Rɔmɛ̀n-anmàn-bɔ̀ 8:7 - Ɛmɛẅi ankà ankrànkràn 2003

⁷ Anwrɔn hɔ̀n léyi y'ɛnbɔrɛmɛ̀n ci hɔ̀n lɔ ẅɛn yɔ sɔhɔ́ Ɔwɔ kɔhɔ̀n-hán mɛ̀n nɔn, yɔ dú Ɔwɔ gbri-bɔ̀; yɔ sɩ́ sɩ́ y'edomɛ̀n ɛnhi Ɔwɔ nyànmàn tɛ̀sɛ̀n, kɩ yɔ sɩ̀ hán rɔ́ mán.

Rɔmɛ̀n-anmàn-bɔ̀ 8:7 Iomraidhean Croise

Matie 12:34

Ɛnlɛbrì mɛ̀n bɔ̀! Anhɔntan de nyɛ lɛ hán nyɛ́n dɔ́ ankà ankrànkràn tɛ́n nyɛ́n dú anwrɔn gbàngbàn hɔ̀n nɛ́n? Ɔmuhi ɔmùan kɛ dɔ́ ankà hɔ̀n léyi nhyì dú ɛnbɔrɛ mɛ̀n nɔn.

Matie 5:19

Hɩ le kruhú de ɔwrɔn léyi kɛ fɔndɔn ɛnyànmàn cɛ zri, kɩ ke yé anwrɔn ɛnyànmàn nyàntɛn ci, ne le dú ɛcɛ Anhobɩ́ nɛ̀ncüì-dúyri. Tɛ́n ɔwrɔn léyi kɛ ẅɛn ɛnyànmàn kɛ hɛ́n, hɩ ke yé anwrɔn ɛnyànmàn annànwɔrɛ ci nɔn, ne le dú ecüìcüì Anhobɩ́-Nɛ̀ncüì-dúyri.

Zhan 7:7

Ɛnhibù kè sɩ̀ ẅɛ̀n ny'egbrì, tɛ́n ɛnhibù ke gbri mɛ̀n, ɔmuhi mɛ dɔ̀ le n'ɛci-hán-ci hɔ̀n lɔ krɛ-gbàn nɔn.

Rɔmɛ̀n-anmàn-bɔ̀ 1:28

Ɔmuhi yɔ krɔ, yɔ sɩ́ ji yɔ nyri Ɔwɔ nɔn, Ɔwɔ teze yɔ, y'ɔbrɔsà ankà-nyrì lɔ mɛ̀n kɩ, ɔmu lɔ de yɔ hán eci léyi ke sɩ́ ji le yɔ hán nɔn.

Rɔmɛ̀n-anmàn-bɔ̀ 1:30

kɩ yɔ dɔ́ y'edomɛ̀n ankà gbàngbàn; yɔ dú Ɔwɔ gbri-bɔ̀, wawa-hán-bɔ̀, tutre-di-bɔ̀, evri-di-bɔ̀. Ɛnvra lɔ fɛn yɔ dú eci-gbangbàn wrù hán ankà-tro mɛ̀n, yɔ kɛ́n y'ɛmɛ̀n-bɔ̀ ezì.

Rɔmɛ̀n-anmàn-bɔ̀ 3:31

Kɛ̂ ndɔ lɔ, n'ɛmɛ̀n kɛ dɔ̀ le ankaẅì-bùtan-ẅɛ̀n lɔ kɛ hán bɔ́ srɔ ɛnyànmàn eci woro hɛ́? Hɔ̂, tɛ́n bɔ́ tán nɛ̀n, nɛ́n vɔ̀nshɛ́ annanwɔrɛ lɔ.

Rɔmɛ̀n-anmàn-bɔ̀ 5:10

Bɔ́ dú Ɔwɔ-gbri-bɔ̀, tɛ́n Ɔwɔ wɔ́ bɔ̀ angranmɛ̀n nɛ́n mán bɔ́ mɛhi n'Ɛnẅì Zhezü Krisì wù lɔ mɛ̀n. Annanwɔrɛ mɛ̀n lɔ, zɛtɛ̀ léyi bɔ́ mán nɛ́n mɛhi angranmɛ̀n wɔ́ bɔ̀ nɔn, n'Ɛnẅì wúvà lɔ mɛ̀n de ne bɩ́ bɔ̀ nɛ̀n die nɔn.

Rɔmɛ̀n-anmàn-bɔ̀ 7:22

M'ɛnbɔrɛ mɛ̀n lɔ mɛ ẅɛn Ɔwɔ nyànmàn cüɛ̀n.

Rɔmɛ̀n-anmàn-bɔ̀ 8:4

Ɔwɔ hán eci ndɔ lɔ, ô ɛnyànmàn wú ci hɔ̀n lɔ kɛ sá nmù bɔ́ ɛmɛ̀n, bɔ́ léyi bɔ́ ɛwúvà ke sɩ́ vru crɛnyan bɔ̀, tɛ́n ke le dú Ɛnhɛ́n Prɔnprɔn mɛ̀n nɔn.

