Rɔmɛ̀n-anmàn-bɔ̀ 9:3 - Ɛmɛẅi ankà ankrànkràn 2003

³ Mɛ cüɛn ɔmu le mɛ́n mumù mɛ̀n dú Ɔwɔ ẅìɛ-dà lɔ mɛ̀n, ô yɛ mrɛ́n mɛ̀n yɛ sɔhɔ́ Krisì cüɛ̀n lɔ mɛ̀n, nmàn-ẅì hɔ̀n, ɛnbrɛ̀-zri-bɔ̀ anvrɛn kruhú.

Rɔmɛ̀n-anmàn-bɔ̀ 9:3 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 13:26

Anwrɔn-nɛ́n-mùan-ẅì hɔ̀n, nyɛ́n léyi nyɛ́n dú Abrahamɛ̀n mɛẅi-bɔ̀ mán nyɛ́n léyi nyɛ́n dú ɛnu, Ɔwɔ ankɔrɛ̀ ezìwú cüemɛ̀n nɔn: bɔ́ de ɛnkrukɔrɛ̀ mɛẅi ankà lɔ, kɛ zɛ́n bɔ̀ ɛnsrì nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 22:5

Ɔwɔ-cice-wrɔn cüìcüì mán ɛcüìcüì-bɔ̀ hɔ̀n fɛcüè ke le di mɛ̀n dalɛfuɛ le, mɛ dɔ́ ankà annanwɔrɛ. Mɛ̀n cɔ́ y'antamɛ̀n wrú léyi ke ji le, mɛ̀n bɩ tán nmàn-ẅì hɔ̀n léyi dú Damasɛ̀n anmàn, kɩ mɛ̀n hɔ́n anmàn ndɔ lɔ: me ji mɛ̀n ẅɛn ankaẅì-bùtan-ẅɛn-bɔ̀ léyi dú nanvrɛn lɔ, mɛ̀n sɩ́ yɔ Zherüzalɛmɛ̀n anmàn, ô yɛ hán yɔ ɛgbàn.”

Ɔkɔ̀hɔ̀n-wá-bɔ̀ kɔ̀hɔ̀n hán 28:21

Yɔ mrɛ́n nɛ̀n ɔmùan le: “Bɔ̀ sɩ̀ cɔ́ owrú zriɛmɛ́n kè dù Zhüde kpɔsɔ wú kɛ̀ và v'ɛkruhú, kɩ bɔ́ muan-ẅì hɔ̀n lɔ nzriɛmɛ́n kè sɩ̀ dù nanvrɛn kɛ và dɔ́ bɔ̀ v'eci-gbàngbàn-hán ankà.

Rɔmɛ̀n-anmàn-bɔ̀ 1:3

Ɛmɛẅi ankà ndɔ lɔ kɛ crɛ nyan n'ɛnẅì, bɔ́ Ɛẅɛnwrɔn Zhezü Krisì: anwrɔnẅiemɛ̀n lɔ, nɛ̀n dú Davidɛ̀n-mɛẅi-wrɔn;

Rɔmɛ̀n-anmàn-bɔ̀ 11:1

Zɛtɛn me yrɛ le: Ɔwɔ teze nɛ́n fɛcüè lɔa nɛ̀n? Annànwɔrɛ mɛ̀n lɔ hɔ̂! Ɔmuhi mɛ́n dùku mán mɛ̀n dú Izraɛlɛ̀n ẅì, Abrahamɛ̀n mɛẅi-wrɔn, Bɛnzhamɛn mɛ̀n mɛ̀n-wrɔn nɔn.

Rɔmɛ̀n-anmàn-bɔ̀ 11:14

Ɔkɔ̀hɔ̀n ndɔ lɔ n'ɛhán mɛ̀n lɔ, mɛ̀n ẅɛn esɛ́ le m'ɛmɛ̀n-bɔ̀ kɛ lɛ kɔ́n ecüì-hi, ô mɛ̀n bɩ́ ɛnjanbɔ̀ mɛ̀n die.

Rɔmɛ̀n-anmàn-bɔ̀ 16:11

M'ebinyan kè dú Herodiɔn tɛn, nɛ́n léyi nɛ̀n dú m'ɔwrɔn nɔn. M'ebinyan kè dú anwrɔn hɔ̀n léyi dú Narsisɛ̀n wɔn lɔ mɛ̀n, hɩ ẅɛn ankaẅì-bùtan Ɛẅɛnwrɔn mɛ̀n nɔn tɛn.

Rɔmɛ̀n-anmàn-bɔ̀ 16:21

Timote, m'anyran anvrɛn ɔkɔ̀hɔ̀n hán mɛ̀n, ke bi nyɛ̀n nyan, ɔmu zri lɔ de Lüsiüsɛ̀n, Zhasɔn mán Sozipatɛrɛ̀n, m'ɛmɛ̀n-bɔ̀ ke bi nyɛ̀n nyan nɔn.

Rɔmɛ̀n-anmàn-bɔ̀ 16:7

M'ebinyan kè dú Androniküsɛ̀n mán Zhüniasɛ̀n tɛn, yɔ léyi yɔ dú m'ɛmɛ̀n-bɔ̀, hɩ yɔ mɛhi yɛ wá bɔ̀ anwɔn-mɛ̀n-wá-wɔn mɛ̀n nɔn. Yɔ ẅɛn ɛcüɛ̀n bobrebe ɔkɔ̀hɔ̀n-wá-bɔ̀ wanzi kɩ yɔ vru yɔ dú krisì-sɛ̀nkɛn-bɔ̀ yakɛ mɛ̀n trɔ ɛmɛẅi.

