Zhan 1:16 - Ɛmɛẅi ankà ankrànkràn 2003

¹⁶ Bɔ lɔ fɛn bɔ̀ cɔ́ nɛ́n nboafɔ̀n nɛ̀ncüì-dì lɔ; bɔ̀ vru bɔ̀ cɔ́ nboafɔ̀n mán ɛnshifù bobrebe.

Zhan 1:16 Iomraidhean Croise

Matie 13:12

Ɔmuhi ɔwrɔn léyi ẅɛn eci jan nɔn, nɛ lɛ sàn cɔ́ bobrebe kɩ ne le dú ɛnbɔrɛbruemɛ̀n; tɛ́n ɔwrɔn léyi kè sɩ̀ ẅɛ̀n hàn nɔn, yɛ lɛ bɩ́ ɛẅiɛ léyi nɛ́n ẅɛ̀n nɔn mán yɛ sɔhɔ́.

Matie 3:11

Mɛ tɛn, ɛnshi de me bɩ mɛ wá nyɛ̀n ɛnkru ô ke yé le nyɛ́n crɔn ɛnkruɛ; tɛ́n ɔwrɔn léyi dú mɛ̀n ɛmɛẅi kɛ và nɔn, kɛ lɛ wá nyɛ̀n ɛnshi ɛnkru Ɛnhɛ́n Prɔnprɔn mɛ̀n mán ɛnhyà mɛ̀n. Ɛkɔrɛ̀ srɔ́n nɛ̀n vrán mɛ̀n: mɛ̀n sɩ̀ zeze mɛ̀n zrɔa hɩ m'á sɩ́ m'edomɛ̀n ɛnhi ô mɛ̀n gbrɔ n'annanwrú hɛ́ lɔ nɔn.

Matie 3:14

Zhan kɔrɔ kɩ kɛ dɔ́ nɛ̀n le: “Mɛ̀n de ke ji le ɛ̀ wá mɛ̀n ɛnshi ɛnkru nɔn, kɩ vɛ tɛn, ɛ vá cɔ́ mɛ̀n ô mɛ̀n wá mɛ́n ɛnshi ɛnkru!”

Lükɛ̀n 21:15

Mɛ̀n dùku mɛ lɛ tán nyɛ̀n ankà-dɔ̀ mán ankà-nyrì léyi ny'egbri-wrɔn zriɛmɛ́n ke sɩ̀ ẅɛ̀n kè bɩ kɛ̀ kɛ́n nyɛ̀n ezì rɔ́ nɔn.

Zhan 3:34

Ɔwrɔn léyi Ɔwɔ wá ɔkɔhɔ̀n nɔn kɛ dɔ́ Ɔwɔ-mùanwú-ankà, ɔmuhi Ɔwɔ kɛ tán nɛ̀n kokroho n'Ɛnhɛ́n lɔ nɔn.

Rɔmɛ̀n-anmàn-bɔ̀ 5:17

Annànwɔrɛ mɛ̀n lɔ, owù yé n'ɛkorɛ̀-srɔn lɔ ɔwrɔn zri gbàn kruhú, ɔwrɔn zri ndɔ lɔ n'ɛkruhú; tɛ́n Zhezü Krisì zri ndɔ lɔ bɩ́mɛ̀n, bɔ́ cɔ̀ cüɛn: anwrɔn hɔ̀n lɔ fɛn léyi kɛ cɔ́ ɔwɔ-boafɔ̀n bobrebe mán n'ɔkɔ̀hɔ̀n-cice léyi dú bɔ́ ɛnkrukɔrɛ̀ nɔn, ke le dú ɛwúvà-kɔrɛ̀ mɛ̀n kɩ yɛ lɛ ẅɛn ɛyri Krisì kruhú.

