Rɔmɛ̀n-anmàn-bɔ̀ 8:11 - Ɛmɛẅi ankà ankrànkràn 2003

¹¹ Ke dú kɛ Ɔwrɔn léyi bɩ́ Zhezü owú-bɔ̀ mɛ̀n sɩ́ ɔkɔrɛ-bɔ̀ mɛ̀n nɔn, n'Ɛnhɛ́n lɔ dú nyɛ̀n ɛmɛ̀n hô, zɛtɛn Ɔwɔ léyi bɩ́ Krisì owú-bɔ̀ mɛ̀n sɩ́ ɔkɔrɛ-bɔ̀ mɛ̀n nɔn, kɛ lɛ tán ny'owú-dùwrú hɔ̀n lɔ ɛwúvà-kɔrɛ̀ n'Ɛnhɛ́n léyi dú nyɛ̀n ɛmɛ̀n nɔn n'ebɩmɛ̀n.

Rɔmɛ̀n-anmàn-bɔ̀ 8:11 Iomraidhean Croise

Zhan 14:17

Ɛnhibù ke sɩ̀ bɩ́ nɛ̀n rɔ́, ɔmuhi nɛ́n sɩ̀ kán yi, kɩ nɛ́n sɩ̀ nyri yi rɔ́ nɔn. Tɛ́n nyɛ́n, nyɛ́n nyri nɛ̀n, ɔmuhi nɛ́n mɛhi nyɛ́n dù, kɩ nɛ̀n dú nyɛ̀n ɛmɛ̀n nɔn.

Zhan 5:21

Ɔmuhi, ɔmu zri léyi Ɛnẅì-nɛ́n-zi kɛ hán owú-bɔ̀ kɛ vá ɔkɔrɛ-bɔ̀ mɛ̀n nɔn, hɩ zri lɔ Ɛnẅì mán kɛ tán ɔkɔrɛ̀ anwrɔn hɔ̀n léyi ne ji nɛ̀n tán nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:24

Tɛ́n Ɔwɔ frɔ́ nɛ̀n, mrɛ́n nɛ̀n sɔhɔ́ owù gbànkan mɛ̀n, ɔmuhi ke sɩ̀ wá tán le owù kɛ̀ ẅɛn nɛ̀n kɛ̀ hɛ́n n'ɛkɔrɛ̀srɔn lɔ mɛ̀n nɔn.

Rɔmɛ̀n-anmàn-bɔ̀ 16:10

M'ebinyan kè dú Apelɛsɛ̀n tɛn, nɛ́n léyi nɛ̀n yé n'ankaẅì-bùtan lɔ Krisì mɛ̀n nɔn. M'ebinyan kè dú anwrɔn hɔ̀n léyi dú Aristobülɛ̀n bɩ́ lɔ mɛ̀n nɔn tɛ́n.

Rɔmɛ̀n-anmàn-bɔ̀ 16:3

Nyɛ́n tán Prisilɛ̀n mán Akilasɛ̀n m'ebinyan, yɔ léyi yɔ dú m'annyran anvrɛn hɔ̀n Zhezü Krisì ci-bɩtan-kɔ̀hɔ̀n lɔ mɛ̀n nɔn.

Rɔmɛ̀n-anmàn-bɔ̀ 16:7

M'ebinyan kè dú Androniküsɛ̀n mán Zhüniasɛ̀n tɛn, yɔ léyi yɔ dú m'ɛmɛ̀n-bɔ̀, hɩ yɔ mɛhi yɛ wá bɔ̀ anwɔn-mɛ̀n-wá-wɔn mɛ̀n nɔn. Yɔ ẅɛn ɛcüɛ̀n bobrebe ɔkɔ̀hɔ̀n-wá-bɔ̀ wanzi kɩ yɔ vru yɔ dú krisì-sɛ̀nkɛn-bɔ̀ yakɛ mɛ̀n trɔ ɛmɛẅi.

Rɔmɛ̀n-anmàn-bɔ̀ 16:9

Nyɛ́n bi Urbɛ́n nyɛ́n nyan, nɛ́n léyi nɛ̀n dú bɔ́ nyran anvrɛn Krisì ci-bɩ̀tan-kɔ̀hɔ́n mɛ̀n, kɩ ebinyan zri lɔ kè dú m'annyran anvrɛn Stashisɛ̀n tɛn.

Rɔmɛ̀n-anmàn-bɔ̀ 6:12

Ke sɩ́ ji le ɛgbàn kè vru ke dú ny'owù dùwrú lɔ ɛwú, ô kɛ̀ hán nyɛ̀n nyɛ́n hán edùwrú ndɔ lɔ ci léyi ke ji nɔn.

