Rɔmɛ̀n-anmàn-bɔ̀ 6:4 - Ɛmɛẅi ankà ankrànkràn 2003

⁴ Zɛtɛn ɛnshikru-wá mɛ̀n de yɛ wá bɔ̀ ezhe nànmàn mɛ̀n, nɛ́n mán bɔ́ mɛhi, ô bɔ́ bru n'owù lɔ mɛ̀n, ô ɔmu zri léyi Ɔwɔ zi ci-zrɔ kɔrɛ̀-srɔ̀n lɔ mɛ̀n, Krisì dú owú-bɔ̀ mɛ̀n vá ɔkɔrɛ-bɔ̀ mɛ̀n nɔn, bɔ́ mán bɔ́ dú ɛwúvà wrù mɛ̀n.

Rɔmɛ̀n-anmàn-bɔ̀ 6:4 Iomraidhean Croise

Zhan 11:40

Zhezü mrɛ́n nɛ̀n ɔmùan le: “Mɛ̀n sɩ̀ dɔ̀ mɛ́n le, ke dú kɛ e bútan ankaẅì hô, ɛ lɛ kán Ɔwɔ ci-zrɔ lɔa?”

Zhan 2:11

Nyàn ɔmu lɔ de Zhezü hán nɛ́n kpàkpà anvɛmɛ̀n-frɛ́n-ci, Kana anmàn, Galile kpɔsɔ wú; nɛ̀n yé n'ecizrɔ, kɩ n'ɛsɛnkɛn-bɔ̀ bú n'ankà lɔ tán ankaẅì.

Ɔkɔ̀hɔ̀n-wá-bɔ̀ kɔ̀hɔ̀n hán 2:24

Tɛ́n Ɔwɔ frɔ́ nɛ̀n, mrɛ́n nɛ̀n sɔhɔ́ owù gbànkan mɛ̀n, ɔmuhi ke sɩ̀ wá tán le owù kɛ̀ ẅɛn nɛ̀n kɛ̀ hɛ́n n'ɛkɔrɛ̀srɔn lɔ mɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:32

Zhezü ndɔ léyi mɛ dɔ́ n'ankà nɔn, Ɔwɔ frɔ́ nɛ̀n kɩ bɔ́ lɔ fɛn bɔ́ dú nɛ́n dalɛfuɛ-di-bɔ̀.

Rɔmɛ̀n-anmàn-bɔ̀ 6:19

Mɛ dɔ́ anwrɔnẅìemɛ̀n ankà ɔmu lɔ, ɔmuhi ɛjɛ̀ dú ny'edùci nɔn. Ɛnkrubɔmɛ̀n lɔ, nyɛ́n dú nyɛ́n mumù lɔ fɛn anwɔ̀n-bɔ̀, kɩ nyɛ́n dú ɛnbrá mán eci-gbàngbàn hɔ̀n léyi kɛ tán nyɛ̀n ezì kɛ̀n Ɔwɔ tɛ̀sɛ̀n nɔn y'eci-bɩtan-kɔ̀hɔ́n mɛ̀n; ɔmu zri lɔ, zɛtɛ̀ lɔ, ke ji le nyɛ́n mumù lɔ fɛn nyɛ́n srɔ anwɔ̀n-bɔ̀, ô nyɛ́n dú ɛnyrɔnnan ci-bɩtan-kɔ̀hɔ́n mɛ̀n, ô nyɛ́n ẅɛn ɛwúvà prɔnprɔn.

Rɔmɛ̀n-anmàn-bɔ̀ 6:3

Nyɛ́n sɩ̀ nyrì ɔmu le bɔ́ lɔ fɛn léyi yɛ wá bɔ̀ ɛnshi ɛnkru, ô bɔ́ mán Zhezü Krisì mɛhi bɔ́ dú eci zri, kɩ bɔ́ ɛnshikru-wá lɔ hán bɔ̀ bɔ́ bru n'owù lɔ mɛ̀n hàn?

Rɔmɛ̀n-anmàn-bɔ̀ 6:8

Ke dú kɛ bɔ́ mán krisì mɛhi bɔ́ wù hô, bɔ̀ ẅɛn esɛ́ le, bɔ́ mán nɛ́n mɛhi bɔ́ lɛ kɔrɛ̀ bɔ́ le dù.

Rɔmɛ̀n-anmàn-bɔ̀ 6:9

Bɔ́ nyri annanwɔrɛ mɛ̀n le, ɛnvra sheshe léyi Krisì dú owú-bɔ̀ mɛ̀n vru vá ɔkɔrɛ-bɔ̀ mɛ̀n nɔn, nɛ́n sɩ̀ vru wùɛ: owù kè sɩ̀ vrù ẅɛ̀n ɛkɔrɛ̀-srɔn zriɛmɛ́n n'ɛwúɛ.

Rɔmɛ̀n-anmàn-bɔ̀ 7:6

Tɛ́n zɛtɛ̀ lɔ, bɔ̀ sɩ̀ vrù dù ɛnyànmàn kɔrɛ̀-levri wúɛ, ɔmuhi bɔ̀ wú eci léyi kɛ ẅɛn bɔ̀ hɛ́n ɛgbàn tamɛ̀n nɔn, n'ɛmɛ̀n. Ɛkɔrɛ̀levri dù bɔ́ lɛ hán Ɔwɔ ci-bɩtan-kɔ̀hɔ̀n eci-hán wrù mɛ̀n, Ɛnhɛ́n Prɔnprɔn kɔrɛ̀levriemɛ̀n, kɩ kè sɩ̀ vrù dù eci-hán gbànvri ndɔ léyi ɛnyànmàn merɛ́n nɔn n'ɛkɔrɛ̀levri mɛ̀n.

