Rɔmɛ̀n-anmàn-bɔ̀ 8:9 - Ɛmɛẅi ankà ankrànkràn 2003

⁹ Tɛ́n nyɛ́n, nyɛ́n sɩ́ hán nyɛ́n dùku ny'ɛwúvà ci; ny'ɛwúvà lɔ dú Ɛnhɛ́n Prɔnprɔn mɛ̀n, ɔmuhi Ɔwɔ Hɛ́n Prɔnprɔn dú nyɛ̀n ɛmɛ̀n nɔn. Ɔwrɔn léyi kè sɩ̀ ẅɛ̀n Krisì Hɛ́n lɔ nɔn, nɛ̀n sɩ̀ dù Krisì tɛn.

Rɔmɛ̀n-anmàn-bɔ̀ 8:9 Iomraidhean Croise

Lükɛ̀n 11:13

Anwrɔn gbangbàn hɔ̀n léyi dú nyɛ̀n nɔn, nye nyri tán ny'ɛẅì hɔ̀n ɛci ankrànkràn. Andɛ̀n ɛbɛ de bɔ́ Zi léyi dú anhobɩ́ nɔn, ke sɩ̀ tán n'Ɛnhɛ́n Prɔnprɔn lɔ, anwrɔn hɔ̀n léyi kɛ sán nɛ̀n nɔn!”

Zhan 14:17

Ɛnhibù ke sɩ̀ bɩ́ nɛ̀n rɔ́, ɔmuhi nɛ́n sɩ̀ kán yi, kɩ nɛ́n sɩ̀ nyri yi rɔ́ nɔn. Tɛ́n nyɛ́n, nyɛ́n nyri nɛ̀n, ɔmuhi nɛ́n mɛhi nyɛ́n dù, kɩ nɛ̀n dú nyɛ̀n ɛmɛ̀n nɔn.

Zhan 14:23

Zhezü mrɛ́n nɛ̀n ɔmùan le: “Ɔwrɔn léyi kɛ cüɛn mɛ̀n nɔn, nɛ lɛ wá m'ɔmùan ankà-dɔ̀. Dade kɛ lɛ cüɛn nɛ̀n, kɩ Dade mán mɛ̀n, bɔ́ lɛ vá n'eyri, kɩ bɔ́ le sɔ́n ebɩ́ n'ebɩ́ lɔ mɛ̀n.

Zhan 3:34

Ɔwrɔn léyi Ɔwɔ wá ɔkɔhɔ̀n nɔn kɛ dɔ́ Ɔwɔ-mùanwú-ankà, ɔmuhi Ɔwɔ kɛ tán nɛ̀n kokroho n'Ɛnhɛ́n lɔ nɔn.

Zhan 3:6

Eci léyi antà-dùwru ke bî nɔn, dú ɔwrɔnẅì; eci léyi Ɔwɔ Hɛ́n Prɔnprɔn ke bî nɔn, dú ɛnhɛ́n.

Ɔkɔ̀hɔ̀n-wá-bɔ̀ kɔ̀hɔ̀n hán 16:7

Ɛnvra léyi yɔ cɔ́ Mizi kpɔsɔ wú tɛ̀sɛ̀n nɔn, yɔ wá yɔ hɔ́n Bitini kpɔsɔ wú, tɛ́n Zhezü Hɛ́n lɔ kè sɩ̀ tán yɔ ɛkɔrɛ̀-levri.

Rɔmɛ̀n-anmàn-bɔ̀ 7:5

Annanwɔrɛ mɛ̀n lɔ, ɛnvra léyi bɔ́ dú ɛwúvà léyi kɛ cüɛn bɔ̀ ɛvɛ̀ n'eci-gbangbàn-hán mɛ̀n nɔn, ɛnyànmàn kɛ kɛ́n bɔ́ mumù lɔ sɩ́, kɩ bɔ́ hán eci léyi ke sɩ́ owù nɔn.

Rɔmɛ̀n-anmàn-bɔ̀ 8:1

Zɛtɛn zɛtɛ̀ lɔ, nwùbɔ̀ ke sɩ̀ vru dù kɛ̀ tán anwrɔn hɔ̀n léyi dú Zhezü Krisì bɔ̀sɔ̀ lɔ mɛ̀n nɔn.

Rɔmɛ̀n-anmàn-bɔ̀ 8:11

Ke dú kɛ Ɔwrɔn léyi bɩ́ Zhezü owú-bɔ̀ mɛ̀n sɩ́ ɔkɔrɛ-bɔ̀ mɛ̀n nɔn, n'Ɛnhɛ́n lɔ dú nyɛ̀n ɛmɛ̀n hô, zɛtɛn Ɔwɔ léyi bɩ́ Krisì owú-bɔ̀ mɛ̀n sɩ́ ɔkɔrɛ-bɔ̀ mɛ̀n nɔn, kɛ lɛ tán ny'owú-dùwrú hɔ̀n lɔ ɛwúvà-kɔrɛ̀ n'Ɛnhɛ́n léyi dú nyɛ̀n ɛmɛ̀n nɔn n'ebɩmɛ̀n.

