Zhan 1:34 - Ɛmɛẅi ankà ankrànkràn 2003

³⁴ Zhan kɛ dɔ̀ le: “Mɛ̀n kán eci ndɔ lɔ kɩ zɛtɛn mɛ dɔ́ annanwɔrɛ mɛ̀n le, ɔwrɔn ndɔ lɔ dú Ɔwɔ Ẅì.”

Zhan 1:34 Iomraidhean Croise

Matie 11:27

Dade wá mɛ̀n eci lɔ fɛn antamɛ̀n. Ɔwrɔn zriɛmɛ́n ke sɩ̀ nyri Ɛnẅì lɔ ke dú kɛ kè sɩ̀ dù Ɛnẅì-nɛ́n-zi, kɩ ɔwrɔn zriɛmɛ́n ke sɩ̀ nyri Ɛnẅì-nɛ́n-zi ke dú kɛ kè sɩ̀ dù Ɛnẅì lɔ mán anwrɔn hɔ̀n léyi Ɛnẅì lɔ ke ji kɛ̀ tán kè nyrì nɔn.

Matie 16:16

Simɔn Piɛrɛ̀n mrɛ́n ɔmùan le: “È dú Ebɩdie-wrɔn, ƆWɔ kɔrɛkɔrɛ lɔ n'Ɛnẅì.”

Matie 17:5

Yɔ dú ankà dɔ́ mɛ̀n, ɛnvra léyi ɛnwì-gbú tɔ̀n gbrɛ́n, kɩ vá murɛn yɔ ɛwú, kɩ ɛnwì-gbú lɔ mɛ̀n esùva tɔ̀n kɛ dɔ̀ le: “Ɔwrɔn ndɔ lɔ dú m'ɛcüɛn Ẅì léyi mɛ̀n bɩ́ mɛ́n pɔ̀püɛ̀ lɔ fɛn mɛ̀n wá ɛwú nɔn. Nyɛ́n die nɛ̀n nukùɛ!”

Matie 26:63

Tɛ́n Zhezü kɛ kɛ́n ɔmùan hɛ́n. Zɛtɛn Ɔwɔ-cice-wrɔn cüìcüì kɛ dɔ́ nɛ̀n le: “Ɔkɔrɛ Wɔ lɔ n'ebɩ́ mɛ̀n, mɛ wá tán mɛ́n, è shri bɔ̀ anmùan mɛ̀n, ɔmùan-wá mɛ̀n: è dú Ebɩdie-wrɔn, Ɔwɔ Ẅì lɔa?”

Matie 27:40

yɔ dɔ́ nɛ̀n le: “Vɛ́n léyi e ji è gbe Ɔwɔ-cice-wɔn lɔ, ô è ku ɛnyàntɛn tɔ̀n ɛbi anhɔ̀n granmɛ̀n nɔn, è bɩ́ v'edomɛ̀n è die, ke dú kɛ è dú Ɔwɔ Ẅì, ô è dú ɛgbàn-hán-tɛ̀ wú ɛ̀ kàkɛ!”

Matie 27:43

Nɛ̀n bɩ́ n'esɛ́ nɛ̀n wá Ɔwɔ ɛwú kɩ nɛ́n dɔ̀ le: ‘Mɛ̀n dú Ɔwɔ Ẅì.’ Zɛtɛn, ke dú kɛ Ɔwɔ kɛ cüɛn nɛ̀n hô, ke bɩ́ nɛ̀n kè die zɛtɛ̀ lɔ!”

Matie 27:54

Rɔmɛ̀n gɔliɛ-wrɔn cüìcüì lɔ mán gɔliɛ-bɔ̀ léyi kɛ nán Zhezü nɔn kán ɛnhi léyi jɔ́kɔ̀ mán ɛci hɔ̀n léyi wɔɛ̀n nɔn; ɛnjansù vri ẅɛn yɔ kɩ yɔ dɔ̀ le: “Annànwɔrɛ mɛ̀n lɔ nɛ̀n dú Ɔwɔ ẅì!”

Matie 3:17

Kɩ esùva tɔ̀n dú anhobɩ́ kɛ dɔ̀ le: “Ɔwrɔn ndɔ lɔ dú m'ɛcüɛn Ẅì; mɛ́n pɔ̀püɛ̀ lɔ fɛn dú nɛ̀n ɛmɛ̀n.”

Matie 4:3

Anwa-wrɔn sɔnba nɛ̀n ɛtɛ̀sɛ̀n kɩ kɛ dɔ́ nɛ̀n le: “Ke dú kɛ è dú Ɔwɔ Ẅì hô, ɛ̀ wá tán ɛbù ndɔ hɔ̀n lɔ kɛ̀ srɔ ɛci-zî.”

