Rɔmɛ̀n-anmàn-bɔ̀ 8:1 - Ɛmɛẅi ankà ankrànkràn 2003

¹ Zɛtɛn zɛtɛ̀ lɔ, nwùbɔ̀ ke sɩ̀ vru dù kɛ̀ tán anwrɔn hɔ̀n léyi dú Zhezü Krisì bɔ̀sɔ̀ lɔ mɛ̀n nɔn.

Rɔmɛ̀n-anmàn-bɔ̀ 8:1 Iomraidhean Croise

Zhan 14:20

Ɛnvra léyi ɛnbì ndɔ lɔ kɛ lɛ cɔ̀ nɔn, nye le nyri ɔmu le mɛ̀n dú Dade mɛ̀n, kɩ nyɛ́n dú mɛ̀n ɛmɛ̀n, kɩ mɛ̀n dú nyɛ̀n ɛmɛ̀n.”

Zhan 15:4

Nyɛ́n cɔ́ mɛ̀n mɛhi bɔ̀ bɔ́sɔ̀, hán ɔmu le mɛ́n bɔ́sɔ̀ mɛ̀n dú nyɛ̀n ɛmɛ̀n nɔn. Ɛtɛ̀da zri ke sɩ̀ shi ɛẅì rɔ́, ke dú kɛ nɛ̀n sɩ̀ dù ɛtɛ̀ domɛ̀n; ɔmu zri lɔ, ke dú kɛ nyɛ́n sɩ̀ cɔ̀ mɛ̀n mɛhi bɔ̀ bɔ̀sɔ̀a hô, nyɛ́n sɩ̀ shi ɛẅì rɔ́.

Zhan 5:24

“Annanwɔrɛ mɛ̀n mɛ dɔ́ nyɛ̀n le: Ɔwrɔn léyi ke die m'ankà-dɔ̀ nukùɛ, hɩ ke bú ɔwrɔn léyi wá mɛ̀n ɔkɔ̀hɔ̀n, n'ankà kɛ tán ankaẅì nɔn, ɛwúvà léyi ke sɩ́ trɔa nɔn dú nɛ tɛn. Ye sɩ̀ bɔ́ nɛ̀n nwù, tɛ́n ne le dú owú-bɔ̀ mɛ̀n, nɛ̀n wrɔ̀ vá ɔkɔrɛ-bɔ̀ mɛ̀n.

Rɔmɛ̀n-anmàn-bɔ̀ 16:3

Nyɛ́n tán Prisilɛ̀n mán Akilasɛ̀n m'ebinyan, yɔ léyi yɔ dú m'annyran anvrɛn hɔ̀n Zhezü Krisì ci-bɩtan-kɔ̀hɔ̀n lɔ mɛ̀n nɔn.

Rɔmɛ̀n-anmàn-bɔ̀ 16:7

M'ebinyan kè dú Androniküsɛ̀n mán Zhüniasɛ̀n tɛn, yɔ léyi yɔ dú m'ɛmɛ̀n-bɔ̀, hɩ yɔ mɛhi yɛ wá bɔ̀ anwɔn-mɛ̀n-wá-wɔn mɛ̀n nɔn. Yɔ ẅɛn ɛcüɛ̀n bobrebe ɔkɔ̀hɔ̀n-wá-bɔ̀ wanzi kɩ yɔ vru yɔ dú krisì-sɛ̀nkɛn-bɔ̀ yakɛ mɛ̀n trɔ ɛmɛẅi.

Rɔmɛ̀n-anmàn-bɔ̀ 5:1

Ɔmu lɔ de bɔ̀ srɔ ɛnyrɔnnan-bɔ̀ Ɔwɔ zìwú, b'ankaẅì-bùtan-ẅɛ̀n kruhú, kɩ zɛtɛ̀ lɔ bɔ́ dú anwɔwɔmɛ̀n bɔ́ mán Ɔwɔ mɛhi, bɔ́ Ɛẅɛnwrɔn Zhezü Krisì bɩmɛ̀n.

Rɔmɛ̀n-anmàn-bɔ̀ 5:16

Kɩ Ɔwɔ cice-ci lɔ ẅɛn ecüì tɔ̀n vrán ɔwrɔn zri gbàn; ɛmrɛ̀ncì léyi ɔwrɔn zri gbàn kɛ wá sɩ́ nɔn, nɛ́n vɔ̀nshɛ́ dú nwù-bɔ̀, tɛ́n ecice-ci kora léyi Ɔwɔ kɛ tán ngàshi-gbàn bobrebe hɔ̀n mɛẅi nɔn, nɛ́n vɔ̀nshɛ́ dú esrú-ze.

Rɔmɛ̀n-anmàn-bɔ̀ 7:17

Ke dú ɔmu lɔ hô, kè sɩ̀ dù mɛ̀n de mɛ́n hán eci ɔmu lɔ nɔn, tɛ́n ɛgbàn léyi dú mɛ̀n ɛmɛ̀n nɔn, de kɛ hán eci lɔ nɔn.

