̀ n'ezìwú, anwrɔn hɔ̀n léyi nɛ̀n srɔ ɛnyrɔnnan-bɔ̀ nɔn, yɔ mán nɛ̀n tán yɔ, yɔ dú n'eci-zrɔ lɔ mɛ̀n.

1 Korɛntɛ̀n anmàn-bɔ̀ 16:9

Ɔmuhi ɛnvra anvrɛnvrɛn tɔ̀n kɛ wá tán mɛ̀n vɔ̀nshɛ́ ci-hán tɔ̀n, kɩ mɛ̀n nyri ɔmu le ɛgbri-bɔ̀ cüɛn.

Filipɛ̀n anmàn-bɔ̀ 4:3

Kɩ vɛ́n mán, m'ɔmùan-zri-di-wrɔn mán m'ɛkɔrɛ̀-wá-wrɔn mɛ dɔ́ mɛ́n ɛ̀ wá yɔ ɛkɔrɛ̀; Yɔ mán mɛ̀n mɛhi annanwɔrɛmɛ̀n lɔ, bɔ́ kɔ́n anhà, ô Ɛmɛẅi ankà Ankrankran lɔ kè bonyì, hán ɔmu le bɔ̀ hán bɔ́ mán Kleman mán ɛkɔrɛ̀-wá-bɔ̀ ndɔ hɔ̀n lɔ fɛn léyi y'ebi dú ɔkɔrɛ wrú lɔ mɛ̀n nɔn.

Kɔlɔsèn anmàn-bɔ̀ 4:3

Ɛnvra zri lɔ mɛ̀n, nyɛ́n sɛ̀n nyɛ́n tán bɔ́ mán, ô Ɔwɔ kɛ̀ tán bɔ̀ ɛnvra ankrankran bɔ̀ yé n'ɔmùan-ankà lɔ, bɔ̀ dɔ́ Krisì ankà-bán-ankà lɔ. Annanwɔrɛ mɛ̀n lɔ, hɩ le kruhú de mɛ̀n dú zɛtɛ̀ lɔ anwɔ̀n-mɛ̀n-wá-wɔn mɛ̀n nɔn.

Anhyrɛmɛ̀n timote 2:19

Ɔmu tɛ̀kɩ ɛbù-hi-nan hɔ̀n léyi Ɔwɔ wá ɛnhibɩ́ nɔn dú edùsɔ mɛ̀n. Nyàn ankà-dɔ̀ hɔ̀n léyi ye merɛ́n yɛ wá yɔ ɛwú nɔn: “Ɛẅɛnwrɔn nyri nɛ́n fɛcüè hɔ̀n”, kɩ: “Ɔwrɔn totɔtɔ̀n léyi kɛ dɔ̀ le nɛ́n dú Ɛẅɛnwrɔn tɛn nɔn, ke ji le nɛ̀n crɛ ejüi nɛ̀n sɔ́n ɛgbàn.”

1 Piɛrɛ̀n 1:12

Ɔwɔ hán tán n'ɔmùan-wú-ankà-dɔ́ bɔ̀ nyri ɔmu le ɛmɛẅi ankà léyi nɛ̀n wá yɔ antamɛ̀n nɔn, kè sɩ̀ dù yɔ dùku yɔ tɛn, tɛ́n ny'ankà de yɔ dɔ̀ nɔn. Ɛmɛẅi ankà ndɔ lɔ, nyɛ́n cɔ́ nɛ̀n zɛtɛ̀ lɔ Ɔwɔ-ankà-dɔ́-bɔ̀ mùan mɛ̀n; yɔ dɔ́ Ɛmɛẅi ankà Ankrankran lɔ, Ɛnhɛ́n Prɔnprɔn léyi dú anhobɩ́ nvà nɔn, n'ɛkɔrɛ̀srɔn mɛ̀n. Kɩ Ɔwɔ kùyüre-bɔ̀ dùku mán ke ji kè nyri Ɛmɛẅi ankà Ankrànkràn ndɔ lɔ.

1 Zhan 4:6

Tɛ́n bɔ́, bò dú Ɔwɔ tɛn. Ɔwrɔn léyi nyri Ɔwɔ nɔn, ke die bɔ̀ nukùɛ; ɔwrɔn léyi kè sɩ̀ dù Ɔwɔ tɛ̀n nɔn, nɛ́n sɩ́ die bɔ̀ nukùɛ. Ɔmu lɔ de bɔ́ le nyri eci léyi dú annanwɔrɛ Hɛ́n mán ɛnhɛ́n léyi dú ɛzɛ́n mɛ̀n nɔn.

3 Zhan 1:14

Mɛ̀n ẅɛn esɛ́ le mɛ lɛ kán mɛ́n ɛnvra bruemɛ̀n, kɩ zɛtɛn bɔ́ lɛ dɔ́ ankà bɔ́ ɛmɛ̀n.

Ɔwɔ-mɛ̀n-yrikàn 20:15

Ɔwrɔn totɔtɔ̀n léyi ye sɩ̀ merɛ̀n n'ebi ɔkɔrɛ-wrú lɔ mɛ̀n nɔn, yɛ́ kɔ́n nɛ̀n dí ɛnhyà-ẅì nɛ́nbà lɔ mɛ̀n.

Ɔwɔ-mɛ̀n-yrikàn 3:20

È die nukùɛ, mɛ̀n nyɔn angbàtà mùan kɩ mɛ gɔ́n esù ɛkɔrɛ̀; ke dú kɛ ɔwrɔn tɔ̀n kɛ yá m'esùva kɩ ke srú esù, me le bru nɛ̀n ɛbemɛ̀n kɩ nɛ́n mán mɛ̀n mɛhi bo le zî ɛci zri.

Ɔwɔ-mɛ̀n-yrikàn 7:17

Ɔmuhi Ɔwɔ Kɔ̀kɔ̀sɛ̀-ẅì léyi nyɔn ɛgbú-tòbù wanzi nɔn, kɛ lɛ srɔ y'ɔkua-wrɔn, kɩ ke le sɩ́ yɔ ɔkɔrɛ shi-bɛ́ mùan mɛ̀n. Kɩ Ɔwɔ ke le wurɛn yɔ anvɛ-shi lɔ fɛn anvɛmɛ̀n.”