Zhan 1:51 - Ɛmɛẅi ankà ankrànkràn 2003

⁵¹ Kɩ nɛ̀n vru nɛ dɔ̀ le: “Annànwɔrɛ mɛ̀n mɛ dɔ́ nyɛ̀n le: nyɛ lɛ kán anhobɩ́ kɛ lɛ gbɛ́ ɔmùan kɩ Ɔwɔ-kùyüre-bɔ̀ kɛ lɛ kà, kɛ lɛ hɔ́n ɛwú, kɛ lɛ kàkɛ, kɛ lɛ nyɔn ɔwrɔnẅì Ẅì wúɛ!”

Zhan 1:51 Iomraidhean Croise

Matie 25:31

“Ɛnvra léyi ɔwrɔnẅì Ẅì kɛ lɛ vá n'eci-zrɔ lɔ mɛ̀n, nɛ́n mán Ɔwɔ-kùyüre-bɔ̀ lɔ fɛn mɛhi nɔn, nɛ lɛ yɛ́ n'eci-zrɔ-gbú-tobù lɔ wú.

Matie 26:24

Ɔwrɔnẅì Ẅì ke le wù, hán ɔmu le Ɛwrú Prɔnprɔn hɔ̀n merɛ́n n'ɛwú nɔn. Tɛ́n muzhie tán ke le dù tán ɔwrɔn léyi kɛ lɛ hɛ́ ɔwrɔnẅì Ẅì nɔn! Zrɔ tán le, nɛ́n, ɔwrɔn ndɔ lɔ, ye bɩ́ bî nɛ̀n!”

Matie 3:16

Ɛnvra léyi yɛ wá Zhezü ɛnshi ɛnkru trɔ nɔn, nɛ̀n dú ɛnshiemɛ̀n nɛ̀n srɔ ɛntrɛ. Ɛnvra zri lɔ anhobɩ́ gbɛ́ ɔmùan: nɛ̀n kán Ɔwɔ Hɛ́n kakɛ hán brɛndre hɔ́ kɩ hɔ́ncɔ́ nɛ̀n.

Matie 4:11

Ɛnvra zri ndɔ lɔ mɛ̀n, anwa-wrɔn teze nɛ̀n. Zɛtɛn Ɔwɔ-kùyüre-bɔ̀ vá Zhezü ɛtɛ̀sɛ̀n kɩ wá nɛ̀n esùva.

Matie 8:20

Zhezü mrɛ́n nɛ̀n ɔmùan le: “Kpekpe hɔ̀n ẅɛn ɛnnànmàn kɛ dɛ́ ɛmɛ̀n, kɩ annrɛn hɔ̀n ẅɛn anwɔn kɛ dɛ́ ɛmɛ̀n, tɛ́n ɔwrɔnẅì Ẅì kè sɩ̀ ẅɛ̀n ɛyri léyi nɛ lɛ dɛ́ ô nɛ̀n wrɔncüe nɔn.”

Matie 9:6

Tɛ́n, me ji le nyɛ́n nyrì le, ɔwrɔnẅì Ẅì ẅɛn ɛkɔrɛ̀levri ɛnhibù wú ke le bɩ́ ɛgbàn kè ce.” Zɛtɛn Zhezü kɛ dɔ́ ɔkpɔ̀cɔ-wrɔn lɔ le: “Tɔhú, bɩ́ vɛ́n sofà lɔ, hɔ̀n ɛbemɛ̀n.”

Markɛ̀n 1:10

Ɛnvra léyi Zhezü dú ɛnshiemɛ̀n srɔ nɔn, nɛ̀n kán anhobɩ́ gbɛ́ ɔmùan kɩ, Ɛnhɛ́n Prɔnprɔn bɩ́ brɛndre dùwrú kakɛ nɛ̀n ɛwúɛ.

Markɛ̀n 14:62

Zhezü mrɛ́n ɔmùan le: “Hɛ̀ɛ̀, mɛ̀n dú Ɔwɔ ẅì, kɩ nyɛ́n lɔ fɛn nyɛ lɛ kán ɔwrɔnẅì Ẅì kɛ lɛ yɛ́ ɛkɔrɛ̀srɔn Wɔ ezì-kɔrɛ̀a; nyɛ́n le vru nyɛ́n kán nɛ̀n anhobɩ́ wì-gbuemɛ̀n nɛ̀n và.”

