Rɔmɛ̀n-anmàn-bɔ̀ 9:4 - Ɛmɛẅi ankà ankrànkràn 2003

⁴ Yɔ dú Izraɛlɛ̀n fɛcüè mɛ̀n-bɔ̀: Ɔwɔ srɔ yɔ n'ɛẅì hɔ̀n, nɛ̀n tán yɔ n'ɛmɛ̀n-dù ci-zrɔ, nɛ́n mìrɛ̀n hɔ̀n lɔ, ɛnyànmàn, ɛcice kɔhɔ̀n-hán, ɔmùan-wá hɔ̀n.

Rɔmɛ̀n-anmàn-bɔ̀ 9:4 Iomraidhean Croise

Matie 21:33

“Nyɛ́n die nyandrɛn nyàntɛn tɔ̀n ankà-dɔ̀ nukùɛ: Ɛkɛ̀tɛ́-nɛ́n-zi tɔ̀n, tɛ́ ɛci ankɛ̀tɛmɛ̀n; nɛ̀n wá ɔkɔ̀ nɛ̀n sɛ́n ɛkɛ̀tɛ̀ lɔ, nɛ̀n bɔ́ ɛnnànmàn nɛ̀n hán ɛci-borɛ-yri, nɛ̀n hán ɛci-hɛ́n-yri, kɩ nɛ̀n ku ɛyri-nan-wɔn tɔ̀n. Zɛtɛn, nɛ̀n bɩ́ ɛkɛ̀tɛ̀ lɔ nɛ̀n wá ɛkɛ̀tɛ̀-kɔ̀hɔ̀n-hán-bɔ̀ antamɛ̀n, kɩ nɛ̀n hɔ́n ɛyri.

Zhan 1:17

Ɔwɔ tán bɔ̀ ɛnyanmàn Mohizì tamɛ̀n; tɛ́n nboafɔ̀n mán annanwɔrɛ dú Zhezü yri vá.

Zhan 1:47

Ɛnvra léyi Zhezü kán Natanaɛlɛ̀n kɛ vá nɛ̀n ɛtɛsɛ̀n nɔn, nɛ dɔ̀ le: “Nyàn Izraɛlɛ̀n annanwɔrɛ wrɔn tɔ̀n; ɛyɔ̀n ankà zriɛmɛ́n bàdá nɛ̀n edomɛ̀n.”

Ɔkɔ̀hɔ̀n-wá-bɔ̀ kɔ̀hɔ̀n hán 2:39

Ɔmuhi Ɔwɔ-mùan-wá lɔ dú tán nyɛ́n mán ny'ɛẅì hɔ̀n mɛhi, ɔmu zri lɔ de dú tán anwrɔn hɔ̀n léyi dú esù she nɔn, anwrɔn hɔ̀n léyi Ɛẅɛnwrɔn b'Ɔwɔ ke le bi nɔn.”

Rɔmɛ̀n-anmàn-bɔ̀ 3:2

Vɔ̀nshɛ́ léyi dú nɛ̀n ɛmɛ̀n nɔn, sevri eci lɔ fɛn mɛ̀n. Kɩ ɛnkrubɔmɛ̀n lɔ, Zhüifɛ̀n-bɔ̀ de Ɔwɔ wá n'ɔmùan-wá hɔ̀n lɔ antamɛ̀n nɔn.

Rɔmɛ̀n-anmàn-bɔ̀ 8:15

Ɔmuhi Ɛnhɛ́n léyi nyɛ́n cɔ̀ nɔn, kè sɩ̀ dù Ɛnhɛ́n léyi kɛ srɔ nyɛ̀n anwɔ̀n-bɔ̀ kɩ kɛ hán ɛnjansù ke vru ke yɩ́ ny'ɛnbɔrɛ lɔ; tɛ́n Ɛnhɛ́n Prɔnprɔn de kɛ srɔ nyɛ̀n Ɔwɔ-ẅì hɔ̀n kɩ kɛ hán bɔ̀ bɔ́ di bobo bɔ́ dɔ́ Ɔwɔ le: “Ô mɛ́n Dade!”