Matie 4:6

kɩ nɛ dɔ́ yi le: “Ke dú kɛ è dú Ɔwɔ Ẅì hô, dù ɔwɔn lɔ wú trɛ̀n shɛ́n; ɔmuhi Owrú Prɔnprɔn ndɔ̀ le: ‘Ɔwɔ kɛ lɛ wá tán n'ɛkùyüre-bɔ̀ kɛ wá mɛ́n esùva, kɩ yɔ lɛ vɛ́ mɛ́n antamɛ̀n ô, ɛnan ke bɩ́ sɔ́n mɛ́n obù.’ ”

Matie 8:29

Anhɛ́n gbàngbàn hɔ̀n lɔ bukru ke di bobo kɛ dɔ̀ le: “Ankà tán e sɩ́ bɔ̀a, Ɔwɔ Ẅì? Ɛ vá ɛnu lɔ, ô ɛ̀ hán bɔ̀ ɛgbàn yakɛ ɛnvra léyi yɛ wá nɔn kɛ̀ cɔ̀a?”

Markɛ̀n 1:1

Ɛnu lɔ de Ɛmɛẅi ankà Ankrànkràn léyi kɛ dɔ́ Ɔwɔ ẅì Zhezü Krisì ankà nɔn, dú n'ɛnkrubɔmɛ̀n.

Markɛ̀n 1:11

Yɛ yá esùva tɔ̀n dú anhobɩ́ kɛ dɔ̀ le: “È dú m'ɛcüɛn ẅì; me bɩ́ mɛ́n pɔ̀püɛ̀ lɔ fɛn mɛ wá mɛ́n ɛmɛ̀n.”

Lükɛ̀n 1:35

Ɔwɔ-kùyüre-wrɔn lɔ mrɛ̀n nɛ̀n ɔmuàn kɩ kɛ dɔ́ nɛ̀n le: “Ɛnhɛ́n Prɔnprɔn kɛ lɛ và cɔ́ mɛ́n, kɩ Ɔwɔ léyi dú ɛwú nɔn, n'ɛkɔrɛ̀srɔn kɛ lɛ vá mɛ́n ɛwú kɛ lɛ hán ɛnẅì-gbú hɔ́. Hɩ le kruhú de Ɛnẅì Prɔnprɔn léyi ye le bî nɔn, ye le bi nɛ̀n Ɔwɔ-ẅì.

Lükɛ̀n 3:22

kɩ Ɛnhɛ́n Prɔnprɔn bɩ́ brɛndre dùwru kakɛ nɛ̀n ɛwúɛ. Esùva tɔ̀n dú anhobɩ́ kɛ dɔ̀ le: “È dú m'ɛcüɛ́n ẅì, me bɩ́ mɛ́n pɔ̀püɛ̀ lɔ fɛn mɛ wá mɛ́n ɛmɛ̀n.”

Zhan 1:18

Ɔwrɔnẅì zriɛmɛ́n kɛ vá kán Ɔwɔ mrìmrì. Tɛ́n Ɛnẅì zri kpokpo léyi dú Ɔwɔ, kɩ dú nɛ́n Zi ɛtɛ̀sɛ̀n nɔn, nɛ́n hán ye nyri nɛ́n Zi.

Zhan 1:49

Zɛtɛn Natanaɛlɛ̀n kɛ dɔ́ nɛ̀n le: “Ankà-yé-wrɔn, è dú Ɔwɔ Ẅì, è dú Izraɛlɛ̀n nɛ̀ncüì!”

Zhan 10:30

Mɛ̀n mán Dade mɛhi bɔ́ dú eci zri.”

Zhan 10:36

Kɩ mɛ tɛn, Ɔwɔ mrɛ́n mɛ̀n nbɩ kɩ wá mɛ̀n ɔkɔhɔ̀n ɛnhibù wú. Anwɔntan de nyɛ lɛ dɔ̀ le, mɛ dɔ́ ankà gbangbàn ku Ɔwɔ ɛwú, ɔmuhi mɛ́n dɔ̀ le, mɛ̀n dú Ɔwɔ Ẅì nɛ́n?

Zhan 11:27

“Hɛ̀ɛ̀, Ɛẅɛnwrɔn, me bútan le è dú Ebɩ̀die-wrɔn, Ɔwɔ Ẅì léyi ke ji le kɛ̀ vá ɛnhibù wú nɔn.”

Zhan 19:7

Zhüifɛ̀n-bɔ̀ mrɛ́n nɛ̀n ɔmùan le: “Bɔ̀ ẅɛn ɛnyanmàn, kɩ ɛnyanmàn lɔ wú, ke ji le nɛ̀n wù, ɔmuhi nɛ́n dɔ̀ le, nɛ̀n dú Ɔwɔ Ẅì nɔn.”

Zhan 20:28

Toma mrɛ́n nɛ̀n ɔmùan le: “M'Ɛẅɛnwrɔn mán m'Ɔwɔ!”

Zhan 20:31

Tɛ́n ankà léyi dú nɛ̀n ɛmɛ̀n nɔn, ye merɛ́n nɛ̀n, ô nyɛ́n bùtan ankaẅì le Zhezü dú Ebɩ̀die-wrɔn, Ɔwɔ Ẅì. Kɩ ke dú kɛ nye bú n'ankà nyɛ tán ankaẅì hô, nyɛ lɛ cɔ́ ɛkɔrɛ̀ n'ebɩ́mɛ̀n.