Lükɛ̀n 2:13

Ɛnvra zri lɔ, ɔwɔ-kùyüre-bɔ̀ bobrebe ndɔ hɔ̀n dú anhobɩ́ nvà, kɩ kɛ mrɛ́n Ɔwɔ, kɛ dɔ̀ le:

Lükɛ̀n 2:9

Ɛẅɛnwrɔn kùyüre-wrɔn tɔ̀n srɔ y'ezìwú kɩ Ɛẅɛnwrɔn ci-zrɔ yri-kàn gbrɛ́nkɛ́n yɔ ɔmùan. Ɛnjansù vri tɔ̀n bru yɔ edù.

Lükɛ̀n 22:43

Zɛtɛn anhobɩ́-kuyüre-wrɔn tɔ̀n srɔ ô kɛ̀ tán nɛ̀n ecüì.

Lükɛ̀n 22:69

Tɛ́n Bukru zɛtɛ̀ lɔ ɔwrɔnẅì Ẅì kɛ lɛ yɛ́ ɛkɔrɛ̀srɔn Wɔ ezì-kɔrɛ kɔrɛ̀a.”

Lükɛ̀n 24:4

Yɔ sɩ́ nyri ankà léyi yɔ le tro kɩ wúcɔ̀ anhyrɛ̀ cɔ́ ɛceci wosú srɔ.

Lükɛ̀n 3:21

Ɛnvra léyi yɔ wá fɛcüè lɔ fɛn ɛnshi ɛnkru trɔ nɔn, Zhezü mán yɛ wá ɛnshi ɛnkru. Ɛnvra léyi Zhezü dú Ɔwɔ-sɛ́n mɛ̀n nɔn, anhobɩ́ gbɛ́ ɔmùan,

Zhan 1:50

Zhezü mrɛ́n nɛ̀n ɔmùan le: “E bútan ankaẅì, ɔmuhi mɛ̀n dɔ́ mɛ́n le, mɛ̀n kán mɛ́n ɛẅì-shi-tɛ̀ tɔ̀n krugbɛ̀n nɛ́n? Ɛ lɛ kán ɛci ɛvrivri hɔ̀n ankrànkràn kɛ lɛ vrán ndɔ léyi ɛ kàn nɔn!”

Zhan 10:1

“Mɛ dɔ́ nyɛ̀n annanwɔrɛmɛ̀n le: ɔwrɔn léyi ke sɩ́ ci annɔ̀n-kɔ̀ gbàtà, hɩ kɛ ká ɔkɔ̀ ke bru annɔ̀n-kɔ̀ mɛ̀n nɔn, ɔwrɔn ndɔ lɔ nɛ̀n dú ɛci-yerɛ-wrɔn mán ɛci-gbangbàn-hán-wrɔn.

Zhan 10:7

Zhezü vru kɛ dɔ̀ le: “Hɛ̀ɛ̀, mɛ dɔ́ nyɛ̀n annanwɔrɛ mɛ̀n le: mɛ̀n dú kɔ̀kɔ̀sɛ̀-kɔ̀ gbàtà.

Zhan 13:16

Mɛ dɔ́ nyɛ̀n annanwɔrɛ mɛ̀n le: eci-bɩ̀tan-wrɔn zriɛmɛ́n ke sɩ̀ sevri kɛ̀ vrán n'ɛẅɛnwrɔn, kɩ ɔkɔhɔ̀n-wá-wrɔn zriɛmɛ́n ke sɩ̀ vrán ɔwrɔn léyi wá nɛ̀n ɔkɔhɔ̀n nɔn.