Rɔmɛ̀n-anmàn-bɔ̀ 5:2

Zhezü bɩmɛ̀n, bɔ̀ cɔ́ ɛyri ankaẅì-bùtan-ẅɛn mɛ̀n, bɔ̀ cɔ́ Ɔwɔ boafɔ̀n léyi bɔ́ dú ɛmɛ̀n ɛnvra lɔ fɛn nɔn. Kɩ eci léyi kɛ brá bɔ̀ pɔpüɛ̀ nɔn, dú esɛ́ léyi kɛ lɛ hán tán bɔ̀ bɔ́ dú Ɔwɔ ci-zrɔ lɔ mɛ̀n nɔn.

Rɔmɛ̀n-anmàn-bɔ̀ 5:20

Ɛnyànmàn nvà kɩ zɛtɛn ɛgbàn nvà cüɛn; tɛ́n ɛyri léyi ɛgbàn cüɛn nɔn, Ɔwɔ-boafɔ̀n vru sán cüɛ́n.

Rɔmɛ̀n-anmàn-bɔ̀ 8:9

Tɛ́n nyɛ́n, nyɛ́n sɩ́ hán nyɛ́n dùku ny'ɛwúvà ci; ny'ɛwúvà lɔ dú Ɛnhɛ́n Prɔnprɔn mɛ̀n, ɔmuhi Ɔwɔ Hɛ́n Prɔnprɔn dú nyɛ̀n ɛmɛ̀n nɔn. Ɔwrɔn léyi kè sɩ̀ ẅɛ̀n Krisì Hɛ́n lɔ nɔn, nɛ̀n sɩ̀ dù Krisì tɛn.

Efɛzɛ̀n anmàn-bɔ̀ 1:23

Ɔwɔ-fɛcüè dú Krisi dùwrú; n'ɛmɛ̀n de Krisì dú annanwɔrɛ mɛ̀n, nɛ́n léyi nɛ̀n yɩ́ ɛnhibù mumù lɔ fɛn mɛ̀n nɔn.

Efɛzɛ̀n anmàn-bɔ̀ 3:19

Hɛ̀ɛ̀, nyɛ́n cɔ́ n'ɛcüɛ̀n lɔ nyɛ́n nyrì (ke dú kɛ nɛ̀n ká eci-nyrì lɔ fɛn mán) kɩ ɔmu lɔ, Ɔwɔ nɛ̀ncüì-dì lɔ fɛn kè yɩ́ nyɛ̀n ɛmɛ̀n.

Kɔlɔsèn anmàn-bɔ̀ 1:19

Ɔmuhi Ɔwɔ wá kè dú n'Ɛnẅì mɛ̀n kokroho

Kɔlɔsèn anmàn-bɔ̀ 2:3

n'ɛmɛ̀n de ankà-nyri nɛ̀ncüì-dì mán Ɔwɔ-nyrì bán ndù nɔn.

1 Piɛrɛ̀n 1:11

Yɔ ji kèkrèmɛ̀n, ô yɔ cɔ́ ɛnvra lɔ mɛ̀n mán eci-hán-ci hɔ̀n léyi Krisì Hɛ́n kɛ tán; ɔmuhi Ɛnhɛ́n ndɔ léyi dú y'ɛmɛ̀n nɔn, gɔ́ dɔ́ yɔ ɛgbànkàn léyi Krisì kɛ lɛ srɔ́n ɛsù mán ecizrɔ léyi zɛtɛn ke le dú nɛ tɛn nɔn hɩ ankà.

1 Piɛrɛ̀n 1:2

Ɔwɔ Zi mrɛ́n nyɛ̀n nbɩ hán ɔmu le nɛ́n gɔ̀ wá n'ankɔ́nda ci-hán mɛ̀n nɛ̀n hɛ́n; nɛ̀n mrɛ́n nyɛ̀n nɛ̀n hɛ́n ɔhɔ́nan, Ɛnhɛ́n Prɔnprɔn kɔrɛ̀levriemɛ̀n, ô nyɛ́n ẅɛn Zhezü Krisì wá, ô n'ɛnkrɛ̀ kè fi nyɛ̀n edomɛ̀n. Ɔwɔ kɛ̀ tán nyɛ̀n nboafɔ̀n mán anwɔwɔ bobrebe.