Rɔmɛ̀n-anmàn-bɔ̀ 7:4 - Ɛmɛẅi ankà ankrànkràn 2003

⁴ Hɩ zri lɔ de dú tán nyɛ́n mán nɔn, anwrɔn-nɛ́n-muan-ẅì hɔ̀n. Nyɛ́n cɔhɔ́ ɛnyànmàn wú, ɛnvra léyi nyɛ́n mán Krisì dùwrú mɛhi nyɛ́n dú ɔbɔ̀sɔ̀ mɛ̀n nɔn. Ɔmu lɔ, de zɛtɛ̀ lɔ, nyɛ́n dú ɔwrɔn tɔ̀n tɛn, ɔwrɔn léyi dú owú-bɔ̀ mɛ̀n vru vá ɔkɔrɛ-bɔ̀ mɛ̀n, ô bɔ̀ hán eci léyi kɛ cüɛn Ɔwɔ ɛvɛ̀ nɔn.

Rɔmɛ̀n-anmàn-bɔ̀ 7:4 Iomraidhean Croise

Matie 26:26

Ɛci-zîemɛ̀n lɔ, Zhezü bɩ́ abùtùkumɛ́n kɩ ɛnvra léyi nɛ̀n tán Ɔwɔ ɔkùɛn trɔ nɔn, nɛ̀n voyan abùtùkumɛ́n lɔ kɩ nɛ̀n tán n'ɛsɛ̀nkɛn-bɔ̀; nɛ dɔ́ yɔ le: “Nyɛ́n bɩ nyɛ́n rá, ndɔ lɔ dú m'edùwrú.”

Markɛ̀n 4:20

Ɔtrɔmɛ̀n lɔ anwrɔn ndɔ hɔ̀n kɛ cɔ́ ɛci-ẅì lɔ ɛnhi ankrànkràn mɛ̀n: yɔ yá ankà-dɔ̀ lɔ, kɩ yɔ bɩ́ nɛ̀n kɩ ne shi ɛẅì, ndɔ hɔ̀n ɛẅia-ɛvà, ɛnjanbɔ̀ ɛkoẅi-anhɔ̀n, kɩ ɛnyàntɛn hɔ̀n ɛkoẅi-ɛnrì.”

Zhan 15:8

Nyàn ɔmu le Dade ci-zrɔ lɔ ke yé n'edòmɛ̀n nɔn: ɛnvra léyi nye shi ɛẅì bobrebe kɩ nye yé le nyɛ́n dú m'ɛsɛnkɛn-bɔ̀ nɔn.

Zhan 3:29

Ɛnnyɔnwrɔn-nɛ́n-cüì lɔ, nɛ́n de eyri-hi lɔ dú nɛ tɛn nɔn; tɛ́n ɛnnyɔnwrɔn-nɛ́n-cüì nɛ́n nyran anvrɛn kɛ nyɔn nɛ̀n ɛtɛ̀sɛ̀n kɩ ke die nɛ̀n nukùɛ, kɩ ke dú pɔpüɛ̀-brá mɛ̀n ɛnvra léyi nɛ yá ɛnnyɔnwrɔn-nɛ́n-cüì sùva lɔ nɔn. Pɔpüɛ̀-brà ndɔ lɔ dú mɛ tɛn, kɩ zɛtɛ̀ lɔ nɛ̀n sá nmùɛn.

Zhan 6:51

Mɛ̀n dú ɛci-zî kɔrɛkɔrɛ léyi dú anhobɩ́ kakɛ nɔn. Ke dú kɛ, ɔwrɔn ke zî ɛci ndɔ lɔ, ne le dú ɔkɔrɛ mɛ̀n ɛnvra lɔ fɛn. Ɛci-zî léyi mɛ lɛ tán nɔn dú m'edùwrú; mɛ tán ɛci-zî ndɔ lɔ hô, ɛnhibù ke dú ɔkɔrɛ mɛ̀n.”

Rɔmɛ̀n-anmàn-bɔ̀ 6:11

Ɔmu zri lɔ, nyɛ́n mán, nyɛ́n tro le nyɛ́n wú ɛgbàn kruhú kɩ nyɛ́n dú Ɔwɔ tɛn ɔkɔrɛ-bɔ̀ mɛ̀n, nyɛ́n mán Krisì mɛhi ny'ɔbɔ̀sɔ̀ lɔ mɛ̀n.

