Zhan 10:10 - Ɛmɛẅi ankà ankrànkràn 2003

¹⁰ Ɛci-yerɛ-wrɔn kɛ và kè yerɛ ɛci, kè wri ɔwrɔn ô kɛ̀ jrɛ́ ɛci. Mɛ tɛn, mɛ́n và ô anwrɔnẅì kɛ̀ cɔ́ ɛwúvà-kɔrɛ̀, kɛ̀ cɔ́ nɛ̀n kɛ̀ fɔ́n yɔ.

Zhan 10:10 Iomraidhean Croise

Matie 18:10

“Nyɛ́n wá esùva, nyɛ́n bɩ́ ẅɛn ɛẅì hɔ̀n ndɔ hɔ̀n lɔ ɛnzri mán egbrì; mɛ dɔ́ nyɛ̀n le, y'ɛnan-bɔ̀ léyi dú Ɔwɔ-kùyüre-bɔ̀ nɔn, dú ɛnvra lɔ fɛn Dade léyi dú anhobɩ́ nɔn zìwú. [

Matie 18:11

Ɔmuhi ɔwrɔnẅì Ẅì nvà ô kè bɩ́ yɔ léyi yɔ zrɛ́n nɔn kè die.]

Matie 20:28

ɔmu lɔ de ɔwrɔnẅì Ẅì mán kè sɩ̀ và, ô kɛ̀ ẅɛ̀n eci-bɩtan-bɔ̀, tɛ́n nɛ́n và, ô nɛ̀n srɔ eci-bɩtan-wrɔn, nɛ̀n bɩ́ n'ɛwúvà nɛ̀n wá *anhɔ́ba, ô nɛ̀n srú anwrɔn bobrebe nɛ̀n ze.”

Matie 21:13

Zɛtɛn nɛ dɔ́ yɔ le: “Ɛwrú Prɔnprɔn hɔ̀n kɛ dɔ̀ le: ‘Ye le bi m'ɔwɔn lɔ, Ɔwɔ-sɛ́n-wɔn.’ Tɛ́n nyɛ́n bɩ́ nɛ̀n nyɛ́n srɔ ɛci-yerɛ-bɔ̀ kpò nànmàn!”

Matie 23:13

“Muzhie dú nyɛ tɛn, ɛnyànmàn-gbànvri-ankà-yé-bɔ̀ mán nyɛ́n, Ɔwɔ-nyànmàn-sùva-wá-bɔ̀, anmùan-anhyrɛ̀-bɔ̀! Nyɛ sɛ́n Anhobɩ́ nɛ̀ncüì-dúyri sù-gbàtà anwrɔnẅì zìwú; nyɛ́n mumù nyɛ́n sɩ́ bruɛ, kɩ nyɛ́n sɩ́ teze anwrɔn hɔ̀n léyi ke ji kè bru nɔn, kè bru. [

Markɛ̀n 11:17

Zɛtɛn nɛ̀n yé yɔ ankà kɩ nɛ̀n dɔ́ yɔ le: “Ɛwrú Prɔnprɔn hɔ̀n kɛ dɔ̀ le: ‘M'ɔwɔn lɔ ye le bi nɛ̀n fɛcüè hɔ̀n lɔ fɛn wɔ-sɛ́n-wɔn.’ Tɛ́n nyɛ tɛ́n, nyɛ́n bɩ́ nɛ̀n, nyɛ́n srɔ ɛci-yerɛ-bɔ̀ kpò nànmàn!”

Lükɛ̀n 19:10

Ɔmuhi, ɔwrɔnẅì Ẅì, nvà ô kè ji, ô kè bɩ́, yɔ hɔ̀n léyi zrɛ́n nɔn kè die.”

Zhan 10:1

“Mɛ dɔ́ nyɛ̀n annanwɔrɛmɛ̀n le: ɔwrɔn léyi ke sɩ́ ci annɔ̀n-kɔ̀ gbàtà, hɩ kɛ ká ɔkɔ̀ ke bru annɔ̀n-kɔ̀ mɛ̀n nɔn, ɔwrɔn ndɔ lɔ nɛ̀n dú ɛci-yerɛ-wrɔn mán ɛci-gbangbàn-hán-wrɔn.

Zhan 10:11

Mɛ̀n dú annɔ̀n-kua-wrɔn ankrankran. Annɔ̀n-kua-wrɔn ankrankran lɔ, ne wú nɛ́n kɔ̀kɔ̀sɛ̀ hɔ̀n kruhú.

