Zhan 1:14 - Ɛmɛẅi ankà ankrànkràn 2003

¹⁴ Ɔwrɔn léyi dú ankà-dɔ̀ nɔn srɔ ɔwrɔnẅì kɩ vá dú bɔ̀ ɛmɛ̀n, nboafɔ̀n mán annanwɔrɛ yɩ́ nɛ̀n ɛmɛ̀n. Bɔ̀ kán n'eci-zrɔ, eci-zrɔ léyi Ɛnẅì zri kpokpo kɛ cɔ́ nɛ́n zi yri nɔn.

Zhan 1:14 Iomraidhean Croise

Matie 1:16

Zhakɔbɛ̀n dú Zhozɛfɛ̀n nɛ́n zi, Mari nɛ́n cüì, Mari léyi dú Zhezü, Ebɩdie-wrɔn, nɛ́n muan nɔn.

Lükɛ̀n 2:11

Ɛnyɔncì nyran lɔ, Davidɛ̀n anmàn lɔ, ye bî ny'ebɩ̀die-wrɔn tɔ̀n, nɛ́n de nɛ̀n dú Krisì, Ɛẅɛnwrɔn lɔ nɔn.

Lükɛ̀n 2:7

Mari bî ɛncɔnwrɔn-ẅì dú n'ɛnvrakpà ẅì. Nɛ̀n murɛn yi ɛci wosu, kɩ nɛ̀n drɛ́ yi annɔ̀n ci-zî bɔ̀hɔ́ mɛ̀n, ɔmuhi yɔ sɩ̀ cɔ̀ ɛyri nɛ̀nnyàn-bɔ̀ wɔn lɔ mɛ̀n nɔn.

Lükɛ̀n 9:32

Piɛrɛ̀n mán nɛ́n nyran hɔ̀n mɛhi ndà vri tɔ̀n nwrì, tɛ́n yɔ gbɛ́ ɛvɛ̀, yɔ kán Zhezü ci-zrɔ mán anwrɔn anhyrɛ̀ léyi nyɔn nɛ̀n ɛtɛsɛ̀n nɔn.

Zhan 1:1

Ɛnkrubɔmɛ̀n lɔ, ɛnvra léyi Ɔwɔ hán ɛnhibù nɔn, ankà-dɔ̀ gɔ́ dù; ɔwrɔn léyi dú ankà-dɔ̀ nɔn, nɛ́n mán Ɔwɔ mɛhi yɔ dù, kɩ nɛ̀n dú Ɔwɔ.

Zhan 11:40

Zhezü mrɛ́n nɛ̀n ɔmùan le: “Mɛ̀n sɩ̀ dɔ̀ mɛ́n le, ke dú kɛ e bútan ankaẅì hô, ɛ lɛ kán Ɔwɔ ci-zrɔ lɔa?”

Zhan 14:6

Zhezü mrɛ́n nɛ̀n ɔmùan le: “Mɛ̀n dú ɛnlevri, mɛ̀n dú ankà-annanwɔrɛ, mɛ̀n dú ɛwúvà-kɔrɛ̀. Ɔwrɔn zriɛmɛ́n ke sɩ̀ hɔ́n Dade nanvrɛn ke dú kɛ nɛ̀n sɩ̀ cì m'eyri.

Zhan 14:9

Zhezü mrɛ́n nɛ̀n ɔmùan le: “Ɛnvra sheshemɛ̀n de mɛ̀n dú nyɛ̀n ɛmɛ̀n nɔn, kɩ ɛ vá nyri mɛ̀n hàn Filipɛ̀n? Ɔwrɔn léyi kán mɛ̀n nɔn, kán Dade. Cɛci kruhú kɛ ɛ dɔ̀ le: ‘Yé bɔ̀ Ɔwɔ Ziɛ?’

Zhan 17:22

Mɛ̀n tán yɔ eci-zrɔ léyi ɛ̀ tán mɛ̀n nɔn, ô yɔ dú nzri kɛ̀ hán vɛ́n mán mɛ̀n mɛhi léyi bɔ́ dú nzri nɔn.

Zhan 17:24

Dade, ɛ̀ tán mɛ̀n yɔ, kɩ mɛ cüɛ̀n le yɔ dú mɛ̀n ɛtɛsɛ̀n ɛyri léyi me le dù nɔn, ô yɔ kán m'eci-zrɔ lɔ, eci-zrɔ léyi ɛ̀ tán mɛ̀n nɔn, ɔmuhi ɛ̀ cüɛn mɛ̀n yakɛ yɛ hán ɛnhibù nɔn.

