Rɔmɛ̀n-anmàn-bɔ̀ 9:1 - Ɛmɛẅi ankà ankrànkràn 2003

¹ Ankà léyi mɛ vá ɛ dɔ́ yri nɔn dú ankà annanwɔrɛ; mɛ́n sɩ́ ẅɛn ɔyɔ̀n, ɔmuhi mɛ̀n dú Krisì tɛn nɔn; m'ɛnbɔrɛ léyi Ɛnhɛ́n Prɔnprɔn kɛ nyrɔn nɔn ke yé le mɛ dɔ́ ankà annanwɔrɛ:

Rɔmɛ̀n-anmàn-bɔ̀ 9:1 Iomraidhean Croise

Rɔmɛ̀n-anmàn-bɔ̀ 1:9

Ɔwɔ nyri ɔmu le mɛ dɔ́ ankà annanwɔrɛ, nɛ́n léyi m'ɛnbɔrɛ lɔ fɛn mɛ̀n, mɛ̀n dú n'eci-bɩ̀tan-wrɔn, kɩ mɛ dɔ́ Ɛmɛẅi ankà Ankrankran léyi kɛ dɔ́ n'Ɛnẅì ankà nɔn. Nɛ̀n nyri ɔmu le me tro ny'ankà

Rɔmɛ̀n-anmàn-bɔ̀ 2:15

Ɔmu lɔ de yɔ yé tán le, ɛnyànmàn anvrɛnvrɛn ẅɛ̀n lɔ, merɛ́n dú y'ɛnbɔrɛ lɔ mɛ̀n. Yɔ wàwúyɛ mán y'ankà-tro hɔ̀n lɔ ke yé tán le ɛnyànmàn merɛ́n dú y'ɛmɛ̀n, kɩ ɛnvra tɔ̀n hô, ke fe yɔ, kɩ ɛnvra tɔ̀n hô, ke ci yɔ ɛmɛẅi.

Rɔmɛ̀n-anmàn-bɔ̀ 8:16

Ɔwɔ Hɛ́n dùku kɛ dɔ́ bɔ́ ɛnhɛ́n lɔ le, bɔ̀ dú Ɔwɔ-ẅì hɔ̀n.

Rɔmɛ̀n-anmàn-bɔ̀ 9:2

obòtò vri mán ejüedì yɩ́ m'ɛnbɔrɛ lɔ ɛnvra lɔ fɛn.

2 Korɛntɛ̀n anmàn-bɔ̀ 1:12

Nyàn eci le kruhú léyi ke ji le bɔ̀ gbú ɔmùan nɔn: hán ɔmu le bɔ́ wàwúyɛ lɔ ke yé nɔn, bɔ́ nyrɔn bɔ́ edomɛ̀n ɛnhibù wú, annannan le ny'ɛtɛ̀sɛ̀n, sɔ̀hɔ̀ mɛ̀n mán annanwɔrɛ léyi dú Ɔwɔ yri kɛ và nɔn mɛ̀n, kɩ bɔ́ dú ɛnyrɔn mɛ̀n Ɔwɔ boafɔ̀n mɛ̀n, kɩ kè sɩ̀ dù ɔwrɔnẅì ankà-nyriemɛ̀n.

2 Korɛntɛ̀n anmàn-bɔ̀ 1:23

Me bɩ́ Ɔwɔ, dú mɛ́n dalɛfuɛ-di-wrɔn, ankà ndɔ lɔ mɛ̀n (nɛ̀n hán mɛ̀n, mɛ̀n wù ke dú kɛ mɛ ẅɛn ɛyɔ̀n): mɛ́n sɩ́ ji mɛ̀n wá nyɛ̀n ejüe hɩ le kruhú de mɛ̀n sɩ̀ vrù ɛmɛẅi mɛ̀n vá Korɛntɛ̀n anmàn nɔn.

