Zhan 1:19 - Ɛmɛẅi ankà ankrànkràn 2003

¹⁹ Nyàn dalɛfuɛ-di-ankà léyi Zhan dɔ́ zhüifɛ̀n-bɔ̀ cüìcüì hɔ̀n léyi dú Zherüzalɛmɛ̀n anmàn, hɩ wá Ɔwɔ-cice-bɔ̀ mán y'ɛtɛsɛ̀n bɔ̀ ɔkɔhɔ̀n kɛ và kè yrɛ nɛ̀n le: “Antɔnwrɔn dú mɛ́n hɛ́n?”

Zhan 1:19 Iomraidhean Croise

Zhan 1:7

Nɛ́n và hán dalɛfuɛ-di-wrɔn hɔ́, ô nɛ̀n di ɛyri-kàn dalɛfuɛ. Nɛ́n và, ô yɔ lɔ fɛn yɔ ẅɛn ankaẅì-bùtan ankà léyi nɛ dɔ̀ nɔn yi wú.

Zhan 10:24

Zhüifɛ̀n-bɔ̀ borɛ y'edomɛ̀n ɛkru n'ɛtɛsɛ̀n, zɛtɛn kɛ dɔ́ nɛ̀n le: “Ɛnvra ɛbɛ de ɛ lɛ hán bɔ̀ bɔ́ dú ankà-tro anhyrɛ̀ ẅɛn mɛ̀n nɛ́n? Ke dú kɛ è dù Ebɩ̀die-wrɔn hô, ɛ̀ dɔ́ bɔ̀ kpétémɛ̀n bɔ̀ nyrì.”

Zhan 10:31

Zhüifɛ̀n-bɔ̀ vru bɩ́ ɛbù ô kɛ̀ srɔan nɛ̀n.

Zhan 11:19

Zhüifɛ̀n-bɔ̀ bobrebe hɔ́n Martɛ̀n mán Mari ɛnyan-yri, ô kè bi ɛnbɔrɛ kɛ̀ wá yɔ Lazarɛ̀n wù lɔ kruhú.

Zhan 2:18

Zɛtɛn, Zhüifɛ̀n-bɔ̀ cüìcüì hɔ̀n kɛ yrɛ Zhezü le: “Anvɛmɛ̀n-frɛ́n-ci tán de ɛ lɛ hán ɛ̀ tán bɔ̀, ô bɔ̀ nyrì le, ɛ̀ ẅɛ́n ɛkɔrɛ̀levri eci ndɔ léyi ɛ hán nɔn wú nɛ́n?”

Zhan 2:20

Yɔ dɔ́ nɛ̀n le: “Ye bɩ́ ɛnnanwàn ɛkoẅi-anhyrɛ̀ mán ɛẅì ɔwolɛ de ye ku Ɔwɔ-cice-wɔn ndɔ lɔ nɔn, tɛ́n vɛ́n, ɛ dɔ̀ le, e le ku nɛ̀n ɛbi-anhɔ̀n granmɛ̀n hàn?”

Zhan 5:10

Zhüifɛ̀n-bɔ̀ cüìcüì hɔ̀n kɛ dɔ́ ɔwrɔn léyi cɔ́ ɔkɔrɛ̀ nɔn le: “Ɛnyɔncì lɔ dú ɛnyanmán-bì, kɩ bɔ́ ɛnyanmàn lɔ ke sɩ́ wá tán mɛ́n é bɩ́ v'ɛnkpà lɔ.”

Zhan 5:15

Ɔwrɔn lɔ hɔ̀n kɩ kɛ dɔ́ Zhüifɛ̀n-bɔ̀ cüìcüì hɔ̀n le, Zhezü de kɔrɛ nɛ̀n nɔn.

Zhan 5:16

Zɛtɛn yɔ bɩ́ ankà yɔ cɔ́ Zhezü ɔmuhi nɛ̀n kɔrɛ ɛnlɔẅiɛ-wrɔn ɛnyanmán-bì lɔ mɛ̀n nɔn.

Zhan 5:18

Zhezü ankà-dɔ̀ ndɔ lɔ kruhú de Zhüifɛ̀n-bɔ̀ cüìcüì hɔ̀n vru ke ji ɛyri kè wri nɛ̀n nɔn; ɔmuhi nɛ̀n hán eci léyi ɛnyanmán-bì ke sɩ́ nɔn, tɛ́n nɛ̀n vru nɛ́n dɔ̀ le Ɔwɔ dú nɛ́n zi ebî-wrɔn, kɩ ne bɩ́ n'edomɛ̀n nɛ krɔn Ɔwɔ.

Zhan 6:41

Zhüifɛ̀n-bɔ̀ ke bɩ́ ɛmɛnhyì ku Zhezü ɛwú ɔmuhi nɛ́n dɔ̀ le: “Mɛ̀n dú ɛci-zî léyi dú anhobɩ́ kakɛ nɔn.”