Rɔmɛ̀n-anmàn-bɔ̀ 8:1

Zɛtɛn zɛtɛ̀ lɔ, nwùbɔ̀ ke sɩ̀ vru dù kɛ̀ tán anwrɔn hɔ̀n léyi dú Zhezü Krisì bɔ̀sɔ̀ lɔ mɛ̀n nɔn.

Rɔmɛ̀n-anmàn-bɔ̀ 8:12

Ɔmu lɔ de, anwrɔn-nɛ́n-muan-ẅì hɔ̀n, bɔ̀ ẅɛn eci-hán ndù, tɛ́n eci-hán ndɔ lɔ ke sɩ́ crɛnyan bɔ́ ɛwúvà ci léyi ke ji nɔn.

Rɔmɛ̀n-anmàn-bɔ̀ 8:2

Ɔmuhi Ɛnhɛ́n Prɔnprɔn nyànmàn léyi kɛ tán ɛwúvà-kɔrɛ̀ Zhezü Krisì bɩmɛ̀n nɔn, bɩ́ mɛ́n sɔhɔ́ ɛgbàn nyànmàn mán owù tamɛ̀n.

Rɔmɛ̀n-anmàn-bɔ̀ 8:9

Tɛ́n nyɛ́n, nyɛ́n sɩ́ hán nyɛ́n dùku ny'ɛwúvà ci; ny'ɛwúvà lɔ dú Ɛnhɛ́n Prɔnprɔn mɛ̀n, ɔmuhi Ɔwɔ Hɛ́n Prɔnprɔn dú nyɛ̀n ɛmɛ̀n nɔn. Ɔwrɔn léyi kè sɩ̀ ẅɛ̀n Krisì Hɛ́n lɔ nɔn, nɛ̀n sɩ̀ dù Krisì tɛn.

1 Korɛntɛ̀n anmàn-bɔ̀ 15:16

Ɔmuhi ke dú kɛ owú-bɔ̀ ke sɩ́ frɔ́a hô, Krisì mán kɛ̀ sɩ̀ dù owúemɛ̀n kɛ̀ frɔ́a.

1 Korɛntɛ̀n anmàn-bɔ̀ 6:14

Ɔwɔ sɩ́ Ɛẅɛnwrɔn ɔkɔrɛ-bɔ̀ mɛ̀n kɩ ne le sɩ́ bɔ̀ ɔkɔrɛ-bɔ̀ mɛ̀n n'ɛkɔrɛ̀-srɔn lɔ mɛ̀n.

2 Korɛntɛ̀n anmàn-bɔ̀ 4:11

Bɔ́ dú ɛwúvà-kɔrɛ̀ mɛ̀n, kɩ bɔ́ dú ɛnvra lɔ fɛn owù tɛ̀sɛ̀n Zhezü kruhú, ô n'ɛwúvà mán kè dú b'owú dùwrú lɔ mɛ̀n.

2 Korɛntɛ̀n anmàn-bɔ̀ 4:14

Annanwɔrɛ mɛ̀n lɔ, bɔ̀ nyri ɔmu le Ɔwɔ léyi bɩ́ Ɛẅɛnwrɔn Zhezü owú-bɔ̀ mɛ̀n sɩ́ ɔkɔrɛ-bɔ̀ mɛ̀n nɔn, ke le sɩ́ bɔ́ mán Zhezü mɛhi ɔkɔrɛ-bɔ̀ mɛ̀n kɩ nɛ lɛ hán bɔ̀ bɔ́ lɛ srɔ bɔ́ mán nyɛ́n mɛhi n'ezìwú.

2 Korɛntɛ̀n anmàn-bɔ̀ 5:4

Hɛ̀ɛ̀, ɛnvra lɔ fɛn léyi bɔ́ le dú ɛnu ɛnhi casa-wɔn lɔ mɛ̀n nɔn, bɔ́ le dú nwàn-srɔ́n mɛ̀n kɛ lɛ hán ɛnlowrú-wɔrɔ-bɔ̀ hɔ́. Kè sɩ̀ dù hɩ le bɔ́ ji bɔ̀ mrɛ́n bɔ́ ɛnu ɛnhi antà-dùwrú lɔ bɔ̀ sɔhɔ́, tɛ́n bɔ́ ji bɔ̀ ẅɛn anhobɩ́ dùwrú lɔ edòmɛ̀n, ô eci léyi dú owú ci nɔn, kè ci ɛwúvà mɛ̀n.

