Rɔmɛ̀n-anmàn-bɔ̀ 9:5 - Ɛmɛẅi ankà ankrànkràn 2003

⁵ Yɔ dú bɔ́ nancüì hɔ̀n mɛẅi-bɔ̀ kɩ Krisì léyi dú ɔwrɔnẅì mɛ̀n nɔn, dú yɔ fɛcüè lɔ mɛ̀n, nɛ́n léyi nɛ̀n dú eci lɔ fɛn wú nɔn, Ɔwɔ léyi dú ɛmrɛ́n mɛ̀n ɛnvra lɔ fɛn nɔn. Kè dú ɔmu lɔ.

Rɔmɛ̀n-anmàn-bɔ̀ 9:5 Iomraidhean Croise

Matie 28:20

ô nyɛ́n hán yɔ, yɛ ẅɛn ankà hɔ̀n lɔ fɛn léyi mɛ̀n yé nyɛ̀n nɔn, n'ɛkɔrɛ̀zì yɔ hɛ́n. Kɩ ke ji le nyɛ́n nyrì le: me le dú nyɛ̀n ɛmɛ̀n ɛnvra lɔ fɛn, hàn kɩ kɛ lɛ cɔ́ ɛnhibù trɔ vra.”

Matie 6:13

E bɩ́ teze bɔ̀ ɔwɔɛ̀nnyan mɛ̀n, tɛ́n ɛ̀ mrɛ́n bɔ̀ ɛgbàn mɛ̀n ɛ̀ sɔhɔ́. [Ɔmuhi ɛyri-ẅɛ̀n, ɛkɔrɛ̀srɔn mán eci-zrɔ, dú vɛ tɛn ɛnvra lɔ fɛn. Ke dú ɔmu lɔ.]’

Lükɛ̀n 20:44

Zɛtɛn Davidɛ̀n ke bi nɛ̀n ‘Ɛẅɛnwrɔn’: Anhɔntan de Ebɩ̀die-wrɔn mán ke le dú Davidɛ̀n mɛẅi wrɔn nɛ́n?”

Zhan 10:30

Mɛ̀n mán Dade mɛhi bɔ́ dú eci zri.”

Ɔkɔ̀hɔ̀n-wá-bɔ̀ kɔ̀hɔ̀n hán 20:28

Nyɛ́n nán ny'edomɛ̀n mán anwrɔn kà léyi Ɛnhɛ́n Prɔnprɔn wá ny'antamɛ̀n nɔn. Ɔwɔ-fɛcüè léyi Ɔwɔ bɩ́ n'ɛnẅì wù, wɔ́ tán nyɛ̀n nɔn, nyɛ́n wá nɛ̀n esùva.

Ɔkɔ̀hɔ̀n-wá-bɔ̀ kɔ̀hɔ̀n hán 3:13

Abrahamɛ̀n, Izaakɛ̀n, Zhakɔbɛ̀n mán bɔ́ nancüì hɔ̀n Wɔ, yé n'eci-bɩtan-wrɔn Zhezü ci-zrɔ lɔ. Nyɛ́n dùku, nyɛ́n bɩ́ nɛ̀n nyɛ́n tán ɛyri-ẅɛn-bɔ̀, kɩ nyɛ́n kɔ́n nɛ̀n nyɛ́n ze Pilatɛ̀n zìwú, tɛ́n Pilatɛ̀n wá kè teze nɛ̀n.

Rɔmɛ̀n-anmàn-bɔ̀ 1:25

Yɔ bɩ́ ɛyɔ̀n yɔ crɔn annanwɔrɛ, Ɔwɔ ankà-dɔ́ mɛ̀n; Ɔwɔ kɔrɛ̀-ci léyi hán nɔn, de yɔ sɛ̀n kɩ yɔ srɔ n'eci-bɩtan-bɔ̀, kɩ Ɔwɔ léyi ke ji le yɔ cüe ankɔrɛ̀ ezìwú ɛnvra lɔ fɛn nɔn, yɔ bɩ́ n'ankà yɔ yuru esùva! Ke dú ɔmu lɔ.

