Zhan 1:13 - Ɛmɛẅi ankà ankrànkràn 2003

¹³ Yɔ sɩ̀ srɔ Ɔwɔ ẅì hɔ̀n kɛ̀ hán ɔmu le ye bî ɛnẅì kɛ ẅɛn nɛ́n zi mán nɛ́n muan kɩ ɛnẅì kɛ ẅɛn nɛ́n Zi ke dú ɛnhibù wú; Ɔwɔ de tán yɔ ɛwúvà wrù nɔn.

Zhan 1:13 Iomraidhean Croise

Matie 3:9

kɩ nyɛ́n bɩ́ tro le: ‘Abrahamɛ̀n dú nyɛ́n nancüì.’ Ɔmuhi mɛ dɔ́ nyɛ̀n le, Ɔwɔ kɛ cüɛ̀n hô, ne le bɩ́ ɛbù ẅì ndɔ hɔ̀n lɔ, nɛ̀n srɔ Abrahamɛ̀n nɛ́n nan-ẅì hɔ̀n!

Zhan 3:3

Zhezü mrɛ́n nɛ̀n ɔmùan le: “Hɛ̀ɛ̀, mɛ dɔ́ mɛ́n annanwɔrɛ mɛ̀n le: ɔwrɔnẅì zriɛmɛ́n ke sɩ̀ kán Anhobɩ́ Nɛ̀ncüì-dúyri lɔ ke dú kɛ ye sɩ̀ sàn bî nɛ̀n.”

1 Korɛntɛ̀n anmàn-bɔ̀ 3:6

Mɛ̀n wá ɛtɛ̀-ẅì ɛnhibɩ́, Apolɔsɛ̀n ku nɛ̀n ɛnshi, tɛ́n Ɔwɔ de hán nɛ̀n nɛ̀n sɔ́ nɔn.

Filipɛ̀n anmàn-bɔ̀ 2:13

ɔmuhi Ɔwɔ kɛ hán ɔkɔ̀hɔ̀n ny'ɛmɛ̀n, nɛ tán nyɛ̀n ecüì, nyɛ́n ji, ô nyɛ́n hán eci léyi dú nɛ́n dùku n'ankɔnda ci-hán nɔn.

Titɛ̀n 3:5

nɛ̀n bɩ́ bɔ̀ nɛ̀n die, kɩ kè sɩ̀ dù bɔ́ ɛnyrɔnnan mán bɔ́ eci-ankrankran-hán mɛ̀n, tɛ́n ɔmuhi nɛ̀n ẅɛn bɔ́ ɛnhyɔ̀bɔ̀-nyrì nɔn. Nɛ̀n bɩ́ bɔ̀ nɛ̀n die ɛnshikru-wá léyi Ɛnhɛ́n Prɔnprɔn cüemɛ̀n tán bɔ̀ ebîemɛ̀n mán ɛwúvà wrù mɛ̀n nɔn.

Zhakɛ̀n 1:18

N'ɛnbɔrɛ ankrankran mɛ̀n, nɛ̀n tán bɔ̀ ɛwúvà-kɔrɛ̀, nɛ́n annanwɔrɛ ankà-dɔ́ mɛ̀n, ô bɔ̀ dú ɛnvrakpà-bɔ̀ n'ɛci lɔ fɛn léyi nɛ̀n hán nɔn mɛ̀n.

1 Piɛrɛ̀n 1:23

Annanwɔrɛ mɛ̀n lɔ, ye vru yɛ sán bî nyɛ̀n owrù, kɩ nyɛ́n zi hɔ̀n kè sɩ̀ dù owú-bɔ̀, tɛ́n ɛtɛ̀ẅì léyi ke sɩ̀ wúɛ, mán Ɔwɔ mùan-ankà-dɔ̀ kɔrɛkɔrɛ léyi kè sɩ̀ ẅɛ̀n ɔtrɔ nɔn, n'ɛkɔrɛ̀srɔn mɛ̀n.

1 Piɛrɛ̀n 1:3

Bɔ̀ mrɛ́n Ɔwɔ Zi léyi dú bɔ́ Ɛẅɛnwrɔn Zhezü Krisì nɛ́n Zi nɔn! N'ɛcüɛ̀n vri lɔ mɛ̀n, nɛ̀n tán bɔ̀ ɛwúvà wrù tɔ̀n Zhezü Krisì wúemɛ̀n-dùfrɔ́ lɔ mɛ̀n. Ɔmu lɔ de bɔ̀ ẅɛn ɔkɔrɛ-sɛ́ tɔ̀n,

1 Piɛrɛ̀n 2:2

Nyɛ́n dù nyɛ́n cá ɛẅì hɔ̀n wrù léyi ye bî nɔn, nyɛ́n ji ɛnhɛ́n mɛ̀n nyàn-shi léyi nfi nɔn, ô nye mi nɛ̀n, hô nyɛ́n sɔ́, ô nyɛ́n cɔ́ ɛnkrukɔrɛ̀.

1 Zhan 3:9

Ɔwrɔn totɔtɔ̀n léyi kɛ kɛ́n ɛgbàn-hán hɛ́n nɔn nɛ̀n dú Ɔwɔ ẅì, ɔmuhi ɛwúvà kɔrɛ̀srɔn léyi dú Ɔwɔ yri và nɔn, dú nɛ̀n ɛmɛ̀n; ɔmuhi Ɔwɔ dú nɛ́n Zi, nɛ́n sɩ̀ vru dú ɛgbàn-hán mɛ̀n hàn.

1 Zhan 4:7

M'annyran hɔ̀n, bɔ̀ cüɛn bɔ́ edomɛ̀n, ɔmuhi ɛcüɛ̀n dú Ɔwɔ yri và nɔn. Ɔwrɔn totɔtɔ̀n léyi ẅɛn ɛcüɛ̀n nɔn, nɛ̀n dú Ɔwɔ ẅì, kɩ nɛ̀n nyri Ɔwɔ.

1 Zhan 5:1

Ɔwrɔn totɔtɔ̀n léyi ke bú tán le Zhezü dú Krisì nɔn, nɛ̀n dú Ɔwɔ ẅì; kɩ ɔwrɔn totɔtɔ̀n léyi kɛ cüɛn ɛẅì nɛ́n zi tɔ̀n nɔn, ɔwrɔn ndɔ lɔ nɛ cüɛn ɛẅì nɛ́n zi lɔ n'ɛẅì hɔ̀n.

1 Zhan 5:18

Bɔ́ nyri ɔmu le Ɔwɔ ẅì zriɛmɛ́n ke sɩ́ vru dú ɛgbàn hán mɛ̀n, ɔmuhi Ɔwɔ Ẅì kɛ nan nɛ̀n kɩ Eci gbangbàn-hán-wrɔn ke sɩ̀ ẅɛ̀n ɛkɔrɛ̀levri zriɛmɛ́n n'ɛwú nɔn.

1 Zhan 5:4

ɔmuhi Ɔwɔ ẅì totɔtɔ̀n kɛ lɛ kɔ̀nká ɛnhibù tɛ̀. Nyàn ɔmu le bɔ́ kɔ́nká ɛnhibù nɔn: b'ankaẅìbùtan ẅɛn mɛ̀n.