Rɔmɛ̀n-anmàn-bɔ̀ 7:20

Ke dú kɛ mɛ hán eci léyi mɛ́n sɩ́ jiɛ nɔn hô, zɛtɛn kè sɩ̀ vrù dù mɛ̀n de mɛ́n hán eci lɔ nɔn, tɛ́n ɛgbàn léyi dú mɛ̀n ɛmɛ̀n nɔn.

Rɔmɛ̀n-anmàn-bɔ̀ 8:11

Ke dú kɛ Ɔwrɔn léyi bɩ́ Zhezü owú-bɔ̀ mɛ̀n sɩ́ ɔkɔrɛ-bɔ̀ mɛ̀n nɔn, n'Ɛnhɛ́n lɔ dú nyɛ̀n ɛmɛ̀n hô, zɛtɛn Ɔwɔ léyi bɩ́ Krisì owú-bɔ̀ mɛ̀n sɩ́ ɔkɔrɛ-bɔ̀ mɛ̀n nɔn, kɛ lɛ tán ny'owú-dùwrú hɔ̀n lɔ ɛwúvà-kɔrɛ̀ n'Ɛnhɛ́n léyi dú nyɛ̀n ɛmɛ̀n nɔn n'ebɩmɛ̀n.

Rɔmɛ̀n-anmàn-bɔ̀ 8:14

Anwrɔn lɔ fɛn léyi Ɔwɔ Hɛ́n kɛ nyrɔn nɔn dú Ɔwɔ-ẅì hɔ̀n.

Rɔmɛ̀n-anmàn-bɔ̀ 8:2

Ɔmuhi Ɛnhɛ́n Prɔnprɔn nyànmàn léyi kɛ tán ɛwúvà-kɔrɛ̀ Zhezü Krisì bɩmɛ̀n nɔn, bɩ́ mɛ́n sɔhɔ́ ɛgbàn nyànmàn mán owù tamɛ̀n.

Rɔmɛ̀n-anmàn-bɔ̀ 8:34

Zɛtɛn antɔnwrɔn de kɛ lɛ bɔ́ yɔ nwù tɛ̀ nɛ́n? Ɔwrɔnẅì zriɛmɛ́n, ɔmuhi Zhezü Krisì dú ɔwrɔn léyi wù nɔn, n'ɛshishi lɔ, nɛ̀n dú owúemɛ̀n nɛ̀n frɔ́, nɛ̀n yɛ́ Ɔwɔ zì-kɔrɛ̀ kɔrɛ̀ kɩ nɛ sɛ́n tán bɔ̀.

Rɔmɛ̀n-anmàn-bɔ̀ 8:39

ɛwú-cüì-hɔ̀n lɔ mán, ɛnhi tɛn hɔ̀n lɔ mán, eci nyàntɛn léyi Ɔwɔ hán nɔn mán, eci-ẅì zriɛmɛ́n ke sɩ̀ ẅɛn bɔ̀ mrìmrì kɛ̀ sɔhɔ́ ɛcüɛ̀n léyi Ɔwɔ ẅɛn bɔ́ ɛwú, Zhezü Krisì, bɔ́ Ɛẅɛnwrɔn kruhú nɔn.

Rɔmɛ̀n-anmàn-bɔ̀ 8:4

Ɔwɔ hán eci ndɔ lɔ, ô ɛnyànmàn wú ci hɔ̀n lɔ kɛ sá nmù bɔ́ ɛmɛ̀n, bɔ́ léyi bɔ́ ɛwúvà ke sɩ́ vru crɛnyan bɔ̀, tɛ́n ke le dú Ɛnhɛ́n Prɔnprɔn mɛ̀n nɔn.

Rɔmɛ̀n-anmàn-bɔ̀ 8:9

Tɛ́n nyɛ́n, nyɛ́n sɩ́ hán nyɛ́n dùku ny'ɛwúvà ci; ny'ɛwúvà lɔ dú Ɛnhɛ́n Prɔnprɔn mɛ̀n, ɔmuhi Ɔwɔ Hɛ́n Prɔnprɔn dú nyɛ̀n ɛmɛ̀n nɔn. Ɔwrɔn léyi kè sɩ̀ ẅɛ̀n Krisì Hɛ́n lɔ nɔn, nɛ̀n sɩ̀ dù Krisì tɛn.

1 Korɛntɛ̀n anmàn-bɔ̀ 1:30

Tɛ́n Ɔwɔ bɔsɔ nyɛ́n mán Krisì mɛhi kɩ, nɛ̀n srɔ Krisì bɔ́ ankà-nyrì: Krisì de kɛ srɔ bɔ̀ ɛnyrɔnnan-bɔ̀ Ɔwɔ zìwú kɩ kɛ mrɛ́n bɔ̀ ɛgbàn mɛ̀n kɛ sɔhɔ́.

