Zhan 1:42 - Ɛmɛẅi ankà ankrànkràn 2003

⁴² Kɩ Andre bɩ́ Simɔn hɔ́n Zhezü ɛtɛsɛ̀n. Zhezü nyan nɛ̀n kɩ kɛ dɔ̀ le: “È dú Simɔn, Zhan ẅì; Ye le bi mɛ́n zɛtɛn Sefasɛ̀n.” (N'ɛmɛ̀n kɛ dɔ̀ le “Obù”.)

Zhan 1:42 Iomraidhean Croise

Matie 10:2

Nyàn ɔkɔ̀hɔ̀n-wá-bɔ̀ ɛvà-anhyrɛ̀ hɔ̀n lɔ, y'ebɩ́: bukru Simɔn (léyi ye bi Piɛrɛ̀n nɔn) mán nɛ́n muan-ẅì andre; Zhakɛ̀n mán nɛ́n muan-ẅì Zhan, yɔ anwrɔn anhyrɛ̀ lɔ yɔ dú Zebede ẅì hɔ̀n;

Markɛ̀n 3:16

Nyàn anwrɔn ɛvà-anhyrɛ̀ hɔ̀n léyi nɛ̀n mrɛ́n nɛ́n bɩ nɔn: Simɔn (Zhezü wá nɛ̀n ebɩ́ Piɛrɛ̀n: obù),

Lükɛ̀n 5:8

Ɛnvra léyi Simɔn Piɛrɛ̀n kán ɛci lɔ wɔɛ̀n nɔn, nɛ̀n shɛ́n Zhezü ezìwú annankruemɛ̀n kɩ nɛ dɔ̀ le: “Ɛ̀ sɔnhɔ́n ɛmɛẅi esù she m'ɛtessɛ̀n Ɛẅɛnwrɔn, ɔmuhi mɛ̀n dú ɛgbàn-hán-wrɔn nɔn!”

Lükɛ̀n 6:14

Simɔn, (nɛ̀n wá yi ebi, obù Piɛrɛ̀n) mán nɛ́n muan-ẅì Andre, Zhakɛ̀n mán Zhan, Filipɛ̀n mán Bartelemi.

Zhan 13:18

Mɛ́n sɩ́ dɔ́ nyɛ lɔ fɛn lɔ ny'ankà; mɛ̀n nyri anwrɔn hɔ̀n léyi mɛ̀n mrɛ́n mɛ́n bɩ nɔn. Tɛ́n ke ji le Owrú Prɔnprɔn mùan ankà lɔ kɛ̀ sá nmù: ‘Ɔwrɔn léyi nɛ́n mɛhi bɔ́ dɛ́ ɛci nɔn, crɛ ezì gbangbàn kɛ́n mɛ̀n’.

Zhan 21:2

Simɔn Piɛrɛ̀n, Toma (léyi ye bi ɛshre ẅì nɔn), Natanaɛlɛ̀n (léyi dú Kana, Galile Kpɔsɔ wú wrɔn nɔn), Zebede ẅì hɔ̀n, mán Zhezü sɛnkɛn-bɔ̀ anyhrɛ̀, yɔ lɔ fɛn ye dú ɛyri zri.

Zhan 4:16

Zhezü kɛ dɔ́ nɛ̀n le: “Ɛ̀ hɔ̀n bi ecüì, ô è vru ɛ̀ vá ɛnu lɔ.”

1 Korɛntɛ̀n anmàn-bɔ̀ 1:12

Nyàn ankà léyi me ji mɛ̀n dɔ̀ nɔn: ny'ɛmɛ̀n lɔ ɔwrɔn tɔ̀n kɛ dɔ̀ le: “Mɛ̀n, mɛ̀n dú Pɔlɛ̀n tɛn”; ɔwrɔn ndɔ lɔ: “Mɛ̀n dú Apolɔsɛ̀n tɛn”; ɔwrɔn nyantɛn: “Mɛ̀n, mɛ̀n dú Piɛrɛ̀n tɛn”; kɩ ɔwrɔn nyantɛn tɔ̀n: “Kɩ mɛ tɛn mɛ̀n dú Krisì tɛn.”

1 Korɛntɛ̀n anmàn-bɔ̀ 15:5

Nɛ̀n bɩ́ n'edomɛ̀n nɛ̀n yé Piɛrɛ̀n mán ɔkɔ̀hɔ̀n-wá-bɔ̀ ɛvà-anhyrɛ̀ hɔ̀n lɔ fɛn.

1 Korɛntɛ̀n anmàn-bɔ̀ 3:22

Pɔlɛ̀n, Apolɔsɛ̀n, Piɛrɛ̀n, ɛnhibù, ɛwúvà, owù, zɛtɛ̀ vrá mán ɛnvra léyi dú ezì kɛ và nɔn, fɛn lɔ dú nyɛ tɛn;

1 Korɛntɛ̀n anmàn-bɔ̀ 9:5

Kɛɛ, mɛ̀n sɩ̀ ẅɛ̀n ɛkɔrɛ̀-levri m'á bɩ́ ɛnnyɔnwrɔn léyi dú Krisì-sɛ̀nkɛn-hi kè dú ɛ hi, hán ɔmu le ɔkɔ̀hɔ̀n-wá-bɔ̀, Ɛẅɛnwrɔn nɛ́n muan-ẅì hɔ̀n mán Piɛrɛ̀n kɛ hán nɛ́n?

Galasi anmàn-bɔ̀ 1:18

Ɛnnànwàn kru anhɔ̀n vacì yakɛ mɛ̀n hɔ́n Zherüzalɛmɛ̀n anmàn, ô mɛ̀n nyri Piɛrɛ̀n, kɩ mɛ̀n cɔ́ nɛ̀n mɛhi bɔ̀ yɛ́ ɛnyanbì kru anhyrɛ̀.

Galasi anmàn-bɔ̀ 2:11

Tɛ́n ɛnvra léyi Piɛrɛ̀n vá Antiɔshɛ̀n anmàn nɔn, mɛ̀n kɛ́n nɛ̀n ezì kpete mɛ̀n, ɔmuhi n'ankà dú nwù nɔn.

Galasi anmàn-bɔ̀ 2:9

Zhakɛ̀n, Piɛrɛ̀n mán Zhan hɔ̀n léyi ndù hán Ɔwɔ-fɛcüè bù-nan hɔ́ nɔn, nyri ɔmu le Ɔwɔ wá mɛ̀n ɔkɔ̀hɔ̀n vɛ́n ndɔ lɔ antamɛ̀n; zɛtɛn yɔ tán bɔ̀ ɛkɔrɛ̀, Barnabasɛ̀n mán mɛ̀n, ɔmùan-krɔn ci-hán mɛ̀n. Ɔmu lɔ de, bɔ lɛ fɛn ɔmùan-krɔn mɛ̀n lɔ, bɔ̀ wá le, bɔ́ eci-hán mɛ̀n lɔ, bɔ́ lɛ hɔ́n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn y'anwanzi bɔ̀ hán ɔkɔ̀hɔ̀n, kɩ yɔ tɛn yɔ lɛ hɔ́n Zhüifɛ̀n-bɔ̀ yri.