Rɔmɛ̀n-anmàn-bɔ̀ 6:14

Annanwɔrɛmɛ̀n lɔ, ɛgbàn ke sɩ̀ vru ẅɛn ɛkɔrɛ̀-srɔn ny'ɛwú, ɔmuhi nyɛ́n sɩ̀ dù ɛnyànmàn kɔrɛ̀-levri wú, tɛ́n nyɛ́n dú Ɔwɔ-boafɔ̀n mɛ̀n nɔn.

Rɔmɛ̀n-anmàn-bɔ̀ 6:2

Annanwɔrɛ mɛ̀n lɔ kè sɩ̀ dù ɔmu lɔ! Bɔ̀ dú owú-bɔ̀ ɛgbàn mɛ̀n: anwɔntan de bɔ́ lɛ hán bɔ̀ vru bɔ́ dú ɛgbàn-wúvà mɛ̀n nɛ́n?

Rɔmɛ̀n-anmàn-bɔ̀ 6:22

Tɛ́n zɛtɛ̀ lɔ nyɛ́n dú ɛgbàn mɛ̀n nyɛ́n kàkɛ kɩ nyɛ́n dú Ɔwɔ ci-bɩtan-kɔ̀hɔ̀n-hán mɛ̀n; nyɛ́n vɔ̀nshɛ́ dú ɛnyrɔn léyi ke sɩ́ nyɛ̀n ɛwúvà prɔnprɔn mɛ̀n, kɩ ɔtrɔmɛ̀n lɔ, nyɛ cɔ́ ɛwúvà léyi ke sɩ́ trɔa nɔn.

Rɔmɛ̀n-anmàn-bɔ̀ 7:3

Ke dú kɛ ɛnnyɔnwrɔn lɔ kɛ srɔ ɛncɔnwrɔn nyàntɛn hi ɛnvra léyi nɛ́n cüì dú ɔkɔrɛ-bɔ̀ mɛ̀n nɔn, ɛnnyɔnwrɔn ndɔ lɔ kɛ hán ɛncɔnwrɔn-bi-gbàn; tɛ́n ke dú kɛ nɛ́n cüì ke wù, nɛ srɔ ɛnnyɔnwrɔn kora ɛnyànmàn zìwú, kɩ ne le dú ɛncɔnwrɔn nyàntɛn hi, nɛ́n sɩ̀ vru dú ɛncɔnwrɔn-bi-gbàn-hán mɛ̀n.

Rɔmɛ̀n-anmàn-bɔ̀ 7:6

Tɛ́n zɛtɛ̀ lɔ, bɔ̀ sɩ̀ vrù dù ɛnyànmàn kɔrɛ̀-levri wúɛ, ɔmuhi bɔ̀ wú eci léyi kɛ ẅɛn bɔ̀ hɛ́n ɛgbàn tamɛ̀n nɔn, n'ɛmɛ̀n. Ɛkɔrɛ̀levri dù bɔ́ lɛ hán Ɔwɔ ci-bɩtan-kɔ̀hɔ̀n eci-hán wrù mɛ̀n, Ɛnhɛ́n Prɔnprɔn kɔrɛ̀levriemɛ̀n, kɩ kè sɩ̀ vrù dù eci-hán gbànvri ndɔ léyi ɛnyànmàn merɛ́n nɔn n'ɛkɔrɛ̀levri mɛ̀n.

Rɔmɛ̀n-anmàn-bɔ̀ 8:2

Ɔmuhi Ɛnhɛ́n Prɔnprɔn nyànmàn léyi kɛ tán ɛwúvà-kɔrɛ̀ Zhezü Krisì bɩmɛ̀n nɔn, bɩ́ mɛ́n sɔhɔ́ ɛgbàn nyànmàn mán owù tamɛ̀n.