Zhan 12:47

Ke dú kɛ ɔwrɔn tɔ̀n kɛ yá m'ankà-dɔ̀ kɩ ke sɩ́ ẅɛn n'ɔwá, kè sɩ̀ dù mɛ̀n de mɛ́n bɔ́ nɛ̀n nwù nɔn, ɔmuhi mɛ̀n vá ɛnhibù wú anwrɔn bɩ̀die kruhú, kɩ mɛ̀n sɩ̀ vá nɛ̀n nwù-bɔ́-yri.

Zhan 12:6

Kè sɩ̀ dù ɛmian-bɔ̀ kruhú de nɛ dɔ́ ankà ndɔ lɔ nɔn, tɛ́n ɔmuhi nɛ̀n dú ɛci-yerɛ-wrɔn nɔn; ɔkùa léyi yɛ tán nɛ̀n nɛ̀n hɛ́n nɔn, ne bɩ́ srɔ nɛ tɛn.

Zhan 3:17

Ɔwɔ kè sɩ̀ wá n'Ɛnẅì ɔkɔhɔ̀n ɛnhibù wú, ô nɛ̀n bɔ̀ ɛnhibù nwù, tɛ́n ne ji le ɛnhibù kɛ cɔ́ ebɩ̀die n'eyri.

Zhan 5:40

Ɔmu tɛ̀ kɩ nyɛ́n sɩ́ ji nyɛ́n vá m'eyri, ô nyɛ́n cɔ́ ɛwúvà annànwɔrɛ.”

Zhan 6:33

Ɔmuhi ɛci-zî léyi Ɔwɔ kɛ tán nɔn, dú ɛci léyi dú anhobɩ́ kakɛ hɩ kɛ tán ɛnhibù ɛwúvà kɔrɛ̀ nɔn.”

Zhan 6:51

Mɛ̀n dú ɛci-zî kɔrɛkɔrɛ léyi dú anhobɩ́ kakɛ nɔn. Ke dú kɛ, ɔwrɔn ke zî ɛci ndɔ lɔ, ne le dú ɔkɔrɛ mɛ̀n ɛnvra lɔ fɛn. Ɛci-zî léyi mɛ lɛ tán nɔn dú m'edùwrú; mɛ tán ɛci-zî ndɔ lɔ hô, ɛnhibù ke dú ɔkɔrɛ mɛ̀n.”

Rɔmɛ̀n-anmàn-bɔ̀ 2:21

Zɛtɛn, vɛ́n léyi ɛ kran ankà e yé ɛnyran hɔ̀n, cɛci kruhú kɛ e sɩ́ yé v'edòmɛ̀n ankà hà? Vɛ́n léyi ɛ dɔ̀ le ke sɩ́ ji le ye yerɛ ɛci, cɛci kruhú kɛ́ vɛtɛn e yerɛ ɛci hɛ́?

Kpàkpà timote 1:15

Nyàn ankà annanwɔrɛ tɔ̀n léyi anwrɔn lɔ fɛn ke le shrì kè bɩ nɔn: Zhezü Krisì vá ɛnhibù lɔ wú, ô kè bɩ́ ɛgbàn-hán bɔ̀ kè die. Mɛ̀n krɛgbàn mɛ̀n vrán ɛgbàn-hán-bɔ̀ lɔ fɛn,

Ebre-bɔ̀ 6:17

Tɛ́n, Ɔwɔ ke ji kè vru kè yé kpetee le anwrɔn hɔ̀n léyi nɛ̀n wá anvrɛn mùan nɔn, n'ankà-dɔ̀ lɔ ke sɩ́ crɛa; hɩ le kruhú de nɛ̀n bɩ́ n'ebi nɛ̀n wá ɔmùan-wá lɔ mɛ̀n nɔn.

Ebre-bɔ̀ 7:25

Hɩ le kruhú de anwrɔn hɔ̀n léyi kɛ sɔnbá Ɔwɔ ɛtɛ̀sɛ̀n n'ebɩmɛ̀n nɔn, ne le bɩ́ yɔ tɛ̀ nɛ̀n die brɛzri, ɔmuhi nɛ̀n dú ɛnvra lɔ fɛn ankɔrɛkɔrɛ mɛ̀n, ô nɛ̀n sɛ́n Ɔwɔ nɛ̀n tán yɔ nɔn.

2 Piɛrɛ̀n 1:11

Ɔmu lɔ de ɛnlevri kɛ lɛ trɛ́ nyɛ̀n Anhobɩ́ Nɛ̀ncüì-dúyri léyi ke sɩ̀ ẅɛn ɔtrɔ nɔn, n'ebruemɛ̀n, Anhobɩ́ Nɛncüì-dúyri ndɔ léyi dú bɔ́ Ɛẅɛnwrɔn mán bɔ́ Ebɩdie-wrɔn Zhezü Krisì tɛn nɔn.