Rɔmɛ̀n-anmàn-bɔ̀ 8:2 - Ɛmɛẅi ankà ankrànkràn 2003

² Ɔmuhi Ɛnhɛ́n Prɔnprɔn nyànmàn léyi kɛ tán ɛwúvà-kɔrɛ̀ Zhezü Krisì bɩmɛ̀n nɔn, bɩ́ mɛ́n sɔhɔ́ ɛgbàn nyànmàn mán owù tamɛ̀n.

Rɔmɛ̀n-anmàn-bɔ̀ 8:2 Iomraidhean Croise

Zhan 4:10

Zhezü mrɛ́n nɛ̀n ɔmùan le: “Ke dú kɛ è nyri eci léyi Ɔwɔ kɛ tán nɔn, kɩ è nyri ɔwrɔn léyi kɛ sán mɛ́n ɛnshi kè mì nɔn, vɛ́n de ɛ lɛ gɔ̀ sán nɛ̀n ɛnshi kɩ nɛ lɛ tán mɛ́n ɔkɔrɛ shi.”

Zhan 4:14

tɛ́n ɔwrɔn léyi ke le mi ɛnshi léyi mɛ lɛ tán nɛ̀n nɔn, ɛnshi mùanwù ke sɩ̀ vru ẅɛn nɛ̀n mrìmrì. Ɔmuhi, ɛnshi léyi mɛ lɛ tán nɛ̀n nɔn, kɛ lɛ srɔ ɛnshi-bɛ léyi ɛwúvà léyi ke sɩ̀ trɔa nɔn ke le dú nɛ̀n ɛmɛ̀n kɛ̀ gbɛ́ nɔn.”

Zhan 6:63

Ɛnhɛ́n Prɔnprɔn de kɛ tán ɔkɔrɛ̀; ɔwrɔnẅì zri ke sɩ̀ srɔ eci kru mù. Ankà-dɔ̀ hɔ̀n léyi mɛ̀n tán nyɛ̀n nɔn dú Ɛnhɛ̀n mán Ɔkɔrɛ̀.

Zhan 8:32

ɔmu lɔ de nye le nyri annanwɔrɛ ankà kɩ annanwɔrɛ ankà kɛ lɛ srɔ nyɛ̀n anwrɔn kora.”

Zhan 8:36

Ke dú kɛ Ɛnẅì lɔ ke srú nyɛ̀n ze hô, zɛtɛn, nye le dú anwrɔn kora hɔ̀n annanwɔrɛ.

Rɔmɛ̀n-anmàn-bɔ̀ 16:3

Nyɛ́n tán Prisilɛ̀n mán Akilasɛ̀n m'ebinyan, yɔ léyi yɔ dú m'annyran anvrɛn hɔ̀n Zhezü Krisì ci-bɩtan-kɔ̀hɔ̀n lɔ mɛ̀n nɔn.

Rɔmɛ̀n-anmàn-bɔ̀ 3:27

Tùtre-dì ankà tɔ̀n vru dú nɛ̀n ɛmɛ̀n hàn? Hɔ̂, nzriɛmɛ́n! Ecitan kruhúɛ? Ɔmuhi ɛshishi léyi dú nɛ̀n ɛmɛ̀n nɔn, kè sɩ̀ dù ɛnyànmàn léyi ye le nyrì wá esùva nɔn, tɛ́n ke ji le ye bù tán ankaẅì.

Rɔmɛ̀n-anmàn-bɔ̀ 5:21

Zɛtɛn ɔmu zri léyi ɛgbàn ke yé n'owù kɔrɛ̀-srɔ̀n lɔ nɔn, ɔmu zri lɔ de Ɔwɔ-boafɔ̀n ke yé n'ɛnkrukɔrɛ̀ kɔrɛ̀srɔn lɔ, ô nɛ̀n nyrɔn bɔ̀ nɛ̀n sɩ́ ɛwúvà léyi ke sɩ́ trɔa nɔn mɛ̀n, Zhezü Krisì, bɔ́ Ɛẅɛnwrɔn bɩ́mɛ̀n.

