Rɔmɛ̀n-anmàn-bɔ̀ 7:7 - Ɛmɛẅi ankà ankrànkràn 2003

⁷ N'ɛwú lɔ ankà tán de bɔ́ lɛ dɔ̀ nɛ́n? Ɛnyànmàn dú ɛgbàn? Annànwɔrɛ mɛ̀n lɔ hɔ̂! Tɛ́n ɛnyànmàn hán mɛ̀n, mɛ̀n nyri eci léyi dú ɛgbàn nɔn. Annanwɔrɛ mɛ̀n lɔ, ke dú kɛ ɛnyànmàn kè sɩ̀ dɔ́ mɛ̀n hô, mɛ́n sɩ̀ nyri eci léyi dú “eci-ɛvɛ̀-cüɛ̀n nɔn”.

Rɔmɛ̀n-anmàn-bɔ̀ 7:7 Iomraidhean Croise

Matie 5:28

Tɛ́n mɛ̀n mɛ dɔ́ nyɛ̀n le: ɔwrɔn totɔtɔ̀n léyi kɛ nyan ɛncɔnwrɔn-hi ô kè bi nɛ̀n, nɛ̀n hán *ɛnnyɔnwrɔn-bi-gbàn n'ɛnbɔrɛ lɔ mɛ̀n.

Lükɛ̀n 12:15

Kɩ nɛ dɔ́ yɔ lɔ fɛn le: “Nyɛ́n wá esùva, nyɛ́n ẅɛn ny'edomɛ̀n nyɛ́n sɔhɔ́ ɛnnɛ̀ncüì-di-ankà wú, ɔmuhi, ɔwrɔnẅì wúvà annànwɔrɛ lɔ, ke sɩ̀ dù n'ɛci hɔ̀n léyi nɛ́n ẅɛ̀n nɔn hɩ wú, ke dú kɛ nɛ̀n di ɛnnɛ̀ncüì anvrɛnvrɛn mán.”

Lükɛ̀n 20:16

Ɛkɛ̀tɛ̀-nɛ́n-zi kɛ lɛ và, ne le wri ɔkɔhɔ̀n-hán-bɔ̀ lɔ, kɩ ne le bɩ́ ɛkɛ̀tɛ̀ lɔ nɛ̀n wá anwrɔn nyantɛn antamɛ̀n.” Ɛnvra léyi anwrɔn yá ankà ndɔ lɔ nɔn, yɔ dɔ̀ le: “Eci ndɔ lɔ ke sɩ̀ hán rɔ́!”

Ɔkɔ̀hɔ̀n-wá-bɔ̀ kɔ̀hɔ̀n hán 20:33

Ɔwrɔn ci: ɔkùa hô, ansɩ̀kɛ hô, edùku-ci hô, nzriɛmɛ́n kè sɩ̀ cüɛn mɛ̀n ɛvɛ̀.

Rɔmɛ̀n-anmàn-bɔ̀ 13:9

Annanwɔrɛ mɛ̀n lɔ, ɛnyànmàn ndɔ hɔ̀n lɔ: “E bɩ́ hán ɛncɔnwrɔn mán ɛnnyɔnwrɔn-bi-gbàn, e bɩ́ wri ɔwrɔn, e bɩ́ yerɛ ɛci, ɛnyran ci ke bɩ́ cüɛn mɛ́n ɛvɛ̀”, mán hɩ le wɔrɔ nɔn, kɛ bɔ̀sɔ́ y'edomɛ̀n ɛnyànmàn zri ndɔ lɔ mɛ̀n: “Ke ji le ɛ̀ cüɛn ɛnyran-wrɔnẅì kɛ̀ hán vɛ́n mumù hɔ́.”

Rɔmɛ̀n-anmàn-bɔ̀ 3:20

Ɔmuhi ɔwrɔn zriɛmɛ́n ke sɩ́ dú ɛnyrɔnnan-wrɔn Ɔwɔ-zìwú, ɔmuhi nɛ̀n hán ɛnyànmàn kɔrɛ̀-zì-ci nɔn; ɛnyànmàn kɛ wá ɛkɔrɛ̀, ô ye nyri ɛgbàn.

Rɔmɛ̀n-anmàn-bɔ̀ 3:5

Tɛ́n ke dú kɛ ɛgbàn léyi bɔ́ hán nɔn, n'ɛwú lɔ Ɔwɔ kɛ hán bɔ̀ ɛgbàn hô, ankà tán bɔ́ lɛ dɔ̀a? Ɔwɔ kè sɩ̀ dù ɛnyrɔnnan-wrɔn ɔmuhi nɛ hán bɔ̀ ɛgbàn nɛ́n? (Mɛ dɔ́ anwrɔnẅìemɛ̀n ankà.)

Rɔmɛ̀n-anmàn-bɔ̀ 4:1

Abrahamɛ̀n léyi dú bɔ́ nancüì nɔn, ankà tán de bɔ́ lɛ ẅɛ̀n bɔ̀ dɔ́ n'ɛwú nɛ́n? Ɔwrɔnẅì léyi dú nɛ̀n nɔn, ecitan de nɛ́n cɔ̀ nɛ́n?

Rɔmɛ̀n-anmàn-bɔ̀ 4:15

Annanwɔrɛ mɛ̀n lɔ ɛnyànmàn kɛ tán Ɔwɔ ɛmɛ̀nhyì-bɩ̀; tɛ́n ɛyri léyi ɛnyànmàn bàdà nɔn, ɛnyànmàn-fɔndɔ̀n mán bàdà nanvrɛn.