Zhan 6:69

Zɛtɛ̀ lɔ, bɔ́ bútan ankaẅì kɩ bɔ̀ nyri ɔmu le è dú Prɔnprɔn-Wrɔn léyi dú Ɔwɔ yri và nɔn.”

Rɔmɛ̀n-anmàn-bɔ̀ 1:4

tɛ́n Ɛnhɛ́n Prɔnprɔn mɛ̀n lɔ, yɛ hán nɛ̀n, nɛ̀n srɔ Ɔwɔ Ẅì ɛkɔrɛ̀srɔn mɛ̀n ɛnvra léyi nɛ̀n dú owúemɛ̀n nɛ̀n frɔ́ nɔn.

2 Korɛntɛ̀n anmàn-bɔ̀ 1:19

Ɔmuhi Zhezü Krisì, Ɔwɔ ẅì léyi bɔ̀ dɔ́ n'ankà ny'edúyri, Silasɛ̀n, Timote mán mɛ́n mumù, kè sɩ̀ và hô, kɛ̀ dɔ̀ le “Hɛ̀ɛ̀” mán “Hɔ̂”. Tɛ́n, n'ɛmɛ̀n lɔ, ɛnvra lɔ fɛn “Hɛ̀ɛ̀” kɩ dù:

Ebre-bɔ̀ 7:3

Ye sɩ̀ nyrì nɛ́n zi, nɛ́n muan, nɛ́n nancüì zriɛmɛ́n; Ɛyri zriɛmɛ́n ye sɩ́ dɔ́ n'ebî mán n'owú ankà. Nɛ́n dù nɛ̀n cá Ɔwɔ Ẅì: nɛ̀n dú Ɔwɔ cice-wrɔn ɛnvra lɔ fɛn mɛ̀n.

1 Zhan 2:23

Annanwɔrɛ mɛ̀n lɔ, ɔwrɔn léyi ke sɩ́ ji kè nyri Ɔwɔ Ẅì nɔn, ɛnvra zri lɔ mɛ̀n, nɛ́n sɩ́ ji nɛ̀n nyri Ɔwɔ Zi mán; Ɔwrɔn léyi ke nyri Ɛnẅì nɔn, nɛ cɔ́ Ɔwɔ Zi mán.

1 Zhan 3:8

Ɔwrɔn léyi ke dú ɛgbàn-hán mɛ̀n nɔn, nɛ̀n dú anwawrɔn tɛn, ɔmuhi anwawrɔn hán ɛgbàn ɛnkrubɔmɛ̀n hàn hɛ́n nɔn. Ɔwɔ Ẅì srɔ ndɔ lɔ kruhú, ô kɛ̀ jrɛ́ anwawrɔn kɔrɛ̀-ci hɔ̀n lɔ.

1 Zhan 4:9

Nyàn ɔmu le Ɔwɔ yé bɔ̀ n'ɛcüɛ̀n lɔ nɔn: nɛ̀n wá n'Ɛnẅì zri lɔ ɔkɔ̀hɔ̀n ɛnhibù wú, ô bɔ̀ cɔ́ ɛwúvà n'ɛmɛ̀n.

1 Zhan 5:20

Bɔ̀ nyri ɔmu le Ɔwɔ Ẅì nvà, kɩ nɛ̀n tán bɔ̀ ɛnkruemɛ̀n-ẅɛ̀n, ô bɔ̀ nyri Ɔwɔ annanwɔrɛ lɔ. Bɔ̀ dú Ɔwɔ annanwɔrɛ lɔ n'ɔbɔ̀sɔ̀ lɔ mɛ̀n n'Ɛnẅì Zhezü Krisì mɛ̀n. Nɛ́n de nɛ̀n dú Ɔwɔ annanwɔrɛ lɔ nɔn, nɛ́n de nɛ̀n dú ɛwúvà léyi ke sɩ́ trɔa nɔn.

2 Zhan 1:9

Ɔwrɔn totɔtɔ̀n léyi ke sɩ̀ dù Krisì ankà-yé lɔ mɛ̀n, tɛ́n ke wí nɛ̀n ɛwú nɔn, nɛ́n mán Ɔwɔ mɛhi yɔ sɩ̀ dú ɔbɔ̀sɔ mɛ̀n. Ɔwrɔn léyi ke dú ankà-yé ndɔ lɔ mɛ̀n nɔn, nɛ́n mán Ɔwɔ Zi mán Ɔwɔ Ẅì, yɔ dú ɔbɔ̀sɔ mɛ̀n.

Ɔwɔ-mɛ̀n-yrikàn 2:18

“È merɛ́n owrú è yüre Ɔwɔ-kùyüre-wrɔn léyí dú Tiatirɛ̀n anmàn, Ɔwɔ-fɛcüè-bɔ̀ lɔ mɛ̀n nɔn: Nyàn ankà léyi Ɔwɔ Ẅì kɛ dɔ̀ nɔn, nɛ́n léyi anvɛ̀ kɛ gbrɛ́n nɛ̀n kɛ hán ɛnhyá hɔ́, kɩ annan kɛ kɛ̀n kɛ hán pritù ẅì léyi ye fi edomɛ̀n nɔn hɔ́.