Rɔmɛ̀n-anmàn-bɔ̀ 6:14

Annanwɔrɛmɛ̀n lɔ, ɛgbàn ke sɩ̀ vru ẅɛn ɛkɔrɛ̀-srɔn ny'ɛwú, ɔmuhi nyɛ́n sɩ̀ dù ɛnyànmàn kɔrɛ̀-levri wú, tɛ́n nyɛ́n dú Ɔwɔ-boafɔ̀n mɛ̀n nɔn.

Rɔmɛ̀n-anmàn-bɔ̀ 6:18

Yɛ mrɛ́n nyɛ̀n ɛgbàn mɛ̀n yɛ sɔhɔ́ kɩ nyɛ́n bru ɛnyrɔnnan ci-bɩtan-kɔ̀hɔ́n mɛ̀n.

Rɔmɛ̀n-anmàn-bɔ̀ 6:22

Tɛ́n zɛtɛ̀ lɔ nyɛ́n dú ɛgbàn mɛ̀n nyɛ́n kàkɛ kɩ nyɛ́n dú Ɔwɔ ci-bɩtan-kɔ̀hɔ̀n-hán mɛ̀n; nyɛ́n vɔ̀nshɛ́ dú ɛnyrɔn léyi ke sɩ́ nyɛ̀n ɛwúvà prɔnprɔn mɛ̀n, kɩ ɔtrɔmɛ̀n lɔ, nyɛ cɔ́ ɛwúvà léyi ke sɩ́ trɔa nɔn.

Rɔmɛ̀n-anmàn-bɔ̀ 7:21

Zɛtɛn me nyri eci-hán ndɔ lɔ: mɛ́n léyi me ji mɛ̀n hán anvrɛn nɔn, ɛgbàn kɩ dú eci léyi mɛ lɛ hán tɛ̀ nɔn.

Rɔmɛ̀n-anmàn-bɔ̀ 7:23

Tɛ́n mɛ cɔ́ m'ɛnbɔrɛ lɔ mɛ̀n, ɛnyànmàn nyantɛn tɔ̀n kɛ kɔ́n ɛnvrapkà tɛn léyi m'ankà-nyrì ke bɩ nɔn, anhà. Nɛ hán mɛ̀n mɛ srɔ ɛgbàn nyànmàn léyi dú mɛ̀n ɛmɛ̀n nɔn, n'ɔwɔ̀n-wrɔn.

Rɔmɛ̀n-anmàn-bɔ̀ 7:4

Hɩ zri lɔ de dú tán nyɛ́n mán nɔn, anwrɔn-nɛ́n-muan-ẅì hɔ̀n. Nyɛ́n cɔhɔ́ ɛnyànmàn wú, ɛnvra léyi nyɛ́n mán Krisì dùwrú mɛhi nyɛ́n dú ɔbɔ̀sɔ̀ mɛ̀n nɔn. Ɔmu lɔ, de zɛtɛ̀ lɔ, nyɛ́n dú ɔwrɔn tɔ̀n tɛn, ɔwrɔn léyi dú owú-bɔ̀ mɛ̀n vru vá ɔkɔrɛ-bɔ̀ mɛ̀n, ô bɔ̀ hán eci léyi kɛ cüɛn Ɔwɔ ɛvɛ̀ nɔn.

Rɔmɛ̀n-anmàn-bɔ̀ 8:1

Zɛtɛn zɛtɛ̀ lɔ, nwùbɔ̀ ke sɩ̀ vru dù kɛ̀ tán anwrɔn hɔ̀n léyi dú Zhezü Krisì bɔ̀sɔ̀ lɔ mɛ̀n nɔn.

1 Korɛntɛ̀n anmàn-bɔ̀ 15:45

Annanwɔrɛ mɛ̀n lɔ, Owrú Prɔnprɔn kɛ dɔ̀ le: “Kpàkpà-wrɔn, Adamɛ̀n srɔ ɔwrɔnẅì kɔrɛkɔrɛ”; tɛ́n ɛmɛẅitrɔ Adamɛ̀n dú Ɛnhɛ́n léyi kɛ tán ɛwúvà nɔn.