Zhan 18:37

Zɛtɛn Pilatɛ̀n mrɛ́n nɛ̀n ɔmùan le: “Zɛtɛn e dú ɛnnɛ̀ncüìɛ?” Zhezü mrɛ́n ɔmùan le: “Hɩ de ɛ dɔ̀ nɔn: mɛ̀n dú ɛnnɛ̀ncüì. Ye bî mɛ̀n, kɩ mɛ̀n vá ɛnhibù wú ankà annànwɔrɛ dɔ́-yri. Ɔwrɔn totɔtɔ̀n léyi dú ankà annànwɔrɛ mɛ̀n-wrɔn nɔn, ke die ankà léyi mɛ dɔ́ nɔn nukùɛ.”

Zhan 2:11

Nyàn ɔmu lɔ de Zhezü hán nɛ́n kpàkpà anvɛmɛ̀n-frɛ́n-ci, Kana anmàn, Galile kpɔsɔ wú; nɛ̀n yé n'ecizrɔ, kɩ n'ɛsɛnkɛn-bɔ̀ bú n'ankà lɔ tán ankaẅì.

Zhan 3:16

Ɔmuhi Ɔwɔ zeze cüɛ́n ɛnhibù-wú-bɔ̀ kɩ nɛ̀n tán yɔ n'Ɛnẅì zri lɔ, ô ɔwrɔn totɔtɔ̀n léyi kɛ ẅɛn n'ankaẅì-bùtan nɔn ke bɩ́ wúɛ, tɛ́n nɛ̀n cɔ́ ɛwúvà léyi ke sɩ́ trɔa nɔn.

Zhan 3:18

Ɔwrɔn léyi ke bú Ɛnẅì lɔ ankà kɛ tán ankàẅì nɔn, ye sɩ̀ bɔ́ nɛ̀n nwù; tɛ́n, ɔwrɔn léyi ké sɩ́ bútan ankàẅì nɔn, yɛ gɔ́ bɔ́ nɛ̀n nwùɛ, ɔmuhi nɛ̀n sɩ̀ bù Ɔwɔ Ẅì zri lɔ ankà nɛ̀n tàn ankaẅì nɔn.

Zhan 6:51

Mɛ̀n dú ɛci-zî kɔrɛkɔrɛ léyi dú anhobɩ́ kakɛ nɔn. Ke dú kɛ, ɔwrɔn ke zî ɛci ndɔ lɔ, ne le dú ɔkɔrɛ mɛ̀n ɛnvra lɔ fɛn. Ɛci-zî léyi mɛ lɛ tán nɔn dú m'edùwrú; mɛ tán ɛci-zî ndɔ lɔ hô, ɛnhibù ke dú ɔkɔrɛ mɛ̀n.”

Zhan 8:32

ɔmu lɔ de nye le nyri annanwɔrɛ ankà kɩ annanwɔrɛ ankà kɛ lɛ srɔ nyɛ̀n anwrɔn kora.”

Ɔkɔ̀hɔ̀n-wá-bɔ̀ kɔ̀hɔ̀n hán 13:33

zɛtɛ̀ lɔ nɛ̀n hán yi sá nmù, dú bɔ́ léyi bɔ̀ dú y'ɛmɛẅi-bɔ̀ nɔn tɛn, kɩ nɛ̀n hán Zhezü dú owú-bɔ̀ mɛ̀n vá ɔkɔrɛ-bɔ̀ mɛ̀n. Annanwɔrɛ mɛ̀n lɔ Ɔwɔ-mrɛ́n-wrú, anhyrɛmɛ̀n tɛ́n lɔ mɛ̀n, ye merɛ́n le: ‘Vɛ́n de è dú m'ɛnẅì nɔn, bukru ɛnyɔcì lɔ, mɛ̀n dú e Zi.’

Rɔmɛ̀n-anmàn-bɔ̀ 8:3

Ɔwɔ hán eci léyi Mohizì nyànmàn kè sɩ̀ hàn rɔ̀a nɔn sá nmù, ɔmuhi ɔwrɔnẅì jɛ̀ ke sɩ̀ tán nɛ̀n ɛkɔrɛ̀srɔn: ɛgbàn léyi nɛ lɛ mrɛ́n nɛ̀n sɔhɔ́ nɔn, nɛ̀n bó ɔwrɔnẅì nwù n'edùwrú-ẅia lɔ mɛ̀n, kɩ nɛ̀n hán nɛ́n dùku n'ɛnẅì vá dú ɔwrɔnẅì wúvà gbànkàn lɔ mɛ̀n.

