Zhan 1:45 - Ɛmɛẅi ankà ankrànkràn 2003

⁴⁵ Zɛtɛn, Filipɛ̀n mán srɔ́n Natanaɛlɛ̀n ɛsù kɩ kɛ dɔ́ nɛ̀n le: “Bɔ̀ cɔ́ ɔwrɔn léyi Mohizì dɔ́ n'ankà ɛnyanmàn-wrú lɔ mɛ̀n, hɩ Ɔwɔ-mùanwú-ankà-dɔ́-bɔ̀ mán dɔ̀ nɔn. Nɛ́n de nɛ̀n dú Zhezü nɔn, Zhozɛfɛ̀n ẅì, Nazarɛtɛ̀n anmàn wrɔn.”

Zhan 1:45 Iomraidhean Croise

Matie 10:3

Filipɛ̀n mán Bartelemi; Toma mán Matie léyi dú anmàn-wɔɛ̀n-yrɛ-wrɔn nɔn, Zhakɛ̀n léyi dú Alfe ẅì nɔn mán Tade;

Matie 13:55

Kɛ̂, kè sɩ̀ dù nɛ́n de nɛ̀n dú anbɔ̀hɔ́-kɔ̀hɔ̀n-hán-wrɔn lɔ ẅì nɛ́n? Mari kè sɩ̀ dù nɛ́n muan? Zhakɛ̀n, Zhozɛfɛ̀n, simɔn mán Zhüdɛ̀n kè sɩ̀ dù nɛ́n muan-ẅì hɔ̀n wúcɔ̀-ẅì hɔ̀n hàn?

Matie 2:23

Kɩ nɛ́n hɔ̀n yɛ́ anmàn léyi ye bi Nazarɛtɛ̀n nɔn. Ɔmu lɔ de ndù nɔn, ô Ɔwɔ-mùanwú-ankà-dɔ́-bɔ̀ ankà lɔ kɛ̀ sá nmù: “Ye le bi nɛ̀n Nazarɛtɛ̀n-anmàn-wrɔn.”

Matie 21:11

Anwrɔn mrɛ́n ɔmùan le: “Ɔwɔ-mùanwú-ankà-dɔ́-wrɔn Zhezü, Nazarɛtɛ̀n anmàn, Galile kpɔsɔ wú wrɔn.”

Markɛ̀n 14:67

Nɛ̀n kán Piɛrɛ̀n yɛ́ kɛ yɩ́ ɛnhyà, nɛ́n nyan yi anvrɛnvrɛn kɩ nɛ dɔ́ yi le: “Vɛ́n mán, è dú Nazarɛtɛ̀n Zhezü sɛ̀nkɛn-wrɔn.”

Markɛ̀n 6:3

Kɛ̂ kè sɩ̀ dù nɛ́n de nɛ̀n dù anbɔ̀hɔ́ kɔ̀hɔ̀n-hán-wrɔn lɔa, Mari ẅì, nɛ́n muan-ẅì hɔ̀n kè sɩ̀ dù Zhakɛ̀n, Zhoze, Zhüdɛ̀n mán Simɔn hàn? Nɛ́n muan-ẅì hɔ̀n wúyɔ̀-ẅì hɔ̀n mɛhi bɔ̀ sɩ̀ dù ɛnu hɛ́n?” Kɩ ndɔ lɔ kruhú de yɔ sɩ́ bú n'ankà yɔ tán ankàẅì nɔn.

Lükɛ̀n 18:37

Yɛ dɔ́ nɛ̀n le, Nazarɛtɛ̀n wrɔn Zhezü de ke ci nanvrɛn lɔ nɔn.

Lükɛ̀n 2:4

Zhozɛfɛ̀n mán dú Nazarɛtɛ̀n anmàn Galile Kpɔsɔ wú kɛ hɔ́n Zhüde anmàn léyi ye bi Bɛtlehɛmɛ̀n, ɛyri léyi ye bî ɛnnɛncüì Davidɛ̀n; annànwɔrɛ mɛ̀n nɛ́n mán nɛ̀n dú Davidɛ̀n mɛẅi-wrɔn tɔ̀n.

