Zhan 1:10 - Ɛmɛẅi ankà ankrànkràn 2003

¹⁰ Ɔwrɔn léyi dú ankà-dɔ̀ nɔn dú ɛnhibù wú. N'ɛmɛ̀n de Ɔwɔ hán ɛnhibù, kɩ zɛtɛn ɛnhibù kè sɩ̀ nyri nɛ̀n.

Zhan 1:10 Iomraidhean Croise

Matie 11:27

Dade wá mɛ̀n eci lɔ fɛn antamɛ̀n. Ɔwrɔn zriɛmɛ́n ke sɩ̀ nyri Ɛnẅì lɔ ke dú kɛ kè sɩ̀ dù Ɛnẅì-nɛ́n-zi, kɩ ɔwrɔn zriɛmɛ́n ke sɩ̀ nyri Ɛnẅì-nɛ́n-zi ke dú kɛ kè sɩ̀ dù Ɛnẅì lɔ mán anwrɔn hɔ̀n léyi Ɛnẅì lɔ ke ji kɛ̀ tán kè nyrì nɔn.

Zhan 1:11

Nɛ̀n vá nɛ́n dùku n'anmàn hi wú, tɛ́n nɛ́n muan-ẅì hɔ̀n kè sɩ̀ bɩ́ nɛ̀n.

Zhan 1:18

Ɔwrɔnẅì zriɛmɛ́n kɛ vá kán Ɔwɔ mrìmrì. Tɛ́n Ɛnẅì zri kpokpo léyi dú Ɔwɔ, kɩ dú nɛ́n Zi ɛtɛ̀sɛ̀n nɔn, nɛ́n hán ye nyri nɛ́n Zi.

Zhan 1:3

N'ɛmɛ̀n de Ɔwɔ hán ɛci lɔ fɛn, kɩ ɛci lɔ fɛn léyi ndù nɔn, ci n'ɛmɛ̀n srɔ.

Zhan 1:5

Ɛyri-kàn kɛ gbrɛ́n ɛyri-yɔwɔ mɛ̀n, kɩ ɛyri-yɔwɔ kè sɩ̀ cɔ́ nɛ̀n.

Zhan 17:25

Dade ɛnyrɔnnan-wrɔn, ɛnhibù kè sì nyrì mɛ́n, tɛ́n mɛ̀n, mɛ̀n nyri mɛ́n, kɩ yɔ ndɔ hɔ̀n lɔ yɔ nyri ɔmu le ɛ̀ wá mɛ̀n ɔkɔhɔ̀n nɔn.

Zhan 5:17

Tɛ́n Zhezü mrɛ́n yɔ ɔmùan le: “Dade Ɔwɔ kɛ hán ɔkɔhɔ̀n ɛnvra lɔ fɛn kɩ mɛ̀n mán mɛ̀n dú ɔkɔhɔ̀n hán mɛ̀n.”

Ɔkɔ̀hɔ̀n-wá-bɔ̀ kɔ̀hɔ̀n hán 14:17

Ɔmu tɛ̀kɩ, ɛnvra lɔ fɛn ne yé n'edomɛ̀n n'eci ankrankran hán mɛ̀n: nɛ tán nyɛ̀n ɛnvravra ɛnshi mán antɛ̀-ẅì ke dú anhobɩ́ kɛ và, nɛ tán nyɛ̀n ɛci-zî kɩ nɛ hán pɔpüɛ̀-brà ke dú ny'ɛnbɔrɛ lɔ mɛ̀n.”

1 Korɛntɛ̀n anmàn-bɔ̀ 1:21

Annanwɔrɛ mɛ̀n, anwrɔnẅì mán y'ankà-nyrì lɔ fɛn mɛhi kè sɩ̀ cɔ̀ nyrì ɛyri léyi Ɔwɔ ke yé tán n'ankà-nyrì lɔ nɔn. Hɩ le kruhú de anwrɔn hɔ̀n léyi ẅɛn ankàẅì-bùtan, nmù ankà-dɔ̀ ci-hán ndɔ lɔ wú nɔn, Ɔwɔ wá kè bɩ̀ yɔ kè die.

1 Korɛntɛ̀n anmàn-bɔ̀ 2:8

Ɛnhibù ndɔ lɔ n'ɛkɔrɛ̀-srɔn hɔ̀n lɔ nzriɛmɛ́n kɛ vá nyri ankà-nyrì ndɔ lɔ. Kè dú kɛ́ yɔ nyri nɛ̀n hô, yɔ sɩ̀ gɔ́n eci-zrɔ nɛ́n zi léyi dú Ɛẅɛnwrɔn nɔn yɛ brɛ́ ɛgbàn-hán-tɛ̀ domɛ̀n.

1 Korɛntɛ̀n anmàn-bɔ̀ 8:6

annànwɔrɛ mɛ̀n lɔ, bɔ́ tɛn, Ɔwɔ zri kɩ dù, Ɔwɔ Zi, nɛ́n léyi nɛ̀n hán eci lɔ fɛn, kɩ n'ɛkruhú de bɔ̀ dú ɛwúvà mɛ̀n nɔn; kɩ Ɛẅɛnwrɔn zri kɩ dù, Zhezü Krisì, n'ɛmɛ̀n de eci lɔ fɛn dù, kɩ n'ɛkruhú bɔ̀ dú ɛwúvà mɛ̀n.

Kɔlɔsèn anmàn-bɔ̀ 1:16

Ɔmuhi n'ɛmɛ̀n de Ɔwɔ hán eci lɔ fɛn léyi dú anhobɩ́ mán ɛnhi, eci léyi yɛ kàn mán eci léyi ye sɩ́ kán, ɛnhɛ́n kɔrɛ̀srɔn, ɛkɔrɛ̀-ɛwú-zì, ɛkɔrɛ̀levri mán ɛyri-ẅɛ̀n. Ɔwɔ hán eci lɔ fɛn n'ɛmɛ̀n kɩ dú nɛ tɛn.

Ebre-bɔ̀ 11:3

Ankaẅìbùtan mɛ̀n, de bɔ́ nyrì le, Ɔwɔ mùan-ankà-dɔ̀ de hán anhobɩ́ mán ɛnhi, ɔmu lɔ de eci léyi yɛ kàn nɔn, dú eci léyi ye sɩ́ kán nɔn, n'ɛmɛ̀n srɔ nɔn.

1 Zhan 3:1

Nyɛ́n nyan ɔmu le Ɔwɔ Zi cüɛn bɔ̀ nɔn! N'ɛcüɛ̀n hán tán kɩ ye bí bɔ̀ Ɔwɔ ẅì hɔ̀n kɩ annanwɔrɛ mɛ̀n lɔ, bò dú n'ɛẅì hɔ̀n. Nyàn eci le kruhú léyi ɛnhibù kè sɩ̀ nyri bɔ̀ nɔn: ɛnhibù kè sɩ̀ nyrì Ɔwɔ.