Zhan 1:9 - Ɛmɛẅi ankà ankrànkràn 2003

⁹ Ankà-dɔ̀ ndɔ lɔ dú annanwɔrɛ yri-kàn zri kpokpo, hɩ kɛ vá ɛnhibù wú ô kɛ̀ tán anwrɔnẅì lɔ fɛn ɛyri-kàn nɔn.

Zhan 1:9 Iomraidhean Croise

Matie 6:23

tɛ́n ke dú kɛ v'anvɛ̀ kè sɩ̀ zrɔa, v'edùwrú mumù lɔ fɛn dú ɛyri-yɔwɔ mɛ̀n. Ke dú kɛ ɛyri-kàn léyi dú mɛ́n ɛmɛ̀n dú eci yɔwɔ, ɛyri-yɔwɔ ndɔ lɔ, ke le sevri kɛ̀ ká ankɔ̀rɛ̀.”

Lükɛ̀n 11:36

Ke dú kɛ v'edùwru lɔ fɛn dú ɛyri-kán mɛ̀n, kɩ n'ɛyri zriɛmɛ́n kɛ sɩ̀ dù ɛyri-yɔwɔ mɛ̀n hô, ne le dú nɛ́n mumù lɔ fɛn ɛyri-kán mɛ̀n, kɛ lɛ hán ɛnvra léyi kɛniɛn kɛ gbrɛ́n ku mɛ́n edomɛ̀n nɔn.”

Zhan 1:4

N'ɛmɛ̀n de ɛwúvà-kɔrɛ̀ ndù nɔn, kɩ ɛwúvà-kɔrɛ̀ ndɔ lɔ kɛ tán anwrɔnẅì ɛyri-kàn.

Zhan 1:7

Nɛ́n và hán dalɛfuɛ-di-wrɔn hɔ́, ô nɛ̀n di ɛyri-kàn dalɛfuɛ. Nɛ́n và, ô yɔ lɔ fɛn yɔ ẅɛn ankaẅì-bùtan ankà léyi nɛ dɔ̀ nɔn yi wú.

Zhan 12:46

Mɛ tɛn mɛ̀n vá ɛnhibù wú hán ɛyrikàn hɔ́, ô ɔwrɔn totɔtɔ̀n léyi ke bú m'ankà kɛ tán ankaẅì nɔn ke bɩ́ dú ɛyri yɔwɔ mɛ̀n.

Zhan 14:6

Zhezü mrɛ́n nɛ̀n ɔmùan le: “Mɛ̀n dú ɛnlevri, mɛ̀n dú ankà-annanwɔrɛ, mɛ̀n dú ɛwúvà-kɔrɛ̀. Ɔwrɔn zriɛmɛ́n ke sɩ̀ hɔ́n Dade nanvrɛn ke dú kɛ nɛ̀n sɩ̀ cì m'eyri.

Zhan 15:1

“Mɛ̀n dú ɛkɛ̀tɛ̀ annanwɔrɛ kɩ Dade dú ɛkɛ̀tɛ̀ nɛ́n zi.

Zhan 6:32

Zhezü mrɛ́m yɔ ɔmùan le: “Mɛ dɔ́ nyɛ̀n, annanwɔrɛ mɛ̀n le: Ke sɩ̀ dù Mohizì de kɛ̀ tán nyɛ̀n ɛci-zî léyi dú anhobɩ́ và nɔn, tɛ́n Dade de kɛ tán nyɛ̀n anhobɩ́ ci-zî annanwɔrɛ nɔn.

Zhan 7:12

Yɛ dɔ́ n'ankà bobrebe fɛcüè lɔ mɛ̀n. “Nɛ̀n dú ɔwrɔn anvrɛnvrɛn”, dú anwrɔn janbɔ̀ anmùan mɛ̀n kɛ dɔ̀. “Ndɔ hɔ̀n kɛ dɔ̀ le, hɔ̂, nɛ frɛ́n anwrɔn.”

1 Zhan 1:8

Ke dú kɛ bó tro tán le, ɛgbàn bàda bɔ̀ edomɛ̀n, bɔ́ frɛ́n bɔ́ dùku bɔ́ edomɛ̀n kɩ annanwɔrɛ bàda bɔ̀ ɛmɛ̀n.

1 Zhan 2:8

Ɔmu tɛ́kɩ nɛ̀n dú ɛnyanmàn wrù tɔ̀n léyi me merɛ́n tan nyɛ̀n kɩ n'annanwɔrɛ ke yé n'edomɛ̀n Krisì mɛ̀n, kɩ nyɛ́n mán ny'ɛmɛ̀n. Annanwɔrɛ mɛ̀n lɔ, ɛyri-yɔwɔ kɛ hɔ̀n, kɩ ɛyrikàn annanwɔrɛ bukru kɛ gbrɛ́n.

1 Zhan 5:20

Bɔ̀ nyri ɔmu le Ɔwɔ Ẅì nvà, kɩ nɛ̀n tán bɔ̀ ɛnkruemɛ̀n-ẅɛ̀n, ô bɔ̀ nyri Ɔwɔ annanwɔrɛ lɔ. Bɔ̀ dú Ɔwɔ annanwɔrɛ lɔ n'ɔbɔ̀sɔ̀ lɔ mɛ̀n n'Ɛnẅì Zhezü Krisì mɛ̀n. Nɛ́n de nɛ̀n dú Ɔwɔ annanwɔrɛ lɔ nɔn, nɛ́n de nɛ̀n dú ɛwúvà léyi ke sɩ́ trɔa nɔn.