Rɔmɛ̀n-anmàn-bɔ̀ 9:5

Yɔ dú bɔ́ nancüì hɔ̀n mɛẅi-bɔ̀ kɩ Krisì léyi dú ɔwrɔnẅì mɛ̀n nɔn, dú yɔ fɛcüè lɔ mɛ̀n, nɛ́n léyi nɛ̀n dú eci lɔ fɛn wú nɔn, Ɔwɔ léyi dú ɛmrɛ́n mɛ̀n ɛnvra lɔ fɛn nɔn. Kè dú ɔmu lɔ.

1 Korɛntɛ̀n anmàn-bɔ̀ 15:47

Kpàkpà Adamɛ̀n yɛ hán antà-hiwɔ̀n mɛ̀n; anhyrɛmɛ̀n Adamɛ̀n dú anhobɩ́ nvà.

2 Korɛntɛ̀n anmàn-bɔ̀ 12:9

Nɛ̀n mrɛ́n mɛ̀n ɔmùan le: “Mɛ́n boafɔ̀n krɔn mɛ́n. M'ɛkɔrɛ̀-srɔn ke yé n'edomɛ̀n ɛnvra léyi e dú ɛjɛ mɛ̀n nɔn.” Mɛ cüɛn ɔmu le mɛ̀n gbú ɔmùan m'ɛjɛ̀ hɔ̀n lɔ wú, ô Krisì kɔrɛ̀-srɔn lɔ, n'esùva-wá kɛ vá mɛ̀n ɛwú.

Galasi anmàn-bɔ̀ 4:4

Tɛ́n ɛnvra léyi yɛ wá, ncɔ̀ nɔn, Ɔwɔ hán n'Ɛnẅì nvà: ye bî nɛ̀n ɛnnyɔnwrɔn mɛ̀n kɩ nɛ̀n dú Zhüifɛ̀n-bɔ̀ nyànmàn kɔrɛ̀-levri wú,

Efɛzɛ̀n anmàn-bɔ̀ 3:8

Ankaẅì-bùtan-ẅɛn-bɔ̀ lɔ fɛn, mɛ̀n dú y'ɛcɛ; ɔmu tɛ̀kɩ, Ɔwɔ tán mɛ̀n anvrɛn ndɔ lɔ, ô mɛ̀n dɔ́ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, Krisì nɛ̀ncüì-dì léyi kè sɩ̀ ẅɛ̀n ɛnkrutrɔ nɔn yi ankà.

Kɔlɔsèn anmàn-bɔ̀ 1:19

Ɔmuhi Ɔwɔ wá kè dú n'Ɛnẅì mɛ̀n kokroho

Kɔlɔsèn anmàn-bɔ̀ 2:3

n'ɛmɛ̀n de ankà-nyri nɛ̀ncüì-dì mán Ɔwɔ-nyrì bán ndù nɔn.

Kɔlɔsèn anmàn-bɔ̀ 2:9

Ɔmuhi eci lɔ fɛn léyi dú Ɔwɔ mɛ̀n nɔn, bɩ́ edùwrú Krisì mɛ̀n, kɩ sɔ́n ebɩ́ kokroho n'ɛmɛ̀n;

Kpàkpà timote 3:16

Hɛ̀ɛ̀, ye sɩ̀ wrɔ́n anmanta rɔ́, nɛ̀n sevri ankà-bán-ankà léyi b'ankaẅì-bùtan ke yé nɔn! Krisì léyi srɔ, ndù hán ɔwrɔnẅì hɔ́ nɔn, Ɛnhɛ́n Prɔnprɔn yé le, nɛ̀n dú ɛnyrɔnnan-wrɔn kɩ Ɔwɔ-kùyüre-bɔ̀ cüe nɛ̀n ankɔrɛ̀ ezìwúɛ. Yɛ dɔ́ n'ankà ɛnhi wú anmàn hɔ̀n lɔ fɛn, bobrebe bú n'ankà tán ankaẅì ɛnhibù wú, ye sɩ́ nɛ̀n ɛwú anhobɩ́ ci-zrɔ lɔ mɛ̀n.

