Biblia Todo Logo
Bìoball air-loidhne

- Sanasan -




Rɔmɛ̀n-anmàn-bɔ̀ 7:5 - Ɛmɛẅi ankà ankrànkràn 2003

5 Annanwɔrɛ mɛ̀n lɔ, ɛnvra léyi bɔ́ dú ɛwúvà léyi kɛ cüɛn bɔ̀ ɛvɛ̀ n'eci-gbangbàn-hán mɛ̀n nɔn, ɛnyànmàn kɛ kɛ́n bɔ́ mumù lɔ sɩ́, kɩ bɔ́ hán eci léyi ke sɩ́ owù nɔn.

Faic an caibideil Dèan lethbhreac




Rɔmɛ̀n-anmàn-bɔ̀ 7:5
28 Iomraidhean Croise  

Ɔmuhi ankà-tro gbàngbàn hɔ̀n léyi ke dú ɔwrɔnẅì ɛnbɔrɛ mɛ̀n kɛ và nɔn de kɛ wá tán le ye wri ɔwrɔn, yɛ hán ɛnnyɔnwrɔn mán ɛncɔnwrɔn-bi-gbàn, yɛ hán eci gbàngbàn, ye yerɛ ɛci, yɛ ẅɛn ɛyɔ̀n ye ku ɔwrɔn ɛwú kɩ yɛ dɔ́ anwrɔn ankà gbàngbàn ɛmɛẅi.


Eci léyi antà-dùwru ke bî nɔn, dú ɔwrɔnẅì; eci léyi Ɔwɔ Hɛ́n Prɔnprɔn ke bî nɔn, dú ɛnhɛ́n.


Hɩ le kruhú de Ɔwɔ teze yɔ anvɛvrà-ci-hán mɛ̀n. Yɔ wúyɔ̀ dùku mán kɛ crɔn y'eci-hán-ci wúcɔ̀ dɛ́ tɛ̀sɛ̀n.


Ɔmuhi ɔwrɔn zriɛmɛ́n ke sɩ́ dú ɛnyrɔnnan-wrɔn Ɔwɔ-zìwú, ɔmuhi nɛ̀n hán ɛnyànmàn kɔrɛ̀-zì-ci nɔn; ɛnyànmàn kɛ wá ɛkɔrɛ̀, ô ye nyri ɛgbàn.


Annanwɔrɛ mɛ̀n lɔ ɛnyànmàn kɛ tán Ɔwɔ ɛmɛ̀nhyì-bɩ̀; tɛ́n ɛyri léyi ɛnyànmàn bàdà nɔn, ɛnyànmàn-fɔndɔ̀n mán bàdà nanvrɛn.


Ɛnyànmàn nvà kɩ zɛtɛn ɛgbàn nvà cüɛn; tɛ́n ɛyri léyi ɛgbàn cüɛn nɔn, Ɔwɔ-boafɔ̀n vru sán cüɛ́n.


Nyɛ́n bɩ́ vru bɩ́ ny'edùwrú yri hɔ̀n lɔ fɛn nyɛ́n wá ɛgbàn kɔ̀hɔ̀n-hán mɛ̀n. Tɛ́n nyɛ́n bɩ́ ny'edomɛ̀n nyɛ́n ce Ɔwɔ, kè dù kɛ̀ hán anwrɔn hɔ̀n léyi dú owú-bɔ̀ mɛ̀n vru vá ɔkɔrɛ-bɔ̀ mɛ̀n, ô nyɛ́n bɩ́ ny'edùwrú mumù lɔ fɛn nyɛ́n wá ɔkɔ̀hɔ̀n léyi dú ɛnyrɔnnan-ci nɔn mɛ̀n.


Mɛ dɔ́ anwrɔnẅìemɛ̀n ankà ɔmu lɔ, ɔmuhi ɛjɛ̀ dú ny'edùci nɔn. Ɛnkrubɔmɛ̀n lɔ, nyɛ́n dú nyɛ́n mumù lɔ fɛn anwɔ̀n-bɔ̀, kɩ nyɛ́n dú ɛnbrá mán eci-gbàngbàn hɔ̀n léyi kɛ tán nyɛ̀n ezì kɛ̀n Ɔwɔ tɛ̀sɛ̀n nɔn y'eci-bɩtan-kɔ̀hɔ́n mɛ̀n; ɔmu zri lɔ, zɛtɛ̀ lɔ, ke ji le nyɛ́n mumù lɔ fɛn nyɛ́n srɔ anwɔ̀n-bɔ̀, ô nyɛ́n dú ɛnyrɔnnan ci-bɩtan-kɔ̀hɔ́n mɛ̀n, ô nyɛ́n ẅɛn ɛwúvà prɔnprɔn.


Zɛtɛn zɛtɛ̀ lɔ, ecitan de nyɛ́n cɔ́ ny'anvɛvrà ci-gbàngbàn hɔ̀n lɔ hán mɛ̀n nɛ́n? Eci-hán-ci ndɔ hɔ̀n lɔ ke sɩ́ owúemɛ̀n!


Ɔmuhi ɛgbàn wɔ̀ɛn-dì dú owù nɔn; tɛ́n ecice-ci léyi Ɔwɔ kɛ tán ankora nɔn, dú ɛwúvà léyi ke sɩ́ trɔa, hɩ dú bɔ́ mán Zhezü Krisì bɔ́ Ɛẅɛnwrɔn mɛhi b'ɔbɔ̀sɔ̀ lɔ mɛ̀n nɔn.


