Rɔmɛ̀n-anmàn-bɔ̀ 8:6 - Ɛmɛẅi ankà ankrànkràn 2003

⁶ Ke dú kɛ bɔ́ hán bɔ́ ɛnbɔrɛmɛ̀n ci hɔ̀n léyi bɔ́ ji nɔn hô, bɔ́ hɔ́n owúemɛ̀n; tɛ́n ke dú kɛ bɔ́ hán Ɛnhɛ́n Prɔnprɔn ci hɔ̀n léyi ke ji nɔn hô, bɔ́ hɔ́n ɛwúvà-kɔrɛ̀ mɛ̀n mán anwɔwɔ mɛ̀n.

Rɔmɛ̀n-anmàn-bɔ̀ 8:6 Iomraidhean Croise

Zhan 14:27

“Anwɔwɔ de me teze nyɛ̀n hán nɔn, m'anwɔwɔ de mɛ tán nyɛ̀n nɔn. Mɛ́n sɩ́ tán nyɛ̀n anwɔwɔ kɛ hán ɔmu le ɛnhibù kɛ tán nɔn. Nyɛ́n bɩ́ dú ɛnkrɛta-kuemɛ̀n, ɛnjansù ke bɩ́ ẅɛn nyɛ̀n.

Zhan 14:6

Zhezü mrɛ́n nɛ̀n ɔmùan le: “Mɛ̀n dú ɛnlevri, mɛ̀n dú ankà-annanwɔrɛ, mɛ̀n dú ɛwúvà-kɔrɛ̀. Ɔwrɔn zriɛmɛ́n ke sɩ̀ hɔ́n Dade nanvrɛn ke dú kɛ nɛ̀n sɩ̀ cì m'eyri.

Zhan 17:5

Zɛtɛ̀n zɛtɛ̀ lɔ, Dade, tán mɛ̀n v'ezìwú eci-zrɔ léyi mɛ̀n ẅɛn v'ɛtɛsɛ̀n ɛnvra léyi ɛnhibù kɛ vá dù nɔn.

Rɔmɛ̀n-anmàn-bɔ̀ 13:14

Nyɛ́n ẅɛn edomɛ̀n, eci lɔ fɛn léyi Zhezü Krisì Ɛẅɛnwrɔn tán bɔ̀ nɔn, ô nyɛ́n bɩ́ vru teze ny'edomɛ̀n nyɛ́n tán nyɛ́n dukú ny'eci-gbàngbàn léyi nyɛ́n cüɛn n'ɛhán nɔn.

Rɔmɛ̀n-anmàn-bɔ̀ 14:17

Annanwɔrɛ mɛ̀n lɔ, Anhobɩ́ Nɛ̀ncüì-dúyri kè sɩ̀ dù ɛci-zî mán ɛntàn mi ankà; nɛ̀n dú ɛnyrɔnnan, anwɔwɔ mán pɔpüɛ̀-brà léyi Ɛnhɛ́n Prɔnprɔn kɛ tán nɔn.

Rɔmɛ̀n-anmàn-bɔ̀ 5:1

Ɔmu lɔ de bɔ̀ srɔ ɛnyrɔnnan-bɔ̀ Ɔwɔ zìwú, b'ankaẅì-bùtan-ẅɛ̀n kruhú, kɩ zɛtɛ̀ lɔ bɔ́ dú anwɔwɔmɛ̀n bɔ́ mán Ɔwɔ mɛhi, bɔ́ Ɛẅɛnwrɔn Zhezü Krisì bɩmɛ̀n.

Rɔmɛ̀n-anmàn-bɔ̀ 5:10

Bɔ́ dú Ɔwɔ-gbri-bɔ̀, tɛ́n Ɔwɔ wɔ́ bɔ̀ angranmɛ̀n nɛ́n mán bɔ́ mɛhi n'Ɛnẅì Zhezü Krisì wù lɔ mɛ̀n. Annanwɔrɛ mɛ̀n lɔ, zɛtɛ̀ léyi bɔ́ mán nɛ́n mɛhi angranmɛ̀n wɔ́ bɔ̀ nɔn, n'Ɛnẅì wúvà lɔ mɛ̀n de ne bɩ́ bɔ̀ nɛ̀n die nɔn.

