Zhan 1:44 - Ɛmɛẅi ankà ankrànkràn 2003

⁴⁴ (Filipɛ̀n dú Bɛtsahida anmàn wrɔn, ɛyri léyi Andre mán Piɛrɛ̀n sɔ́n ebɩ́ ndù nɔn.)

Zhan 1:44 Iomraidhean Croise

Matie 10:3

Filipɛ̀n mán Bartelemi; Toma mán Matie léyi dú anmàn-wɔɛ̀n-yrɛ-wrɔn nɔn, Zhakɛ̀n léyi dú Alfe ẅì nɔn mán Tade;

Matie 11:21

“Muzhie dú vɛ tɛn, Korazɛn! Muzhie dú vɛ tɛn, Bɛtsahida! Ɔmuhi anvɛmɛ̀n-frɛ́n-ci hɔ̀n léyi yɛ hán nye yri nɔn, ke dú kɛ yɛ hán yɔ, Tirɛ̀n mán Sidɔn anmàn hô, ɛnvra sheshemɛ̀n de y'anmàn-bɔ̀ kɛ lɛ cɔ́ ɛceci gbrɔ̀, kɛ wá ɛnwɔ̀n edomɛ̀n, ô kè yé le, yɔ ji yɔ crɔn y'eci-hán-ci.

Markɛ̀n 3:18

Andre, Filipɛ̀n, Bartelemi, Matie, Toma, Zhakɛ̀n Alfe ẅì, Tade, Simɔn Kanan-wrɔn,

Markɛ̀n 6:45

Ɛnvra zri lɔ, Zhezü hán n'ɛsɛ̀nkɛn-bɔ̀ ku anhàka mɛ̀n ô kɛ̀ vɔ́n ɛnshi kɛ̀ hɔ̀n kɛ̀ vrá nɛ̀n ɛnshi mɛẅi Bɛtsahida anmàn tɛ̀sɛ̀n; nɛ tɛ́n nɛ lɛ hán fɛcüè lɔ kè vru ɛmɛẅi kɛ̀ hɔ́n y'edúyri.

Markɛ̀n 8:22

Zhezü mán n'ɛsɛ̀nkɛn-bɔ̀, cɔ́ Bɛtsahida; nanvrɛn lɔ, ye bɩ́ anvɛ̀-bɔyɛ-wrɔn tɔ̀n yɛ vá sɩ́ Zhezü kɩ yɛ sɛ́n nɛ̀n ô nɛ̀n tɛ́ yi ɛkɔrɛ̀.

Lükɛ̀n 10:13

“Muzhie dú vɛ tɛn Korazɛn! Muzhie dú vɛ tɛn Bɛtsahida! Ɔmuhi, ke dú kɛ anvɛmɛ̀n-frɛ́n-ci hɔ̀n lɔ fɛn léyi yɔ hán ny'anmàn lɔ nɔn, ye bɩ yɛ hán Tirɛ̀n mán Sìdɔn kpɔsɔ wú hô, ɛnvra sheshemɛ̀n de y'anmàn-bɔ̀ lɔ kɛ lɛ yɛ́ ɛnhibɩ́, ke le ku ɛceci gbrɔ̀gbrɔ̀ edù, kɩ yɔ le bɩ́ nwɔ̀n yɔ ku edomɛ̀n, ô kè ye le yɔ crɔn ɛnkruɛ.

Lükɛ̀n 6:14

Simɔn, (nɛ̀n wá yi ebi, obù Piɛrɛ̀n) mán nɛ́n muan-ẅì Andre, Zhakɛ̀n mán Zhan, Filipɛ̀n mán Bartelemi.

Lükɛ̀n 9:10

Ɔkɔhɔ̀n-wá-bɔ̀ lɔ vru ɛmɛẅí và kɩ kɛ dɔ́ Zhezü eci lɔ fɛn léyi yɔ hán nɔn yi ankà. Zhezü bɩ́ yɔ hɔ́n ɛyri tɔ̀n léyi ye bi Bɛtsahida nɛ́n mán yɔ mɛhi.