Lükɛ̀n 2:48

Ɛnvra léyi nɛ́n zi mán nɛ́n muan kán nɛ̀n nɔn, yɔ dú anvɛmɛ̀n-frɛ́n mɛ̀n kɩ nɛ́n muan kɛ dɔ́ nɛ̀n le: “M'ɛnẅì, cɛci kruhú kɛ́ ɛ hán bɔ̀ eci ndɔ lɔa? Mɛ̀n mán e zi mɛhi, bɔ́ dú ɛnkrɛ̀ta-ku mɛ̀n bɔ́ ji mɛ́n.”

Lükɛ̀n 24:27

Zɛtɛn nɛ dɔ́ yɔ ankà hɔ̀n léyi Owrú Prɔnprɔn dɔ́ n'ɛwú, bukru Mohizì wrú hɔ̀n lɔ mɛ̀n hàn kɩ cɔ́ Ɔwɔ-mùanwú-ankà-dɔ́-bɔ̀ wrú hɔ̀n léyi merɛ́n nɔn.

Lükɛ̀n 24:44

Zɛtɛn nɛ dɔ́ yɔ le: “Nyàn ankà léyi mɛ̀n dɔ́ nyɛ̀n ɛnvra léyi nyɛ́n mɛhi bɔ́ dù nɔn: eci hɔ̀n léyi ye merɛ́n m'ɛwú, Mohizì nyanmàn lɔ mɛ̀n, Ɔwɔ-mùanwú-ankà-dɔ́-bɔ̀ wrú hɔ̀n lɔ mɛ̀n, mán Ɔwɔ-mrɛ́n wrú lɔ mɛ̀n nɔn, ke ji le kɛ̀ sá nmù.”

Lükɛ̀n 3:23

Zhezü ẅɛn ɛnnanwàn kru ɛẅìa-ɛvà, ɛnvra léyi nɛ̀n bɔ́ n'ɔkɔhɔ̀n nkru nɔn. Nɛ́n dù hán ɔmu le ye tro nɔn, Zhozɛfɛ̀n ẅì, kɩ Zhozɛfɛ̀n nɛ́n zi dú Heli,

Lükɛ̀n 4:22

Yɔ lɔ fɛn lɔ yɔ dɔ́ ecizrɔ ankà yɔ tán Zhezü, kɩ ye dú anvɛmɛ̀n-frɛ́n mɛ̀n, n'ankà anvrɛnvrɛn léyi nɛ dɔ̀ nɔn, hɩ kruhú yɔ dɔ̀ le: “Kɛ̂ kè sɩ̀ dù Zhozɛfɛ̀n ẅì lɔa?”

Zhan 1:44

(Filipɛ̀n dú Bɛtsahida anmàn wrɔn, ɛyri léyi Andre mán Piɛrɛ̀n sɔ́n ebɩ́ ndù nɔn.)

Zhan 12:21

Yɔ sɔnba Filipɛ̀n ɛtɛsɛ̀n, (nɛ́n léyi nɛ̀n dú Bɛtsahida, Galile kpɔsɔ wú anmàn wrɔn nɔn), kɩ yɔ dɔ́ nɛ̀n le: “Brɛ̀su, bɔ́ ji bɔ̀ kán Zhezü.”

Zhan 14:8

Filipɛ̀n kɛ dɔ́ nɛ̀n le: “Ɛẅɛnwrɔn, è yé bɔ̀ Ɔwɔ Zi kɩ kɛ lɛ zrɔ bɔ̀.”

Zhan 18:5

Yɔ dɔ̀ le: “Nazàrɛtɛ̀n-wrɔn Zhezü.” Zhezü kɛ dɔ́ yɔ le: “Nyàn mɛ̀n.” Kɩ Zhüda léyi kɛ hɛ́ nɛ̀n nɔn, nyɔn nanvrɛn yɔ mɛhi.

Zhan 18:7

Zhezü vru ke yrɛ yɔ le: “Antɔn nye jiɛ?” Yɔ dɔ̀ le: “Nazàrɛtɛ̀n-wrɔn Zhezü.”

Zhan 19:19

Pilatɛ̀n wá tán ye merɛ́n owrú yɛ wá Zhezü gbàn-hán-tɛ̀ lɔ domɛ̀n; owrú lɔ kɛ dɔ̀ le: “Nazarɛtɛ̀n wrɔn Zhezü, Zhüifɛ̀n-bɔ̀ nɛncüì.”

Zhan 21:2

Simɔn Piɛrɛ̀n, Toma (léyi ye bi ɛshre ẅì nɔn), Natanaɛlɛ̀n (léyi dú Kana, Galile Kpɔsɔ wú wrɔn nɔn), Zebede ẅì hɔ̀n, mán Zhezü sɛnkɛn-bɔ̀ anyhrɛ̀, yɔ lɔ fɛn ye dú ɛyri zri.