1 Korɛntɛ̀n anmàn-bɔ̀ 15:22

Anwrɔnẅì lɔ fɛn ke wù, ɔmuhi yɔ mán Adamɛ̀n mɛhi yɔ bɔsɔ̀, ɔmu zri lɔ yɔ lɛ fɛn yɔ lɛ cɔ́ ɛwúvà, ɔmuhi yɔ dú Krisì bɔ̀sɔ̀ lɔ mɛ̀n nɔn,

2 Korɛntɛ̀n anmàn-bɔ̀ 12:2

Mɛ̀n nyri Krisì-sɛ̀nkɛn-wrɔn tɔ̀n léyi ɛnnànwàn kru ɛvà-anzɔ̀, de ye sɩ́ nɛ̀n ɛwú hàn kɩ cɔ́ anhobɩ́. (Mɛ̀n sɩ̀ nyrìɛn ke dú kɛ annanwɔrɛ mɛ̀n lɔ, ye sɩ́ nɛ̀n ɛwú kale nɛ̀n cɔ́ Ɔwɔ-mɛ̀n-yri-kàn tɔ̀n, Ɔwɔ zri kɩ nyrì.)

2 Korɛntɛ̀n anmàn-bɔ̀ 5:17

Ɛnvra léyi ɔwrɔn tɔ̀n ke dú Krisì bɔ̀sɔ̀ lɔ mɛ̀n, ne dú ɔwrɔn wrù: eci gbànvri lɔ kɛ zrɛ́n, eci wrù lɔ ke dù.

Galasi anmàn-bɔ̀ 3:13

Hɩ le Krisì srɔ ɛẅìɛ̀-dá-ci bɔ́ kruhú nɔn, nɛ̀n mrɛ́n bɔ̀ ɛnyànmàn ẅìɛ̀-dá lɔ mɛ̀n nɛ̀n sɔhɔ́. Owrú Prɔnprɔn kɛ dɔ́ annanwɔrɛ mɛ̀n le: “Ɛẅìɛ̀-dà dú ɔwrɔn totɔtɔn léyi yɛ wá ɛhɛ́ ɔbɔ̀n ɛtɛ̀ domɛ̀n nɔn.”

Galasi anmàn-bɔ̀ 3:26

Ɔmuhi nyɛ lɛ fɛn nyɛ́n dú Ɔwɔ ẅì hɔ̀n ankaẅì-bùtan léyi bɔsɔ́ nyɛ́n mán Zhezü Krisì mɛhi nɔn.

Galasi anmàn-bɔ̀ 3:28

Ke dú kɛ bɔ̀ dú Zhüifɛ̀n-wrɔn, kɩ bɔ̀ sɩ̀ dù Zhüifɛ̀n-wrɔn mán, bɔ̀ dú ɔwɔ̀n-wrɔn, kɩ bɔ̀ dú ɔwrɔn kora mán, bɔ̀ dú ɛnconwrɔn, kɩ bɔ̀ dú ɛnnyɔnwrɔn mán, vɔ̀nshɛ́-ci bàda nɛ̀n ɛmɛ̀n; annanwɔrɛ mɛ̀n lɔ, nyɛ lɛ fɛn nyɛ́n dú eci zri, Krisì mɛhi ny'ɔbɔ̀sɔ̀ lɔ mɛ̀n.

Galasi anmàn-bɔ̀ 5:16

Nyàn ankà léyi mɛ́n ẅɛ̀n mɛ lɛ dɔ́ nyɛ̀n nɔn: nyɛ́n teze Ɛnhɛ́n Prɔnprɔn kɛ̀ nyrɔn ny'ɛwúvà lɔ kɩ nyɛ́n sɩ̀ vru die nyɛ́n mumù ny'ɛwúvà ankà-tro lɔ nukùɛ.

Galasi anmàn-bɔ̀ 5:25

Ɛnhɛ́n Prɔnprɔn tán bɔ̀ ɛwúvà; bɔ̀ teze nɛ̀n, nɛ̀n nyrɔn bɔ́ esùnan lɔ.

Efɛzɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi Ɔwɔ kɔrɛ̀-levriemɛ̀n, nɛ̀n dú Zhezü Krisì kɔhɔ̀n-wá-wrɔn nɔn. Anwrɔn lɔ fɛn léyi dú Efɛzɛ̀n anmàn, hɩ dú Ɔwɔ-fɛcüè-bɔ̀ mɛ̀n, hɩ ke dí ɔmùan-zri yɔ mán Zhezü Krisì mɛhi y'ɔbɔ̀sɔ̀ lɔ mɛ̀n nɔn:

Filipɛ̀n anmàn-bɔ̀ 3:9

ô nɛ́n mɛhi bɔ́ dú ɔbɔ̀sɔ mɛ̀n kokroho. Mɛ́n sɩ́ vru ẅɛn ankà-tro le mɛ̀n dú ɛnyrɔnnan-wrɔn m'ɛnyànmàn ci-hán mɛ̀n. Krisì ankaẅì-bùtan-ẅɛn mɛ̀n de mɛ̀n dú ɛnyrɔnnan-wrɔn, ɛkɔrɛ̀levri ci-hán ndɔ lɛ́yi, Ɔwɔ hán kè dú ankàẅì-bùtan-ẅɛ̀n ci-tán nɔn.