Galasi anmàn-bɔ̀ 6:8

Ke dú kɛ nɛ tɛ́ eci léyi nɛ́n dùku n'antà dùwrú kɛ cüɛ̀n nɔn hô, antɛ̀-ẅì léyi nɛ lɛ küɛ nɔn dú owù; tɛ́n ke dú kɛ nɛ tɛ́ eci léyi Ɛnhɛ́n Prɔnprɔn kɛ cüɛ̀n nɔn hô, antɛ̀-ẅì léyi nɛ lɛ küɛ nɔn dú ɛwúvà léyi ke sɩ́ trɔa nɔn.

Efɛzɛ̀n anmàn-bɔ̀ 2:5

kɩ ɛnvra léyi bɔ̀ wú ɛnhɛ́n mɛ̀n, bɔ̀ ɛgbàn hɔ̀n lɔ kruhú nɔn, nɛ̀n hán bɔ̀, bɔ́ dú ɔkɔrɛ mɛ̀n bɔ́ mán Krisì mɛhi. Ɔwɔ boafɔ̀n mɛ̀n de nyɛ́n cɔ́ ebɩ̀die nɔn.

Filipɛ̀n anmàn-bɔ̀ 3:21

Nɛ lɛ crɛ bɔ́ ɛmian mán b'ɔwú-dùwrú lɔ ke le dù kɛ lɛ cá n'eci-zrɔ dùwrú lɔ, ɛkɔrɛ̀-srɔn léyi kɛ tán nɛ̀n eci lɔ fɛn ẅɛ̀n kɔrɛ̀levri nɔn mɛ̀n.

Ebre-bɔ̀ 13:20

Ɔwɔ leyi dú anwɔwɔ shi-bɛ, bɩ́ bɔ́ Ɛẅɛnwrɔn Zhezü owú-bɔ̀ mɛ̀n sɩ́ ɔkɔrɛ-bɔ̀ mɛ̀n, Zhezü srɔ kɔ̀kɔ̀sɛ̀ kua-wrɔn, n'ɛnkrɛ̀ cice nboafɔn mɛ̀n, ɛnkrɛ̀ cice léyi kɛ tán Ɔwɔ mìrɛ̀n léyi ke sɩ́ trɔa nɔn ecüi ɛnvra lɔ fɛn nɔn.

1 Piɛrɛ̀n 1:21

N'ɛmɛ̀n de nye bú Ɔwɔ ankà nyɛ tán ankàẅì, nɛ́n léyi nɛ̀n bɩ́ n'ɛnẅì nɛ̀n sɔhɔ́ owú-bɔ̀ mɛ̀n kɩ nɛ̀n tán yi eci-zrɔ; ɔmu lɔ de nyɛ́n bɩ́ ny'ankaẅìbùtan mán ny'esɛ́ nyɛ́n wá Ɔwɔ mɛ̀n nɔn.

1 Piɛrɛ̀n 3:18

Annanwɔrɛ mɛ̀n lɔ Krisì dùku mán kán ɛgbàn ɛdɛ̀n zri brɛzri anwrɔnẅì gbàn kruhú; nɛ̀n sɩ̀ hán eci zriɛmɛ́n, kɩ nɛ̀n wú ɛgbàn-hán-bɔ̀ kruhú, ô nɛ̀n bɩ́ nyɛ̀n nɛ̀n hɔ́n sɩ́ Ɔwɔ. Ye di nɛ̀n owúemɛ̀n n'edùwrú ẅia mɛ̀n, tɛ́n ye sɩ́ nɛ̀n ɛwúvà-kɔrɛ mɛ̀n Ɛnhɛ́n Prɔnprɔn cüiemɛ̀n.

Ɔwɔ-mɛ̀n-yrikàn 1:18

Mɛ̀n dú ɔkɔrɛ-wrɔn. Mɛ́n wù, tɛ́n zɛtɛ̀ lɔ mɛ̀n dú ɔkɔrɛ-wrɔn ɛnvra lɔ fɛn. Mɛ̀n ẅɛn ɛkɔrɛ̀srɔn owù mán owú-bɔ̀ hi wú.

Ɔwɔ-mɛ̀n-yrikàn 11:11

Tɛ́n ɛnvra léyi ɛbi anhɔ̀n mán ɛcá lɔ vacì nɔn, ɛwúvàkɔrɛ̀ dɔnwrɔ̀n tɔ̀n dú Ɔwɔ yri và bru yɔ edù; yɔ tɔ́hú kɩ anwrɔn lɔ fɛn léyi kán yɔ nɔn gbɔ̀gbɔ̀ bru edù.