Zhan 6:42

Zhüifɛ̀n-bɔ̀ ke yrɛ y'edomɛ̀n le: “Kè sì dù nɛ́n Zhezü, Zhozɛfɛ̀n ẅì lɔa? Bɔ́ nyri nɛ́n zi mán nɛ́n muan. Anhɔntan de zɛtɛ̀ lɔ, nɛ dɔ̀ le, nɛ̀n dú anhobɩ́ nɛ́n kakɛ nɛ́n?”

Zhan 6:5

Zhezü nyan, kɩ kán fɛcüè vri tɔ̀n léyi ke ji nɛ̀n nvà nɔn; zɛtɛn nɛ dɔ́ Filipɛ̀n le: “Tɛyri de bɔ́ lɛ cɔ́ ɛci, bɔ̀ wɔ̀ bɔ̀ tán anwrɔn lɔ fɛn kè zî nɛ́n?”

Zhan 6:7

Filipɛ̀n mrɛ́n nɛ̀n ɔmùan le: “Ke dú kɛ bɔ̀ ẅɛn kɔprɛ̀ ɛkoẅi-ɛvà mán, bɔ́ sɩ̀ wɔ́ ɛci kɛ̀ cɔ́ anwrɔn lɔ fɛn rɔ́.”

Ɔkɔ̀hɔ̀n-wá-bɔ̀ kɔ̀hɔ̀n hán 10:38

Nyɛ́n nyri ɔmu le Ɔwɔ hán Ɛnhɛ́n Prɔnprɔn kɔrɛ̀-srɔn vá Nazàrɛtɛ̀n-wrɔn Zhezü ɛwú. Nyɛ́n vru nyɛ́n nyri ɔmu le Zhezü hán ci ɛnhi anmàn lɔ fɛn wú, hán anvrɛn, kɩ kɔrɛ anwrɔn hɔ̀n lɔ fɛn léyi dú anwa-wrɔn kɔrɛ̀-levri wú, ɔmuhi nɛ́n mán Ɔwɔ mɛhi yɔ dù nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:22

Izraɛlɛ̀n-bɔ̀, nyɛ́n die ankà léyi mɛ lɛ dɔ́ nyɛ̀n nɔn nukùɛ: Nazàrɛtɛ̀n-wrɔn Zhezü dú ɔwrɔn léyi Ɔwɔ hán tán nyɛ̀n, nyɛ́n kán n'ɛkɔrɛ̀-srɔn, n'anvɛmɛ̀n-frɛ́n-ci mɛ̀ntɛ mɛ̀ntɛ hɔ̀n mán eci-woroan-ci vɛ́nvɛ́n hɔ̀n léyi nɛ̀n hán ny'anwanzi, hán ɔmu le nyɛ́n dùku mán nyɛ́n nyrì nɔn hɔ́.

Ɔkɔ̀hɔ̀n-wá-bɔ̀ kɔ̀hɔ̀n hán 22:8

Mɛ̀n yrɛ le: ‘Antɔn dú mɛ́n Ɛẅɛnwrɔn?’ Esùva lɔ mrɛ́n ɔmùan le: ‘Mɛ̀n dú Nazàrɛtɛ̀n-wrɔn Zhezü léyi ɛ kɔ́n anhà nɔn.’

Ɔkɔ̀hɔ̀n-wá-bɔ̀ kɔ̀hɔ̀n hán 26:9

Mɛ́n dùku mán, mɛ̀n tro le dú eci ankrankran, ke dú kɛ mɛ kɔ́n Nazarɛtɛ̀n Zhezü anhà.

Ɔkɔ̀hɔ̀n-wá-bɔ̀ kɔ̀hɔ̀n hán 3:6

Zɛtɛn Piɛrɛ̀n kɛ dɔ́ nɛ̀n le: “Mɛ̀n sɩ̀ ẅɛ̀n ɔkùa, mɛ̀n sɩ̀ ẅɛ̀n ansikɛ, tɛ́n eci léyi mɛ́n ẅɛ̀n nɔn, mɛ tán mɛ́n: Nazàrɛtɛ̀n-wrɔn Zhezü Krisì bɩmɛ̀n, tɔhú nán esù!”