Zhan 1:43 - Ɛmɛẅi ankà ankrànkràn 2003

⁴³ Ɛcɛ̀n cüe, Zhezü wá kɛ̀ hɔ́n Galile kpɔsɔ wú. Nɛ̀n srɔ́n Filipɛ̀n ɛsù kɩ nɛ dɔ́ yi le: “Kɛ́n mɛ̀n ɛsɛ̀n!”

Zhan 1:43 Iomraidhean Croise

Matie 10:3

Filipɛ̀n mán Bartelemi; Toma mán Matie léyi dú anmàn-wɔɛ̀n-yrɛ-wrɔn nɔn, Zhakɛ̀n léyi dú Alfe ẅì nɔn mán Tade;

Matie 4:12

Ɛnvra léyi Zhezü yá le yɛ wá Zhan anwɔn mɛ̀n nɔn, nɛ̀n hɔ́n Galile kpɔsɔ wú.

Matie 8:22

Zhezü mrɛ́n nɛ̀n ɔmùan le: “Kɛ́n mɛ̀n ɛsɛ̀n ô è teze owú-bɔ̀ kè bɩ́ y'owú-bɔ̀.”

Matie 9:9

Zhezü cɔhɔ́ ɛyri léyi nɛ́n dù nɔn kɩ n'eciemɛ̀n lɔ nɛ̀n kán Matie yɛ́ anmàn-wɔɛ̀n-yrɛ-wɔn mɛ̀n. Zhezü kɛ dɔ́ nɛ̀n le: “Kɛ́n mɛ̀n ɛsɛ̀n!” Matie tɔhú kɩ kɛ́n nɛ̀n ɛsɛ̀n.

Lükɛ̀n 19:10

Ɔmuhi, ɔwrɔnẅì Ẅì, nvà ô kè ji, ô kè bɩ́, yɔ hɔ̀n léyi zrɛ́n nɔn kè die.”

Zhan 1:28

Ɛci ndɔ hɔ̀n lɔ fɛn lɔ wɔɛ́n Betani anmàn, Zhurdɛn shi mɛẅi, ɛyri léyi Zhan kɛ wá anwrɔn ɛnshi ɛnkru nɔn.

Zhan 1:29

Ɛnvra léyi ɛcɛ̀n cüe nɔn, Zhan kán Zhezü, jí nɛ̀n nvà kɩ nɛ dɔ̀ le: “Nyàn Ɔwɔ Kɔ̀kɔ̀sɛ̀-ẅì léyi kɛ gbú ɛnhibù gbàn lɔ sɔhɔ́ nɔn.

Zhan 1:35

Ɛnvra léyi ɛcɛ̀n cüe nɔn, Zhan vru vá ɛyri zri léyi nɛ́n mán n'ɛsɛnkɛn-bɔ̀ anhyrɛ̀ mɛhi yɔ dù nɔn.

Zhan 1:37

Zhan sɛnkɛn-bɔ̀ anhyrɛ̀ lɔ yá ankà léyi nɛ́n dɔ̀ nɔn kɩ yɔ kɛ́n Zhezü esɛ̀n yɔ hɔ̀n.

Zhan 1:44

(Filipɛ̀n dú Bɛtsahida anmàn wrɔn, ɛyri léyi Andre mán Piɛrɛ̀n sɔ́n ebɩ́ ndù nɔn.)

Zhan 12:21

Yɔ sɔnba Filipɛ̀n ɛtɛsɛ̀n, (nɛ́n léyi nɛ̀n dú Bɛtsahida, Galile kpɔsɔ wú anmàn wrɔn nɔn), kɩ yɔ dɔ́ nɛ̀n le: “Brɛ̀su, bɔ́ ji bɔ̀ kán Zhezü.”

Zhan 14:8

Filipɛ̀n kɛ dɔ́ nɛ̀n le: “Ɛẅɛnwrɔn, è yé bɔ̀ Ɔwɔ Zi kɩ kɛ lɛ zrɔ bɔ̀.”

Zhan 2:11

Nyàn ɔmu lɔ de Zhezü hán nɛ́n kpàkpà anvɛmɛ̀n-frɛ́n-ci, Kana anmàn, Galile kpɔsɔ wú; nɛ̀n yé n'ecizrɔ, kɩ n'ɛsɛnkɛn-bɔ̀ bú n'ankà lɔ tán ankaẅì.

Zhan 6:5

Zhezü nyan, kɩ kán fɛcüè vri tɔ̀n léyi ke ji nɛ̀n nvà nɔn; zɛtɛn nɛ dɔ́ Filipɛ̀n le: “Tɛyri de bɔ́ lɛ cɔ́ ɛci, bɔ̀ wɔ̀ bɔ̀ tán anwrɔn lɔ fɛn kè zî nɛ́n?”

Zhan 6:7

Filipɛ̀n mrɛ́n nɛ̀n ɔmùan le: “Ke dú kɛ bɔ̀ ẅɛn kɔprɛ̀ ɛkoẅi-ɛvà mán, bɔ́ sɩ̀ wɔ́ ɛci kɛ̀ cɔ́ anwrɔn lɔ fɛn rɔ́.”

Filipɛ̀n anmàn-bɔ̀ 3:12

Mɛ́n sɩ́ tro le zɛtɛn mɛ̀n cɔ́ ɛsànnyɔn-yri, kɩ mɛ́n sɩ́ bú tán le mɛ̀n zrɔ kokroho. Tɛ́n mɛ̀n dú ɛnlevri sùnan mɛ̀n, ô mɛ̀n hán kekrèmɛ̀n mɛ̀n cɔ́ n'ɔwɔɛ̀n-dì, ɔmuhi mɛ́n mumù mán Krisì di mɛ̀n ɛkɔrɛ̀ ɛwú nɔn.

1 Zhan 4:19

Bɔ tɛn, bɔ̀ ẅɛn ɛcüɛ̀n, ɔmuhi Ɔwɔ gɔ́ cüɛn bɔ̀ kpàkpà mɛ̀n nɔn.