Rɔmɛ̀n-anmàn-bɔ̀ 8:3 - Ɛmɛẅi ankà ankrànkràn 2003

³ Ɔwɔ hán eci léyi Mohizì nyànmàn kè sɩ̀ hàn rɔ̀a nɔn sá nmù, ɔmuhi ɔwrɔnẅì jɛ̀ ke sɩ̀ tán nɛ̀n ɛkɔrɛ̀srɔn: ɛgbàn léyi nɛ lɛ mrɛ́n nɛ̀n sɔhɔ́ nɔn, nɛ̀n bó ɔwrɔnẅì nwù n'edùwrú-ẅia lɔ mɛ̀n, kɩ nɛ̀n hán nɛ́n dùku n'ɛnẅì vá dú ɔwrɔnẅì wúvà gbànkàn lɔ mɛ̀n.

Rɔmɛ̀n-anmàn-bɔ̀ 8:3 Iomraidhean Croise

Markɛ̀n 15:27

Zhezü tɛ̀sɛ̀n lɔ yɔ vru yɔ gɔ́n anwrɔn gbàngbàn anhyrɛ̀ brɛ́ ɛgbàn-hán-tɛ̀ domɛ̀n; ɔtɔ̀n dú nɛ̀n ezì kɔrɛ̀ kɩ anhyrɛmɛ̀n wrɔn lɔ dú nɛ̀n ebriemɛ̀n. [

Zhan 1:14

Ɔwrɔn léyi dú ankà-dɔ̀ nɔn srɔ ɔwrɔnẅì kɩ vá dú bɔ̀ ɛmɛ̀n, nboafɔ̀n mán annanwɔrɛ yɩ́ nɛ̀n ɛmɛ̀n. Bɔ̀ kán n'eci-zrɔ, eci-zrɔ léyi Ɛnẅì zri kpokpo kɛ cɔ́ nɛ́n zi yri nɔn.

Zhan 9:24

Ɔwɔ-nyanmàn-sùva-wá-bɔ̀ bi ɔwrɔn léyi kɔrɛ̀ nɔn andɛ̀n-anhyrɛmɛ̀n kɩ kɛ dɔ́ nɛ̀n le: “Dɔ̀ ankà mùan zri Ɔwɔ zìwú. Bɔ nyri ɔmu le ɔwrɔn ndɔ lɔ dú ɛgbàn-hán-wrɔn.”

Rɔmɛ̀n-anmàn-bɔ̀ 3:20

Ɔmuhi ɔwrɔn zriɛmɛ́n ke sɩ́ dú ɛnyrɔnnan-wrɔn Ɔwɔ-zìwú, ɔmuhi nɛ̀n hán ɛnyànmàn kɔrɛ̀-zì-ci nɔn; ɛnyànmàn kɛ wá ɛkɔrɛ̀, ô ye nyri ɛgbàn.

Rɔmɛ̀n-anmàn-bɔ̀ 6:6

Ke ji le bɔ́ nyri ankà ndɔ lɔ anvrɛnvrɛn: anwrɔnẅì léyi dú bɔ̀ ɛnkrubɔmɛ̀n nɔn, bɔ́ mán Krisì mɛhi ye di bɔ̀ owúemɛ̀n ɛgbàn-hán-tɛ̀ domɛ̀n, ô bɔ́ ɛgbàn-dù-cì lɔ yɛ jrɛ́ nɛ̀n, ô bɔ́ bɩ́ vru dú ɛgbàn-wɔ̀n-bɔ̀.

Rɔmɛ̀n-anmàn-bɔ̀ 7:18

Ɔmuhi mɛ̀n nyri ɔmu le eci ankrànkràn bàdá mɛ̀n ɛmɛ̀n, mɛ̀n léyi edùwrú ẅɛn mɛ̀n ɛjɛ̀ nɔn. Annanwɔrɛ mɛ̀n lɔ, eci-anvrɛnvrɛn-hán dú mɛ̀n ɛnbɔrɛ mɛ̀n, tɛ́n mɛ̀n sɩ̀ ẅɛ̀n nɛ hán dùyì.

Rɔmɛ̀n-anmàn-bɔ̀ 8:32

Ɔwɔ kè sɩ̀ ẅɛ̀n n'ɛnẅì kɛ̀ sɔhɔ́, tɛ́n nɛ̀n bɩ́ yi nɛ̀n tán ye wrì, bɔ́ lɛ fɛn bɔ́ ɛkruhú: anhɔntan kɛ́ nɛ́n sɩ̀ tán bɔ̀ eci lɔ fɛn mán n'ɛnẅì mɛhiɛ?

Rɔmɛ̀n-anmàn-bɔ̀ 9:3

Mɛ cüɛn ɔmu le mɛ́n mumù mɛ̀n dú Ɔwɔ ẅìɛ-dà lɔ mɛ̀n, ô yɛ mrɛ́n mɛ̀n yɛ sɔhɔ́ Krisì cüɛ̀n lɔ mɛ̀n, nmàn-ẅì hɔ̀n, ɛnbrɛ̀-zri-bɔ̀ anvrɛn kruhú.

2 Korɛntɛ̀n anmàn-bɔ̀ 5:21

Krisì dú prɔnprɔn mɛ̀n, tɛ́n Ɔwɔ bɩ́ bɔ́ ɛgbàn hɔ̀n lɔ worɔ nɛ̀n, ô n'ɛmɛ̀n lɔ, bɔ̀ cɔ́ ɛwúvà-kɔrɛ̀ léyi Ɔwɔ tán n'ɔkɔ̀hɔ̀n lɔ mɛ̀n nɔn.