Rɔmɛ̀n-anmàn-bɔ̀ 9:6

Ndɔ lɔ n'ɛmɛ̀n ke sɩ́ dɔ́ le Ɔwɔ mùan-wá lɔ kè sɩ̀ ẅɛ̀n vɔ̀nshɛ́. Annanwɔrɛ mɛ̀n lɔ, Izraɛlɛ̀n mɛẅi-bɔ̀ lɔ, yɔ lɔ fɛn yɔ sɩ̀ dù Izraɛlɛ̀n fɛcüè annanwɔrɛ;

2 Korɛntɛ̀n anmàn-bɔ̀ 11:22

Yɔ dú Ebre-bɔ̀a? Mɛ̀n mán. Izraɛlɛ̀n-bɔ̀a? Mɛ̀n mán. Abrahamɛ̀n mɛẅi-bɔ̀a? Mɛ̀n mán.

Galasi anmàn-bɔ̀ 3:16

Zɛtɛn, Ɔwɔ wá Abrahamɛ̀n mán n'ɛmɛẅi-wrɔn ɔmùan. Ɛwrú Prɔnprɔn ke sɩ́ dɔ́ le: “Mán n'ɛmɛẅi-bɔ̀”, kɛ hán tán le anwrɔn bobrebe hɔ̀n ankà de yɛ dɔ̀ nɔn; Ɛwrú kɛ dɔ̀ le: “Mán v'ɛmɛẅi-wrɔn”, ankà-dɔ̀ ndɔ lɔ mɛ̀n, ne yé ɔwrɔn zri kɩ, nɛ́n de nɛ̀n dú Krisì nɔn.

Efɛzɛ̀n anmàn-bɔ̀ 2:12

Hɩ vra lɔ, nyɛ́n dú esù she Krisì tɛ̀sɛ̀n; nyɛ́n dú ɛmɛ̀n-nyantɛn-mɛ̀n-bɔ̀, nyɛ́n sɩ̀ dù Ɔwɔ-fɛcüè tɛn; nyɛ́n sɩ̀ dù mìrɛ̀n hɔ̀n léyi Ɔwɔ wá ɔmùan nɛ́n mán nɛ́n fɛcüè mɛhi nɔn mɛ̀n; nyɛ́n dú ɛnhibù wúvà mɛ̀n, kɩ esɛ́ mán Ɔwɔ bàda nyɛ̀n ɛmɛ̀n.

Ebre-bɔ̀ 9:1

Kpàkpà mìrɛ̀n lɔ ẅɛn ɛnyànmàn dú Ɔwɔ-sɛ́n ci-hán mɛ̀n kɩ nɛ̀n ẅɛn ɛnhiwú cice-wɔn.

Ebre-bɔ̀ 9:10

Ndɔ lɔ fɛn dú edùwrú-ẅiamɛ̀n nyànmàn léyi dú ɛcizî, ɛntàn-mì mán edomɛ̀n fì ci-hán mɛ̀ntɛ mɛ̀ntɛ. Ndɔ lɔ dú eci-hán nyànmàn hɔ̀n léyi ẅɛn vɔ̀nshɛ́ hàn mán cɔ́ ɛnvra léyi Ɔwɔ crɔn eci lɔ fɛn nɔn.

Ebre-bɔ̀ 9:3

Anhyrɛmɛ̀n càsa léyi yɛ drɛ̀n nɔn, n'ɛmɛẅi lɔ yɛ cɔ́ anhyrɛmɛ̀n yri léyi ye bi ɛyri prɔnprɔn vri,

Ebre-bɔ̀ 9:5

Lakà kpò lɔ n'ɛwú lɔ, Ɔwɔ kùyüre-bɔ̀ nyɔn ke yé Ɔwɔ dúyri; yɔ gbrɔ y'ɛtùvà-kɔrɛ̀ hɔ̀n lɔ ku ɛyri léyi ye ce ɛgbàn-bɩce krɛ̀ nɔn. Tɛ́n kè sɩ̀ dù ɛnvra léyi ke ji le bɔ̀ dɔ́ ankà ndɔ lɔ cɛcɛ nɔn.

Ebre-bɔ̀ 9:6

Ɔmu le eci lɔ fɛn hɛ́n krɔn kpehɛ́n nɔn, Ɔwɔ cice-bɔ̀ ke bru ɛnbì ɛnbì lɔ fɛn ɛcàsa-wɔn lɔ mɛ̀n ô yɔ hán y'ɔkɔ̀hɔ̀n.