Rɔmɛ̀n-anmàn-bɔ̀ 6:21

Zɛtɛn zɛtɛ̀ lɔ, ecitan de nyɛ́n cɔ́ ny'anvɛvrà ci-gbàngbàn hɔ̀n lɔ hán mɛ̀n nɛ́n? Eci-hán-ci ndɔ hɔ̀n lɔ ke sɩ́ owúemɛ̀n!

Rɔmɛ̀n-anmàn-bɔ̀ 6:23

Ɔmuhi ɛgbàn wɔ̀ɛn-dì dú owù nɔn; tɛ́n ecice-ci léyi Ɔwɔ kɛ tán ankora nɔn, dú ɛwúvà léyi ke sɩ́ trɔa, hɩ dú bɔ́ mán Zhezü Krisì bɔ́ Ɛẅɛnwrɔn mɛhi b'ɔbɔ̀sɔ̀ lɔ mɛ̀n nɔn.

Rɔmɛ̀n-anmàn-bɔ̀ 7:11

Ɔmuhi ɛgbàn ci ɛnyànmàn kɔrɛ̀-levri wú kɩ frɛ́n mɛ̀n, kɩ n'ɛmɛ̀n lɔ nɛ̀n hán mɛ̀n mɛ́n wù.

Rɔmɛ̀n-anmàn-bɔ̀ 7:5

Annanwɔrɛ mɛ̀n lɔ, ɛnvra léyi bɔ́ dú ɛwúvà léyi kɛ cüɛn bɔ̀ ɛvɛ̀ n'eci-gbangbàn-hán mɛ̀n nɔn, ɛnyànmàn kɛ kɛ́n bɔ́ mumù lɔ sɩ́, kɩ bɔ́ hán eci léyi ke sɩ́ owù nɔn.

Rɔmɛ̀n-anmàn-bɔ̀ 8:13

Ɔmuhi, ke dú kɛ nyɛ hán eci léyi ny'ɛwúvà dùku ke ji nɔn hô, nyɛ́n le wù. Tɛ́n ke dú kɛ, Ɛnhɛ́n Prɔnprɔn bɩmɛ̀n, nyɛ hán ny'ɛnbɔrɛmɛ̀n-kɔ̀tɛ́-ci lɔ ke wù hô, nyɛ́n le dú ɛwúvà-kɔrɛ̀ mɛ̀n.

Rɔmɛ̀n-anmàn-bɔ̀ 8:27

Kɩ Ɔwɔ léyi kɛ kán ɛnbɔrɛ hɔ̀n lɔ mɛ̀n nɔn, ke nyri eci léyi Ɛnhɛ́n Prɔnprɔn ke ji kɛ̀ sán, ɔmuhi Ɛnhɛ́n Prɔnprɔn kɛ sɛ́n tán ankaẅì-bùtan-ẅɛn-bɔ̀ hán ɔmu le Ɔwɔ kɛ cüɛ̀n nɔn.

Rɔmɛ̀n-anmàn-bɔ̀ 8:7

Anwrɔn hɔ̀n léyi y'ɛnbɔrɛmɛ̀n ci hɔ̀n lɔ ẅɛn yɔ sɔhɔ́ Ɔwɔ kɔhɔ̀n-hán mɛ̀n nɔn, yɔ dú Ɔwɔ gbri-bɔ̀; yɔ sɩ́ sɩ́ y'edomɛ̀n ɛnhi Ɔwɔ nyànmàn tɛ̀sɛ̀n, kɩ yɔ sɩ̀ hán rɔ́ mán.

Galasi anmàn-bɔ̀ 5:22

Tɛ́n eci léyi Ɛnhɛ́n Prɔnprɔn kɛ tán nɔn, dú ɛcüɛ̀n, pɔpüɛ̀, anwɔwɔ, ɛnbɔrɛ-ẅɛ̀n-hɛ́n, anvrɛn-ci-hán, ɛnbɔrɛ-wɔ-ci-hán, ɔmùan-zri-dì,

Galasi anmàn-bɔ̀ 6:8

Ke dú kɛ nɛ tɛ́ eci léyi nɛ́n dùku n'antà dùwrú kɛ cüɛ̀n nɔn hô, antɛ̀-ẅì léyi nɛ lɛ küɛ nɔn dú owù; tɛ́n ke dú kɛ nɛ tɛ́ eci léyi Ɛnhɛ́n Prɔnprɔn kɛ cüɛ̀n nɔn hô, antɛ̀-ẅì léyi nɛ lɛ küɛ nɔn dú ɛwúvà léyi ke sɩ́ trɔa nɔn.