Zhan 13:38

Zhezü mrɛ́n ɔmùan le: “Annanwɔrɛ mɛ̀n, ɛ̀ krɔn kpehɛ́n e le wú m'ɛkruhúɛ? Annanwɔrɛ mɛ̀n mɛ dɔ́ mɛ́n le: ɛkɔ̀sɔ̀-cüì ke sɩ̀ di ɛnkù, kɩ ɛ lɛ dɔ́ andɛ̀n anhɔ̀n le, è sɩ̀ nyri mɛ̀n.”

Zhan 14:12

Annanwɔrɛ mɛ̀n mɛ dɔ́ nyɛ̀n le: ɔwrɔn léyi ke bú m'ankà kɛ tán ankaẅì nɔn, nɛ lɛ hán nɛ́n mán, ɛci hɔ̀n léyi mɛ hán nɔn. Nɛ lɛ hán yɔ kɛ lɛ sàn sevri, ɔmuhi mɛ hɔ́n Dade tɛsɛ̀n nɔn.

Zhan 16:20

Mɛ dɔ́ nyɛ̀n annánwɔrɛ mɛ̀n le: nyɛ́n le wú eyú kɩ nye le di ejüe, tɛ́n ɛnhibù ke le dú pɔpƐɛ̀-brá mɛ̀n; tɛ́n ny'ejüedì lɔ kɛ lɛ srɔ pɔpüɛ̀.

Zhan 16:23

“Ɛnbì léyi ɛnvra ndɔ lɔ kɛ lɛ cɔ̀ nɔn, nyɛ́n sɩ̀ yrɛ mɛ̀n ankà, ankà zriɛmɛ́n wúɛ. Mɛ dɔ́ nyɛ̀n annànwɔrɛ mɛ̀n le: Ɔwɔ Zi kɛ lɛ tán nyɛ̀n eci lɔ fɛn léyi nyɛ lɛ sán nɛ̀n m'ebɩ́mɛ̀n nɔn.

Zhan 21:18

Annanwɔrɛ mɛ̀n mɛ dɔ́ mɛ́n le: Ɛnvra léyi è dú sugbàn-wrɔn nɔn, vɛ́n dùku ɛ nyɔn pɛtɛ̀n ɛẅìe kɩ ɛ hɔ́n ɛyri léyi e ji nɔn; tɛ́n ɛnvra léyi ɛ lɛ srɔ ecüìcüì nɔn, ɛ lɛ trɛ́n ɛkɔrɛ̀ kɩ ɔwrɔn nyantɛn kɛ lɛ nyɔn mɛ́n vɛ́n pɛtɛ̀n lɔ ɛẅìe kɩ ne le bɩ́ mɛ́n nɛ lɛ hɔ́n ɛyri léyi e sɩ́ ji ɛ̀ hɔ̀n nɔn.”

Zhan 3:3

Zhezü mrɛ́n nɛ̀n ɔmùan le: “Hɛ̀ɛ̀, mɛ dɔ́ mɛ́n annanwɔrɛ mɛ̀n le: ɔwrɔnẅì zriɛmɛ́n ke sɩ̀ kán Anhobɩ́ Nɛ̀ncüì-dúyri lɔ ke dú kɛ ye sɩ̀ sàn bî nɛ̀n.”

Zhan 3:5

Zhezü mrɛ́n ɔmùan le: “Hɛ̀ɛ̀, mɛ dɔ́ mɛ́n annanwɔrɛ mɛ̀n le: ɔwrɔn zriɛmɛ́n ke sɩ̀ bru Anhobɩ́ Nɛ̀ncüì-dúyri ke dú kɛ ye sɩ̀ sàn bî nɛ̀n ɛnshiemɛ̀n mán Ɛnhɛ́n Prɔnprɔn mɛ̀n.

Zhan 5:19

Zhezü vru bɩ́ ankà-dɔ̀ kɩ kɛ dɔ́ yɔ le: “Hɛ̀ɛ̀ mɛ dɔ́ nyɛ̀n le: Ɛnẅì lɔ ke sɩ́ hán eci zriɛmɛ́n nɛ́n dùku n'ɛkɔrɛ̀levriemɛ̀n; nɛ hán eci léyi nɛ kán nɛ́n zi kɛ hán nɔn. Eci lɔ fɛn léyi Ɛnẅì-nɛ́n-zi kɛ hán nɔn, Ɛnẅì mán kɛ hán eci zri lɔ.

