Rɔmɛ̀n-anmàn-bɔ̀ 8:16 - Ɛmɛẅi ankà ankrànkràn 2003

¹⁶ Ɔwɔ Hɛ́n dùku kɛ dɔ́ bɔ́ ɛnhɛ́n lɔ le, bɔ̀ dú Ɔwɔ-ẅì hɔ̀n.

Rɔmɛ̀n-anmàn-bɔ̀ 8:16 Iomraidhean Croise

Matie 5:9

Ɛnbɔrɛbru dú anwrɔn hɔ̀n léyi kɛ hán anwɔwɔ kɔ̀hɔ̀n y'anwanzi, ɔmuhi ye le bi yɔ Ɔwɔ ẅì hɔ̀n nɔn!

Lükɛ̀n 20:36

Ye sɩ̀ vru wùɛ, ye dù yɔ hán Ɔwɔ-kùyüre-bɔ̀ hɔ́. Yɔ dú Ɔwɔ-ẅì hɔ̀n, ɔmuhi yɔ dú owúemɛ̀n yɔ frɔ́ nɔn.

Zhan 1:12

Ɔmu tɛ̀kɩ, anwrɔn janbɔ̀ shri bɩ́ nɛ̀n kɩ yɔ bú n'ankà yɔ tán ankaẅì; nɛ̀n tán yɔ ɛkɔrɛ̀-levri yɔ srɔ Ɔwɔ ẅì hɔ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 5:32

Bɔ̀ dú eci-woroan-ci ndɔ hɔ̀n lɔ, yɔ dalɛfuɛ-di-bɔ̀, bɔ̀ mán Ɛnhɛ́n Prɔnprɔn léyi Ɔwɔ tán anwrɔn hɔ̀n léyi kɛ wá nɛ̀n nɔn.”

Rɔmɛ̀n-anmàn-bɔ̀ 8:14

Anwrɔn lɔ fɛn léyi Ɔwɔ Hɛ́n kɛ nyrɔn nɔn dú Ɔwɔ-ẅì hɔ̀n.

Rɔmɛ̀n-anmàn-bɔ̀ 8:19

Ɔwɔ kɔrɛ̀-ci mumù lɔ fɛn kɛ vrá edù cüìcüìemɛ̀n nbì léyi Ɔwɔ kɛ lɛ hán n'ɛẅì hɔ̀n kɛ kán n'eci-zrɔ lɔ nɔn.

Rɔmɛ̀n-anmàn-bɔ̀ 8:23

Tɛ́n kè sɩ̀ dù Ɔwɔ kɔrɛ̀-ci zri kɩ: bɔ́ léyi bɔ́ gɔ̀ cɔ́ Ɛnhɛ́n Prɔnprɔn, dú ɛnvrakpà Wɔ cice-ci nɔn, bɔ́ mán bɔ́ srɔ́n nwàn ɛmɛ̀ntɛ̀ mɛ̀n bɔ́ hɛ́n, kɩ bɔ́ vrá, Ɔwɔ kɛ̀ hán bɔ̀, bɔ̀ srɔ n'ɛẅì hɔ̀n, ô kɛ̀ tán bɔ̀ ebɩdie léyi sá nmù nɔn.

Rɔmɛ̀n-anmàn-bɔ̀ 8:26

Ɔmu zri lɔ, Ɛnhɛ́n Prɔnprɔn mán kɛ wá bɔ̀ ɛkɔrɛ̀, ɔmuhi bɔ̀ dú ɛjɛ́-bɔ̀ nɔn. Annanwɔrɛ mɛ̀n lɔ, bɔ́ sɩ́ nyri sɛ́n Ɔwɔ kɛ hán ɔmu le ke ji nɔn; tɛ́n Ɛnhɛ́n Prɔnprɔn dùku kɛ sɛ́n Ɔwɔ kɛ tán bɔ̀ kɩ kɛ ẅɛn ɛnhyɔ̀bɔ̀-dì léyi ankà-dɔ̀ zriɛmɛ́n ke sɩ̀ cɔ́ ɛwú rɔ́ nɔn.