1 Korɛntɛ̀n anmàn-bɔ̀ 10:16

Ɛci-zî prɔnprɔn grashɛ̀n léyi n'ɛkruhú bɔ́ tán Ɔwɔ ɔkùɛn nɔn, nyɛ́n tro n'ankà: ɛnvra léyi bɔ́ mi nɛ̀n nɔn, nɛ́n sɩ́ bɔsɔ bɔ̀, bɔ́ mán Krisì krɛ̀ mɛhi hɛ? Kɩ abùtùkumɛ́n léyi bɔ́ vɔ̀n: ɛnvra léyi bɔ́ rá nɛ̀n nɔn, nɛ́n sɩ́ bɔsɔ bɔ̀, bɔ́ mán Krisì dùwrú lɔ mɛhi hɛ?

2 Korɛntɛ̀n anmàn-bɔ̀ 11:2

Mɛ kɔ́n ecüì-hi ny'ɛwú ecüì-hi-kɔ̀n tɔ̀n léyi dú Ɔwɔ yri nvà nɔn: mɛ̀n wá nyɛ̀n eyiri-mùan ɛncɔnwrɔn zri yri, Krisì, kɩ me ji mɛ̀n bɩ́ nyɛ̀n mɛ̀n yé nɛ̀n kɛ hán ɛnnyrɔnẅì tɔ̀n léyi nfì, kè sɩ̀ nyrì ɛncɔnwrɔn ankà nɔn.

Galasi anmàn-bɔ̀ 3:13

Hɩ le Krisì srɔ ɛẅìɛ̀-dá-ci bɔ́ kruhú nɔn, nɛ̀n mrɛ́n bɔ̀ ɛnyànmàn ẅìɛ̀-dá lɔ mɛ̀n nɛ̀n sɔhɔ́. Owrú Prɔnprɔn kɛ dɔ́ annanwɔrɛ mɛ̀n le: “Ɛẅìɛ̀-dà dú ɔwrɔn totɔtɔn léyi yɛ wá ɛhɛ́ ɔbɔ̀n ɛtɛ̀ domɛ̀n nɔn.”

Galasi anmàn-bɔ̀ 5:18

Tɛ́n ke dú kɛ Ɛnhɛ́n Prɔnprɔn kɛ nyrɔn nyɛ̀n hô, zɛtɛn nyɛ́n sɩ̀ vrù dù ɛnyànmàn kɔrɛ̀-levri wúɛ.

Efɛzɛ̀n anmàn-bɔ̀ 2:15

Nɛ̀n jrɛ́ Zhüifɛ̀n-bɔ̀ nyànmàn mán yɔ eci-hán-ci hɔ̀n, ô nɛ̀n hán ɔwrɔnwrɔn mán yɔ nyran hɔ̀n kɛ̀ srɔ fɛcüè wrù zri, nɛ́n mán yɔ mɛhi y'ɔbɔ̀sɔ̀ lɔ mɛ̀n; ɔmu lɔ de nɛ̀n wá anwɔwɔ nɔn.

Filipɛ̀n anmàn-bɔ̀ 1:11

Nye le di ɛnnɛ̀ncüì ny'ɛnyrɔnnan ci-hán mɛ̀n Zhezü Krisì kɔrɛ̀levriemɛ̀n, ke le dú Ɔwɔ ci-zrɔ mán n'ɛmrɛ́n mɛ̀n.

Filipɛ̀n anmàn-bɔ̀ 4:17

Kè sɩ̀ dù hɩ le me ji mɛ̀n cɔ́ ɛkɔrɛ̀-wá; tɛ́n mɛ cüɛn ɔmu le, vɔ̀nshɛ́ kè dú ny'eci-hán lɔ mɛ̀n.

Kɔlɔsèn anmàn-bɔ̀ 1:10

Ɔmu lɔ de, nyɛ lɛ nyrɔn ny'edomɛ̀n kɛ̀ cüɛn Ɛẅɛnwrɔn ɛvɛ̀, ɛnvra lɔ fɛn eci-hán léyi nɛ cüɛ̀n nɔn mɛ̀n. Nyɛ lɛ hán eci ankrankran mɛ̀ntɛ mɛ̀ntɛ, kɩ nyɛ lɛ hɔ́n ezì Ɔwɔ nyriemɛ̀n.