Zhan 5:27

Kɩ nɛ̀n tán Ɛnẅì ɛkɔrɛ̀srɔn kè ci ɛmrɛ̀n, ɔmuhi Ɛnẅì lɔ dú ɔwrɔnẅì Ẅì nɔn.

Zhan 6:26

Zhezü mrɛ́n yɔ ɔmùan le: “Mɛ dɔ́ nyɛ̀n annanwɔrɛmɛ̀n le: nye ji mɛ̀n ɔmuhi nyɛ́n cɔ́ abutùkumɛ́n nyɛ́n rá fɔ́n nyɛ̀n, kɩ kè sɩ̀ dù anvɛmɛ̀n-frɛ́n-ci hɔ̀n léyi mɛ hán nɔn, hɩ mɛ̀n de nyɛ́n cɔ̀ nyɛ́n nyrì nɔn kruhú.

Zhan 6:32

Zhezü mrɛ́m yɔ ɔmùan le: “Mɛ dɔ́ nyɛ̀n, annanwɔrɛ mɛ̀n le: Ke sɩ̀ dù Mohizì de kɛ̀ tán nyɛ̀n ɛci-zî léyi dú anhobɩ́ và nɔn, tɛ́n Dade de kɛ tán nyɛ̀n anhobɩ́ ci-zî annanwɔrɛ nɔn.

Zhan 6:47

Mɛ dɔ́ nyɛ̀n annanwɔrɛ mɛ̀n le: Ɔwrɔn léyi kɛ ẅɛn ankaẅì-bùtan nɔn, ɛwúvà léyi ke sɩ́ trɔa nɔn dú nɛ tɛn.

Zhan 6:53

Zhezü kɛ dɔ́ yɔ le: “Mɛ dɔ́ nyɛ̀n annanwɔrɛmɛ̀n le: ke dú kɛ nyɛ́n sɩ̀ rà ɔwrɔnẅì Ẅì ẅia, kɩ nyɛ́n sɩ̀ mì n'ɛnkrɛ̀, ɛwúvà-kɔrɛ̀ ke sɩ̀ dú nyɛ̀n ɛmɛ̀n.

Zhan 8:34

Zhezü mrɛ́n yɔ ɔmùan le: “Mɛ dɔ́ nyɛ̀n, annanwɔrɛmɛ̀n le: ɔwrɔn totɔtɔ̀n léyi kɛ hán ɛgbàn nɔn, nɛ̀n dú ɛgbàn wɔ̀n-wrɔn tɔ̀n.

Zhan 8:51

Mɛ dɔ́ nyɛ̀n ankaẅì annanwɔrɛ mɛ̀n le: ɔwrɔn léyi ke die m'ankà-dɔ̀ nukùɛ nɔn, nɛ́n sɩ̀ wú mrìmrì.”

Zhan 8:58

Zhezü mrɛ́n yɔ ɔmùan le: “Mɛ dɔ́ nyɛ̀n annanwɔrɛ mɛ̀n le: yɛ vá bî Abrahamɛ̀n, kɩ ‘Mɛ́n dù’.”

Ɔkɔ̀hɔ̀n-wá-bɔ̀ kɔ̀hɔ̀n hán 10:11

Nɛ̀n kán anhobɩ́ gbɛ́ ɔmùan kɩ eci tɔ̀n dú nɛ̀n ɛmɛ̀n kakɛ: ndù cá tɛbrɛ̀ wú càsa vri tɔ̀n léyi yɛ ẅɛn ɛnkru d'anzɔ̀ lɔ, hɩ kɛ vá ɛnhi nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 7:56

Nɛ dɔ̀ le: “Nyɛ́n die nukùɛ, mɛ kán anhobɩ́ gbɛ́ ɔmùan kɩ ɔwrɔnẅì Ẅì nyɔn Ɔwɔ zì-kɔrɛ̀a.”