Ebre-bɔ̀ 1:3

Ɛnẅì lɔ ke yé Ɔwɔ vrisì ci-zrɔ lɔ, nɛ́n dù nɛ̀n hán ɔmu le Ɔwɔ dù nɔn, n'ankà-dɔ̀ kɔrɛ̀srɔn mɛ̀n lɔ, nɛ̀n ẅɛn n'ɛkɔrɛ̀-ci lɔ fɛn nɛ̀n hɛ́n. Ɛnvra léyi nɛ̀n juru anwrɔnẅì hɔ̀n ɛgbàn edomɛ̀n trɔ nɔn, nɛ̀n yɛ́ anhobɩ́ ɛkɔrɛ̀srɔn Wɔ zì-kɔrɛ̀-kɔrɛa.

Ebre-bɔ̀ 1:5

Annanwɔrɛ mɛ̀n lɔ, Ɔwɔ kɛ vá dɔ́ n'ɛkùyüre-bɔ̀ lɔ ɔtɔ̀n mrìmrì le: “Vɛ́n de è dú m'Ɛmẅì nɔn, bukru ɛnyɔncì lɔ nɔn, mɛ̀n dú e Zi.” Kɩ Ɔwɔ kùyüre-wrɔn tɔ̀n tɛsɛ̀n, nɛ vá dɔ́ mrìmrì le: “Me le dú nɛ́n Zi tɔ̀n kɩ ne le dú m'Ɛnẅì tɔ̀n.”

Ebre-bɔ̀ 10:5

Hɩ le kruhú de, ɛnvra léyi Krisì kɛ vá ɛnhibù wú nɔn, nɛ̀n dɔ́ Ɔwɔ le: “È sɩ̀ ji ecice nyàntɛn zriɛmɛ́n, tɛ́n ɛ̀ tán mɛ̀n edùwru tɔ̀n.

Ebre-bɔ̀ 2:11

Tɛ́n, Zhezü léyi ke juru anwrɔnẅì ɛgbàn edomɛ̀n sɔhɔ́ mán anwrɔn hɔ̀n léyi ye fí edomɛ̀n nɔn, yɔ ẅɛn yɔ Zi zri. Hɩ le kruhú de Zhezü anvɛvrà ke sɩ́ ẅɛn hán, ɛnvra léyi ne bi yɔ nɛ́n muan-ẅì hɔ̀n nɔn.

Ebre-bɔ̀ 5:5

Krisì dùku mán kè sɩ̀ srɔ n'edomɛ̀n Ɔwɔ cice-wrɔn cüìcüì kɩ kɛ̀ tán n'edòmɛ̀n ɛmrɛ́n. Ɔwɔ de srɔ nɛ̀n ecice-wrɔn cüìcüì kɩ dɔ́ nɛ̀n le: “Vɛ́n de è dú m'Ɛnẅì nɔn, bukru ɛyɔnci lɔ nɔn, mɛ̀n dú e Zi.”

1 Zhan 4:14

Kɩ bɔ́ kàn, kɩ bɔ́ dɔ̀ le Ɔwɔ wá n'Ɛnẅì ɔkɔhɔ̀n kè dú ɛnhibù Bɩdie-wrɔn.

1 Zhan 4:9

Nyàn ɔmu le Ɔwɔ yé bɔ̀ n'ɛcüɛ̀n lɔ nɔn: nɛ̀n wá n'Ɛnẅì zri lɔ ɔkɔ̀hɔ̀n ɛnhibù wú, ô bɔ̀ cɔ́ ɛwúvà n'ɛmɛ̀n.

2 Zhan 1:7

Anhyɔ̀n-bɔ̀ bobrebe bonyi ɛnhibù wú; yɔ sɩ́ ji yɔ nyri ɔmu le Zhezü Krisì srɔ ɔwrɔnẅì annanwɔrɛ. Ndɔ lɔ mɛ̀n de ɛyɔ̀n-wrɔn lɔ ke yé n'edomɛ̀n, Krisì Gbri-wrɔn.

Ɔwɔ-mɛ̀n-yrikàn 19:13

Nɛ̀n cɔ́ ɛceci she tɔ̀n ɛnkrɛ̀ dú edomɛ̀n. Ye bi nɛ̀n “Ɔwɔ mùan-ankà-dɔ̀”.

Ɔwɔ-mɛ̀n-yrikàn 21:3

Mɛ̀n yá esùva cüìcüì tɔ̀n dú ɛgbú-tòbù wú kɛ và kɩ kɛ dɔ̀ le: “Zɛtɛ̀ lɔ Ɔwɔ-dúyri dú anwrɔnẅiemɛ̀n! Nɛ́n mán yɔ mɛhi yɔ le dù kɩ yɔ lɛ srɔ nɛ́n fɛcüè-bɔ̀. Ɔwɔ dùku mán ke le dú yɔ ɛmɛ̀n, ne le dú y'Ɔwɔ.