Zhan 1:7 - Ɛmɛẅi ankà ankrànkràn 2003

⁷ Nɛ́n và hán dalɛfuɛ-di-wrɔn hɔ́, ô nɛ̀n di ɛyri-kàn dalɛfuɛ. Nɛ́n và, ô yɔ lɔ fɛn yɔ ẅɛn ankaẅì-bùtan ankà léyi nɛ dɔ̀ nɔn yi wú.

Zhan 1:7 Iomraidhean Croise

Zhan 1:12

Ɔmu tɛ̀kɩ, anwrɔn janbɔ̀ shri bɩ́ nɛ̀n kɩ yɔ bú n'ankà yɔ tán ankaẅì; nɛ̀n tán yɔ ɛkɔrɛ̀-levri yɔ srɔ Ɔwɔ ẅì hɔ̀n.

Zhan 1:15

Zhan dɔ́ n'ankà; nɛ dɔ̀ le: “N'ankà de mɛ́n dɔ̀, ɛnvra léyi mɛ́n dɔ̀ le: ‘Nɛ̀n dú mɛ̀n ɛmɛẅi nɛ và, tɛ́n nɛ̀n sevri nɛ̀n vrán mɛ̀n, ɔmuhi nɛ́n dù, yakɛ mɛ́n và nɔn.’ ”

Zhan 1:19

Nyàn dalɛfuɛ-di-ankà léyi Zhan dɔ́ zhüifɛ̀n-bɔ̀ cüìcüì hɔ̀n léyi dú Zherüzalɛmɛ̀n anmàn, hɩ wá Ɔwɔ-cice-bɔ̀ mán y'ɛtɛsɛ̀n bɔ̀ ɔkɔhɔ̀n kɛ và kè yrɛ nɛ̀n le: “Antɔnwrɔn dú mɛ́n hɛ́n?”

Zhan 1:36

Ɛnvra leyi nɛ̀n kán Zhezü ndù ke cì nɔn, nɛ dɔ̀ le: “Nyàn Ɔwɔ Kɔ̀kɔ̀sɛ̀-ẅì!”

Zhan 1:9

Ankà-dɔ̀ ndɔ lɔ dú annanwɔrɛ yri-kàn zri kpokpo, hɩ kɛ vá ɛnhibù wú ô kɛ̀ tán anwrɔnẅì lɔ fɛn ɛyri-kàn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 19:4

Pɔlɛ̀n kɛ dɔ́ yɔ le: “Zhan kɛ wá anwrɔn hɔ̀n léyi shrì crɔ́n y'eci-hán-ci hɔ̀n lɔ ɛnshi ɛnkru kɩ nɛ dɔ́ Izraɛlɛ̀n fɛcüè kɛ ẅɛn ankaẅì-bùtan ɔnwrɔn léyi dú nɛ̀n ɛmɛẅi kɛ và nɔn n'ɛwú, ɔwrɔn lɔ, nɛ́n de nɛ̀n dú Zhezü nɔn.”

Galasi anmàn-bɔ̀ 3:26

Ɔmuhi nyɛ lɛ fɛn nyɛ́n dú Ɔwɔ ẅì hɔ̀n ankaẅì-bùtan léyi bɔsɔ́ nyɛ́n mán Zhezü Krisì mɛhi nɔn.

Efɛzɛ̀n anmàn-bɔ̀ 3:9

Ke ji le mɛ̀n sɩ́ ɛyri-kán mɛ̀n, kè dú anwrɔnẅì lɔ fɛn tɛn, Ɔwɔ ankɔ́nda ankà-bán-ankà ci-hán lɔ. Nɛ́n léyi nɛ̀n dú ɛci hɔ̀n lɔ fɛn hán-wrɔn, nɛ́n tɛ̀hɛ́n ɛbán mɛ̀n ankɔ́nda ci-hán ndɔ lɔ ɛnvra lɔ fɛn mɛ̀n,

Kpàkpà timote 2:4

léyi ke ji le anwrɔnẅì lɔ fɛn kɛ̀ cɔ́ ebɩ̀die, ô yɔ nyri eci léyi dú ankà annanwɔrɛ nɔn.

Titɛ̀n 2:11

Ɔmuhi Ɔwɔ yé nɛ́n nboafɔ̀n léyi dú ɛnkrukɔrɛ shi-bɛ́ tán anwrɔnẅì lɔ fɛn nɔn.

2 Piɛrɛ̀n 3:9

Ɛẅɛnwrɔn ke sɩ́ mɔɛn n'ɔmùan-wá ci-hán mɛ̀n, hán ɔmu le anwrɔn janbɔ̀ ke tro nɔn. Tɛ́n nɛ ẅɛn ɛnbɔrɛ hɛ́n n'eci-hán mɛ̀n ny'ɛwú, ɔmuhi nɛ́n sɩ́ ji le ɔwrɔn totɔtɔ̀n léyi dú mɛ́n nɔn, ɛ̀ hɔ́n v'ɛzrɛ́n mɛ̀n; tɛ́n ne ji le yɔ lɛ fɛn yɔ cɔ́ ɛkɔrɛ̀levri yɔ crɛ ejüì yɔ sɔ́n ɛgbàn.