Rɔmɛ̀n-anmàn-bɔ̀ 8:2

Ɔmuhi Ɛnhɛ́n Prɔnprɔn nyànmàn léyi kɛ tán ɛwúvà-kɔrɛ̀ Zhezü Krisì bɩmɛ̀n nɔn, bɩ́ mɛ́n sɔhɔ́ ɛgbàn nyànmàn mán owù tamɛ̀n.

1 Korɛntɛ̀n anmàn-bɔ̀ 15:23

tɛ́n ɔwrɔnwrɔn ẅɛn nɛ́n dùku n'ɛyɛ́-yri: Krisì dú kpàkpà-wrɔn anwrɔnẅì lɔ fɛn mɛ̀n, zɛtɛn anwrɔn hɔ̀n léyi dú Krisì tɛ́n nɔn ɛnvra léyi nɛ lɛ và nɔn.

1 Korɛntɛ̀n anmàn-bɔ̀ 3:16

Annanwɔrɛ mɛ̀n lɔ nyɛ́n nyri ɔmu le nyɛ́n dú Ɔwɔ wɔn, kɩ Ɔwɔ Hɛ́n dú nyɛ̀n ɛmɛ̀n.

1 Korɛntɛ̀n anmàn-bɔ̀ 6:17

Tɛ́n ɔwrɔn léyi nɛ́n mán Ɛẅɛnwrɔn mɛhi yɔ bɔsɔ̀ nɔn, yɔ srɔ ɛnhɛ́n mɛ̀n lɔ eci zri.

1 Korɛntɛ̀n anmàn-bɔ̀ 6:19

Nyɛ́n sɩ̀ nyrì ɔmu le ny'edùwrú lɔ dú Ɛnhɛ́n Prɔnprɔn wɔn, Ɛnhɛ́n ndɔ léyi dú nyɛ̀n ɛmɛ̀n, hɩ Ɔwɔ tán nyɛ̀n nɛ́n? Nyɛ́n sɩ̀ dù nyɛ́n dùku nyɛ tɛn:

2 Korɛntɛ̀n anmàn-bɔ̀ 10:7

Nyɛ nyan ɛci hɔ̀n kɛ hán ɔmu le yɔ dù nɔn hɔ́. Zɛtɛn, ke dú kɛ ɔwrɔn tɔ̀n ke bú tán le nɛ̀n dú Krisì tɛn, ke ji le nɛ̀n vru nɛ̀n tro ankà ndɔ lɔ: bɔ́ dú Krisì tɛn hán ɔmu le nɛ́n mán nɛ̀n dú Krisì tɛn nɔn hɔ́.

2 Korɛntɛ̀n anmàn-bɔ̀ 6:16

Ɔmùan-krɔn tán de ke le dú Ɔwɔ-cice-wɔn mán antɛ̀-buri-Wɔ wɔn angranmɛ̀n nɛ́n? Ɔmuhi bɔ́ dùku bɔ̀ dú Ɔwɔ kɔrɛkɔrɛ lɔ n'ecice-wɔn, hán ɔmu le Ɔwɔ dùku dɔ̀ nɔn: “Me le dú yɔ ɛmɛ̀n, kɩ yɔ mɛhi bɔ́ lɛ nán esù, me le dú y'Ɔwɔ kɩ yɔ le dú mɛ́n fɛcüè.”

Galasi anmàn-bɔ̀ 4:6

Ɔwɔ hán n'Ɛnẅì Hɛ́n vá bɔ́ ɛnbɔrɛ hɔ̀n lɔ mɛ̀n, ô kè yé tán le nyɛ́n dú n'ɛẅì hɔ̀n annanwɔrɛ: Ɛnhɛ́n léyi ke di bobo le: “Abba, ô mɛ́n Dade!”

Galasi anmàn-bɔ̀ 5:24

Anwrɔn hɔ̀n léyi dú Zhezü Krisì tɛn nɔn, yɔ hán yɔ mumù y'ɛwúvà ankà-tro mán y'ɛci-gbangbàn-hán lɔ fɛn wú Zhezü gban-hán-tɛ̀ wú.

Efɛzɛ̀n anmàn-bɔ̀ 1:13

Nyɛ́n mán ɛnvra léyi nyɛ́n yá annanwɔrɛ Mɛẅi ankà Ankrankran léyi vá sɩ́ nyɛ̀n ɛnkrukɔrɛ̀ nɔn, nyɛ́n bú Krisì ankà nyɛ́n tán ankaẅì; zɛtɛn, Ɔwɔ wá nyɛ̀n n'eci-woroan-ci ɛwú, ɛnvra léyi nɛ̀n tán nyɛ̀n Ɛnhɛ́n Prɔnprɔn léyi nɛ̀n wá ɔmùan nɔn.