Rɔmɛ̀n-anmàn-bɔ̀ 1:3

Ɛmɛẅi ankà ndɔ lɔ kɛ crɛ nyan n'ɛnẅì, bɔ́ Ɛẅɛnwrɔn Zhezü Krisì: anwrɔnẅiemɛ̀n lɔ, nɛ̀n dú Davidɛ̀n-mɛẅi-wrɔn;

Rɔmɛ̀n-anmàn-bɔ̀ 10:12

Ɔmu lɔ de Zhüifɛ̀n-bɔ̀ mán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, angranmɛ̀n kè sɩ̀ vɛ́n yɔ: yɔ lɔ fɛn yɔ ẅɛn Ɛẅɛnwrɔn zri léyi kɛ tán yɔ, ɛnvra léyi yɔ bi nɛ̀n nɔn, n'ɛci anvrɛnvrɛn hɔ̀n lɔ.

Rɔmɛ̀n-anmàn-bɔ̀ 11:28

Ke dú kɛ y'Ɛmɛẅi ankà Ankrànkràn léyi yɔ kɔrɔ nɔn, ke dú ankà mù hô, yɔ dú Ɔwɔ gbri-bɔ̀ ny'anvrɛn kruhú; tɛ́n ke dú kɛ Ɔwɔ ci léyi mrɛ́n bɩ, ke dú ankà mù hô, yɔ dú ɛnvra lɔ fɛn Ɔwɔ cüɛ̀n lɔ mɛ̀n, yɔ nancüì hɔ̀n kruhú.

1 Korɛntɛ̀n anmàn-bɔ̀ 14:16

Annanwɔrɛ mɛ̀n lɔ, ke dú kɛ ɛ tán Ɔwɔ ɔkùɛn ɛnhɛ́n mɛ̀n tɛ̀kɩ, anwɔntan de ɔwrɔn léyi dú nukù-die-wrɔn fɛcüè lɔ mɛ̀n, kɛ lɛ hán kɛ̀ mrɛ́n ɔmùan le “Kè du ɔmu lɔ” v'ɛnyrì-kùɛn-tán Wɔ-sɛ́n lɔ mɛ̀n nɛ́n? Annanwɔrɛ mɛ̀n lɔ, nɛ̀n sɩ̀ nyrì ankà léyi ɛ dɔ̀ nɔn.

2 Korɛntɛ̀n anmàn-bɔ̀ 11:31

Ɔwɔ, Ɛẅɛnwrɔn Zhezü nɛ́n Zi (kè dú ɛmrɛ́n mɛ̀n ɛnvra lɔ fɛn!) nyri ɔmu le mɛ́n sɩ́ ẅɛn ɛyɔ̀n.

Kpàkpà timote 3:16

Hɛ̀ɛ̀, ye sɩ̀ wrɔ́n anmanta rɔ́, nɛ̀n sevri ankà-bán-ankà léyi b'ankaẅì-bùtan ke yé nɔn! Krisì léyi srɔ, ndù hán ɔwrɔnẅì hɔ́ nɔn, Ɛnhɛ́n Prɔnprɔn yé le, nɛ̀n dú ɛnyrɔnnan-wrɔn kɩ Ɔwɔ-kùyüre-bɔ̀ cüe nɛ̀n ankɔrɛ̀ ezìwúɛ. Yɛ dɔ́ n'ankà ɛnhi wú anmàn hɔ̀n lɔ fɛn, bobrebe bú n'ankà tán ankaẅì ɛnhibù wú, ye sɩ́ nɛ̀n ɛwú anhobɩ́ ci-zrɔ lɔ mɛ̀n.

