Rɔmɛ̀n-anmàn-bɔ̀ 8:10 - Ɛmɛẅi ankà ankrànkràn 2003

¹⁰ Ke dú kɛ Krisì dú nyɛ̀n ɛmɛ̀n, ny'edùwrú tɛn kɛ lɛ hɔ́n owúemɛ̀n ɛgbàn kruhú, tɛ́n, ɛnhɛ́n dú ɛwúvà-kɔrɛ̀ ny'ɛmɛ̀n, ɔmuhi yɛ srɔ nyɛ̀n ɛnyrɔnnan-bɔ̀ Ɔwɔ zìwú nɔn.

Rɔmɛ̀n-anmàn-bɔ̀ 8:10 Iomraidhean Croise

Zhan 14:23

Zhezü mrɛ́n nɛ̀n ɔmùan le: “Ɔwrɔn léyi kɛ cüɛn mɛ̀n nɔn, nɛ lɛ wá m'ɔmùan ankà-dɔ̀. Dade kɛ lɛ cüɛn nɛ̀n, kɩ Dade mán mɛ̀n, bɔ́ lɛ vá n'eyri, kɩ bɔ́ le sɔ́n ebɩ́ n'ebɩ́ lɔ mɛ̀n.

Zhan 15:5

Mɛ̀n dú ɛtɛ̀, nyɛ́n dú antɛ̀da. Ɔwrɔn léyi kɛ cɔ́ mɛ̀n mɛhi bɔ́ bɔ́sɔ̀, hɩ mɛ̀n mán mɛ̀n dú nɛ̀n ɛmɛ̀n ɔbɔ̀sɔ mɛ̀n nɔn, ne shi ɛẅì bobrebe, ɔmuhi nyɛ́n sɩ̀ hán eci zriɛmɛ́n rɔ́ ke dú kɛ mɛ̀n sɩ̀ dù nyɛ̀n ɛmɛ̀n.

Zhan 17:23

Mɛ̀n dú yɔ ɛmɛ̀n kɩ è dú mɛ̀n ɛmɛ̀n; ɔmu lɔ, ô yɔ srɔ eci-zri anvrɛnvrɛn mɛ̀n, ô ɛnhibù ke nyri ɔmu le vɛ́n de ɛ̀ wá mɛ̀n ɔkɔhɔ̀n nɔn, kɩ ɛ cƐɛn yɔ kɛ̀ hán ɔmu le ɛ̀ cüɛn mɛ̀n nɔn hɔ́.

Zhan 4:14

tɛ́n ɔwrɔn léyi ke le mi ɛnshi léyi mɛ lɛ tán nɛ̀n nɔn, ɛnshi mùanwù ke sɩ̀ vru ẅɛn nɛ̀n mrìmrì. Ɔmuhi, ɛnshi léyi mɛ lɛ tán nɛ̀n nɔn, kɛ lɛ srɔ ɛnshi-bɛ léyi ɛwúvà léyi ke sɩ̀ trɔa nɔn ke le dú nɛ̀n ɛmɛ̀n kɛ̀ gbɛ́ nɔn.”

Zhan 6:54

Ɔwrɔn léyi kɛ rá m'anẅia hɩ ke mi m'ɛnkrɛ̀ nɔn, nɛ cɔ́ ɛwúvà-kɔrɛ̀ léyi ke sɩ̀ trɔa nɔn, kɩ me le bɩ́ nɛ̀n owú-bɔ̀ mɛ̀n mɛ̀n sɔhɔ́, ô mɛ̀n sɩ́ nɛ̀n ɔkɔrɛ-bɔ̀ mɛ̀n ɛmɛẅi trɔ bì lɔ.

Zhan 6:56

Ɔwrɔn léyi kɛ rá m'anẅia, hɩ ke mi m'ɛnkrɛ̀ nɔn, n'ɛwúvà dú mɛ̀n ɛmɛ̀n, kɩ mɛ̀n dú nɛ̀n ɛmɛ̀n.

Rɔmɛ̀n-anmàn-bɔ̀ 5:12

Ɛgbàn vá ɛnhibù wú ɔwrɔn zri kruhú, Adamɛ̀n, kɩ ɛgbàn sɩ́ owù. Kɩ ɔmu lɔ de, owù cɔ́ anwrɔnẅì lɔ fɛn, ɔmuhi yɔ lɔ fɛn yɔ hán ɛgbàn nɔn.