1 Korɛntɛ̀n anmàn-bɔ̀ 2:14

Ɔwrɔn léyi ke sɩ́ ẅɛn esɛ́ nɛ́n dùku n'ankà-nyrì wú nɔn, ɔwrɔn ndɔ lɔ ke sɩ̀ bɩ́ annanwɔrɛ ankà hɔ̀n léyi Ɔwɔ Hɛ́n ke yüre nɛ̀n nɔn: Ɔwɔ Hɛ́n annanwɔrɛ ankà ndɔ lɔ dú nmù-ci-hán tán nɛ̀n; nɛ́n sɩ̀ nyri hɩ ɛmɛ̀n rɔ́, ɔmuhɩ, Ɔwɔ Hɛ́n mɛ̀n de ye le nyri n'ɛmɛ̀n nɔn.

1 Korɛntɛ̀n anmàn-bɔ̀ 9:21

Ɔmu zri lɔ, ɛnvra léyi mɛ̀n mán anwrɔn hɔ̀n léyi kè sɩ̀ nyrì Mohizì nyànmàn mɛhi bɔ́ yɛ́ nɔn, mɛ ẅɛn ɛwúvà kɛ hán yɔ hɔ́, mɛ́n sɩ́ crɛ-nyan ɛnyànmàn ndɔ lɔ, ô mɛ̀n cɔ́ yɔ. Ndɔ lɔ ke sɩ́ yé le Ɔwɔ nyànmàn ke sɩ́ hán mɛ̀n eci zriɛmɛ́n, ɔmuhi mɛ̀n dú Krisì nyànmàn kɔrɛ̀-levri wú nɔn.

Kɔlɔsèn anmàn-bɔ̀ 1:21

Nyɛ́n mán, nyɛ́n gɔ̀ dú esùshe Ɔwɔ tɛ̀sɛ̀n, nyɛ́n gɔ̀ dú n'egbri-bɔ̀, eci-gbàngbàn-ankà lɔ fɛn léyi nye tro hɩ nyɛ hán nɔn, hɩ kruhú.

Kɔlɔsèn anmàn-bɔ̀ 2:18

Nyɛ́n bɩ́ teze anwrɔn kɛ bɔ́ nyɛ̀n nwù, yɔ léyi yɔ cüɛn ɛntrɛ ci-hán y'edomɛ̀n ɛnhisɩemɛ̀n, kɩ yɔ cüe Ɔwɔ-kùyüre-bɔ̀ ankɔrɛ̀ ezìwúɛ, kɩ yɔ bɩ́ y'ɔwɔ-mɛ̀n-yri-kàn lɔ yɛ srɔ vɔ̀nshɛ́-ci nɔn. Anwrɔn ɔmu hɔ̀n lɔ, tutre woro yɩ́ yɔ ɛmɛ̀n, y'anwrɔnẅì ankà-tro ci-hán mɛ̀n;

Anhyrɛmɛ̀n timote 3:4

yɔ lɛ dú ankà-mrɛ́n-bɔ̀ kɩ tùtre ke le yɩ́ yɔ ɛnbɔrɛ mɛ̀n, yɔ lɛ cüɛn ɛmankɔ̀n kɛ lɛ vrán Ɔwɔ;

Ebre-bɔ̀ 8:10

Ɛẅɛnwrɔn kɛ dɔ̀ le: Nyàn eci léyi ke le dú mìrɛ̀n léyi mɛ lɛ wá mɛ̀n mán Izraɛlɛ̀n fɛ̀cüe mɛhi b'angramɛ̀n ɛnbì hɔ̀n léyi kɛ và nɔn yɔmɛhi; Me le merɛ́n m'ɛnyanmàn hɔ̀n lɔ mɛ̀n wá y'ɛnkruemɛ̀n mán ɛnbɔrɛ mɛ̀n: me le dú y'Ɔwɔ kɩ yɔ le dú mɛ́n fɛcüè.

Zhakɛ̀n 4:4

Anmùan-anhyrɛ̀-bɔ̀ léyi de dú nyɛ̀n nɔn! Nyɛ́n sɩ̀ nyrì ɔmu le, e dú ɛnhibù nɛ́n nyran hô, è dú Ɔwɔ gbri-wrɔn hàn? Ɔwrɔn léyi ke ji ke dú ɛnhibù nɛ́n nyran nɔn, nɛ srɔ Ɔwɔ gbri-wrɔn.

2 Piɛrɛ̀n 2:14

Ɛncɔnwrɔn-hi-bi-gbàn yɩ́ y'anvɛ̀ lɔ mɛ̀n; ɛgbàn hán ke sɩ́ fɔ́n yɔ. Ɛjɛ-bɔ̀ ke bru y'antanwrɔn lɔ mɛ̀n. Ɔkùa cɔ́ ankà, wá ɛnhyà y'ɛnbɔrɛ lɔ mɛ̀n. Ɔwɔ ẅiɛ̀-dà dú yɔ ɛwú!