2 Tesalonikɛ̀n anmàn-bɔ̀ 1:7

kɩ nɛ lɛ tán nyɛ̀n anwɔwɔ, nyɛ́n léyi nyɛ kán ɛgbàn mán bɔ́ mɛhi. Ndɔ lɔ kɛ lɛ wɔɛ̀n ɛnvra léyi Ɛẅɛnwrɔn Zhezü ke le dú anhobɩ́ kɛ̀ srɔ nɛ́n mán n'ɛkɔrɛ̀-srɔn wɔ-kùyüre-bɔ̀ mɛhi;

2 Tesalonikɛ̀n anmàn-bɔ̀ 1:9

Y'ɛjrɛ́ gòdòò, ke le dú y'ɛgbàn-wɔɛ̀n-dì, yɔ le dú esù she Ɛẅɛnwrɔn kɔrɛ̀-srɔn ci-zrɔ lɔ tɛ̀sɛ̀n,

Kpàkpà timote 3:16

Hɛ̀ɛ̀, ye sɩ̀ wrɔ́n anmanta rɔ́, nɛ̀n sevri ankà-bán-ankà léyi b'ankaẅì-bùtan ke yé nɔn! Krisì léyi srɔ, ndù hán ɔwrɔnẅì hɔ́ nɔn, Ɛnhɛ́n Prɔnprɔn yé le, nɛ̀n dú ɛnyrɔnnan-wrɔn kɩ Ɔwɔ-kùyüre-bɔ̀ cüe nɛ̀n ankɔrɛ̀ ezìwúɛ. Yɛ dɔ́ n'ankà ɛnhi wú anmàn hɔ̀n lɔ fɛn, bobrebe bú n'ankà tán ankaẅì ɛnhibù wú, ye sɩ́ nɛ̀n ɛwú anhobɩ́ ci-zrɔ lɔ mɛ̀n.

Ebre-bɔ̀ 1:14

Ɔwɔ kùyüre-bɔ̀ dú anhɛ́n hɔ̀n léyi dú Ɔwɔ ci-bɩtan kɔ̀hɔ́n mɛ̀n nɔn kɩ: nɛ wá yɔ ɔkɔ̀hɔ̀n yɔ bɩ́ ɛkɔrɛ̀-wá yɔ hɔ́n sɩ́ anwrɔn hɔ̀n léyi kɛ lɛ cɔ́ ɛnkrukɔrɛ̀ nɔn.

Zhüdɛ̀n 1:14

Enɔkɛ̀n, Adamɛ̀n mɛẅi, ɔbɔ̀ɛn mɛ̀n ẅì kprɔ̀hɔ́, de ɛnvra sheshe mɛ̀n dɔ́ y'ɛwú ankà, kɩ nɛ́n dɔ̀ le: “Nyɛ́n die nukùɛ, Ɛẅɛnwrɔn kɛ lɛ và nɛ́n mán n'ɛkùyüre-bɔ̀ prɔnprɔn hɔ̀n bobrebe mɛhi,

Ɔwɔ-mɛ̀n-yrikàn 19:11

Zɛtɛn mɛ̀n kán anhobɩ́ gbɛ́ ɔmùan, kɩ kpàngɔ wosu tɔ̀n srɔ. Ɔwrɔn léyi yɛ́ nɛ̀n ɛwú nɔn, ye bi nɛ̀n Ɔmùanzri-dì mán Annanwɔrɛ; ne ci ɛmrɛ̀n kɩ nɛ kɔ́n anhà ɛnyrɔnnan mɛ̀n.

Ɔwɔ-mɛ̀n-yrikàn 4:1

Ndɔ lɔ mɛẅi, mɛ̀n cɔ́ ɛyrikàn nyantɛn tɔ̀n: mɛ̀n kán esù tɔ̀n srú anhobɩ́. Esùva léyi mɛ́n gɔ̀ yá, hɩ ke dí nkù kɛ hán ɛbrɛ̀n-gbá hɔ́ nɔn, kɛ dɔ́ mɛ̀n le: “Ɛ̀ kà ɛ̀ vá ɛnu lɔ, kɩ me le yé mɛ́n eci léyi kɛ lɛ wɔɛn zɛtɛn nɔn.”