Rɔmɛ̀n-anmàn-bɔ̀ 7:9 - Ɛmɛẅi ankà ankrànkràn 2003

⁹ Ɛnbìɛhɛ́n léyi ɛnyànmàn bàdà nɔn, mɛ̀n dú ɔwrɔn kɔrɛ-kɔrɛ; tɛ́n ɛnvra léyi ɛnyànmàn nvà nɔn, ɛgbàn bru ɛwúvà mɛ̀n

Rɔmɛ̀n-anmàn-bɔ̀ 7:9 Iomraidhean Croise

Matie 19:20

Sùgban-wrɔn lɔ kɛ dɔ́ nɛ̀n le: “Mɛ̀n ẅɛn ɛnyànmàn ndɔ hɔ̀n lɔ fɛn mɛ̀n hɛ́n. Ecitan de ke ji le mɛ̀n vru mɛ̀n hán nɛ́n?”

Lükɛ̀n 15:29

Tɛ́n ɛnẅì lɔ kɛ dɔ́ nɛ́n zi le: ‘È die Nukùɛ! Ɛnnànwàn bobrebe de me bɩ́ eci tán mɛ́n, kɩ mɛ vá fɔndɔ̀n v'ɛnyanmàn zriɛmɛ́n mrìmrì. Ɔmu tɛ̀kɩ è sɩ̀ tán mɛ̀n, ɔnɔn-ẅì zriɛmɛ́n, ô mɛ̀n mán annyran hɔ̀n mɛhi bɔ̀ koran.

Lükɛ̀n 18:21

Ɔwrɔn lɔ mrɛ́n ɔmùan le: “Ɛcɛmɛ̀n hán hɛ́n mɛ̀n ẅɛn ɛnyanmàn ndɔ lɔ fɛn mɛ̀n hɛ́n.”

Rɔmɛ̀n-anmàn-bɔ̀ 10:5

Nyàn ankà léyi Mohizì merɛ́n owrúemɛ̀n hɩ kɛ tán ɛkɔrɛ̀-levri yɛ srɔ ɛyrɔnnan-wrɔn ɛnyànmàn ẅɛn mɛ̀n nɔn: “Ɔwrɔn léyi kɛ ẅɛn Ɔwɔ nyànmàn hɔ̀n lɔ kɛ hɛ́n nɔn, kɛ lɛ cɔ́ ɔkɔrɛ̀ y'ɛmɛ̀n.”

Rɔmɛ̀n-anmàn-bɔ̀ 7:10

kɩ mɛ tɛn mɛ́n wù: ɛnyànmàn léyi kɛ lɛ nyrɔn bɔ̀ ke sɩ́ ɛwúvà mɛ̀n nɔn, m'eyri lɔ, ne sɩ́ owúemɛ̀n.

Rɔmɛ̀n-anmàn-bɔ̀ 7:11

Ɔmuhi ɛgbàn ci ɛnyànmàn kɔrɛ̀-levri wú kɩ frɛ́n mɛ̀n, kɩ n'ɛmɛ̀n lɔ nɛ̀n hán mɛ̀n mɛ́n wù.

Rɔmɛ̀n-anmàn-bɔ̀ 7:4

Hɩ zri lɔ de dú tán nyɛ́n mán nɔn, anwrɔn-nɛ́n-muan-ẅì hɔ̀n. Nyɛ́n cɔhɔ́ ɛnyànmàn wú, ɛnvra léyi nyɛ́n mán Krisì dùwrú mɛhi nyɛ́n dú ɔbɔ̀sɔ̀ mɛ̀n nɔn. Ɔmu lɔ, de zɛtɛ̀ lɔ, nyɛ́n dú ɔwrɔn tɔ̀n tɛn, ɔwrɔn léyi dú owú-bɔ̀ mɛ̀n vru vá ɔkɔrɛ-bɔ̀ mɛ̀n, ô bɔ̀ hán eci léyi kɛ cüɛn Ɔwɔ ɛvɛ̀ nɔn.

Rɔmɛ̀n-anmàn-bɔ̀ 7:6

Tɛ́n zɛtɛ̀ lɔ, bɔ̀ sɩ̀ vrù dù ɛnyànmàn kɔrɛ̀-levri wúɛ, ɔmuhi bɔ̀ wú eci léyi kɛ ẅɛn bɔ̀ hɛ́n ɛgbàn tamɛ̀n nɔn, n'ɛmɛ̀n. Ɛkɔrɛ̀levri dù bɔ́ lɛ hán Ɔwɔ ci-bɩtan-kɔ̀hɔ̀n eci-hán wrù mɛ̀n, Ɛnhɛ́n Prɔnprɔn kɔrɛ̀levriemɛ̀n, kɩ kè sɩ̀ vrù dù eci-hán gbànvri ndɔ léyi ɛnyànmàn merɛ́n nɔn n'ɛkɔrɛ̀levri mɛ̀n.

Rɔmɛ̀n-anmàn-bɔ̀ 7:8

Ɛgbàn ci ɛnyànmàn kɔrɛ̀levri wú kɩ wá m'ɛnbɔrɛ lɔ mɛ̀n ɔwrɔn ci ɛvɛ̀ cüɛ̀n mɛ̀ntɛ mɛ̀ntɛ. Ɔmuhi, ke dú kɛ ɛnyànmàn bàdà hô, ɛgbàn dú owú ci.

Rɔmɛ̀n-anmàn-bɔ̀ 8:7

Anwrɔn hɔ̀n léyi y'ɛnbɔrɛmɛ̀n ci hɔ̀n lɔ ẅɛn yɔ sɔhɔ́ Ɔwɔ kɔhɔ̀n-hán mɛ̀n nɔn, yɔ dú Ɔwɔ gbri-bɔ̀; yɔ sɩ́ sɩ́ y'edomɛ̀n ɛnhi Ɔwɔ nyànmàn tɛ̀sɛ̀n, kɩ yɔ sɩ̀ hán rɔ́ mán.

Galasi anmàn-bɔ̀ 2:19

Zɛtɛn, hɩ le kɛ crɛnyan ɛnyànmàn nɔn, mɛ́n wù, owù léyi ɛnyànmàn dùku tán nɔn, ô m'ɛwúvà wrù lɔ kè dú Ɔwɔ tɛn. Mɛ̀n mán Krisì mɛhi de ye wri bɔ̀ ɛgbàn-hán-tɛ̀ wú,

Galasi anmàn-bɔ̀ 3:10

Tɛ́n, anwrɔn hɔ̀n léyi kɛ ẅɛn ɛnyànmàn-wá nɔn, yɔ cɔ́ ɛẅìɛ̀-dà tɔ̀n. Annanwɔrɛ mɛ̀n lɔ, Owrú Prɔnprɔn kɛ dɔ̀ le: “Ɔwrɔn léyi ɛnvra lɔ fɛn ke sɩ́ ẅɛn eci lɔ fɛn léyi ye merɛ́n dú ɛnyànmàn wrú lɔ mɛ̀n kɛ hɛ́n hán nɔn, ɛẅìɛ̀-dà dú nɛ tɛn.”