Efɛzɛ̀n anmàn-bɔ̀ 2:22

Nɛ́n mɛhi ny'ɔbɔ̀sɔ̀ lɔ mɛ̀n, nyɛ́n mán nyɛ́n dú ɔwɔn lɔ mɛ̀n, ô nyɛ́n mán nyɛ́n nyran hɔ̀n lɔ fɛn mɛhi nyɛ́n srɔ ɔwɔn léyi Ɔwɔ dú ɛmɛ̀n nɔn, n'Ɛnhɛ́n mɛ̀n.

Efɛzɛ̀n anmàn-bɔ̀ 3:17

ô Krisì kɛ̀ sɔ́n ebɩ́ ny'ɛnbɔrɛ hɔ̀n lɔ mɛ̀n ankaẅì-bùtan-ẅɛn mɛ̀n. Me ji le annyràn kɛ̀ ẅɛn nyɛ̀n ɛnhi, ô nyɛ́n dú ɛcüɛ̀n dùsɔ mɛ̀n,

Filipɛ̀n anmàn-bɔ̀ 1:19

ɔmuhi mɛ̀n nyri ɔmu le ndɔ lɔ fɛn ke le dú m'ɛnkrukɔrɛ̀, ny'Ɔwɔ-sɛ̀n mán Zhezü Krisì Hɛ́n kɔrɛ̀-wá léyi kɛ vá sɩ́ mɛ̀n nɔn, n'ɛkɔrɛ̀levri mɛ̀n.

Anhyrɛmɛ̀n timote 1:14

Ankà-yé anvrɛnvrɛn hɔ̀n léyi yɛ tán mɛ́n nɔn, ɛ̀ ẅɛn yɔ ɛ̀ hɛ́n Ɛnhɛ́n Prɔnprɔn léyi dú bɔ̀ ɛmɛ̀n nɔn, n'ɛkɔrɛwá mɛ̀n.

1 Piɛrɛ̀n 1:11

Yɔ ji kèkrèmɛ̀n, ô yɔ cɔ́ ɛnvra lɔ mɛ̀n mán eci-hán-ci hɔ̀n léyi Krisì Hɛ́n kɛ tán; ɔmuhi Ɛnhɛ́n ndɔ léyi dú y'ɛmɛ̀n nɔn, gɔ́ dɔ́ yɔ ɛgbànkàn léyi Krisì kɛ lɛ srɔ́n ɛsù mán ecizrɔ léyi zɛtɛn ke le dú nɛ tɛn nɔn hɩ ankà.

1 Zhan 3:24

Ɔwrɔn léyi kɛ hán Ɔwɔ nyanmàn kɔrɛ̀zì-ci nɔn, nɛ̀n dú Ɔwɔ mɛ̀n kɩ Ɔwɔ mán dú nɛ̀n ɛmɛ̀n. Nyàn ɔmu le bo nyrì le Ɔwɔ dú bɔ̀ ɛmɛ̀n nɔn: bɔ́ nyri ndɔ lɔ, Ɛnhɛ́n Prɔnprɔn léyi nɛ̀n tán bɔ̀ nɔn yi kruhú.

1 Zhan 4:13

Nyàn ɔmu le bɔ́ hán bɔ́ nyrì le, bɔ́ dú Ɔwɔ mɛ̀n kɩ nɛ́n mán nɛ̀n dú bɔ̀ ɛmɛ̀n nɔn: nɛ̀n tán bɔ̀ n'ɛnhɛ́n.

1 Zhan 4:4

Tɛ́n nyɛ́n, m'ɛẅì hɔ̀n, nyɛ́n dú Ɔwɔ tɛn kɩ nyɛ́n kɔ̀nká ɛyɔ̀n wɔ-mùan-wú-ankà-dɔ́-bɔ̀; ɔmuhi ɛnhɛ́n léyi dú nyɛ̀n ɛmɛ̀n nɔn, ɛkɔrɛ̀ srɔn vrán ɛnhɛ́n léyi dú anwrɔn hɔ̀n léyi dú ɛnhibù wú nɔn mɛ̀n.

Ɔwɔ-mɛ̀n-yrikàn 13:8

Ɛnhi-wú-bɔ̀ lɔ fɛn ke le cüe nɛ̀n ankɔrɛ̀ ezìwúɛ, anwrɔn hɔ̀n léyi ye sɩ̀ merɛ́n yɔ bi ɔkɔrɛ wrú lɔ mɛ̀n ɛnhibù krubɔmɛ̀n hàn hɛ́n, ɔkɔrɛ wrú léyi dú Ɔwɔ kɔ̀kɔ̀sɛ̀-ẅì léyi ye wrì nɔn tɛn.

Ɔwɔ-mɛ̀n-yrikàn 20:15

Ɔwrɔn totɔtɔ̀n léyi ye sɩ̀ merɛ̀n n'ebi ɔkɔrɛ-wrú lɔ mɛ̀n nɔn, yɛ́ kɔ́n nɛ̀n dí ɛnhyà-ẅì nɛ́nbà lɔ mɛ̀n.