2 Korɛntɛ̀n anmàn-bɔ̀ 11:10

Krisì annanwɔrɛ ankà léyi dú mɛ̀n ɛmɛ̀n nɔn, mɛ dɔ̀ le: ɔwrɔn zriɛmɛ́n ke sɩ́ mrɛ́n m'ɔmùan-gbù lɔ kɛ̀ sɔhɔ́ rɔ́, Akàhi kpɔsɔ ndɔ lɔ fɛn wú.

2 Korɛntɛ̀n anmàn-bɔ̀ 11:31

Ɔwɔ, Ɛẅɛnwrɔn Zhezü nɛ́n Zi (kè dú ɛmrɛ́n mɛ̀n ɛnvra lɔ fɛn!) nyri ɔmu le mɛ́n sɩ́ ẅɛn ɛyɔ̀n.

2 Korɛntɛ̀n anmàn-bɔ̀ 12:19

Kale nyɛ́n tro ɛnvra sheshemɛ̀n le, bɔ́ ji ɛyri bɔ̀ cɔ́ ankà-zrɔ ny'ezìwuɛ? Hɔ̂! Bɔ́ mán Krisì mɛhi bɔ́ dɔ́ ankà, ɔbɔ̀sɔ mɛ̀n Ɔwɔ zìwú, kɩ bɔ̀ dɔ́ nyɛ̀n ankà ndɔ lɔ fɛn, anwrɔn-nɛ́n-muan-ẅì hɔ̀n, ô nyɛ́n nán esù nyɛ́n hɔ́n ezì ankaẅì-bùtan-ẅɛn mɛ̀n.

Galasi anmàn-bɔ̀ 1:20

Owrú ndɔ léyi me merɛ́n nyɛ̀n nɔn, dú annanwɔrɛ; Ɔwɔ zìwú lɔ mɛ wá kpankpan le mɛ́n sɩ́ ẅɛn ɛyɔ̀n.

Filipɛ̀n anmàn-bɔ̀ 1:8

Ankà ndɔ lɔ wú lɔ, Ɔwɔ dú mɛ́n dalɛfuɛ-di-wrɔn: mɛ cüɛn nyɛ lɛ fɛn Zhezü Krisì cüɛ̀n vri lɔ mɛ̀n.

1 Tesalonikɛ̀n anmàn-bɔ̀ 2:5

Nyɛ́n nyri anvrɛnvrɛn le, ɛnbì zriɛmɛ́n bɔ́ vá dɔ́ ɛfrɛ́n ankà; bɔ́ ankà-dɔ́ mɛ̀n lɔ, bɔ́ sɩ́ bán ɔkùa-cɔ́ ankà-dɔ̀, Ɔwɔ dú bɔ́ dalɛfuɛ-di-wrɔn.

Kpàkpà timote 1:5

Eci wá tán ndɔ lɔ, kɛ tán ɛcüɛ̀n léyi ke dú ɛnbɔrɛ fifiemɛ̀n, wàwúyɛ anvrɛnvrɛn mɛ̀n mán ankaẅìbùtan annanwɔrɛ mɛ̀n kɛ̀ và nɔn.

Kpàkpà timote 2:7

Ndɔ lɔ kruhú de, yɛ wá mɛ̀n ɔkɔ̀hɔ̀n-wá-wrɔn léyi ke ji le kè yé anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, ankaẅì-bùtan mán annànwɔrɛ ankà. Mɛ́n sɩ́ ẅɛn ɛyɔ̀n, mɛ dɔ́ annànwɔrɛ ankà.

Kpàkpà timote 5:21

Mɛ sán mɛ́n eci-hán ndɔ lɔ Ɔwɔ zìwú ɔmùan-ɛwú-sɩ́emɛ̀n, Zhezü Krisì zìwú mán Ɔwɔ-kùyüre-bɔ̀ prɔnprɔn hɔ̀n zìwú: ɛ̀ wá eci-hán ndɔ léyi mɛ́n wá tán mɛ́n nɔn, ɛnyrɔnnan mɛ̀n, e bɩ́ hán eci kɛ vɛ́n ɔwrɔnwrɔn tɛ̀sɛ̀n.