12 Ɔmu lɔ de, ɛnyànmàn dùku mán dú prɔnprɔn, nyrɔn kɩ zrɔ.
Ɛnhibù wú dùci hɔ̀n lɔ ke bɩ́ dú ny'eci-hán-ci, tɛ́n nyɛ́n teze Ɔwɔ kɛ crɔn nyɛ̀n, ô kɛ̀ tán nyɛ̀n ɛnkruemɛ̀n-wɛ̀n wrù. Zɛtɛn nyɛ lɛ cɔ̀ nyɛ́n nyri eci léyi Ɔwɔ ke ji nɔn: eci léyi zrɔ, eci léyi dú n'ɛvɛ̀-cüɛn-ci mán eci léyi fì nɔn.
Kɛ̂ ndɔ lɔ, n'ɛmɛ̀n kɛ dɔ̀ le ankaẅì-bùtan-ẅɛ̀n lɔ kɛ hán bɔ́ srɔ ɛnyànmàn eci woro hɛ́? Hɔ̂, tɛ́n bɔ́ tán nɛ̀n, nɛ́n vɔ̀nshɛ́ annanwɔrɛ lɔ.
Bɔ́ nyri ɔmu le ɛnyànmàn dú ɛnhɛ́n mɛ̀n ci; tɛ́n mɛ̀n, mɛ̀n dú ɛjɛ-wrɔn léyi yɛ hɛ́ ɛgbàn tamɛ̀n, hán ɔwɔ̀n-wrɔn hɔ́ nɔn.
Annanwɔrɛ mɛ̀n lɔ, ke dú kɛ mɛ hán eci léyi mɛ́n sɩ́ cüɛn hán nɔn, hɩ wú lɔ, me nyri ɔmu le ɛnyànmàn zrɔ.
Bɔ́ nyri ɔmu le ɛnyanmàn zrɔ, ke dú kɛ yɛ hán n'ɛkɔrɛ̀-zì-ci.