Zhan 1:43

Ɛcɛ̀n cüe, Zhezü wá kɛ̀ hɔ́n Galile kpɔsɔ wú. Nɛ̀n srɔ́n Filipɛ̀n ɛsù kɩ nɛ dɔ́ yi le: “Kɛ́n mɛ̀n ɛsɛ̀n!”

Zhan 1:45

Zɛtɛn, Filipɛ̀n mán srɔ́n Natanaɛlɛ̀n ɛsù kɩ kɛ dɔ́ nɛ̀n le: “Bɔ̀ cɔ́ ɔwrɔn léyi Mohizì dɔ́ n'ankà ɛnyanmàn-wrú lɔ mɛ̀n, hɩ Ɔwɔ-mùanwú-ankà-dɔ́-bɔ̀ mán dɔ̀ nɔn. Nɛ́n de nɛ̀n dú Zhezü nɔn, Zhozɛfɛ̀n ẅì, Nazarɛtɛ̀n anmàn wrɔn.”

Zhan 1:46

Natanaɛlɛ̀n kɛ dɔ́ nɛ̀n le: “Eci ankrankran tán de ke le dú Nazarɛtɛ̀n anmàn kɛ̀ srɔ nɛ́n?” Filipɛ̀n mrɛ́n nɛ̀n ɔmùan le: “Và kɩ ɛ lɛ kàn.”

Zhan 1:48

Natanaɛlɛ̀n ke yrɛ nɛ̀n le: “Anwɔntan ɛ̀ hán è nyri mɛ̀n hàn?” Zhezü mrɛ́n ɔmùan le: “Mɛ̀n kán mɛ́n ɛnvra léyi ɛ̀ yɛ́ ɛẅì-shi-tɛ̀ tɔ̀n krugbɛ̀n yakɛ Filipɛ̀n bi mɛ́n.”

Zhan 12:21

Yɔ sɔnba Filipɛ̀n ɛtɛsɛ̀n, (nɛ́n léyi nɛ̀n dú Bɛtsahida, Galile kpɔsɔ wú anmàn wrɔn nɔn), kɩ yɔ dɔ́ nɛ̀n le: “Brɛ̀su, bɔ́ ji bɔ̀ kán Zhezü.”

Zhan 12:22

Filipɛ̀n hɔ́n dɔ́ andre, kɩ yɔ, anwrɔn anhyrɛ̀ lɔ yɔ hɔ́n dɔ́ Zhezü.

Zhan 6:5

Zhezü nyan, kɩ kán fɛcüè vri tɔ̀n léyi ke ji nɛ̀n nvà nɔn; zɛtɛn nɛ dɔ́ Filipɛ̀n le: “Tɛyri de bɔ́ lɛ cɔ́ ɛci, bɔ̀ wɔ̀ bɔ̀ tán anwrɔn lɔ fɛn kè zî nɛ́n?”

Zhan 6:7

Filipɛ̀n mrɛ́n nɛ̀n ɔmùan le: “Ke dú kɛ bɔ̀ ẅɛn kɔprɛ̀ ɛkoẅi-ɛvà mán, bɔ́ sɩ̀ wɔ́ ɛci kɛ̀ cɔ́ anwrɔn lɔ fɛn rɔ́.”

Ɔkɔ̀hɔ̀n-wá-bɔ̀ kɔ̀hɔ̀n hán 1:13

Ɛnvra léyi yɔ cɔ́ Zherüzalɛmɛ̀n anmàn nɔn, yɔ hɔ́n ɔwɔndà léyi dú ɔwɔn wú, hɩ ɛnbì lɔ fɛn yɔ và yɔ dú ɛmɛ̀n nɔn. Nyàn yɔ léyi yɔ dú nanvrɛn lɔ nɔn: Piɛrɛ̀n, Zhan, Zhakɛ̀n mán Andre, Filipɛ̀n mán Toma, Bartelemi mán Matie, Zhakɛ̀n Alfe ẅì, Simɔn biakpa-wrɔn lɔ mán Zhüdɛ̀n Zhakɛ̀n ẅì.