Zhan 1:3 - Ɛmɛẅi ankà ankrànkràn 2003

³ N'ɛmɛ̀n de Ɔwɔ hán ɛci lɔ fɛn, kɩ ɛci lɔ fɛn léyi ndù nɔn, ci n'ɛmɛ̀n srɔ.

Zhan 1:3 Iomraidhean Croise

Zhan 1:10

Ɔwrɔn léyi dú ankà-dɔ̀ nɔn dú ɛnhibù wú. N'ɛmɛ̀n de Ɔwɔ hán ɛnhibù, kɩ zɛtɛn ɛnhibù kè sɩ̀ nyri nɛ̀n.

Zhan 1:2

Nɛ́n mán Ɔwɔ mɛhi yɔ dú ɛnkrubɔmɛ̀n.

1 Korɛntɛ̀n anmàn-bɔ̀ 8:6

annànwɔrɛ mɛ̀n lɔ, bɔ́ tɛn, Ɔwɔ zri kɩ dù, Ɔwɔ Zi, nɛ́n léyi nɛ̀n hán eci lɔ fɛn, kɩ n'ɛkruhú de bɔ̀ dú ɛwúvà mɛ̀n nɔn; kɩ Ɛẅɛnwrɔn zri kɩ dù, Zhezü Krisì, n'ɛmɛ̀n de eci lɔ fɛn dù, kɩ n'ɛkruhú bɔ̀ dú ɛwúvà mɛ̀n.

Efɛzɛ̀n anmàn-bɔ̀ 3:9

Ke ji le mɛ̀n sɩ́ ɛyri-kán mɛ̀n, kè dú anwrɔnẅì lɔ fɛn tɛn, Ɔwɔ ankɔ́nda ankà-bán-ankà ci-hán lɔ. Nɛ́n léyi nɛ̀n dú ɛci hɔ̀n lɔ fɛn hán-wrɔn, nɛ́n tɛ̀hɛ́n ɛbán mɛ̀n ankɔ́nda ci-hán ndɔ lɔ ɛnvra lɔ fɛn mɛ̀n,

Ebre-bɔ̀ 11:3

Ankaẅìbùtan mɛ̀n, de bɔ́ nyrì le, Ɔwɔ mùan-ankà-dɔ̀ de hán anhobɩ́ mán ɛnhi, ɔmu lɔ de eci léyi yɛ kàn nɔn, dú eci léyi ye sɩ́ kán nɔn, n'ɛmɛ̀n srɔ nɔn.

1 Zhan 5:1

Ɔwrɔn totɔtɔ̀n léyi ke bú tán le Zhezü dú Krisì nɔn, nɛ̀n dú Ɔwɔ ẅì; kɩ ɔwrɔn totɔtɔ̀n léyi kɛ cüɛn ɛẅì nɛ́n zi tɔ̀n nɔn, ɔwrɔn ndɔ lɔ nɛ cüɛn ɛẅì nɛ́n zi lɔ n'ɛẅì hɔ̀n.

Ɔwɔ-mɛ̀n-yrikàn 3:14

“È merɛ́n owrú è yüre Ɔwɔ-kùyüre-wrɔn léyi dú Laodise anmàn Ɔwɔ-fɛcüè-bɔ̀ mɛ̀n nɔn: Nyàn ankà léyi Krisì kɛ dɔ̀, nɛ́n léyi nɛ̀n dú ɔmùan-zri dalɛfuɛ-di-wrɔn mán annanwɔrɛ, nɛ̀n dú eci lɔ fɛn léyi Ɔwɔ hán nɔn, n'ɛnkrubɔmɛ̀n, nɛ dɔ̀ le:

Ɔwɔ-mɛ̀n-yrikàn 4:11

“Ɛẅɛnwrɔn, b'Ɔwɔ, eci-zrɔ, ɛmrɛ́n mán ɛkɔrɛ̀srɔn dú vɛ tɛn. Ɔmuhi vɛ́n de ɛ̀ hán ɛci hɔ̀n lɔ fɛn, yɔ dú ɛwúvà mɛ̀n ɔmuhi è ji ɔmu lɔ nɔn.”