Zhan 1:26 - Ɛmɛẅi ankà ankrànkràn 2003

²⁶ Zhan mrɛ́n yɔ ɔmùan le: “Mɛ tɛ́n, ɛnshi de me bɩ mɛ wá anwrɔn ɛnkru nɔn; tɛ́n ɔwrɔn tɔ̀n dú nyɛ̀n anwanzi kɩ nyɛ́n sɩ̀ nyri nɛ̀n.

Zhan 1:26 Iomraidhean Croise

Matie 3:11

Mɛ tɛn, ɛnshi de me bɩ mɛ wá nyɛ̀n ɛnkru ô ke yé le nyɛ́n crɔn ɛnkruɛ; tɛ́n ɔwrɔn léyi dú mɛ̀n ɛmɛẅi kɛ và nɔn, kɛ lɛ wá nyɛ̀n ɛnshi ɛnkru Ɛnhɛ́n Prɔnprɔn mɛ̀n mán ɛnhyà mɛ̀n. Ɛkɔrɛ̀ srɔ́n nɛ̀n vrán mɛ̀n: mɛ̀n sɩ̀ zeze mɛ̀n zrɔa hɩ m'á sɩ́ m'edomɛ̀n ɛnhi ô mɛ̀n gbrɔ n'annanwrú hɛ́ lɔ nɔn.

Matie 3:6

Yɔ krɛ́ y'ɛgbàn anwrɔn lɔ fɛn zìwú kɩ Zhan kɛ wá yɔ ɛnshi ɛnkru Zhurdɛn shi lɔ mɛ̀n.

Markɛ̀n 1:8

Mɛ tɛ́n, ɛnshi de mɛ́n bɩ mɛ̀n wá nyɛ̀n ɛnkru nɔn, nɛ tɛ́n, Ɛnhɛ́n Prɔnprɔn mɛ̀n de nɛ lɛ wá nyɛ̀n ɛnshi ɛnkru nɔn.”

Lükɛ̀n 3:16

Kɩ Zhan kɛ dɔ́ anwrɔn lɔ fɛn le: “Mɛ tɛn ɛnshi de me bɩ mɛ wá nyɛ̀n ɛnkru nɔn, tɛ́n ɔwrɔn tɔ̀n ɛkɔrɛ̀ srɔn vrán mɛ̀n, nɛ lɛ và: mɛ̀n sɩ̀ zeze mɛ̀n zrɔa hɩ m'a gbrɔ n'annanru hɛ́ lɔ nɔn. Nɛ lɛ wá nyɛ̀n ɛnshi ɛnkru Ɛnhɛ́n Prɔnprɔn mɛ̀n, mán ɛnhyà mɛ̀n mɛhi.

Zhan 16:3

Yɔ lɛ hán ɔmu lɔ ɔmuhi yɔ sɩ̀ nyrì Dade mán, kɩ yɔ sɩ̀ nyri mɛ̀n mán nɔn.

Zhan 17:25

Dade ɛnyrɔnnan-wrɔn, ɛnhibù kè sì nyrì mɛ́n, tɛ́n mɛ̀n, mɛ̀n nyri mɛ́n, kɩ yɔ ndɔ hɔ̀n lɔ yɔ nyri ɔmu le ɛ̀ wá mɛ̀n ɔkɔhɔ̀n nɔn.

Zhan 17:3

Ɛwúvà léyi ke sɩ́ trɔa nɔn, dú hɩle, ke ji le ye nyri mɛ́n, vɛ́n zri léyi è dú Ɔwɔ annanwɔrɛ, ô yɔ nyri Zhezü Krisì léyi ɛ̀ wá ɔkɔhɔ̀n nɔn.

Zhan 8:19

Yɔ yrɛ nɛ̀n le: “Tɛyri ezi dùɛ?” Zhezü mrɛ́n ɔmùan le: “Nyɛ́n sɩ̀ nyrì, mɛ̀n mán Dade mɛhi; ke dú kɛ nyɛ́n nyri mɛ̀n hô, nye le nyri Dade mán.”

Ɔkɔ̀hɔ̀n-wá-bɔ̀ kɔ̀hɔ̀n hán 1:5

Ɔmuhi Zhan bɩ́ ɛnshi wá anwrɔn ɛnkru nɔn, tɛ́n nyɛ tɛn, ɛnvra bruemɛ̀n, Ɛnhɛ́n Prɔnprɔn mɛ̀n de yɛ lɛ wá nyɛ̀n ɛnshi ɛnkru nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 11:16

Zɛtɛn ankà léyi Ɛẅɛnwrɔn dɔ̀ nɔn, bru mɛ̀n: ‘Zhan bɩ́ ɛnshi wá anwrɔn ɛnkru, tɛ́n nyɛ tɛn, Ɛnhɛ́n Prɔnprɔn mɛ̀n de yɛ lɛ wá nyɛ̀n ɛnshi ɛnkru nɔn.’

Ɔkɔ̀hɔ̀n-wá-bɔ̀ kɔ̀hɔ̀n hán 19:4

Pɔlɛ̀n kɛ dɔ́ yɔ le: “Zhan kɛ wá anwrɔn hɔ̀n léyi shrì crɔ́n y'eci-hán-ci hɔ̀n lɔ ɛnshi ɛnkru kɩ nɛ dɔ́ Izraɛlɛ̀n fɛcüè kɛ ẅɛn ankaẅì-bùtan ɔnwrɔn léyi dú nɛ̀n ɛmɛẅi kɛ và nɔn n'ɛwú, ɔwrɔn lɔ, nɛ́n de nɛ̀n dú Zhezü nɔn.”

1 Zhan 3:1

Nyɛ́n nyan ɔmu le Ɔwɔ Zi cüɛn bɔ̀ nɔn! N'ɛcüɛ̀n hán tán kɩ ye bí bɔ̀ Ɔwɔ ẅì hɔ̀n kɩ annanwɔrɛ mɛ̀n lɔ, bò dú n'ɛẅì hɔ̀n. Nyàn eci le kruhú léyi ɛnhibù kè sɩ̀ nyri bɔ̀ nɔn: ɛnhibù kè sɩ̀ nyrì Ɔwɔ.