Kpàkpà timote 6:15

Krisì và bì ndɔ lɔ kɛ lɛ cɔ̀, ɛnvra léyi Ɔwɔ wá tán nɔn, nɛ́n léyi nɛ́n dú ɛyri-ẅɛnwrɔn zri lɔ nɔn, ɛnbɔrɛ-bru shi-bɛ́, ɛnnɛ̀ncüì hɔ̀n Nɛ̀ncüì mán ɛẅɛn-bɔ̀ lɔ fɛn y'Ɛẅɛnwrɔn nɔn.

Anhyrɛmɛ̀n timote 2:8

Zhezü Krisì ankà ke bru mɛ́n, nɛ́n léyi nɛ̀n dú Davidɛ̀n mɛẅi-wrɔn, kɩ dú owú bɔ̀ mɛ̀n vá ɔkɔrɛ bɔ̀ mɛ̀n, hán ɔmu le Ɛmɛẅi ankà Ankrànkràn léyi mɛ dɔ́ n'ankà ke yé nɔn.

Ebre-bɔ̀ 7:24

Tɛ́n Zhezü dú ɛwúvà mɛ̀n ɛnvra lɔ fɛn, kɩ n'Ɔwɔ-cice kɔ̀hɔ̀n kè sɩ̀ ẅɛ̀n ɛnkrutrɔ.

1 Zhan 5:20

Bɔ̀ nyri ɔmu le Ɔwɔ Ẅì nvà, kɩ nɛ̀n tán bɔ̀ ɛnkruemɛ̀n-ẅɛ̀n, ô bɔ̀ nyri Ɔwɔ annanwɔrɛ lɔ. Bɔ̀ dú Ɔwɔ annanwɔrɛ lɔ n'ɔbɔ̀sɔ̀ lɔ mɛ̀n n'Ɛnẅì Zhezü Krisì mɛ̀n. Nɛ́n de nɛ̀n dú Ɔwɔ annanwɔrɛ lɔ nɔn, nɛ́n de nɛ̀n dú ɛwúvà léyi ke sɩ́ trɔa nɔn.

Ɔwɔ-mɛ̀n-yrikàn 1:18

Mɛ̀n dú ɔkɔrɛ-wrɔn. Mɛ́n wù, tɛ́n zɛtɛ̀ lɔ mɛ̀n dú ɔkɔrɛ-wrɔn ɛnvra lɔ fɛn. Mɛ̀n ẅɛn ɛkɔrɛ̀srɔn owù mán owú-bɔ̀ hi wú.

Ɔwɔ-mɛ̀n-yrikàn 22:16

“Mɛ̀n Zhezü, mɛ̀n wá m'ɛkùyüre-wrɔn ɔkɔhɔ̀n kɛ̀ và kè yé eci ndɔ lɔ Ɔwɔ fɛcüè-bɔ̀ mɛ̀n. Mɛ̀n dú Davidɛ̀n mɛ̀n mɛ̀n mɛẅi-wrɔn, ɛcɛ̀n-dɔ̀gbɔ̀.”

Ɔwɔ-mɛ̀n-yrikàn 22:20

Ɔwrɔn léyi ke dí annanwɔrɛ ankà ndɔ lɔ nɛ́n dalɛfuɛ nɔn, kɛ dɔ̀ le: “Hɛ̀ɛ̀, mɛ vá ɛnvra buriemɛ̀n!” Annanwɔrɛ mɛ̀n! Kè dú ɔmu lɔ! Và, Ɛẅɛnwrɔn Zhezü!

Ɔwɔ-mɛ̀n-yrikàn 5:14

Ɛci kɔkɔrɛ anzɔ̀ hɔ̀n lɔ mrɛ́n ɔmùan le: “Kè dú ɔmu lɔ!” Kɩ ɛcüìcüì-bɔ̀ kɛ shran annankruemɛ̀n kɩ ke cüe nɛ̀n ankɔrɛ̀ ezìwúɛ.