Tɛ́n mɛ cɔ́ m'ɛnbɔrɛ lɔ mɛ̀n, ɛnyànmàn nyantɛn tɔ̀n kɛ kɔ́n ɛnvrapkà tɛn léyi m'ankà-nyrì ke bɩ nɔn, anhà. Nɛ hán mɛ̀n mɛ srɔ ɛgbàn nyànmàn léyi dú mɛ̀n ɛmɛ̀n nɔn, n'ɔwɔ̀n-wrɔn.


Owù cɔ́ ɛkɔrɛ̀srɔn ɛgbàn tamɛ̀n kɛ̀ hán owri-kɔ̀hɔ̀n, kɩ ɛgbàn mán cɔ́ ɛkɔrɛ̀srɔn ɛnyànmàn tamɛ̀n.


Annanwɔrɛ mɛ̀n lɔ, bɔ̀ dú anwrɔnẅì, tɛ́n bɔ́ sɩ́ kɔ́n anhà kɛ hán anwrɔnẅì hɔ́ kɩ.


Tɛ́n, anwrɔn hɔ̀n léyi kɛ ẅɛn ɛnyànmàn-wá nɔn, yɔ cɔ́ ɛẅìɛ̀-dà tɔ̀n. Annanwɔrɛ mɛ̀n lɔ, Owrú Prɔnprɔn kɛ dɔ̀ le: “Ɔwrɔn léyi ɛnvra lɔ fɛn ke sɩ́ ẅɛn eci lɔ fɛn léyi ye merɛ́n dú ɛnyànmàn wrú lɔ mɛ̀n kɛ hɛ́n hán nɔn, ɛẅìɛ̀-dà dú nɛ tɛn.”


Anwrɔn hɔ̀n léyi dú Zhezü Krisì tɛn nɔn, yɔ hán yɔ mumù y'ɛwúvà ankà-tro mán y'ɛci-gbangbàn-hán lɔ fɛn wú Zhezü gban-hán-tɛ̀ wú.


Kè bru nyɛ̀n eci léyi dú nyɛ̀n ɛnbiɛhɛ́n vra lɔ nɔn! Ebîemɛ̀n lɔ nyɛ́n sɩ̀ dù Zhüifɛ̀n-bɔ̀; Zhüifɛ̀n-bɔ̀ ke bú nyɛ̀n kɛ hán anwrɔn hɔ̀n léyi kè sɩ̀ nyrì Ɔwɔ, ɔmuhi ye sɩ̀ wi nyɛ̀n wúcɔ̀-dòmɛ̀n, kɩ zɛtɛn yɔ bi y'edomɛ̀n Ɔwɔ-ẅì hɔ̀n, ɔmuhi ye wi yɔ wúcɔ̀-domɛ̀n edùwrú-ẅia mɛ̀n nɔn.


Bɔ́ lɔ fɛn bɔ́ gó dù hán yɔ hɔ́, bɔ́ hán eci léyi bɔ́ edùwru mán bɔ́ ɛnhɛ́n ke ji nɔn. Ɔmu lɔ de, ɔwrɔnẅì dù léyi bɔ́ dù nɔn, hɩ le kruhú de yɛ wá bɔ̀ Ɔwɔ mrɛ̀ncì lɔ mɛ̀n hán anwrɔn ndɔ hɔ̀n lɔ hɔ́.


Nyɛ́n hán ɛci hɔ̀n lɔ fɛn léyi dú ɛnhibù wú ci nɔn, kè wú ny'ɛmɛ̀n: ɛwúvà gbàngbàn, ɛnbrámɛ̀n-ci, afùyà hɔ̀n, ankà-tro gbàngbàn mán kɔ̀tɛ (ɔmuhi kɔ̀tɛ dú antɛ̀-buri-sɛ̀n) nɔn.


Ɔmuhi bɔ́ mán, ɛnkrubɔmɛ̀n lɔ bɔ̀ dú ɔbɔ̀rɛsà-bɔ̀, bɔ́ sɩ́ die ankà nukùɛ, kɩ bɔ̀ dú ɛzɛ́n mɛ̀n nɔn. Bɔ́ gɔ̀ dú ankà-tro mɛ̀ntɛ mɛ̀ntɛ mán pɔpüɛ̀-brà wɔ̀n-bɔ̀; bɔ̀ ẅɛn anbɔrɛ wúvà kɩ ɔwrɔn ci kɛ cüɛn bɔ̀ ɛvɛ̀; bɔ́ hán ye gbri bɔ̀ kɩ yɔ mán bɔ́ gbri bɔ́ edòmɛ̀n.


zɛtɛn, ankà-tro gbàngbàn lɔ ke sɩ́ ɛmɛ̀ntɛ̀, kɩ ke bî ɛgbàn; kɩ ɛnvra léyi ɛgbàn kɛ sɔ́ anvrɛnvrɛn nɔn, nɛ́n mán ne bî owù.


Tɛyri de ecüìwrɔn mán ɛdrɛ̀ hɔ̀n lɔ ke dù kɛ vá cɔ́ nyɛ̀n nɛ́n? Yɔ dú ny'afùya hɔ̀n léyi kɛ kɔ́n anhà ɛnvra lɔ fɛn ny'ɛnbɔrɛ lɔ mɛ̀n nɔn.


Ɔwrɔn totɔtɔ̀n léyi kɛ hán ɛgbàn nɔn, nɛ́n sɩ́ hán Ɔwɔ nyànmàn kɔrɛ̀zì-ci, ɔmuhi ɛgbàn dú ɛnyanmàn zì-kɛ́n-ci nɔn.


Lean sinn:

Sanasan


Sanasan