Rɔmɛ̀n-anmàn-bɔ̀ 5:21

Zɛtɛn ɔmu zri léyi ɛgbàn ke yé n'owù kɔrɛ̀-srɔ̀n lɔ nɔn, ɔmu zri lɔ de Ɔwɔ-boafɔ̀n ke yé n'ɛnkrukɔrɛ̀ kɔrɛ̀srɔn lɔ, ô nɛ̀n nyrɔn bɔ̀ nɛ̀n sɩ́ ɛwúvà léyi ke sɩ́ trɔa nɔn mɛ̀n, Zhezü Krisì, bɔ́ Ɛẅɛnwrɔn bɩ́mɛ̀n.

Rɔmɛ̀n-anmàn-bɔ̀ 8:11

Ke dú kɛ Ɔwrɔn léyi bɩ́ Zhezü owú-bɔ̀ mɛ̀n sɩ́ ɔkɔrɛ-bɔ̀ mɛ̀n nɔn, n'Ɛnhɛ́n lɔ dú nyɛ̀n ɛmɛ̀n hô, zɛtɛn Ɔwɔ léyi bɩ́ Krisì owú-bɔ̀ mɛ̀n sɩ́ ɔkɔrɛ-bɔ̀ mɛ̀n nɔn, kɛ lɛ tán ny'owú-dùwrú hɔ̀n lɔ ɛwúvà-kɔrɛ̀ n'Ɛnhɛ́n léyi dú nyɛ̀n ɛmɛ̀n nɔn n'ebɩmɛ̀n.

1 Korɛntɛ̀n anmàn-bɔ̀ 15:45

Annanwɔrɛ mɛ̀n lɔ, Owrú Prɔnprɔn kɛ dɔ̀ le: “Kpàkpà-wrɔn, Adamɛ̀n srɔ ɔwrɔnẅì kɔrɛkɔrɛ”; tɛ́n ɛmɛẅitrɔ Adamɛ̀n dú Ɛnhɛ́n léyi kɛ tán ɛwúvà nɔn.

2 Korɛntɛ̀n anmàn-bɔ̀ 13:5

Nyɛ́n wɔɛn ny'edomɛ̀n nyɛ́n nyan, nyɛ́n nyan nyɛ́n dùku ɔmu le nyɛ́n hán nyɛ́n dù nɔn, ke dú kɛ nyɛ́n ẅɛn ankaẅì-bùtan. Nye nyri ɔmu le Zhezü Krisì dú nyɛ̀n ɛmɛ̀n, kè sɩ̀ dù hɩɛ? Ke dú kɛ ny'edomɛ̀n crɛ́n mɛ̀n lɔ, nyɛ́n le dú ɛzɛ́n mɛ̀n.

2 Korɛntɛ̀n anmàn-bɔ̀ 4:11

Bɔ́ dú ɛwúvà-kɔrɛ̀ mɛ̀n, kɩ bɔ́ dú ɛnvra lɔ fɛn owù tɛ̀sɛ̀n Zhezü kruhú, ô n'ɛwúvà mán kè dú b'owú dùwrú lɔ mɛ̀n.

2 Korɛntɛ̀n anmàn-bɔ̀ 5:21

Krisì dú prɔnprɔn mɛ̀n, tɛ́n Ɔwɔ bɩ́ bɔ́ ɛgbàn hɔ̀n lɔ worɔ nɛ̀n, ô n'ɛmɛ̀n lɔ, bɔ̀ cɔ́ ɛwúvà-kɔrɛ̀ léyi Ɔwɔ tán n'ɔkɔ̀hɔ̀n lɔ mɛ̀n nɔn.

Galasi anmàn-bɔ̀ 2:20

hán tán kɩ kè sɩ̀ vru dù mɛ̀n de mɛ̀n dù ɛwúvà mɛ̀n, tɛ́n Krisì de dú mɛ̀n ɛmɛ̀n nɔn. Ɔmuhi m'ɔwrɔnẅì wúvà léyi mɛ̀n dú ɛmɛ̀n zɛtɛ̀ lɔ nɔn, mɛ̀n dú nɛ̀n ɛmɛ̀n, Ɔwɔ Ẅì léyi cüɛn mɛ̀n kɩ tán mɛ̀n n'ɛwúvà nɔn, n'ankaẅì-bùtan-ẅɛn mɛ̀n.