Rɔmɛ̀n-anmàn-bɔ̀ 9:26

Kɩ ɛyri léyi yɛ dɔ́ yɔ le: ‘Nyɛ́n sɩ̀ dù mɛ́n fɛcüè nɔn’, nanvrɛn lɔ ye le bi yɔ ɔkɔrɛ Wɔ lɔ, n'ɛẅì hɔ̀n.”

Rɔmɛ̀n-anmàn-bɔ̀ 9:8

Hɩ mɛ̀n kɛ dɔ̀ le: kè sɩ̀ dù ɛẅì hɔ̀n léyi ye bî anwrɔnẅìemɛ̀n nɔn de dú Ɔwɔ ẅì hɔ̀n nɔn; tɛ́n ɛẅì hɔ̀n léyi ye bî Ɔwɔ mùan-wá mɛ̀n nɔn, yɔ zri kɩ yɔ dú ɛmɛẅi-bɔ̀ annànwɔrɛ nɔn.

2 Korɛntɛ̀n anmàn-bɔ̀ 1:12

Nyàn eci le kruhú léyi ke ji le bɔ̀ gbú ɔmùan nɔn: hán ɔmu le bɔ́ wàwúyɛ lɔ ke yé nɔn, bɔ́ nyrɔn bɔ́ edomɛ̀n ɛnhibù wú, annannan le ny'ɛtɛ̀sɛ̀n, sɔ̀hɔ̀ mɛ̀n mán annanwɔrɛ léyi dú Ɔwɔ yri kɛ và nɔn mɛ̀n, kɩ bɔ́ dú ɛnyrɔn mɛ̀n Ɔwɔ boafɔ̀n mɛ̀n, kɩ kè sɩ̀ dù ɔwrɔnẅì ankà-nyriemɛ̀n.

2 Korɛntɛ̀n anmàn-bɔ̀ 1:22

nɛ̀n tán bɔ̀ n'ebɩ kɩ nɛ̀n wá bɔ́ ɛnbɔrɛ hɔ̀n lɔ mɛ̀n Ɛnhɛ́n Prɔnprɔn kè dù kɛ̀ hán anhoba-ci, anvrɛn hɔ̀n léyi nɛ̀n wá nɛ̀n hɛ́n bɔ̀ hán nɔn hɩ kruhú.

2 Korɛntɛ̀n anmàn-bɔ̀ 5:5

Ɔwɔ dùku de wá ndɔ lɔ tán bɔ̀ nɔn, kɩ nɛ̀n tán bɔ̀ n'Ɛnhɛ́n kè dú anhoba ci kɛ̀ vrá anvrɛn hɔ̀n léyi nɛ wá nɛ̀n hɛ́n bɔ̀a nɔn.

2 Korɛntɛ̀n anmàn-bɔ̀ 6:18

Me le dú nyɛ́n Zi tɔ̀n kɩ nye le dú m'ɛẅì hɔ̀n wúcɔ̀ mán wúyɔ̀, ɔmu lɔ de Ɛẅɛnwrɔn, ɛkɔrɛ̀-srɔn-wrɔn kɛ dɔ̀ nɔn.”

Galasi anmàn-bɔ̀ 3:26

Ɔmuhi nyɛ lɛ fɛn nyɛ́n dú Ɔwɔ ẅì hɔ̀n ankaẅì-bùtan léyi bɔsɔ́ nyɛ́n mán Zhezü Krisì mɛhi nɔn.

Galasi anmàn-bɔ̀ 4:6

Ɔwɔ hán n'Ɛnẅì Hɛ́n vá bɔ́ ɛnbɔrɛ hɔ̀n lɔ mɛ̀n, ô kè yé tán le nyɛ́n dú n'ɛẅì hɔ̀n annanwɔrɛ: Ɛnhɛ́n léyi ke di bobo le: “Abba, ô mɛ́n Dade!”