Rɔmɛ̀n-anmàn-bɔ̀ 5:20

Ɛnyànmàn nvà kɩ zɛtɛn ɛgbàn nvà cüɛn; tɛ́n ɛyri léyi ɛgbàn cüɛn nɔn, Ɔwɔ-boafɔ̀n vru sán cüɛ́n.

Rɔmɛ̀n-anmàn-bɔ̀ 6:15

Tɛ́n ecitan? Bɔ́ lɛ hán ɛgbàn, ɔmuhi bɔ̀ sɩ̀ vrù dù ɛnyànmàn kɔrɛ̀-levri wú, tɛ́n bɔ̀ dú Ɔwɔ-boafɔ̀n mɛ̀n nɛ́n? Annànwɔrɛ mɛ̀n lɔ hɔ̂!

Rɔmɛ̀n-anmàn-bɔ̀ 7:11

Ɔmuhi ɛgbàn ci ɛnyànmàn kɔrɛ̀-levri wú kɩ frɛ́n mɛ̀n, kɩ n'ɛmɛ̀n lɔ nɛ̀n hán mɛ̀n mɛ́n wù.

Rɔmɛ̀n-anmàn-bɔ̀ 7:13

Eci léyi zrɔ nɔn, zɛtɛn srɔ m'owú ciɛ? Annanwɔrɛ mɛ̀n lɔ hɔ̂! Ɛgbàn de wá ndɔ lɔ sɩ́ nɔn. Ɔmu lɔ de ɛnyànmàn yé ɛgbàn dùwrú annanwɔrɛ lɔ nɔn: nɛ̀n bɩ́ eci léyi zrɔ nɔn, nɛ̀n hán m'owù. Kɩ nyàn ɔmu le ɛgbàn sán srɔ eci gbàngbàn, ɛnyànmàn kɔrɛ̀levriemɛ̀n mrìmrì nɔn.

Rɔmɛ̀n-anmàn-bɔ̀ 7:5

Annanwɔrɛ mɛ̀n lɔ, ɛnvra léyi bɔ́ dú ɛwúvà léyi kɛ cüɛn bɔ̀ ɛvɛ̀ n'eci-gbangbàn-hán mɛ̀n nɔn, ɛnyànmàn kɛ kɛ́n bɔ́ mumù lɔ sɩ́, kɩ bɔ́ hán eci léyi ke sɩ́ owù nɔn.

Rɔmɛ̀n-anmàn-bɔ̀ 7:8

Ɛgbàn ci ɛnyànmàn kɔrɛ̀levri wú kɩ wá m'ɛnbɔrɛ lɔ mɛ̀n ɔwrɔn ci ɛvɛ̀ cüɛ̀n mɛ̀ntɛ mɛ̀ntɛ. Ɔmuhi, ke dú kɛ ɛnyànmàn bàdà hô, ɛgbàn dú owú ci.

1 Korɛntɛ̀n anmàn-bɔ̀ 15:56

Owù cɔ́ ɛkɔrɛ̀srɔn ɛgbàn tamɛ̀n kɛ̀ hán owri-kɔ̀hɔ̀n, kɩ ɛgbàn mán cɔ́ ɛkɔrɛ̀srɔn ɛnyànmàn tamɛ̀n.

Efɛzɛ̀n anmàn-bɔ̀ 5:3

Nyɛ́n dú Ɔwɔ-fɛcüè tɛn, hɩ le Kruhú de kè sɩ̀ zrɔ̀ tàn le, eci-gbangbàn-hán mɛ̀ntɛ mɛ̀ntɛ zriɛmɛ́n, ɛnbrámɛ̀n-ci mán ɔwrɔn-ci-vɛ̀-cüɛ̀n ci-hán kè dú nyɛ̀n ɛmɛ̀n nɔn.

Kɔlɔsèn anmàn-bɔ̀ 3:5

Nyɛ́n hán ɛci hɔ̀n lɔ fɛn léyi dú ɛnhibù wú ci nɔn, kè wú ny'ɛmɛ̀n: ɛwúvà gbàngbàn, ɛnbrámɛ̀n-ci, afùyà hɔ̀n, ankà-tro gbàngbàn mán kɔ̀tɛ (ɔmuhi kɔ̀tɛ dú antɛ̀-buri-sɛ̀n) nɔn.

1 Tesalonikɛ̀n anmàn-bɔ̀ 4:5

nɛ́n bɩ́ teze n'edomɛ̀n nɛ́n hɔ́n ankà-tro gbàngbàn wú, kɛ hán anwrɔn hɔ̀n léyi kè sɩ̀ nyrì Ɔwɔ nɔn.

Ebre-bɔ̀ 7:19

Annanwɔrɛ mɛ̀n lɔ Mohizì nyanmàn kè sɩ̀ sɩ̀ eci wrù zriɛmɛ́n ɛzrɔmɛ̀n. Tɛ́n yɛ tán bɔ̀ esɛ́ ankrànkràn tɔ̀n kɩ, esɛ́ ndɔ lɔ, n'ɛkruhú bɔ́ lɛ sɔ̀nba Ɔwɔ ɛtɛ̀sɛ̀n tɛ̀.