Galasi anmàn-bɔ̀ 3:13

Hɩ le Krisì srɔ ɛẅìɛ̀-dá-ci bɔ́ kruhú nɔn, nɛ̀n mrɛ́n bɔ̀ ɛnyànmàn ẅìɛ̀-dá lɔ mɛ̀n nɛ̀n sɔhɔ́. Owrú Prɔnprɔn kɛ dɔ́ annanwɔrɛ mɛ̀n le: “Ɛẅìɛ̀-dà dú ɔwrɔn totɔtɔn léyi yɛ wá ɛhɛ́ ɔbɔ̀n ɛtɛ̀ domɛ̀n nɔn.”

Galasi anmàn-bɔ̀ 3:21

Ndɔ lɔ n'ɛmɛ̀n kɛ dɔ̀ le ɛnyànmàn kɛ kɛ́n Ɔwɔ mùan-wá ci-hán ezìɛ? Annanwɔrɛ mɛ̀n lɔ hɔ̂! Ke dú kɛ yɛ wá ɛnyànmàn tɔ̀n, ô kɛ̀ tán anwrɔnẅì annanwɔrɛ wúvà, hɩ lɔ mɛ̀n, ɔwrɔnẅì kɛ lɛ srɔ ɛnyrɔnnan-wrɔn tɛ̀ Ɔwɔ zìwú ɛnyànmàn kɔrɛ̀-levriemɛ̀n.

Filipɛ̀n anmàn-bɔ̀ 2:7

Tɛ́n nɛ́n dùku nɛ́n krɔ eci lɔ fɛn léyi nɛ́n ẅɛ̀n, kɩ nɛ̀n srɔ n'edomɛ̀n eci-bɩ̀tan-wrɔn. Nɛ̀n srɔ ɔwrɔnẅì anwrɔnẅiemɛ̀n, ye nyri nɛ̀n, nɛ́n dù nɛ̀n hán ɔwrɔnẅì hɔ́;

Ebre-bɔ̀ 10:12

Krisì tɛn, ce eci ɛdɛ̀n zri ɛgbàn kruhú, kɩ ndɔ lɔ dú ɛnvra lɔ fɛn, zɛtɛn nɛ̀n yɛ́ Ɔwɔ ezì-kɔrɛ̀a.

Ebre-bɔ̀ 10:14

Ɔmu lɔ de ecice dɛ̀n zri mɛ̀n, nɛ̀n srɔ anwrɔnẅì anwrɔn ankrankran, kè dú ɛnvra lɔ fɛn, yɔ léyi nɛ̀n jru yɔ ɛgbàn edomɛ̀n nɛ̀n sɔhɔ́ nɔn.

Ebre-bɔ̀ 2:14

Ɔmuhi ɛẅì ndɔ hɔ̀n lɔ fɛn dú anẅia mán ɛnkrɛ̀ ci nɔn, Zhezü dùku mán ndù hán yɔ hɔ́, nɛ́n mán nɛ̀n dú y'ɔwrɔnẅì wúvà lɔ mɛ̀n. Ɔmu lɔ de n'owù lɔ mɛ̀n, anwawrɔn léyi ẅɛn owú kɔrɛ̀srɔn lɔ hɛ́n nɔn, nɛ̀n bɔyɛ yi nɛ̀n wá,

Ebre-bɔ̀ 2:17

Hɩ le kruhú de ke ji le nɛ̀n dù nɛ̀n cá nɛ́n muan-ẅì hɔ̀n eci lɔ fɛn mɛ̀n, ô nɛ̀n dú y'ecice-wrɔn cüìcüì léyi ɛcüɛ̀n yɩ́ ɛmɛ̀n, ke di ɔmùan zri Ɔwɔ ci-bɩ̀tan kɔ̀hɔ́n mɛ̀n, ô fɛcüè kɛ̀ cɔ́ ɛgbàn-bɩce.

Ebre-bɔ̀ 4:15

Bɔ̀ sɩ̀ ẅɛ̀n Ɔwɔ-cice-wrɔn cüìcüì léyi ke sɩ̀ ẅɛn ecüì kè cɔ́ bɔ̀ mɛhi, bɔ̀ kán ɛgbàn, bɔ́ ɛjɛ̀ hɔ̀n lɔ mɛ̀n nɔn. Tɛ́n b'Ɔwɔ-cice-wrɔn cüìcüì lɔ srɔ́n ɛwɔ̀ɛn-nyan ɛsù eci lɔ fɛn mɛ̀n hán bɔ́ hɔ́, tɛ́n nɛ̀n sɩ̀ hán ɛgbàn zriɛmɛ́n.

1 Piɛrɛ̀n 2:24

Nɛ́n dùku n'edùwru ẅia lɔ mɛ̀n, nɛ̀n bɩ́ bɔ́ ɛgbàn hɔ̀n lɔ ɛgbàn-hán-tɛ̀ wú, ô bɔ̀ wú ɛgbàn mɛ̀n, ô bɔ̀ cɔ́ ɛnyrɔnnan wúvà. N'ecifɔn hɔ̀n lɔ mɛ̀n de nyɛ́n cɔ́ ɔkɔrɛ̀ nɔn.