Zhan 1:18 - Ɛmɛẅi ankà ankrànkràn 2003

¹⁸ Ɔwrɔnẅì zriɛmɛ́n kɛ vá kán Ɔwɔ mrìmrì. Tɛ́n Ɛnẅì zri kpokpo léyi dú Ɔwɔ, kɩ dú nɛ́n Zi ɛtɛ̀sɛ̀n nɔn, nɛ́n hán ye nyri nɛ́n Zi.

Zhan 1:18 Iomraidhean Croise

Matie 11:27

Dade wá mɛ̀n eci lɔ fɛn antamɛ̀n. Ɔwrɔn zriɛmɛ́n ke sɩ̀ nyri Ɛnẅì lɔ ke dú kɛ kè sɩ̀ dù Ɛnẅì-nɛ́n-zi, kɩ ɔwrɔn zriɛmɛ́n ke sɩ̀ nyri Ɛnẅì-nɛ́n-zi ke dú kɛ kè sɩ̀ dù Ɛnẅì lɔ mán anwrɔn hɔ̀n léyi Ɛnẅì lɔ ke ji kɛ̀ tán kè nyrì nɔn.

Lükɛ̀n 10:22

Dade tán mɛ̀n ɛci hɔ̀n lɔ fɛn. Ɔwrɔnẅì zriɛmɛ̀n kè sì nyrì ɔwrɔn léyi dú Ɛnẅì nɔn, ke dú kɛ ke sɩ̀ dù Dade, kɩ ɔwrɔnẅì zriɛmɛ̀n kè sɩ̀ nyrì ɔwrɔn léyi dú Dade nɔn, ke dú kɛ kè sɩ̀ dù Ɛnẅì lɔ mán anwrɔn hɔ̀n léyi Ɛnẅì lɔ ke ji kɛ̀ hán tán kè nyrì nɔn.”

Zhan 1:14

Ɔwrɔn léyi dú ankà-dɔ̀ nɔn srɔ ɔwrɔnẅì kɩ vá dú bɔ̀ ɛmɛ̀n, nboafɔ̀n mán annanwɔrɛ yɩ́ nɛ̀n ɛmɛ̀n. Bɔ̀ kán n'eci-zrɔ, eci-zrɔ léyi Ɛnẅì zri kpokpo kɛ cɔ́ nɛ́n zi yri nɔn.

Zhan 12:41

Ezahi dɔ́ ankà ndɔ lɔ, ɔmuhi nɛ́n gɔ̀ kán Zhezü ci-zrɔ lɔ, kɩ nɛ̀n dɔ́ yi ànkà.

Zhan 13:23

N'ɛsɛnkɛn-bɔ̀ lɔ ɔtɔ̀n, nɛ́n léyi Zhezü kɛ cüɛn nɛ̀n nɔn, yɛ́ Zhezü ɛtɛ̀sɛ̀n hán.

Zhan 14:9

Zhezü mrɛ́n nɛ̀n ɔmùan le: “Ɛnvra sheshemɛ̀n de mɛ̀n dú nyɛ̀n ɛmɛ̀n nɔn, kɩ ɛ vá nyri mɛ̀n hàn Filipɛ̀n? Ɔwrɔn léyi kán mɛ̀n nɔn, kán Dade. Cɛci kruhú kɛ ɛ dɔ̀ le: ‘Yé bɔ̀ Ɔwɔ Ziɛ?’

Zhan 17:26

Mɛ̀n hán yɔ, yɔ nyri mɛ́n, kɩ me le vru mɛ̀n hán yɔ, yɔ nyri mɛ́n, ô ɛcüɛ̀n léyi ɛ̀ ẅɛn m'ɛwú nɔn, kè dú yɔ ɛmɛ̀n, ô mɛ́n mumù mán mɛ̀n dú yɔ ɛmɛ̀n.”

Zhan 17:6

Anwrɔn hɔ̀n léyi ɛ̀ mrɛ́n ɛnhibù wú ɛ̀ tán mɛ̀n nɔn, mɛ̀n hán yɔ, yɔ nyri mɛ́n. Yɔ dú vɛ tɛn, ɛ̀ tán mɛ̀n yɔ, kɩ yɔ die v'ankà-dɔ̀ nukùɛ.

Zhan 3:11

Annanwɔrɛ mɛ̀n mɛ dɔ́ mɛ́n le: bɔ́ dɔ́ ɛci hɔ̀n léyi bɔ́ nyrì nɔn y'ankà, kɩ bɔ́ di dalɛfuɛ eci léyi bɔ́ kàn nɔn wú, tɛ́n nyɛ́n sɩ́ ji nyɛ́n bɩ́ bɔ́ dalɛfuɛ-di-ankà lɔ.

