Zhan 1:21 - Ɛmɛẅi ankà ankrànkràn 2003

²¹ Yɔ yrɛ nɛ̀n le: “Zɛtɛn antɔnwrɔn dú mɛ́n hɛ́n? È dú Eli hɛ̀?” Nɛ̀n mrɛ́n ɔmùan le: “Hɔ̂, mɛ̀n sɩ̀ dù Eli.” “È dú Ɔwɔ-mùanwú-ankà-dɔ́-wrɔn hàn?” Nɛ̀n mrɛ́n yɔ ɔmùan le: “Hɔ̂”.

Zhan 1:21 Iomraidhean Croise

Matie 11:14

Kɩ ke dú kɛ nye ji nyɛ́n bú m'ankà nyɛ́n tán ankàẅì hô, Zhan dú Eli ndɔ léyi yɛ dɔ́ n'ɛvá-ankà nɔn.

Matie 16:14

Yɔ mrɛ́n ɔmùan le: “Anwrɔn ndɔ hɔ̀n kɛ dɔ̀ le è dú Zhan Batisì, ɛnjanbɔ̀ kɛ dɔ̀ le, è dú Eli, kɩ ndɔ hɔ̀n vru kɛ dɔ̀ le, è dú Zheremi, Ɔwɔ-mùanwú-ankà-dɔ́-wrɔn tɔ̀n nyàntɛn.”

Matie 21:11

Anwrɔn mrɛ́n ɔmùan le: “Ɔwɔ-mùanwú-ankà-dɔ́-wrɔn Zhezü, Nazarɛtɛ̀n anmàn, Galile kpɔsɔ wú wrɔn.”

Lükɛ̀n 1:17

Nɛ lɛ và kɛ lɛ hán Ɔwɔ-kɔ̀hɔ̀n-hán-wrɔn hɔ́, ne le bɩ́ Ɔwɔ-mùanwú-ankà-dɔ́-wrɔn Eli hɛ́n mán n'ecüì, nɛ̀n hɔ́n Ɔwɔ zìwú, ô nɛ̀n wɔ́ ɛẅì-nɛ́n-zi hɔ̀n mán y'ɛẅì hɔ̀n angranmɛ̀n, ô nɛ̀n bɩ́ nukù-fɔn-bɔ̀ nɛ̀n và di ɛnyrɔnnan-bɔ̀ mɛ̀n, ô nɛ̀n srɔ yɔ Ɛẅɛnwrɔn fɛcüè-bɔ̀.”

Zhan 1:22

Zɛtɛn yɔ dɔ́ nɛ̀n le: “Antɔn cehɛ́n dú mɛ́n hɛ́n? Ke ji le bɔ̀ bɩ́ ɛmɛẅi ankà bɔ̀ hɔ̀n sɩ́ anwrɔn hɔ̀n léyi wá bɔ̀ ɔkɔhɔ̀n nɔn. Ankà tán de ɛ dɔ́ tán v'edomɛ̀n nɛ́n?”

Zhan 1:25

kɩ yɔ yrɛ Zhan le: “Ke dú kɛ è sɩ̀ dù Ebɩ̀die-wrɔn, è sɩ̀ dù Eli, e sɩ̀ dù Ɔwɔ-mùanwú-ankà-dɔ́-wrɔn, cɛci kruhú kɛ ɛ wá anwrɔn ɛnshi ɛnkruɛ?”

Zhan 6:14

Anwrɔn hɔ̀n léyi kán anvɛmɛ̀n-frɛ́n-ci léyi Zhezü hán nɔn, kɛ dɔ̀ le: “Ɔwrɔn ndɔ lɔ, nɛ̀n dú Ɔwɔ-mùanwú-ankà-dɔ́-wrɔn annanwɔrɛ léyi, ke ji le kɛ̀ vá ɛnhibù wú nɔn!”

Zhan 7:40

Ɛnvra léyi yɛ yá ankà ndɔ hɔ̀n lɔ nɔn, anwrɔn janbɔ̀ dú fɛcüè mɛ̀n kɛ dɔ̀ le: “Annanwɔrɛ mɛ̀n lɔ ɔwrɔn ndɔ lɔ dú Ɔwɔ-mùanwú-ankà-dɔ́-wrɔn!”