Rɔmɛ̀n-anmàn-bɔ̀ 8:11

Ke dú kɛ Ɔwrɔn léyi bɩ́ Zhezü owú-bɔ̀ mɛ̀n sɩ́ ɔkɔrɛ-bɔ̀ mɛ̀n nɔn, n'Ɛnhɛ́n lɔ dú nyɛ̀n ɛmɛ̀n hô, zɛtɛn Ɔwɔ léyi bɩ́ Krisì owú-bɔ̀ mɛ̀n sɩ́ ɔkɔrɛ-bɔ̀ mɛ̀n nɔn, kɛ lɛ tán ny'owú-dùwrú hɔ̀n lɔ ɛwúvà-kɔrɛ̀ n'Ɛnhɛ́n léyi dú nyɛ̀n ɛmɛ̀n nɔn n'ebɩmɛ̀n.

1 Korɛntɛ̀n anmàn-bɔ̀ 6:14

Ɔwɔ sɩ́ Ɛẅɛnwrɔn ɔkɔrɛ-bɔ̀ mɛ̀n kɩ ne le sɩ́ bɔ̀ ɔkɔrɛ-bɔ̀ mɛ̀n n'ɛkɔrɛ̀-srɔn lɔ mɛ̀n.

2 Korɛntɛ̀n anmàn-bɔ̀ 13:4

Annanwɔrɛ mɛ̀n lɔ, ɛnvra léyi yɛ gɔ́n nɛ̀n brɛ́ ɛgbàn-hán-tɛ̀ tɔ̀n wú nɔn, nɛ̀n dú ɛjɛ mɛ̀n, tɛ́n zɛtɛ̀ lɔ nɛ̀n dú ɛkɔrɛ mɛ̀n Ɔwɔ kɔrɛ̀-srɔn mɛ̀n. Bɔ́ mán bɔ̀ dú ɛjɛ mɛ̀n bɔ́ mán Krisi mɛhi b'ɔbɔ̀sɔ̀ lɔ mɛ̀n; tɛ́n, bɔ́ le yé tán le, bɔ́ mán nɛ́n mɛhi bɔ̀ dú ɛkɔrɛ mɛ̀n Ɔwɔ kɔrɛ̀-srɔn mɛ̀n.

2 Korɛntɛ̀n anmàn-bɔ̀ 5:17

Ɛnvra léyi ɔwrɔn tɔ̀n ke dú Krisì bɔ̀sɔ̀ lɔ mɛ̀n, ne dú ɔwrɔn wrù: eci gbànvri lɔ kɛ zrɛ́n, eci wrù lɔ ke dù.

Efɛzɛ̀n anmàn-bɔ̀ 4:17

Nyàn eci léyi mɛ sán nyɛ̀n ɛshishiemɛ̀n Ɛẅɛnwrɔn bɩmɛ̀n nɔn: nyɛ́n bɩ́ hán eci kɛ cá anwrɔn hɔ̀n léyi kè sɩ̀ nyrì Ɔwɔ, hɩ y'ankà-tro ke sɩ́ ezrɛ́nmɛ̀n nɔn.

Efɛzɛ̀n anmàn-bɔ̀ 5:8

Ɛnbiɛhɛ́n lɔ nyɛ́n dú ɛyri-yɔwɔ mɛ̀n; tɛ́n zɛtɛ̀ lɔ, nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n, nyɛ́n dú ɛyri-kán mɛ̀n. Hɩ le kruhú de ke ji le, nyɛ́n nán esù kɛ̀ hán anwrɔn hɔ̀n léyi dú ɛyri-kán kɔrɛ̀-levri wú,

Kɔlɔsèn anmàn-bɔ̀ 3:10

kɩ nyɛ́n bɩ́ edù-ci wrù nyɛ́n ẅɛn edomɛ̀n: nyɛ́n dú ɛci wrù hɔ̀n léyi Ɔwɔ, bɔ́ ɛnhibù-hán-wrɔn, kɛ crɔn ɛnvra lɔ fɛn nɛ́n picɛ̀ mɛ̀n, ô nyɛ́n nyri nɛ̀n kokroho nɔn.

Kɔlɔsèn anmàn-bɔ̀ 4:1

Ankà-yé-bɔ̀ nyɛ́n ẅɛn ny'anwɔ̀n-bɔ̀ anvrɛnvrɛn mɛ̀n mán ɛnyrɔnnan mɛ̀n. Kè bru nyɛ̀n le, nyɛ́n mán nyɛ́n ẅɛn Ankà-yé-wrɔn tɔ̀n dú anhobɩ́.

1 Piɛrɛ̀n 3:21

Ndɔ lɔ de ke yé bɔ̀ ɛnshi-kruwá picɛ̀ léyi kɛ tán bɔ̀ ebɩdie zɛtɛ̀ lɔ nɔn; ɛnshi-kru-wá ndɔ lɔ, kè sɩ̀ dù eci léyi ke jru bɔ̀ ɛnbrá edomɛ̀n nɔn, tɛ́n kɛ sán Ɔwɔ wàwúyɛ fifi. Ne bɩ́ bɔ̀ die Zhezü Krisì owúemɛ̀n-dùfrɔ́ lɔ n'ɛnboafɔ̀n mɛ̀n,

1 Zhan 2:6

ɔwrɔn léyi kɛ dɔ̀ le, nɛ́n mán Ɔwɔ mɛhi ye dú eci zri nɔn, ke ji le nɛ̀n ẅɛn ɛwúvà kɛ̀ hán Zhezü hɔ́.