2 Korɛntɛ̀n anmàn-bɔ̀ 3:17

Tɛ́n, ebɩ́ léyi dú “Ɛẅɛnwrɔn” nɔn, ɛnu lɔ n'ɛmɛ̀n kɛ dɔ̀ le Ɛnhɛ́n; kɩ ɛyri léyi Ɔwɔ Hɛ́n ndù nɔn, nanvrɛn lɔ ɔwrɔncüe ndù.

2 Korɛntɛ̀n anmàn-bɔ̀ 3:6

nɛ́n de nɛ̀n tán bɔ̀ ecüì bɔ̀ srɔ mìrɛ̀n wrù ci-bɩ̀tan-bɔ̀ léyi kè sɩ̀ dù ɛnyànmàn léyi ye merɛ́n nɔn n'ɔkɔrɛ̀-levri wú, tɛ́n Ɛnhɛ́n Prɔnprɔn kɔrɛ̀levri wú. Ɛnyànmàn léyi ye merɛ́n nɔn, ke sɩ́ owúemɛ̀n, tɛ́n Ɛnhɛ́n Prɔnprɔn ke sɩ́ ɔkɔrɛ mɛ̀n.

Galasi anmàn-bɔ̀ 2:19

Zɛtɛn, hɩ le kɛ crɛnyan ɛnyànmàn nɔn, mɛ́n wù, owù léyi ɛnyànmàn dùku tán nɔn, ô m'ɛwúvà wrù lɔ kè dú Ɔwɔ tɛn. Mɛ̀n mán Krisì mɛhi de ye wri bɔ̀ ɛgbàn-hán-tɛ̀ wú,

Galasi anmàn-bɔ̀ 5:1

Krisì srú bɔ̀ die ô bɔ̀ srɔ anwrɔn kora hɔ̀n annanwɔrɛ mɛ̀n. Nyɛ́n ẅɛn nɛ̀n ɛshishiemɛ̀n, nyɛ́n bɩ́ vru teze ny'edomɛ̀n nyɛ́n hɔ́n anwɔ̀nẅiemɛ̀n.

Galasi anmàn-bɔ̀ 6:2

Nyɛ́n wá ny'edomɛ̀n ɛkɔrɛ̀ ny'ɛnlowru wɔrɔ mɛ̀n: ɔmu lɔ de nyɛ lɛ ẅɛn Krisì nyànmàn kɔrɛ̀-zì nyɛ́n hɛ́n nɔn.

Zhakɛ̀n 1:25

Tɛ́n, ɔwrɔn léyi kɛ crɛ́n Ɔwɔ nyanmàn ankrànkràn lɔ ɛmɛ̀n anvrɛnvrɛn nɔn, ɛnyanmàn léyi kɛ tán bɔ̀ ɛkɔrɛ̀levri eci-hán mɛ̀n, hɩ kɛ ẅɛn nɛ̀n kɛ hɛ́n ɔmùan-zri-diemɛ̀n, hɩ ke sɩ́ bɩ́ nɛ̀n ke yuru esùva, hɩ kɛ hán n'ɛkɔrɛ̀-zì-ci nɔn, ɔwrɔn ndɔ lɔ, Ɔwɔ ke le fú nɛ̀n ɛnshi n'eci-hán mɛ̀n.

Ɔwɔ-mɛ̀n-yrikàn 11:11

Tɛ́n ɛnvra léyi ɛbi anhɔ̀n mán ɛcá lɔ vacì nɔn, ɛwúvàkɔrɛ̀ dɔnwrɔ̀n tɔ̀n dú Ɔwɔ yri và bru yɔ edù; yɔ tɔ́hú kɩ anwrɔn lɔ fɛn léyi kán yɔ nɔn gbɔ̀gbɔ̀ bru edù.

Ɔwɔ-mɛ̀n-yrikàn 22:1

Ɔwɔ-kùyüre-wrɔn lɔ vru yé mɛ̀n ɔkɔrɛ mancüè shi lɔ, kɛ gbrɛ́n kɛ hán obù ẅì fífí hɔ́, dú Ɔwɔ mán Ɔwɔ Kɔ̀kɔ̀sɛ̀-ẅì gbú-tòbù wú kɛ trɛ̀n,