Efɛzɛ̀n anmàn-bɔ̀ 3:17

ô Krisì kɛ̀ sɔ́n ebɩ́ ny'ɛnbɔrɛ hɔ̀n lɔ mɛ̀n ankaẅì-bùtan-ẅɛn mɛ̀n. Me ji le annyràn kɛ̀ ẅɛn nyɛ̀n ɛnhi, ô nyɛ́n dú ɛcüɛ̀n dùsɔ mɛ̀n,

Filipɛ̀n anmàn-bɔ̀ 1:23

Mɛ̀n mán ankà-tro anhyrɛ̀ mɛhi bɔ́ wrɔ́n ecüì: mɛ cüɛn ɔmu le mɛ̀n teze ɛwúvà ndɔ lɔ, ô mɛ̀n mán Krisì mɛhi bɔ̀ dù, hɩ de ke le zeze kɛ̀ zrɔ nɔn;

Filipɛ̀n anmàn-bɔ̀ 3:9

ô nɛ́n mɛhi bɔ́ dú ɔbɔ̀sɔ mɛ̀n kokroho. Mɛ́n sɩ́ vru ẅɛn ankà-tro le mɛ̀n dú ɛnyrɔnnan-wrɔn m'ɛnyànmàn ci-hán mɛ̀n. Krisì ankaẅì-bùtan-ẅɛn mɛ̀n de mɛ̀n dú ɛnyrɔnnan-wrɔn, ɛkɔrɛ̀levri ci-hán ndɔ lɛ́yi, Ɔwɔ hán kè dú ankàẅì-bùtan-ẅɛ̀n ci-tán nɔn.

Kɔlɔsèn anmàn-bɔ̀ 1:27

Ɔmuhi, Ɔwɔ ke ji kɛ̀ hán tán yɔ, ye nyri ankɔ́nda-ci-hán ankà-bán-ankà ndɔ léyi ẅɛn vɔ̀nshɛ́, hɩ sevri, dú eci léyi yɛ hán, ô kè dú fɛcüè hɔ̀n lɔ fɛn ɛnkrukɔrɛ̀ nɔn. Kɩ nyàn ankà-bán-ankà ndɔ lɔ: Krisì dú nyɛ̀n ɛmɛ̀n kɩ nɛ tán nyɛ̀n esɛ́ le, nye le dú Ɔwɔ ci-zrɔ lɔ mɛ̀n.

1 Tesalonikɛ̀n anmàn-bɔ̀ 4:16

Yɛ lɛ yá ɛnyànmàn-tán bobo tɔ̀n, Ɔwɔ-kùyüre-wrɔn cüìcüì sùva mán Ɔwɔ brɛ̀n kù-dì, kɩ Ɛẅɛnwrɔn dùku ke le dú anhobɩ́ kɛ lɛ kàkɛ. Anwrɔn hɔ̀n léyi wú Krisì ankàẅì-bùtan lɔ mɛ̀n nɔn, yɔ le dú kpàkpà-bɔ̀ yɔ vá ɔkɔrɛ-bɔ̀ mɛ̀n;

Ebre-bɔ̀ 12:23

Nyɛ́n sɔ̀nba fɛcüè tɔ̀n léyi dú ɔkoran mɛ̀n, fɛcüè léyi dú Ɔwɔ kpàkpà ẅì hɔ̀n tɛ́n, yɔ léyi ye merɛ́n y'ebɩ dú anhobɩ́ nɔn. Nyɛ́n sɔ̀nbà Ɔwɔ ɛtɛ̀sɛ̀n, anwrɔnẅi lɔ fɛn mrɛ̀nci-wrɔn, mán anhɛ́n hɔ̀n léyi dú ɛnyrɔnnan mɛ̀n, hɩ cɔ́ ɛzrɔ krutrɔ nɔn.

Ebre-bɔ̀ 9:27

Ɔwrɔn totɔtɔ̀n dú eci léyi ke le wú ɛdɛ̀n zri kɩ Ɔwɔ ke le ci nɛ̀n ɛmrɛ̀n.

Ɔwɔ-mɛ̀n-yrikàn 14:13

Zɛtɛn mɛ̀n yá anhobɩ́ sùva tɔ̀n kɛ dɔ́ mɛ̀n le: “È merɛ́n ankà ndɔ lɔ: ‘Ɛnbɔrɛbru dú anwrɔn hɔ̀n léyi zɛtɛ̀ lɔ ke wú Ɛẅɛnwrɔn ci-bɩ̀tan kɔ̀hɔ́n mɛ̀n nɔn!’ – ‘Hɛ̀ɛ̀, yɔ dú ɛnbɔrɛbruemɛ̀n, ɔmu lɔ de Ɛnhɛ́n kɛ dɔ̀ nɔn. Yɔ lɛ cɔ́ y'ɔkɔ̀hɔ̀n-shishi-hán wrɔncüe, ɔmuhi anvrɛn léyi yɔ hán nɔn, kɛ kɛ́n yɔ ɛsɛ̀n!’ ”