Kɔlɔsèn anmàn-bɔ̀ 1:22

Tɛ́n zɛtɛ̀ lɔ, owù léyi n'Ɛnẅì cɔ́ n'edùwrú-ẅia mɛ̀n nɔn, hɩ mɛ̀n de Ɔwɔ wɔ́ nyɛ́n mán nɛ́n mɛhi angranmɛ̀n, ô nɛ̀n hán nyɛ̀n, nyɛ́n srɔ n'ezìwú prɔnprɔn mɛ̀n, ɛfifiemɛ̀n, ye bɩ́ cɔ́ ankà-gbàn zriɛmɛ́n ny'ɛwú.

Kɔlɔsèn anmàn-bɔ̀ 1:6

Ɛmɛẅi ankà Ankrànkràn lɔ ke bonyì kɩ ke shi ɛẅì ɛnhi mumù lɔ fɛn wú, hán ɔmu le nɛ̀n hán ny'ɛmɛ̀n, bukru kpàkpà bì léyi nyɛ́n yá yɛ dɔ́ Ɔwɔ boafɔ̀n ankà, hɩ nyɛ́n cɔ̀ nyɛ́n nyri annanwɔrɛ mɛ̀n eci léyi dú nɛ̀n nɔn.

Kɔlɔsèn anmàn-bɔ̀ 2:14

Nɛ̀n jrɛ́ ɛwrú ankà-dɔ̀ lɔ fɛn léyi kɛ bó bɔ̀ nwù hɩ kè sɩ̀ dù eci ankrànkràn kɛ̀ tán bɔ̀ nɔn: nɛ̀n jrɛ́ ɛwrú ankà-dɔ̀ ndɔ lɔ ɛgbàn-hán-tɛ̀ wú.

Kɔlɔsèn anmàn-bɔ̀ 2:20

Nyɛ́n mán Krisì mɛhi nyɛ́n wù, kɩ yɛ mrɛ́n nyɛ̀n ɛnhibù wú anhɛ́n hɔ̀n cüì tamɛ̀n yɛ sɔhɔ́. Zɛtɛn, cɛci kruhú kɛ ny'ɛwúvà ke dù kɛ hán le nyɛ́n dú ɛnhibù ndɔ lɔ n'ɛkɔrɛ̀levri wú, kɩ nye shrì yɛ wá ɛnyànmàn ɔmu lɔ yɛ tán nyɛ̀n:

Ebre-bɔ̀ 10:10

Zhezü Krisì hán Ɔwɔ kɔrɛ̀zì-ci; nɛ̀n bɩ́ nɛ́n dùku n'edomɛ̀n nɛ̀n ce ɛdɛ̀n zri brɛzri, kɩ ɔmu lɔ de ye jru bɔ̀ ɛgbàn edomɛ̀n yɛ sɔhɔ́ nɔn.

1 Piɛrɛ̀n 2:24

Nɛ́n dùku n'edùwru ẅia lɔ mɛ̀n, nɛ̀n bɩ́ bɔ́ ɛgbàn hɔ̀n lɔ ɛgbàn-hán-tɛ̀ wú, ô bɔ̀ wú ɛgbàn mɛ̀n, ô bɔ̀ cɔ́ ɛnyrɔnnan wúvà. N'ecifɔn hɔ̀n lɔ mɛ̀n de nyɛ́n cɔ́ ɔkɔrɛ̀ nɔn.

Ɔwɔ-mɛ̀n-yrikàn 19:7

Pɔpüɛ̀ kɛ̀ brá bɔ̀, ô bɔ̀ dú ɛnbɔrɛbruemɛ̀n, bɔ̀ tán nɛ̀n eci-zrɔ! Ɔmuhi Ɔwɔ Kɔ̀kɔ̀sɛ̀-ẅì yiri-koran-ci-zî vrá cɔ̀a, kɩ nɛ́n hi krɔn kpehɛ́n.

Ɔwɔ-mɛ̀n-yrikàn 21:9

Ɔwɔ-kùyüre-bɔ̀ ɔbɔ̀ɛn hɔ̀n léyi ɛmɛẅitrɔ gbán-hán-ci yɩ́ grashɛ̀n ɔbɔ̀ɛn dú antamɛ̀n nɔn, ɔtɔ̀n nvà kɛ dɔ́ mɛ̀n le: “Và kɩ me le yé mɛ́n eyiri-hi lɔ, Ɔwɔ Kɔ̀kɔ̀sɛ̀-ẅì hi lɔ.”