Rɔmɛ̀n-anmàn-bɔ̀ 9:2

obòtò vri mán ejüedì yɩ́ m'ɛnbɔrɛ lɔ ɛnvra lɔ fɛn.

1 Korɛntɛ̀n anmàn-bɔ̀ 12:3

Hɩ le kruhú de mɛ wá mɛ̀n dɔ́ nyɛ̀n le: Ɔwrɔn zriɛmɛ́n bàdà nɛ́n léyi Ɔwɔ Hɛ́n kɛ nyrɔn nɔn, nɛ̀n sɩ́ ɔmùan ɛwú nɛ̀n dɔ̀ le: “Muzhie dú Zhezü tɛn!” kɩ ɔwrɔn zriɛmɛ́n ke sɩ̀ dɔ̀ rɔ́ le: “Zhezü dú Ɛẅɛnwrɔn!” ke dú kɛ Ɛnhɛ́n Prɔnprɔn kè sɩ̀ nyrɔn nɛ̀n.

1 Korɛntɛ̀n anmàn-bɔ̀ 16:22

Ke dú kɛ ɔwrɔn tɔ̀n ke sɩ́ cüɛn Ɛẅɛnwrɔn hô, muzhie kɛ̀ bó nɛ̀n! Maranata, Bɔ́ Ɛẅɛnwrɔn, và!

2 Korɛntɛ̀n anmàn-bɔ̀ 12:15

Mɛ tɛn tɛ́n, me le dú ɛnbɔrɛ-bruemɛ̀n ke dú kɛ mɛ jrɛ́ eci lɔ fɛn léyi mɛ́n ẅɛ̀n mán mɛ́n mumù mɛhi ny'ɛkruhú. Nyɛ lɛ cüɛn mɛ̀n ɛẅiɛ tɛ̀kɩ, ke dú kɛ mɛ ẅɛn ny'ɛcüɛ̀n vri ɔmu lɔa?

Galasi anmàn-bɔ̀ 1:8

Zɛtɛn, ke dú kɛ ɔwrɔn tɔ̀n (kɩ ke dú bɔ́ dùku mán, kɩ ke dú Ɔwɔ-kùyüre-wrɔn tɔ̀n léyi dú anhobɩ́ và nɔn mán) kɛ dɔ́ nyɛ̀n Ɛmɛẅi ankà Ankrànkràn tɔ̀n léyi bɔ́ tɛn lɔ mɛhi, kè sɩ̀ dù nzri nɔn, ɔwrɔn ndɔ lɔ ɛẅìɛ̀-dà dú nɛ tɛn!

Galasi anmàn-bɔ̀ 1:9

Mɛ́n gɔ̀ dɔ́ nyɛ̀n kɩ me vru mɛ dɔ́ nyɛ̀n zɛtɛ̀ lɔ: ke dú kɛ ɔwrɔn tɔ̀n kɛ dɔ́ nyɛ̀n Ɛmɛẅi ankà Ankrankran tɔ̀n léyi dú ɛnyàntɛn, kɩ kè sɩ̀ dù hɩ léyi nyɛ́n cɔ̀ nɔn, ɔwrɔn ndɔ lɔ ɛẅìɛ-dà dú nɛ tɛn!

Galasi anmàn-bɔ̀ 3:10

Tɛ́n, anwrɔn hɔ̀n léyi kɛ ẅɛn ɛnyànmàn-wá nɔn, yɔ cɔ́ ɛẅìɛ̀-dà tɔ̀n. Annanwɔrɛ mɛ̀n lɔ, Owrú Prɔnprɔn kɛ dɔ̀ le: “Ɔwrɔn léyi ɛnvra lɔ fɛn ke sɩ́ ẅɛn eci lɔ fɛn léyi ye merɛ́n dú ɛnyànmàn wrú lɔ mɛ̀n kɛ hɛ́n hán nɔn, ɛẅìɛ̀-dà dú nɛ tɛn.”

Galasi anmàn-bɔ̀ 3:13

Hɩ le Krisì srɔ ɛẅìɛ̀-dá-ci bɔ́ kruhú nɔn, nɛ̀n mrɛ́n bɔ̀ ɛnyànmàn ẅìɛ̀-dá lɔ mɛ̀n nɛ̀n sɔhɔ́. Owrú Prɔnprɔn kɛ dɔ́ annanwɔrɛ mɛ̀n le: “Ɛẅìɛ̀-dà dú ɔwrɔn totɔtɔn léyi yɛ wá ɛhɛ́ ɔbɔ̀n ɛtɛ̀ domɛ̀n nɔn.”

Efɛzɛ̀n anmàn-bɔ̀ 6:5

Anwɔ̀n-bɔ̀, nyɛ́n wá ny'ɛẅɛn-bɔ̀ léyi dú ɛnu ɛnhi nɔn, edomɛ̀n ɛnhisɩemɛ̀n, ɛwá mɛ̀n, ɛnbɔrɛ zri anvrɛnvrɛn mɛ̀n, kè dù kɛ̀ hán ɔmu le nyɛ́n dú Krisì ci-bɩ̀tan-bɔ̀ nɔn.