Efɛzɛ̀n anmàn-bɔ̀ 1:13

Nyɛ́n mán ɛnvra léyi nyɛ́n yá annanwɔrɛ Mɛẅi ankà Ankrankran léyi vá sɩ́ nyɛ̀n ɛnkrukɔrɛ̀ nɔn, nyɛ́n bú Krisì ankà nyɛ́n tán ankaẅì; zɛtɛn, Ɔwɔ wá nyɛ̀n n'eci-woroan-ci ɛwú, ɛnvra léyi nɛ̀n tán nyɛ̀n Ɛnhɛ́n Prɔnprɔn léyi nɛ̀n wá ɔmùan nɔn.

Efɛzɛ̀n anmàn-bɔ̀ 4:30

Nyɛ́n bɩ́ hán Ɛnhɛ́n Prɔnprɔn léyi Ɔwɔ tán nyɛ̀n nɔn ɛnhyɔ̀bɔ̀ kɛ cɔ̀a; nɛ̀n dú dalɛfùɛ-di-wrɔn léyi ke yé le ɛnbì kɛ lɛ và, Ɔwɔ kɛ lɛ mrɛ́n nyɛ̀n ɛgbàn mɛ̀n kokroho kɛ̀ sɔhɔ́.

1 Zhan 3:1

Nyɛ́n nyan ɔmu le Ɔwɔ Zi cüɛn bɔ̀ nɔn! N'ɛcüɛ̀n hán tán kɩ ye bí bɔ̀ Ɔwɔ ẅì hɔ̀n kɩ annanwɔrɛ mɛ̀n lɔ, bò dú n'ɛẅì hɔ̀n. Nyàn eci le kruhú léyi ɛnhibù kè sɩ̀ nyri bɔ̀ nɔn: ɛnhibù kè sɩ̀ nyrì Ɔwɔ.

1 Zhan 3:10

Nyàn eci léyi kɛ hán ye nyri Ɔwɔ ẅì hɔ̀n mán anwawrɔn ẅì hɔ̀n nɔn: ɔwrɔn totɔtɔ̀n léyi ke sɩ́ hán eci léyi nyrɔn nɔn, hɩ ke sɩ́ cüɛn nɛ́n muan-ẅì nɔn, nɛ̀n sɩ̀ dù Ɔwɔ ẅì.

1 Zhan 3:2

M'annyran anvrɛn hɔ̀n, zɛtɛ̀ lɔ bò dú Ɔwɔ ẅì hɔ̀n, tɛ́n eci léyi bɔ́ lɛ srɔ nɔn, kɛ vá yé tán bɔ̀ bò nyri kpete mɛ̀n. Tɛ́n, bò nyri ankà ndɔ lɔ: ɛnvra léyi Krisì kɛ lɛ srɔ nɔn, bɔ́ le dù kɛ lɛ cá nɛ̀n. Ɔmuhi bɔ́ lɛ kán ɔmu le nɛ̀n hán nɛ́n dù nɔn.

1 Zhan 4:13

Nyàn ɔmu le bɔ́ hán bɔ́ nyrì le, bɔ́ dú Ɔwɔ mɛ̀n kɩ nɛ́n mán nɛ̀n dú bɔ̀ ɛmɛ̀n nɔn: nɛ̀n tán bɔ̀ n'ɛnhɛ́n.

1 Zhan 5:10

Ɔmu lɔ de ɔwrɔn léyi ke bú Ɔwɔ ẅì ankà kɛ tán ankaẅì nɔn, ẅɛn dalɛfuɛ-dì ndɔ lɔ dú nɛ̀n ɛmɛ̀n; tɛ́n ɔwrɔn léyi ke sɩ́ bú Ɔwɔ ankà kɛ tán ankaẅì nɔn, nɛ srɔ Ɔwɔ ɛyɔ̀n-wrɔn tɔ̀n, ɔmuhi dalɛfuɛ léyi Ɔwɔ di n'Ɛnẅì wú nɔn, nɛ̀n sɩ̀ bù tán ankaẅì.

Ɔwɔ-mɛ̀n-yrikàn 21:7

Ɔwrɔn totɔtɔ̀n léyi kɛ lɛ kɔ̀nkà nɔn, nɛ lɛ cɔ́ m'antamɛ̀n ecice ndɔ lɔ; me le dú n'Ɔwɔ, kɩ ne le dú m'ɛnẅì.