Zhan 6:46

Ndɔ lɔ hɩ mɛ̀n ke sɩ́ dɔ́ le ɔwrɔn tɔ̀n kán Dade, nɛ́n zri léyi nɛ̀n dú Ɔwɔ yri nɛ́n và nɔn, nɛ̀n kán Dade.

2 Korɛntɛ̀n anmàn-bɔ̀ 4:4

Yɔ sɩ̀ ẅɛ̀n ankaẅì-bùtan ɔmuhi Anwa-wrɔn léyi dú ɛnhibù ndɔ lɔ wɔ, boyɛ y'ɛnkruemɛ̀n-ẅɛn lɔ anvɛ̀. Ɔwɔ ndɔ lɔ ke sɩ́ tán yɔ ɛkɔrɛ̀levri yɔ cɔ́ ɛyri-kàn léyi Ɛmɛẅi ankà Ankrankran kɛ tán Krisì ci-zrɔ lɔ mɛ̀n, Krisì léyi dú Ɔwɔ mumù picɛ̀ nɔn.

Kɔlɔsèn anmàn-bɔ̀ 1:15

Krisì dú Ɔwɔ léyi ye sɩ́ kan nɔn nɛ́n picɛ̀ kɔrɛkɔrɛ. Nɛ̀n dú ɛnvrakpà-bî-ẅì léyi dú eci lɔ fɛn léyi yɛ hán nɔn ɛwú.

Kpàkpà timote 1:17

Ɛnnɛ̀ncüì léyi kè sɩ̀ ẅɛ̀n ɔtrɔ, ke sɩ́ wúɛ, ye sɩ́ kán kɩ dú Ɔwɔ zri nɔn, ɛmrɛ́n mán eci-zrɔ dú nɛ tɛn ɛnvra lɔ fɛn! Kè dú ɔmu lɔ.

Kpàkpà timote 6:16

Nɛ́n zri kɩ nɛ́n sɩ́ wúɛ, nɛ̀n sɔ́n ebɩ́ ɛyrikàn tɔ̀n mɛ̀n, ɛyrikàn léyi ɔwrɔnẅì zriɛmɛ́n ke sɩ̀ sɔ̀nba ɛtɛsɛ̀n rɔ́ nɔn. Ɔwrɔnẅì zriɛmɛ́n kɛ vá kán nɛ̀n mrìmrì kɩ ke sɩ̀ kán nɛ̀n rɔ́. Ɛmrɛ́n mán ɛkɔrɛ̀-srɔn léyi kè sɩ̀ ẅɛ̀n ɛnkrutrɔ nɔn, dú nɛ tɛn! Kè dú ɔmu lɔ.

1 Zhan 4:12

Ɔwrɔn zriɛmɛ́n kɛ vá kán Ɔwɔ; ke dú kɛ bɔ́ cüɛn bɔ́ edomɛ̀n, Ɔwɔ dú bɔ̀ ɛmɛ̀n kɩ n'ɛcüɛ̀n lɔ ke yé n'edomɛ̀n anvrɛnvrɛn bɔ́ ɛmɛ̀n.

1 Zhan 4:20

Ke dú kɛ ɔwrɔn tɔ̀n kɛ dɔ̀ le: “Mɛ cüɛn Ɔwɔ”, kɩ ne gbri nɛ́n muanẅì, nɛ̀n dú ɛyɔ̀n-wrɔn. Annanwɔrɛ mɛ̀n lɔ nɛ́n sɩ́ cüɛn Ɔwɔ léyi nɛ́n sɩ́ kán rɔa nɔn, ke dú kɛ nɛ́n sɩ́ cüɛn nɛ́n muan-ẅì léyi nɛ kàn nɔn.

1 Zhan 4:9

Nyàn ɔmu le Ɔwɔ yé bɔ̀ n'ɛcüɛ̀n lɔ nɔn: nɛ̀n wá n'Ɛnẅì zri lɔ ɔkɔ̀hɔ̀n ɛnhibù wú, ô bɔ̀ cɔ́ ɛwúvà n'ɛmɛ̀n.

1 Zhan 5:20

Bɔ̀ nyri ɔmu le Ɔwɔ Ẅì nvà, kɩ nɛ̀n tán bɔ̀ ɛnkruemɛ̀n-ẅɛ̀n, ô bɔ̀ nyri Ɔwɔ annanwɔrɛ lɔ. Bɔ̀ dú Ɔwɔ annanwɔrɛ lɔ n'ɔbɔ̀sɔ̀ lɔ mɛ̀n n'Ɛnẅì Zhezü Krisì mɛ̀n. Nɛ́n de nɛ̀n dú Ɔwɔ annanwɔrɛ lɔ nɔn, nɛ́n de nɛ̀n dú ɛwúvà léyi ke sɩ́ trɔa nɔn.