Zhan 6:52

Ankà ndɔ lɔ wú, Zhüifɛ̀n-bɔ̀ kɛ wrɔ́n ecüì ɛshishiemɛ̀n y'angranmɛ̀n. Yɔ yrɛ y'edomɛ̀n le: “Anwɔntan de ɔwrɔn ndɔ lɔ kɛ lɛ tán bɔ̀ n'anẅia bɔ̀ rá nɛ́n?”

Zhan 7:1

Ndɔ lɔ n'ɛmɛẅi, Zhezü ci Galile kpɔsɔ wú; nɛ́n sɩ́ ji nɛ̀n yɛ́ Zhüde kpɔsɔ wú, ɔmuhi Zhüifɛ̀n-bɔ̀ cüìcüì hɔ̀n ke ji kè wri nɛ̀n nɔn.

Zhan 7:11

Zhüifɛ̀n-bɔ̀ cüìcüì hɔ̀n ke ji nɛ̀n ɔkoran bì lɔ mɛ̀n, kɩ ke yrɛ le: “Tɛyri nɛ́n dùɛ?”

Zhan 7:15

Zhüifɛ̀n-bɔ̀ dú anvɛmɛ̀n-frɛ́n mɛ̀n kɩ kɛ dɔ̀ le: “Anwɔntan de ɔwrɔn ndɔ lɔ hán nyri ankà bobrebe, nɛ́n léyi nɛ̀n sɩ̀ vàn eci nɛ́n?”

Zhan 8:22

Zhüifɛ̀n-bɔ̀ kɛ dɔ́ y'edomɛ̀n le: “N'edomɛ̀n nɛ vá ɛwrí yriɛ̀, ɔmuhi nɛ dɔ̀ le: ‘Nyɛ́n sɩ̀ hɔ́n ɛyri léyi mɛ hɔ̀n nɔn rɔ́a’?”

Zhan 8:48

Zhüifɛ̀n-bɔ̀ mrɛ́n Zhezü ɔmùan le: “Hɩ le bɔ́ dɔ̀ le, è dú Samari anmàn-wrɔn léyi ɛnhɛ́n gbangbàn dú edomɛ̀n nɔn, hɩ lɔ mán b'ankà kè sɩ̀ zrɔa?”

Zhan 8:52

Zhüifɛ̀n-bɔ̀ kɛ dɔ́ nɛ̀n le: “Zɛtɛ̀ lɔ, bɔ́ nyri annanwɔrɛ mɛ̀n le, ɛnhɛ́n gbangbàn dú mɛ́n edomɛ̀n! Abrahamɛ̀n nwù, Ɔwɔ-mùanwú-ankà-dɔ́-bɔ̀ mán nwù, kɩ vɛ tɛn ɛ dɔ̀ le: ‘Ɔwrɔn léyi ke die m'ankà-dɔ̀ nukùɛ nɔn, nɛ́n sɩ̀ wú mrìmrì’.

Zhan 8:57

Zhüifɛ̀n-bɔ̀ kɛ dɔ́ nɛ̀n le: “E sɩ̀ ẅɛ̀n ɛnnanwàn kru ɛkoẅi-anhyrɛ̀ mán ɛẅì-ɛvà, kɩ ɛ̀ kán Abrahamɛ̀n hàn?”

Ɔkɔ̀hɔ̀n-wá-bɔ̀ kɔ̀hɔ̀n hán 13:25

Ɛnvra léyi Zhan kɔ̀hɔ̀n lɔ kɛ hɔ́n ɔtrɔmɛ̀n nɔn, nɛ́n dɔ̀ le: ‘Antɔnwrɔn de nye bú mɛ̀n nyɛ hán nɛ́n? Mɛ̀n sɩ̀ dù ɔwrɔn léyi nyɛ vrá nɔn. Tɛ́n nyɛ́n die nukùɛ: nɛ̀n dú mɛ̀n ɛmɛẅi nɛ và kɩ mɛ̀n sɩ̀ zeze mɛ̀n zrɔa hɩ m'á sɩ́ m'edomɛ̀n ɛnhi, ô mɛ̀n gbrɔ n'annanwrú hɛ́ lɔ nɔn.’

Ɔkɔ̀hɔ̀n-wá-bɔ̀ kɔ̀hɔ̀n hán 19:4

Pɔlɛ̀n kɛ dɔ́ yɔ le: “Zhan kɛ wá anwrɔn hɔ̀n léyi shrì crɔ́n y'eci-hán-ci hɔ̀n lɔ ɛnshi ɛnkru kɩ nɛ dɔ́ Izraɛlɛ̀n fɛcüè kɛ ẅɛn ankaẅì-bùtan ɔnwrɔn léyi dú nɛ̀n ɛmɛẅi kɛ và nɔn n'ɛwú, ɔwrɔn lɔ, nɛ́n de nɛ̀n dú Zhezü nɔn.”

1 Zhan 1:5

Nyàn ɛmɛẅi ankà léyi bɔ̀ yá Zhezü Krisì mùan mɛ̀n, kɩ bɔ́ dɔ́ tán nyɛ̀n nɔn: Ɔwɔ dú ɛyrikàn kɩ ɛyri-yɔwɔ zriɛmɛ́n bàda nɛ̀n ɛmɛ̀n.